Инженерные услуги (Грузия - Тендер #61781153)

ქალაქ თბილისში, საბურთალოს რაიონში, (თეთრი დუქნის ქუჩაზე) მდინარე დიღმურაზე მდებარე საავტომობილო სახიდე გადასასვლელის დემონტაჟის და ახალი გადასასვლელი ხიდის მშენებლობის სამუშაოებისათვის საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა.

საპროექტო ობიექტის მდებარეობა და მოკლე აღწერა:

სახიდე გადასასვლელი მდებარეობს ქალაქ თბილისში, საბურთალოს რაიონში, (თეთრი დუქნის ქუჩაზე) მდინარე დიღმურაზე. გადასასვლელი არის სამ მალიანი ჭრილი სისტემის, სქემით 12.0+2X23.0მ, ლითონის გამჭოლი ფერმებით. სახიდე გადასასვლელზე თითოეულ მალში ლითონის გამჭოლი ფერმების რიცხვი არის 4 ცალი, ლითონის გამჭოლი ფერმების შორის მანძილი თანაბარია და ტოლია3,0 მ.
მდ. დიღმურაზე მდებარე სახიდე გადასასვლელზე, ხიდის სავალი ნაწილი (გაბარიტი) არის 6,9 მ. ხოლო ხიდის სიგრძე L=64.0 მ.
მდ. დიღმურაზე მდებარე სახიდე გადასასვლელის არსებული მდგომარეობა ძალზე რთულია, რაც გამოწვეულია არამარტო ხიდის ასაკიდან, არამედ ნაგებობის მოუვლელობით. სახიდე გადასასვლელი აგებულია გასული საუკუნის 30-იან 40-იან წლებში და იგი გაანგარიშებულია იმ დროისათვის მოქმედ (H-18) საანგარიშო დატვირთვებზე.
ხიდის გამჭოლი ფერმების და ირიბნების კავშირების შეერთებები მოქნოლებითაა შესრულებული, რომლებიც რიგ ადგილებში ჟანგმოკიდებულია, რაც ნაგებობის მზიდუნარიანობას მნიშვნელოვნად ამცირებს.
სახიდე გადასასვლელის სავალ ნაწილზე გადაგებულია ლითონის ფურცლები, რომელზეც მოწყობილია ასფალტბეტონის ფენილი ლითონის მოაჯირებთან ერთად. სახიდე გადასასვლელის ადგილის სიტუაციიდან გამომდინარე მოძრაობა ცალმხრივია. ხიდი ტროტუარების გარეშეა აგებული.

შენიშვნა: ტექნიკური დავალება, მოძრაობის ორგანიზების სქემა, ხიდის გამოკვლევა-გამოცდის ანგარიში და მომსახურების ხარჯთაღრიცხვა (დანართი N1) ატვირთულია სატენდერო დოკუმენტაციასთან ერთად.

1.4.1 მიწოდების ვადა: ხელშეკრულების ძალაში შესვლიდან 60 (სამოცი) კალენდარული დღე (ექსპერტიზის მომსახურების ვადის ჩათვლით).

1.5.1 საპროექტო დოკუმენტაციის მიწოდების ადგილი: ქ. თბილისი, ჟ. შარტავას ქ. №7, ქ. თბილისის მუნიციპალიტეტის მერიის ინფრასტრუქტურის განვითარების საქალაქო სამსახური.

პრეტენდენტს 2022 წლის 01 იანვრიდან უნდა გააჩნდეს არანაკლებ შესყიდვის სავარაუდო ღირებულების 150%-ის ღირებულების, ხიდ(ებ)ის მშენებლობის ან/და მოდერნიზაციის ან/და რეკონსტრუქციის ან/და რეაბილიტაციის სამუშაოების საპროექტო დოკუმენტაციის შედგენის, მათ შორის ერთ ობიექტზე არანაკლებ შესყიდვის სავარაუდო ღირებულების 50%-ის ღირებულების მომსახურების გამოცდილება, რომელიც ინფორმაციის სახით მოცემული უნდა იყოს დანართი №2-ით გათვალისწინებულ ცხრილში (წარმოდგენილ იქნას დამადასტურებელი დოკუმენტაცია - ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან სხვა))(დანართი №2).

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი №2-ის შესაბამისად.

2.7.1 მიღება-ჩაბარების აქტი გაფორმდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
2.7.2 წარმოდგენილ ექსპერტიზის დასკვნას უნდა ახლდეს სამშენებლო სამუშაოების სახარჯთაღრიცხვო დოკუმენტაცია, რომელსაც ჩაუტარდა ექსპერტიზა და მიეცა შესაბამისი ექსპერტის დადებითი დასკვნა/რეკომენდაცია.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2025 წლის ქ. თბილისის ბიუჯეტის სახსრებით, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ირაკლი ბრეგვაძე, 599729939, bregvadze.irakli@yahoo.com ტელ: +99532 237 85 72. ტექნიკურ საკითხებთან დაკავშირებით საკონტაქტო პირი: ბ-ნი შალვა ზარიძე, ტელეფონის ნომერი: 595 28 28 22, ელ. ფოსტა: infrastructure@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 და №2 დანართებზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ წარმოდგენილ უნდა იქნას დანართი №2-ის შესაბამისად.

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.