Архитектурные и сопутствующие услуги (Грузия - Тендер #62374403)

შესყიდვის ობიექტია, სსიპ - დაცული ტერიტორიების სააგენტოს თბილისის ეროვნული პარკის ტერიტორიაზე მიმდინარე სამშენებლო სამუშაოებზე საზედამხედველო მომსახურების გაწევა (ინსპექტირება).

1. შესყიდვის ობიექტია სსიპ - დაცული ტერიტორიების სააგენტოს მიერ NAT230027471 ელექტრონული ტენდერის შედეგების საფუძველზე გაფორმებული ხელშეკრულების შესაბამისად თბილისის ეროვნული პარკის ტერიტორიებზე (საბადურის და ზედაზენის უბნები) საფეხმავლო ბილიკების ქსელის, თანმდევი ტურისტულ-რეკრეაციული და ადმინისტრაციული ინფრასტრუქტურის მოწყობის სამშენებლო სამუშაოებზე საზედამხედველო მომსახურების გაწევა (ინსპექტირება).

2. სამოქმედო არეალი - სსიპ დაცული ტერიტორიების სააგენტოს თბილისის ეროვნული პარკის ადმინისტრაციის ტერიტორია საბადურის და ზედაზენის უბნები.

3. საზედამხედველო კომპანიამ უნდა აწარმოოს კონკრეტულ ობიექტზე შესასრულებელი სამუშაოების ტექნიკური ზედამხედველობა საქართველოში მოქმედი ნორმატიული დოკუმენტების, აგრეთვე ტექნიკური დავალებისა და ხელშეკრულების პირობების შესაბამისად.

4. მომსახურება უნდა შეესაბამებოდეს საქართველოში მოქმედი ნორმატიული დოკუმენტებს, მსგავსი მომსახურებისათვის უკვე დადგენილ სტანდარტებს და ტექნიკურ სპეციფიკაციებს.

5. აღნიშნული წესებიდან და ნორმებიდან ნებისმიერი გადახვევის შემთხვევაში შემსყიდველი უფლებამოსილია არ მიიღოს მომსახურება ან/და მიმწოდებლის მიმართ გამოიყენოს ამ ხელშეკრულებითა და საქართველოს კანონმდებლობით გათვალისწინებული პასუხისმგებლობის ზომები.

6. საპროექტო დოკუმენტაციით ან/და წარმოდგენილი სხვა დოკუმენტაციებით (დეფექტური უწყისი და სხვა შესაბამისი დოკუმენტაციები) განსაზღვრულ სამუშაოებში განსახორციელებელი ცვლილებები აუცილებლად უნდა შეთანხმდეს სამშენებლო სამუშაოების შემსყიდველთან (სსიპ დაცული ტერიტორიების სააგენტო). შეთანხმება უნდა გაფორმდეს შესაბამისი დოკუმენტით.

