Фармацевтические продукты (Грузия - Тендер #62638461)

შესყიდვის ობიექტს წარმოადგენს სპეციალურ კონტროლს დაქვემდებარებული მედიკამენტები 1,2 პუნქტით განსაზღვრულის შესაბამისად (ფასების ცხრილი - დანართი N1).

შესყიდვის ობიექტის დასახელება, ტექნიკური მახასიათებლები და შესასყიდი რაოდენობები:
1. Diazepam 5მგ რაოდენობა - 1120 ტაბლეტი;
2. Midazolam 15მგ / 3მლ რაოდენობა - 5600 ამპულა;
3. Clonazepam 2 მგ რაოდენობა - 540 ტაბლეტი;
4. Ketamine Hydrochloride 50მგ /მლ 2მლ რაოდენობა - 550 ამპულა.


შენიშვნა:
1. შესყიდვის ობიექტი უნდა იყოს რეგისტრირებული და ნებადართული საქართველოს მოქმედი კანონმდებლობის შესაბამისად;

შესყიდვის ობიექტის მიწოდება უნდა განხორციელდეს ეტაპობრივად, შემსყიდველის მოთხოვნის შესაბამისად, მოთხოვნიდან არაუმეტეს 5 სამუშაო დღის ვადაში, არაუგვიანეს 2025 წლის 31 დეკემბრის ჩათვლით.

1.5.1. მოწოდება განხორციელდება ეტაპობრივად, კითხვარის 1.4 პუნქტით განსაზღვრულის შესაბამისად;

1.5.2. საქონელი მოწოდებული უნდა იყოს ქარხნული შეფუთვით;

1.5.3. შესასყიდი მედიკამენტების სპეციფიკის გათვალისწინებით, მიწოდების ადგილია მიმწოდებლის ლოკაცია; ფარმაცევტული პროდუქტის ტრანსპორტირებას უზრუნველყოფს შემსყიდველი, მედიკამენტის წაღება მოხდება მიმწოდებლის მისამართზე;

1.5.4. ფასების ცხრილით (დანართი 1) შემოთავაზებული ფარმაცევტული პროდუქტები, კერძოდ, სპეციალურ კონტროლს დაქვემდებარებული მედიკამენტები, არ უნდა საჭიროებდეს სპეციალურ შენახვის პირობებს (მაგ, სამაცივრე შენახვის პირობები), გარდა სეიფისა.

მოსაწოდებელ საქონელს უნდა გააჩნდეს ვარგისიანობის ვადა მოწოდების მომენტიდან არანაკლებ 6 (ექვსი) თვე.

პრეტენდენტი ვალდებულია ფასების ცხრილის (დანართი №1) შესაბამის გრაფაში მიუთითოს ინფორმაცია ვარგისიანობის ვადის შესახებ.

„მიმწოდებელი“ ვალდებულია მიწოდებული „საქონლის“ წუნდების შესახებ წერილობითი შეტყობინების მიღებიდან არაუმეტეს 5 სამუშაო დღეში განახორციელოს წუნდებული „საქონლის“ შეცვლა შემსყიდველის” მხრიდან რაიმე დამატებითი დანახარჯის გაწევის გარეშე.

პრეტენდენტმა უნდა მიუთითოს შემოთავაზებული/მოსაწოდებელი შესყიდვის ობიექტის წარმოების ქვეყნის და მწარმოებელი კომპანიის შესახებ ინფორმაცია, სატენდერო დოკუმენტაციის 1.3. პუნქტის ფასების ცხრილის მოთხოვნების შესაბამისად.

აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას, ყოველგვარი დაზუსტების პროცედურის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებელი ქვეყნის და მწარმოებელი კომპანიის დასახელების ცვლილება გამოიწვევს პრეტენდენტის დისკვალიფიკაციას.

2.7.1.1. შესყიდვის ობიექტი უნდა იყოს რეგისტრირებული და ნებადართული საქართველოს მოქმედი კანონმდებლობის შესაბამისად, რის დამადასტურებლადაც პრეტენდენტმა უნდა წარმოადგინოს შესყიდვის ობიექტის რეგისტრაციის დამადასტურებელი დოკუმენტაცია, კერძოდ, შესაბამისი ადმინისტრაციული ორგანოს ოფიციალური ვებგვერდიდან რეგისტრაციასთან დაკავშირებული ამობეჭდილი ინფორმაცია/ამონაწერი.

იმ შემთხვევაში, თუ ფასების ცხრილში (დანართი N1) აღნიშნული შესყიდვის ობიექტი საქართველოს კანონმდებლობის შესაბამისად არ საჭიროებს რეგისტრაციას, წარმოდგენილი უნდა იქნას შესაბამისი დამადასტურებელი დოკუმენტი/შეტყობინება.

