Услуги в области бытовых отходов и отходов (Грузия - Тендер #62080279)

სსიპ „სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს“ ფილიალებიდან სამედიცინო ნარჩენების გატანის მომსახურების სახელმწიფო შესყიდვა.

1.2.1 მიმწოდებელმა უნდა უზრუნველყოს მომსახურების ხარჯთაღრიცხვით (დანართი N1) გათვალისწინებული ჯერადობის ფარგლებში, მომსახურება გასაწევ თითოეულ ობიექტიდან (ფილიალები) დაგროვილი სამედიცინო („ინფექციური ნარჩენები“, „ბასრი ნარჩენები“, ფარმაცევტული ნარჩენები“ და „საშიში ქიმიური ნარჩენები“) ნარჩენების გატანა.
1.2.2 მიმწოდებელმა ხელშეკრულების ძალაში შესვლიდან არაუგვიანეს 2 სამუშაო დღისა უნდა უზრუნველყოს მომსახურება გასაწევ თითოეულ ობიექტზე თითო ცალი სამედიცინო ნარჩენების შესაგროვებელი მრავალჯერადი კონტეინერის და ბასრი საგნების შესაგროვებელი კონტეინერის განთავსება.
1.2.3 სამედიცინო ნარჩენების შესაგროვებელი მრავალჯერადი კონტეინერი უნდა იყოს:
1.2.3.1 არანაკლებ 10 ლიტრი ტევადობის, მყარი და გაჟონვისადმი მედეგი მასალისგან დამზადებული რეზერვუარი, რომელშიც მოთავსებული უნდა უნდა იყოს არანაკლებ 70 მკმ სისქის პოლიეთინელის პაკეტი. კონტეინერებს უნდა ჰქონდეს კარგად მორგებული ხელით მოსახსნელი ან ოპერირებადი ფეხის პედლით (უპირატესობა უნდა მიენიჭოს უკანასკნელს) ხუფები (სასურველია ორსახურავიანი - დიდი და პატარა).
1.2.3.2 სახიფათო ნარჩენების კატეგორიის შესაბამისი შეფერილობის, რომელზეც დატანილი უნდა იყოს შესაბამისი ლოგო და წარწერები „ტექნიკური რეგლამენტის - „სამედიცინო ნარჩენების მართვა“ დამტკიცების შესახებ“ საქართველოს მთავრობის 2017 წლის 16 ივნისის N294 დადგენილებით დამტკიცებული „ტექნიკური რეგლამენტის – „სამედიცინო ნარჩენების მართვა““ მოთხოვნათა შესაბამისად.
1.2.4 მიმწოდებელმა უნდა უზრუნველყოს კონტეინერების (ყვითელი და ყავისფერი) გატანა-რეცხვა-დეზინფექცია-უკან დაბრუნება შესაბამისი ოდენობის 70 მკმ პარკთან ერთად „ტექნიკური რეგლამენტის - „სამედიცინო ნარჩენების მართვა“ დამტკიცების შესახებ“ საქართველოს მთავრობის 2017 წლის 16 ივნისის N294 დადგენილებით დამტკიცებული „ტექნიკური რეგლამენტის – „სამედიცინო ნარჩენების მართვა““ მოთხოვნათა შესაბამისად.
1.2.5 მიმწოდებლის მიერ მოწოდებული კონტეინერები უნდა იყოს დაუზიანებელი, თავსახურით, სათანადოდ გარეცხილი და დეზინფიცირებული.

1.2.6 ბასრი საგნების შესაგროვებელი კონტეინერები უნდა იყოს:
1.2.6.1 არანაკლებ 5 ლიტრი ტევადობის;
1.2.6.2 ერთჯერადი მოხმარების;
1.2.6.3 მყარი მუყაოს ან პლასტმასის, ჩხვლეტისადმი მედეგი და წყალგაუმტარი;
1.2.6.4 სახურავით, რომელიც არ უნდა იხსნებოდეს. სახურავი უნდა იყოს მოწყობილი იმგვარად, რომ შესაძლებელი იყოს მასში საგნის ჩაგდება ერთი ხელით;
1.2.6.5 ჟონვაგამძლე და ჰქონდეს სახელური, რომელიც არ იქნება სახურავის ნაწილი.