მიმწოდებელი ვალდებულია:
1. ტექნიკური ზედამხედველობის დაწყება უზრუნველყოს ხელშეკრულების გაფორმებისთანავე.
2. სამუშაოების მიმდინარეობის დაწყებიდან უზრუნველყოს სამუშაოს შემსრულებელი ორგანიზაციის სრული წერილობითი ინფორმირება შესრულებული სამუშაოების აქტთან (ფორმა №2) ერთად, მისი თანმხლები დოკუმენტაციის წარმოდგენის აუცილებლობასთან დაკავშირებით.
3. უზრუნველყოს მის ზედამხედველობას დაქვემდებარებულ ობიექტზე სამუშაოების განხორციელების პროცესის სათანადო ხელშეკრულებით დადგენილ პირობებთან შესაბამისობის კონტროლი, შეუსაბამობის შემთხვევაში 2 (ორი) სამუშაო დღის განმავლობაში უზრუნველყოს შემსყიდველისათვის შესაბამისი ინფორმაციის მიწოდება, შემსყიდველთან შეთანხმებით მშენებელ ორგანიზაციას განუსაზღვროს გონივრული ვადა მათ გამოსასწორებლად.
4. წარუდგინოს პრეტენზიები მშენებელ ორგანიზაციას, ხელშეკრულების პირობების შეუსრულებლობისათვის და სამუშაოების უხარისხოდ შესრულებისათვის. საჭიროების შემთხვევაში შეაჩეროს შესაბამისი სამუშაოები და შემდგომი რეაგირებისათვის სათანადო ინფორმაცია (ხელშეკრულების პირობებისა და მოთხოვნების დარღვევების დასაბუთებული აღწერით) 2 (ორი) სამუშაო დღის განმავლობაში მიაწოდოს შემსყიდველ ორგანიზაციას.
5. უზრუნველყოს სამშენებლო სამუშაოების მოქმედ ნორმატიულ-ტექნიკურ დოკუმენტაციასთან შესაბამისობის კონტროლი და სამუშაოების მოცულობების ხარჯთაღრიცხვასთან შესაბამისობა, ასევე ინსპექტირების ანგარიშის (დასკვნა) მომზადება, რის საფუძველზეც სააგენტო გააფორმებს მიღება-ჩაბარების აქტს.
6. გასწიოს მშენებლობის კონტრაქტის ფარგლებში მიმდინარე სამუშაოების ხარისხის (რაც გულისხმობს პროექტთან და მოქმედ ნორმატიულ დოკუმენტებთან შესაბამისობას) კონტროლის ყოველდღიური ზედამხედველობა. ამასთან, მიმწოდებელი მზად უნდა იყოს საჭიროების შემთხვევაში მომსახურება გაწიოს 2 ან მეტ ობიექტზე ერთდროულად, პარალელურა რეჟიმში.
7. შესრულებული სამუშაოების აქტის (ფორმა № 2-ის) და მისი თანმხლები დოკუმენტაციის (ფარული სამუშაოების აქტები, მასალების ხარისხის დამადასტურებელი სერთიფიკატები, ლაბორატორიული კვლევის შედეგები და ა.შ.) სრულად მიღებიდან 5 (ხუთი) სამუშაო დღის ვადაში უზრუნველყოს წარმოდგენილი შესრულებული სამუშაოების აქტების დადასტურება და ინსპექტირების ანგარიშის წარდგენა, რომელიც აუცილებლად უნდა მოიცავდეს ინფორმაციას მშენებლის მიერ შესაბამისი ხელშეკრულებით ნაკისრი ვალდებულებების შეუსრულებლობის შესახებ, ასეთის არსებობის შემთხვევაში, ვადაგადაცილებული დღეების რაოდენობას და შესაბამისი პირგასამტეხლოს ოდენობას.
8. სამშენებლო კომპანიასთან ხელშეკრულების გაწყვეტის შემთხვევაში, სააგენტოს მოთხოვნის წარდგენიდან 10 (ათი) სამუშაო დღის ვადაში უზრუნველყოს შესრულებული სამუშაოების ინვენტარიზაცია და დარჩენილ სამუშაოებზე ტექნიკური დოკუმენტაციის მომზადება.
9. მშენებლობის ტექნიკური ზედამხედველობის პერიოდში, ყოველთვიურად, არაუგვიანეს თვის მე-10 კალენდარული დღისა და ასევე შემსყიდველი ორგანიზაციის მოთხოვნით, მის მიერ განსაზღვრულ გონივრულ დროში, საზედამხედველო კომპანიამ უნდა წარუდგინოს შემსყიდველს პროექტების მიმდინარეობის მოკლე ანგარიში, რომელშიც შეჯამებული იქნება ზედამხედველი გუნდის მიერ წინა თვეში შესრულებული სამუშაო, მათ შორის წარმოშობილი პრობლემები და რეკომენდებული მისაღები ზომები.

