Ремонт и техническое обслуживание транспортных средств и оборудования и сопутствующие услуги (Грузия - Тендер #62080271)

ავტომანქანების რეცხვის მომსახურების შესყიდვა

1.2.1.მომსახურების მიწოდება უნდა განხორციელდეს ეტაპობრივად, მიმწოდებლის მიერ დამზადებული შესაბამისი მომსახურების დამადასტურებელი საბუთის (ტალონი) ან პლასტიკური ბარათის მეშვეობით. მომსახურების დამადასტურებელი დოკუმენტი - რეცხვის ტალონი ან პლასტიკური ბარათი უნდა შეიცავდეს მინიმუმ შემდეგ ინფორმაციას:

• მიმწოდებლის დასახელება
• ტალონის ან პლასტიკური ბარათის იდენტიფიცირების ნომერი
• ავტომანქანის სახეობა (ტიპი), სახელმწიფო ნომრით. (აღნიშნული ნომრები გამარჯვებულ პრეტენდენტს გადაეცემა ხელშეკრულების გაფორმების ეტაპზე).

1.2.2. ტალონების ან პლასტიკური ბარათების მიწოდება უნდა განხორციელდეს უსასყიდლოდ, ხელშეკრულების დადებიდან, არაუგვიანეს 5 სამუშაო დღის ვადაში, ხოლო რეცხვის მომსახურების გაწევა, მიმწოდებლის სარგებლობაში არსებულ ავტოსამრეცხაო(ებ)ში, შემსყიდველის თანამშრომლების მიერ ტალონის ან პლასტიკური ბარათის წარგდენისთანავე დაუყოვნებლივ, რიგგარეშე.

1.2.3. მიმწოდებელმა უნდა უზრუნველყოს სატრანსპორტო საშუალებების სრული რეცხვა. (სალონი და გარე რეცხვა).

1.2.4. რეცხვისთვის გამოყენებულ უნდა იქნეს მაღალი ხარისხის სარეცხი და საწმენდი საშუალებები.

1.2.5. მომსახურების გაწევის დროს მიმწოდებლის ბრალეულობით შემსყიდველის ავტომობილზე
მიყენებული ნებისმიერი ზიანის აღმოფხვრის ხარჯების ანაზღაურება ეკისრება მიმწოდებელს.

1.2.6 პრეტენდენტს, სარგებლობის ან საკუთრების უფლებით უნდა გააჩნდეს არანაკლებ 2 (ორი) ბოქსიანი ავტოსამრეცხაო (წარმოდგენილი უნდა იქნას საკუთრების ან სარგებლობის უფლების დამადასტურებელი დოკუმენტი).

1.2.7 სამრეცხაოს უნდა გააჩნდეს კეთილმოწყობილი მოსაცდელი;

შენიშვნა:
შემსყიდველს უფლება აქვს (შერჩევა-შეფასების ეტაპზე) სამრეცხაოსთან დაკავშირებული მოთხოვნილი პირობების არსებობა შეამოწმოს ადგილზე.

ხელშეკრულების გაფორმებიდან ეტაპობრივად, 2025 წლის 31 დეკემბრის ჩათვლით

მომსახურება გაწეულ უნდა იქნას მიმწოდებლის სარგებლობაში არსებულ სამრეცხაოში, რომელიც დაშორებული უნდა იყოს სამედიცინო ექსპერტიზის დეპარტამენტის შენობიდან (ქ. თბილისი, ნოდარ ბოხუას N 25) არაუმეტეს 5 კმ რადიუსზე.

ა) პრეტენდენტმა სატენდერო წინადადება უნდა წარმოადგინოს - ტექნიკური დავალებისა და ფასების ცხრილის (დანართის N1) შესაბამისად;
ბ) ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე.
გ) სატენდერო წინადადების ფასი წარმოდგენილი უნდა იქნეს საქართველოს კანონმდებლობით გათვალისწინებული ყველა გადასახადის ჩათვლით.

შენიშვნა:

„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

მომსახურება მიღებულად ჩაითვლება და ანგარიშსწორება განხორციელდება მიმწოდებლის საბანკო ანგარიშზე, ფაქტობრივად გაწეული მომსახურების ღირებულების შესაბამისად, მიმწოდებლის მიერ საგადახდო დოკუმენტის გამოწერის და მიღება-ჩაბარების აქტზე ხელმოწერის შემდგომ.

მომსახურება მიღებულად ჩაითვლება და ანგარიშსწორება განხორციელდება მიმწოდებლის საბანკო ანგარიშზე, ფაქტობრივად გაწეული მომსახურების ღირებულების შესაბამისად, მიმწოდებლის მიერ საგადახდო დოკუმენტის გამოწერის და მიღება-ჩაბარების აქტზე ხელმოწერის შემდგომ, არაუგვიანეს 10 (ათი) სამუშაო დღის განმავლობაში.

ალექსი შაველაშვილი, 577920982, ashavelashvili@expertiza.gov.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.

10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, ლევან სამხარაულის სახელობის სასამართლო ექსპერტიზის ეროვნული ბიუროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.