1.2.7 მიმწოდებელი ვალდებულია კონტეინერების (სამედიცინო ნარჩენების შესაგროვებელი მრავალჯერადი კონტეინერი და ბასრი საგნების შესაგროვებელი კონტეინერი) გატანის დროს უზრუნველყოს სათანადო კონტეინერებით შემსყიდველის უწყვეტად მომარაგება (არ მოხდეს წყვეტა).

1.4.1 ხელშეკრულების ძალაში შესვლიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად:
1.4.1.1 სამედიცინო ნარჩენების გატანა უნდა განხორციელდეს: ხელშეკრულების ძალაში შესვლიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად;
1.4.1.2 ბასრი საგნების კონტეინერის გატანა უნდა განხორციელდეს ხელშეკრულების ძალაში შესვლიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად.
1.4.2 სატენდერო დოკუმენტაციის 1.4.1 პუნქტით გათვალისწინებული ყოველი კონკრეტული მოთხოვნისათვის შემსყიდველი მიმწოდებელს ელექტრონული ფოსტის ან/და სატელეფონო (მოკლეტექსტური) შეტყობინების სახით უგზავნის მოთხოვნას, რომელშიც მითითებული იქნება ინფორმაცია გასაწევი მომსახურების სახეობის და ვადის შესახებ.

1.5.1.სამედიცინო ნარჩენების გატანა უნდა განხორციელდეს:
1.5.1.1 ქ.თბილისი, ანაპის 414–ე დივიზიის ქ.N55 (თბილისის ხანდაზმულთა პანსიონატი (ფილიალი));
1.5.1.2 ქ. თბილისი, გმირი კურსანტების მე-2 შესახვევი N11 (თბილისის ბავშვთა სახლი);
1.5.1.3 ქ. ქუთაისი, სოლომონ II-ის ქ. მე-IV ჩიხი (ქუთაისის ხანდაზმულთა პანსიონატი (ფილიალი));
1.5.1.4 თერჯოლის მუნიციპალიტეტი, სოფ. ძევრი (ძევრის შეზღუდული შესაძლებლობის მქონე პირთა პანსიონატი (ფილიალი));
1.5.1.5 მცხეთის მუნიციპალიტეტი, სოფ. წილკანი (წილკანის ხანდაზმულთა პანსიონატი (ფილიალი));
1.5.1.6 ქ. დუშეთი, ქეთევან წამებულის ქ. N28 (დუშეთის შეზღუდული შესაძლებლობის მქონე პირთა პანსიონატი (ფილიალი));
1.5.1.7 წალკის მუნიციპალიტეტი, დაბა ბედიანი (ბედიანის შეზღუდული შესაძლებლობის მქონე პირთა პანსიონატი (ფილიალი)).

2.2.1.1 პრეტენდენტს, 2021 წლის 1 იანვრიდან წინამდებარე ტენდერისთვის „წინადადებების მიღება დასრულებულია“ პერიოდამდე მონაკვეთში, უნდა გააჩნდეს არანაკლებ 8000.00 ლარის სამედიცინო ნარჩენების გატანის მომსახურებების გაწევის გამოცდილება.
2.2.1.2 იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება შესყიდვების ერთიან ელექტრონულ სისტემაში, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია, რომელიც მიმწოდებლისა და შემსყიდველის მიერ უნდა იყოს ელექტრონულად ხელმოწერილი ან/და დამოწმებული კვალიფიციური შტამპით.
2.2.1.3 იმ შემთხვევაში, თუ სატენდერო დოკუმენტაციის 2.2.1 მუხლით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში N2-ში („ინფორმაცია გამოცდილების შესახებ“) მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.3.1.1 პრეტენდენტს უნდა გააჩნდეს არანაკლებ თითო ინსინერატორი აღმოსავლეთ და დასავლეთ საქართველოში. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში წარმოდგენილი უნდა იქნეს შესაბამისი დოკუმენტაცია.
2.3.1.2 პრეტენდენტს სახიფათო ნარჩენების გასატანად საკუთრებაში უნდა გააჩნდეს არანაკლებ 5 ერთეული სატრანსპორტო საშუალება, რომლებზეც გაცემული უნდა იყოს განსაზღვრულ სახიფათო ტვირთების გადაზიდვაზე სატრანსპორტო საშუალების დაშვების მოწმობა. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში წარმოდგენილი უნდა იქნეს სატრანსპორტო საშუალების საკუთრების დამადასტურებელი მოწმობა და განსაზღვრულ სახიფათო ტვირთების გადაზიდვაზე სატრანსპორტო საშუალების დაშვების მოწმობა.

