Ремонт и техническое обслуживание строительных сооружений (Грузия - Тендер #62080201)

ა(ა)იპ "ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების" ბალანსზე რიცხული ზამთარ-ზაფხულის ,,სპლიტ" სისტემის კონდინციონერების, კოლონური კონდიციონერების,ჩილერების, ფანკოილების, VRV,VRF და AHU სისტემის შეკეთებისა და ტექნიკური მომსახურების სახელმწიფო შესყიდვა.

1.2.1 ა(ა)იპ "ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების" ბალანსზე რიცხული ზამთარ-ზაფხულის ,,სპლიტ" on/off სისტემის კონდინციონერები , ზამთარ-ზაფხულის ,,სპლიტ" ინვენტორულუ სისტემის კონდინციონერები , კოლონური on/off სისტემის კონდიციონერები , კოლონური ინვენტორული სისტემის კონდიციონერები , ჩილერები , ფანკოილების , VRV სისტემა შიდა ბლოკი , VRV სისტემა გარე ბლოკი და AHU სისტემა შეკეთებისა და ტექნიკური მომსახურების სახელმწიფო შესყიდვა.
გასაწევი მომსახურების ჩამონათვალი და ზღვრული ფასები მოცემულია პრეისკურანტში - დანართი N1.
1.2.2. მომსახურების გაწევა დიაგნოსტირების ჩათვლით უნდა განხორციელდეს: - შეტყობინების მიღებიდან არაუგვიანეს 2(ორი) კალენდარული დღისა.
1.2.3. მომსახურება უნდა განხორციელდეს მიმწოდებლისა და შემსყიდველი ორგანიზაციის უფლებამოსილ წარმომადგენლებს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების და ასეთი მომსახურებისათვის საჭირო მასალების ჩამონათვალი.
1.2.4.მომსახურების გაწევის პროცესში მიმწოდებლის ბრალეულობით სხვადასხვა მოწყობილობების დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
1.2.5 მომსახურების გაწევის პროცესში ტექნიკური უსაფრთხოების ნორმების დაცვაზე პასუხს სრულად აგებს მიმწოდებელი.
1.2,6 პრეტენდენტის მიერ წარმოდგენილ მომსახურების პრეისკურანტში (დანართი N1) მითითებული ერთეულის ფას(ებ)ი არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

1.2.3.პრეისკურანტის სავარაუდო ღირებულება შეადგენს: 225311.50 ლარს.

1.2.4 ხელშეკრულება მიმწოდებელთან გაფორმდება 30 000.00 ( ოცდაათი ათასი) ლარზე.

ხელშეკრულების გაფორმებიდან 2025 წლის 31 დეკემბრის ჩათვლით..

მიმწოდებელმა მოთხოვნის შესაბამისად უნდა უზრუნველყოს მომსახურების გაწევა ა(ა)იპ "ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების" სტრუქტურულ ერთეულებში -ფილიალებში. დანართი 2-ის შესაბამისად.

1.7.1.1 მიმწოდებლის მიერ გაწეულ მომსახურებას და გამოყენებულ/შეცვლილ ნაწილებს, უნდა გააჩნდეს გარანტია არანაკლებ 3 თვე.
1.7.1.2 საგარანტიო ვადის განმავლობაში მიმწოდებელმა საკუთარი ხარჯებით (ტრანსპორტირების ხარჯების ჩათვლით) უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი, საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი სიტყვიერი ან წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) 2 (ორი) სამუშაო დღის ვადაში.
1.7.1.3 ქარხნული წუნის შემთხვევაში ყველა ნაწილი ექვემდებარება შეცვლას (უსასყიდლოდ).

პრეტენდენტს უნდა გააჩნდეს სსიპ გარემოსდაცვითი ინფორმაციისა და განათლების ცენტრის მიერ გაცემული მაცივრაგენტზე მომუშავე მოწყობილობების მომსახურების სერტიფიკატი რომლის მოქმედების ვადა 6 თვით აღემატება მომსახურების დასრულების ვადას.

2.9.1 შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა პოზიციაზე.

2.9.2 პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. პრეტენდენტის მიერ წარმოდგენილ დაზუსტებულ ფასების ცხრილში, რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე. პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.

2.9.3 პრეისკურანტში რომელიმე მომსახურების (შესაცვლელი დეტალ(ებ)ის გათვალისწინებით) არ არსებობისას, აღნიშნული მომსახურების ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ეტაპობრივად, უნაღდო ანგარიშსწორებით, ეროვნულ ვალუტაში – ლარში, ფაქტობრივად გაწეული მომსახურების შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე.

ანგარიშსწორება შემსყიდველის მიერ მოხდება ეტაპობრივად, ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ არაუგვიანეს 10 სამუშაო დღის ვადაში.

გიორგი ფიცხელაური, 595030010, gog1461@gmail.com ტექნიკურ საკითხებთან დაკავშირებით დირექტორის მოადგილე ირაკლი ნოზაძე ტელ.577225092

10.1.1. პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.