Телекоммуникационное оборудование (Грузия - Тендер #62374351)

სპეციალური საგამოძიებო სამსახურის მიერ სატელეკომუნიკაციო მოწყობილობების (თანმდევი მომსახურებით - მონტაჟი) სახელმწიფო შესყიდვა.

1.2.1 მიმწოდებელმა უნდა უზრუნველყოს შემოთავაზებული ტექნიკის მონტაჟი არსებულ სასერვერო ინფრასტრუქტურაში და სრულყოფილი ინტეგრაცია/გამართვა.
1.2.2 მიმწოდებელი ვალდებულია, ხელშეკრულების გაფორმების შემდგომ, მომსახურების გაწევამდე, შემსყიდველს წარუდგინოს მომსახურების განმახორციელებელი ინჟინრ(ებ)ის (მათ შორის, საგარანტიო პერიოდის განმავლობაში) სახელმწიფო საიდუმლოებასთან დაშვების დამადასტურებელი დოკუმენტ(ებ)ი.
1.2.3 შემოთავაზებული ქსელური დაცვის ეკრანი (Firewall) სრულად თავსებადი უნდა იყოს Fortinet FortiManager 7.4 და შემდგომ ვერსიებთან.
1.2.4 მიმწოდებელმა უნდა უზრუნველყოს მოწოდებული საქონლის მონტაჟისთვის საჭირო ყველა აქსესუარის/სახარჯი მასალის მოწოდება (მათ შორის, ტრანსივერები, კაბელები, კვების კაბელები).
1.2.5 შესყიდვის ობიექტის ტექნიკურ დავალებაში მითითებულია მინიმალური მახასიათებლები. პრეტენდენტის მიერ შემოთავაზებული საქონლის ტექნიკური მახასიათებლები უნდა იყოს არანაკლები ცხრილში მოცემული ტექნიკური მახასიათებლებისა.
1.2.6 შესყიდვის ობიექტის დასახელება, მინიმალური ტექნიკური მახასიათებლები და რაოდენობები მოცემულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.

შესყიდვის ობიექტის მიწოდება (თანმდევი მომსახურებით - მონტაჟი) უნდა განხორციელდეს ხელშეკრულების ძალაში შესვლიდან არაუგვიანეს 120 (ას ოცი) კალენდარულ დღეში.

შესყიდვის ობიექტის მიწოდება (თანმდევი მომსახურებით - მონტაჟი) უნდა განხორციელდეს შემდეგ მისამართებზე: ქ. თბილისი, მ. ასათიანის ქ. №9; ქ. რუსთავი, ფალიაშვილის ქუჩა (საკადასტრო კოდი: 02.04.02.529).

1.7.1.1 ფასების ცხრილის პირველ პოზიციაზე შემოთავაზებულ საქონლზე უნდა ვრცელდებოდეს არანაკლებ 3 (სამი) წლიანი მწარმოებლის გარანტია მიღება-ჩაბარების აქტის გაფორმებიდან, ხოლო ფასების ცხრილის მეორე, მეოთხე და მეხუთე პოზიციებზე შემოთავაზებულ საქონლზე უნდა ვრცელდებოდეს არანაკლებ 5 (ხუთი) წლიანი მწარმოებლის გარანტია და მხარდაჭერის სერვისი მიღება-ჩაბარების აქტის გაფორმებიდან. საგარანტიო პერიოდის განმავლობაში, საჭიროების შემთხვევაში, მიმწოდებელმა უნდა უზრუნველყოს ტექნიკური დახმარება 24/7-ზე. მწარმოებლის გარანტია და ინფორმაცია გარანტიის შესახებ უნდა მოწმდებოდეს მწარმოებლის ოფიციალურ საიტზე (პრეტენდენტი ვალდებულია ფასების ცხრილში (დანართი N1) მიუთითოს ინფორმაცია საგარანტიო ვადების შესახებ).
1.7.1.2 შემოთავაზებული საქონელი უნდა იყოს ახალი (არა მწარმოებლის მიერ აღდგენილი, არა ე.წ. დემო), უნაკლო და არ უნდა იყოს მოხსნილი წარმოებიდან.
1.7.1.3 საგარანტიო პერიოდში შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 10 (ათი) კალენდარული დღის ვადაში შეაკეთოს წუნდებული/ხარვეზის ან დეფექტის მქონე საქონელი, ხოლო შეკეთების შეუძლებლობის შემთხვევაში, წუნდებული/ხარვეზის ან დეფექტის მქონე საქონელი შეცვალოს ახლით შემსყიდველის მიერ განსაზღვრულ გონივრულ ვადაში.
1.7.1.4 წუნის/ხარვეზის/დეფექტის მქონე საქონლის შეკეთების ან შეცვლის შემთხვევაში საქონლის ტრანსპორტირება და მონტაჟი უნდა უზრუნველყოს მიმწოდებელმა.