პრეტენდენტთან დასაქმებულ და აღნიშნული მომსახურების გამწევ პირებს/მძღოლებს უნდა გააჩნდეს მძღოლის მომზადების შესახებ ADR-ის მოწმობა.
აღნიშნულის დასადასტურებლად პრეტენდენტის მიერ ერთიან ელექტრონულ სისტემაში წარმოდგენილი უნდა იქნეს დასაქმების დამადასტურებელი დოკუმენტაცია და მძღოლების მომზადების შესახებ ADR-ის მოწმობები.

პრეტენდენტს უნდა გააჩნდეს საქართველოს გარემოსა და ბუნებრივი რესურსების დაცვის სამინისტროს მიერ გაცემული გარემოსდაცვითი გადაწყვეტილება - სამედიცინო ნარჩენების (სახიფათო ნარჩენების) სფეროში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის ან/და საშემფასებლო დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1 ანგარიშსწორება მოხდება უნაღდო ანგარიშსწორებით ლარში, 2025 წლის სახელმწიფო ბიუჯეტის სახსრებით (ბიუჯეტის კოდი: 270105, ბიუჯეტის კოდი: 270205).
7.2.2 ანგარიშსწორება განხორციელდება ეტაპობრივად, ყოველთვიურად, მიმწოდებლის მიერ ფაქტიურად გაწეული მომსახურების შესახებ ინსპექტირების დასკვნის, მიღება-ჩაბარების აქტის და მოქმედი კანონმდებლობით გათვალისწინებული შესაბამისი საგადასახადო დოკუმენტაციის „შემსყიდველისათვის“ წარმოდგენის შემდეგ.

ეტაპობრივად, ყოველთვიურად, ფაქტობრივად მიწოდებული შესყიდვის ობიექტის შემდეგ, მიღება–ჩაბარების აქტის გაფორმებიდან და მოქმედი კანონმდებლობით გათვალისწინებული საგადასახადო დოკუმენტაციის „შემსყიდველისათვის“ წარმოდგენის შემდეგ 10 სამუშაო დღის განმავლობაში.

სოფიო ჯაჯანიძე, 593944648, sjajanidze@moh.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.6.1 მომსახურების ხარჯთაღრიცხვა (დანართი N1) MS Excel-ის ფორმატის ფაილის სახით;
10.1.6.2 ინფორმაცია/დოკუმენტაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.
10.1.6.3 ინფორმაცია/დოკუმენტაცია არანაკლებ ორი ინსინერატორის ქონის შესახებ, სატენდერო დოკუმენტაციის 2.3.1.1 პუნქტის შესაბამისად.
10.1.6.4 სატრანსპორტო საშუალების საკუთრების დამადასტურებელი მოწმობები და განსაზღვრულ სახიფათო ტვირთების გადაზიდვაზე სატრანსპორტო საშუალების დაშვების მოწმობები, სატენდერო დოკუმენტაციის 2.3.1.2 პუნქტის შესაბამისად.
10.1.6.5 მძღოლების დასაქმების დამადასტურებელი დოკუმენტაცია და მძღოლების მომზადების შესახებ ADR-ის მოწმობები, სატენდერო დოკუმენტაციის 2.4.1 პუნქტის შესაბამისად.
10.1.6.6 გარემოსდაცვითი გადაწყვეტილება, სატენდერო დოკუმენტაციის 2.7.1 პუნქტის შესაბამისად.