Инженерные услуги (Грузия - Тендер #62080296)

სსიპ შემოსავლების სამსახურის საბაჟო გამშვები პუნქტი „სარფი“-ს (ხელვაჩაურის მუნიციპალიტეტი, სოფ. სარფი, ს.კ.22.30.02.801) შენობაში ქვეითთა მოსაცდელი სივრცის ტევადობის გაზრდის მიზნით საჭირო დამატებითი სივრცის მოწყობისა და არსებული ფართის რეკონსტრუქციისათვის საპროექტო-სახარჯთაღრიცხვო დოკუმენტაციის შედგენის მომსახურების შესყიდვა

1. პრეტედენტმა შემსყიდველ ორგანიზაციაში უნდა წარმოადგინოს ტექნიკური დავალების შესაბამისად მოთხოვნილი ყველა დოკუმენტი;

2. მიმწოდებელმა შემსყიდველს უნდა წარუდგინოს სატენდერო დოკუმენტაციის 1.2 პუნქტის ტექნიკური დავალებით განსაზღვრული შესრულებული სამუშაოების საპროექტო ექსპერტიზა, რომელიც გაცემული უნდა იყოს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა აკრედიტებული პირის/ორგანოს მიერ გაცემული დასკვნა (ექსპერტიზის ხარჯებს ანაზღაურებს მიმწოდებელი). იმ შემთხვევაში, თუ წარმოდგენილი იქნება სხვა აკრედიტებული პირის/ორგანოს მიერ გაცემული დასკვნა, პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

3. სამუშაოების განხორციელებისას საპროექტო-სახარჯთაღრიცხვო დოკუმენტაციაში გამოვლენილი უზუსტობების ან/და შეუსაბამობების შემთხვევაში მიმწოდებელი ვალდებულია შემსყიდველი ორგანიზაციის მიერ წერილობითი მიმართვიდან არაუგვიანეს 5 (ხუთი) სამუშაო დღის ვადაში, საკუთარი ხარჯებით უზრუნველყოს საპროექტო-სახარჯთაღრიცხვო დოკუმენტაციის კორექტირება და კორექტირებული დოკუმენტაციის შემსყიდველისთვის მიწოდება.

4. პროექტანტი აწარმოებს მშენებლობის ნებართვის მისაღებად აუცილებელ პროცედურებს, ყველა საჭირო სანებართვო დოკუმენტის მოპოვების ღონისძიებების ჩათვლით.

პრეტედენტმა ტექნიკური დავალების შესაბამისად წარმოსადგენი დოკუმენტები შემსყიდველ ორგანიზაციაში უნდა წარმოადგინოს ხელშეკრულების გაფორმებიდან 70 (სამოცდაათი) კალენდარული დღის ვადაში.

პრეტენდენტი ვალდებულია შესრულებული საპროექტო-სახარჯთაღრიცხვო დოკუმენტაცია წარმოადგინოს 5 (ხუთი) ბეჭდვით ეგზემპლარად აკინძული და 1 (ერთი) ეგზემპლარი ელექტრონული ვერსია (CD დისკით), შემდეგ მისამართზე: ქ. თბილისი, გორგასლის ქ. №16, საქართველოს ფინანსთა სამინისტრო.

ტენდერში მონაწილე პრეტენდენტს ბოლო 3 (სამი) წლის განმავლობაში 2022 წლის 05 მარტიდან ტენდერის გამოცხადების დღემდე უნდა გააჩნდეს საპროექტო-სახარჯთაღრიცხვო დოკუმენტაციის შედგენის გამოცდილება და ამ პერიოდის განმავლობაში გაწეული მომსახურების ჯამური ღირებულება არ უნდა იყოს 205 200.00 ლარზე ნაკლები.

აღნიშნულის დამადასტურებლად პრეტენდენტმა უნდა წარმოადგინოს:
1. გაფორმებული ხელშეკრულებები და ამ ხელშეკრულების შესაბამისი მიღება-ჩაბარების აქტ(ებ)ი ან/და საგადასახადო კოდექსით გათვალისწინებული საგადასახადო დოკუმენტაცია
2. ან/და წარმოდგენილი უნდა იქნას SPA ან/და NAT ან/და CMR ნომრები.
3. ან/და სახელმწიფო ორგანიზაციის მიერ გაცემული წერილი/ცნობა, რომელიც დაადასტურებს პრეტენდენტის მიერ გაწეული ანალოგიური მომსახურების შესრულებას, ასევე მითითებული იქნება მომსახურების დასახელება და გაწეული მომსახურების ღირებულება.

1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
2. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
3. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
4. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
5. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული.
6. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.
7. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

აღნიშნული მომსახურების თავისებურებიდან (ინტელექტუალური სამუშაო) გამომდინარე შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მიმწოდებელთან განხორციელდება სრულად გაწეული მომსახურების მიხედვით, უნაღდო ანგარისწორებით ლარში.

ანგარიშსწორება მიმწოდებელთან განხორციელდება სრულად შესრულებულ მომსახურების შესაბამისი მიღებაჩაბარების აქტის გაფორმების და საქართველოს კანონმდებლობით დადგენილი შესაბამისი საგადასახადო დოკუმენტების (იმ შემთხვევაში თუ მიმწოდებელი დღგ–ს გადამხდელია, ხოლო თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ შემოსავლების სამსახურიდან) წარმოდგენიდან არაუგვიანეს 10 (ათი) სამუშაო დღის ვადაში.

ლანა ტალახაძე, 599331455, l.talakhadze@rs.ge