სამშენებლო სამუშაოების საზედამხედველო მომსახურეობა მოიცავს:
1. სამშენებლო ტექნოლოგიების, შესრულებული სამუშაოთა მოცულობების პროექტთან და მოქმედ ნორმატიულტექნიკურ დოკუმენტებთან, შესაბამისობის კონტროლს;
2. გამოყენებული მასალების მოცულობის, პროექტთან და ნორმატიულ-ტექნიკურ დოკუმენტებთან, შესაბამისობის კონტროლს.
3. სამუშაოთა შესრულების პროცესში შეუსაბამობებისა და დეფექტების გამოვლენას, ფოტოფიქსაციას, მათი დროულად გამოსწორების კონტროლს;
4. მშენებლის მიერ ლაბორატორიული კვლევების და გაზომვების ჩატარების კონტროლს ნორმატიულ-ტექნიკური დოკუმენტების შესაბამისად;
5. შესრულებულ სამუშაოების აქტებში (ფორმა#2) წარმოდგენილი ერთეული ფასების იდენტიფიკაცია ხარჯთარიცხვაში წარმოდგენილ შესაბამის სამუშაოების ერთეულის ფასებთან მიმართებაში.
6. დაფარულ სამუშაოთა შესრულებაზე დაკვირვებას და შესაბამისი აქტების დამოწმებას;
7. შესრულებული სამუშაოების აღრიცხვას;
8. შუალედური და საბოლოო შესრულებული სამუშაოების აქტებში (ფორმა#2) მოყვანილი სამუშაოთა მოცულობების შედარებას ხარჯთაღრიცხვასთან და ფაქტიურად შესრულებულ სამუშაოებთან და შემდგომ მათ დადასტურებას;
9. სამუშაოთა გრაფიკის შესრულების კონტროლს, რაც გულისხმობს:
9.1 სამშენებლო კომპანიის მიერ სამუშაოების დაწყების თარიღის შემსყიდველისთვის შეტყობინებას
9.2 სამშენებლო კომპანიის მიერ სამუშაოების ხელშეკრულებით განსაზღვრული მიწოდების ვადის დარღვევის შემთხვევაში, შესაბამისი ინფორმაციის მიწოდებას შემსყიდველისათვის 9.3 სამშენებლო სამუშაოების დასრულების თარიღის შეტყობინება;
10. საჭიროების შემთხვევაში პროექტში ცვლილებების შეტანის ორგანიზებასა და კონტროლს, რაც გულისხმობს პროექტში შესატანი ცვლილებების შესაბამისობის შეფასებას საქართველოში მოქმედ ნორმატიულ-ტექნიკური დოკუმენტების მოთხოვნებთან.

მომსახურების გაწევის კონკრეტული დრო განისაზღვრება ხელშეკრულების გაფორმებიდან 2025 წლის 1 დეკემბრის ჩათვლით.

სამუშაოები სრულდება თბილისის ეროვნული პარკის ადმინისტრაციის ტერიტორიაზე საბადურის და ზედაზენის უბნებზე.

1. ტენდერში მონაწილე პრეტენდენტი უნდა იყოს A ტიპის ინსპექტირების ორგანო, რომელსაც მიღებული ექნება სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ გაცემული აკრედიტაციის მოწმობა. მისი აკრედიტაციის სფერო უნდა მოიცავდეს 1. „სამრეწველო და სამოქალაქო შენობა, ნაგებობების, სამშენებლო სამუშაოებზე ტექნიკური ზედამხედველობა – ინსპექტირება", 2. „საავტომობილო გზების სამშენებლო სამუშაოებზე ტექნიკური ზედამხედველობა – ინსპექტირება". 3. ობიექტზე შესრულებული სამუშაოების ინსპექტირება (მათ შორის ფორმა N2-ის მიხედვით) ან დასაშვებია ამ ჩამონათვალიდან მინიმუმ ორ სფეროს ფარავდეს პრეტენდენტის აკრედიტაციის მოწმობა, ხოლო მესამე ნაწილზე, რომელიც სფეროების ჩამონათვალში პრეტენდენტს არ დაუფიქსირდება, წარმოადგინოს ქვეკონტრქტორი, რომელიც თავის მხრივ უნდა იყოს A ტიპის ინსპექტირების ორგანო, რომელსაც მიღებული ექნება სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ გაცემული აკრედიტაციის მოწმობა ამ კონკრეტულ სფეროში.

2. პრეტენდენტის მიერ წარმოდგენილი თითოეული აკრედიტაციის მოწმობის მოქმედების ვადა არ უნდა იყოს ტენდერით გათვალისწინებული მომსახურების მიწოდების ვადაზე ნაკლები.

3. ტექნიკური ზედამხედველობის ფარგლებში სამუშაოების მიმდინარეობის თაობაზე და ობიექტზე შესრულებული სამუშაოების ინსპექტირების (მათ შორის ფორმა N2-ის მიხედვით) ფარგლებში შექმნილი ყველა სახის დოკუმენტი უნდა დადასტურდეს სსიპ „აკრედიტაციის ერთიანი ეროვნული ორგანოს - აკრედიტაციის ცენტრის“ მიერ დამტკიცებული პროცედურების შესაბამისად, ყველა პასუხისმგებელი პირის ხელმოწერით.