2.9.1. პრეტენდენტი ვალდებულია ტექნიკური დოკუმენტაციის სახით წარმოადგინოს:

2.9.1.1. სატენდერო დოკუმენტაციის (კითხვარის) 1.3. პუნქტის შესაბამისად, ფასების ცხრილი (დანართი #1) (წარმოდგენილი ხარჯთაღრიცხვა დამოწმებული უნდა იქნას პრეტენდენტის უფლებამოსილი პირის კვალიფიციური ელექტრონული ხელმოწერით და/ან კვალიფიციური ელექტრონული შტამპით. იმ შემთხვევაში, თუ დოკუმენტაცია დამოწმებულია პრეტენდენტის მინდობილი პირის მიერ, წარმოდგენილი უნდა იქნას შესაბამისი მინდობილობა);
2.9.1.2. სატენდერო დოკუმენტაციის (კითხვარის) 2.1.1.; 1.7.1 და 1.3. პუნქტის ფასების ცხრილის მოთხოვნების შესაბამისად, ინფორმაცია შესყიდვის ობიექტის მწარმოებელი ქვეყნის და მწარმოებლის შესახებ, ვარგისიანობის ვადა და მიწოდების ადგილი (ლოკაციის მისამართი), საიდანაც შემსყიდველის მიერ მოხდება ფარმაცევტული პროდუქტების წამოღება/ტრანსპორტირება;
2.9.1.3. სატენდერო დოკუმენტაციის 2.7.1 პუნქტით გათვალისწინებული მოთხოვნების შესაბამისად, განსაზღვრული ინფორმაცია /დოკუმენტ(ებ)ი.

2.9.2. ტენდერით გათვალისწინებული მედიკამენტებზე რომლებიც ექცევა ,,ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ“ საქართველოს მთავრობის 2022 წლის 26 დეკემბრის #593 დადგენილებითა და „ფარმაცევტული პროდუქტის რეფერენტული ფასების ჩამონათვალის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2023 წლის 15 იანვრის #2/ნ ბრძანებით განსაზღვრულ ფარმაცევტული პროდუქტების ჩამონათვალში, შემოთავაზებული ფასები არ უნდა იყოს დადგენილ საქონლის დასაშვებ მაქსიმალურ ფასის ზედა ზღვარზე მეტი.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

7.2.1. ანგარიშსწორება მიმწოდებელთან განხორციელდება ფაქტიურად მიწოდებული შესყიდვის ობიექტების მიხედვით, მიმწოდებლის მიერ წარმოდგენილი მიღება-ჩაბარების აქტისა და შესაბამისი საგადასახადო დოკუმენტაციის საფუძველზე (საგადასახადო დოკუმენტაციაში დამატებით მითითებული უნდა იქნას ხელშეკრულების ნომერი);

7.2.2. ანგარიშსწორება განხორციელდება ეროვნულ ვალუტაში - ლარში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული შესყიდვის ობიექტის ღირებულების შესაბამისად;

7.2.3. ანგარიშსწორება განხორციელდება მიმწოდებლის საბანკო რეკვიზიტებზე.

7.3.1. ანგარიშსწორება განხორციელდება მიღება-ჩაბარების აქტის და საგადასახადო დოკუმენტაციის საფუძველზე, აღნიშნული დოკუმენტაციის მიმწოდებლის მიერ შემსყიდველისათვის წარდგენიდან არაუმეტეს 30 (ოცდაათი) სამუშაო დღის განმავლობაში.

შენიშვნა: შემსყიდველი ორგანიზაციის სპეციფიკური დაფინანსებიდან გამომდინარე, ვერ განხორციელდება სახელმწიფო შესყიდვების სააგენტოს რეკომენდაციის გათვალისწინება ანგარიშსწორების განხორციელების ვადებთან დაკავშირებით.

ნინო ცინცაძე, 577464525, ninocincadze02@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. საავანსო ანგარიშსწორება არ გამოიყენება;
10.1.5. სატენდერო წინადადების ფასი გამოსახული უნდა იყოს ეროვნულ ვალუტაში - ლარში;
10.1.6. პრეტენდენტმა სატენდერო წინადადების ფასი უნდა მიუთითოს კანონმდებლობით გათვალისწინებული ყველა გადასახადის ჩათვლით;
10.1.7. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.8. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.9. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.1.10. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც;
10.1.11. პრეტენდენტი ვალდებულია სატენდერო დოკუმენტაციის/კითხვარის პუნქტში მიმაგრებული დანართი წარმოადგინოს იმ ფორმით, რა ფორმითაც არის მითითებული სატენდერო დოკუმენტაციაში.
10.1.12. შესყიდვის ობიექტის რაოდენობა არის სავარაუდო და მისი შესყიდვა განხორციელდება შემსყიდველის მოთხოვნის შესაბამისად (საჭიროებისამებრ), ანუ შემსყიდველი იტოვებს უფლებას არ აითვისოს დანართი #1-ში (ფასების ცხრილი) მითითებული საქონლის რაოდენობის არაუმეტეს 30%-ისა.