2.1.1.1 პრეტენდენტი ვალდებულია, ფასების ცხრილში (დანართი N1) მიუთითოს შესყიდვის ობიექტის მწარმოებელი ქვეყანა, მწარმოებელი კომპანია/ბრენდი და მარკა/მოდელი (არსებობის შემთხვევაში).
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტი უნდა იყოს შემოთავაზებული საქონლის მწარმოებლის ოფიციალური/ავტორიზებული პარტნიორი/წარმომადგენელი/გადამყიდველი და სისტემაში უნდა ატვირთოს აღნიშნულის დამადასტურებელი დოკუმენტაცია (ე.წ. MAF, ავტორიზაციის წერილი ან სხვა).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (დანართი N1) (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

0 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულებით გათვალისწინებული შესყიდვის ობიექტის მიწოდების ვადას.

6.4.1 ტენდერში გამოყენებულ იქნება ხელშეკრულებების შესრულების უზრუნველყოფის საბანკო გარანტია, სატენდერო დოკუმენტაციის 6.1 ან 6.2 პუნქტების შესაბამისად, დანართი №2–ის მიხედვით ან დანართ №2-ში ასახული ინფორმაციის შემცველი (დანართი №2 ატვირთულია სატენდერო დოკუმენტაციის 10.1 პუნქტში).
6.4.2 უპირობო, გამოუთხოვადი ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 იმ შემთხვევაში, თუ პრეტენდენტის მიერ ერთიან ელექტრონულ სისტემაში დაფიქსირებული სატენდერო წინადადება შეადგენს 200 000 ლარზე ნაკლებს, საბანკო გარანტიის მექანიზმი არ გამოიყენება.

ანგარიშსწორება განხორციელდება უნაღდო ანგარიშსწორებით, ეტაპობრივად ან/და ერთიანად, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე (არსებობის შემთხვევაში), სპეციალური საგამოძიებო სამსახურის 2025 წლის ბიუჯეტის სახსრებით.

ეტაპობრივად ან/და ერთიანად, მიღება–ჩაბარების აქტის გაფორმებიდან და შესაბამისი საგადასახადო დოკუმენტაციის წარმოდგენიდან (არსებობის შემთხვევაში) 10 სამუშაო დღის განმავლობაში.

ბადრი საჯაია, 599700335, bsajaia@sis.gov.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - „კითხვა/პასუხის“ მეშვეობით, ან/და სატენდერო კომისიის აპარატში, ქ. თბილისი, მ. ასათიანის ქ. N9.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი (დანართი N1), სატენდერო დოკუმენტაციის 1.7.1.1 და 2.1.1.1 ქვეპუნქტებით მოთხოვნილი ინფორმაციის გათვალისწინებით (ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.2.2 სატენდერო დოკუმენტაციის 2.7.1 ქვეპუნქტით მოთხოვნილი დოკუმენტაცია.