1. ქვეკონტრაქტორის შემოთავაზების შემთხვევაში, წარმოდგენილი უნდა იქნას ქვეკონტრაქტორის დასახელება, მისამართი, საიდენტიფიკაციო კოდი და შესასრულებელი სამუშაოების დასახელება (აკრედიტაციის სფეროს მიხედვით).
2. დასაშვებია ქვეკონტრაქტორის აყვანა დოკუმენტაციის 2.7.1 პუნქტის პირველ პუნქტში ჩამოთვლილი სფეროებიდან მხოლოდ ერთ სფეროში, რომელსაც თავის მხრივ ვერ ფარავს პრეტენდენტის აკრედიტაციის სფერო. ამასთანავე, ქვეკონტრაქტორი უნდა იყოს A ტიპის ინსპექტირების ორგანო, რომელსაც მიღებული ექნება სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ გაცემული აკრედიტაციის მოწმობა და რომლის სფეროების ჩამონათვალი უნდა მოიცავდეს ქვეკონტრაქტორის მიერ შესასრულებელ სამუშაოს.
3. ქვეკონტრაქტორი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“;
4. ქვეკონტრაქტორზე წარმოდგენილი იქნას მისი აკრედიტაციის მოწმობა და სფეროს ჩამონათვალი, ასევე წერილობითი თანხმობა (გამარჯვების შემთხვევაში ტენდერში ქვეკონტრაქტორად მონაწილეობაზე ან/და უკვე არსებული ხელშეკრულებები (მონაწილე პრეტენდენტსა და ქვეკონტრაქტორს შორის).
5. მომსახურების ნაწილის ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.
6. ქვეკონტრაქტორის აკრედიტაციის მოწმობის მოქმედების ვადა არ უნდა იყოს ტენდერით გათვალისწინებული მომსახურების მიწოდების ვადაზე ნაკლები.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
6. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.

ფასწარმოქმნის ადეკვატურობა შესაძლებელია დასაბუთდეს, შესყიდვის ობიექტის მიწოდებასთან დაკავშირებით წარმოდგენილი სერთიფიცირებული აუდიტორული სამსახურის/აუდიტორის მიერ გაცემული შესაბამისი დასკვნით ან საშემფასებლო დოკუმენტით, (დასკვნასთან ან საშემფასებლო დოკუმენტთან ერთად, ასევე, წარმოდგენილი უნდა იქნას დასკვნის/საშემფასებლო დოკუმენტის გამცემი პირის შესაბამისი უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ დაფიქსირებულ ფასად ამავე ტენდერით გათვალისწინებული მომსახურების გაწევის შესაძლებლობა.

1. სამუშაოებზე საზედამხედველო მომსახურეობის ღირებულება განისაზღვრება ყოველ კონკრეტულ ობიექტზე, დადასტურებული (ზედამხედველის მიერ ხელმოწერილი შესრულებული სამუშაოების აქტი - ფორმა #2) შესრულებული სამშენებლო სამუშაოების ღირებულების იმ პროცენტის ოდენობით, რომელიც მიმწოდებელსა და შემსყიდველს შორის გაფორმებულ ხელშეკრულებაში იქნება განსაზღვრული.
2. იმ შემთხვევაში, თუ მიმწოდებლის მიერ გაწეული მომსახურების ღირებულებამ არ შეადგინა ამ ხელშეკრულებით გათვალისწინებული თანხა, შემსყიდველი ორგანიზაცია აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ამ ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელ მომსახურების მოცულობათა შესრულებაზე და მის გადახდაზე.

1. ანგარიშსწორებისათვის მიმწოდებელი ყოველ კონკრეტულ ობიექტზე წარუდგენს შემსყიდველს გაწეული საზედამხედველო მომსახურების მიღება-ჩაბარების ორმხრივ აქტს (წარმოდგენილი უნდა იყოს შესაბამისი დამატებითი ღირებულების გადასახადის ანგარიშ-ფაქტურა), რის საფუძველზეც შემსყიდველი აუნაზღაურებს მიმწოდებელს გაწეული მომსახურების ღირებულებას მიღება-ჩაბარების აქტისა და დამატებითი ღირებულების გადასახადის ანგარიშ-ფაქტურის წარდგენიდან 10 სამუშაო დღის განმავლობაში.

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.