Ремонт и техническое обслуживание строительных сооружений (Грузия - Тендер #61781132)

გათბობა, ვენტილაცია, ელექტრო და წყალმომარაგების სისტემების ტექნიკური მომსახურების და საქვაბე დანადგარების აქსესუარების დაზიანების შემთხვევაში შეცვლის ან შეკეთება-აღდგენის მომსახურების შესყიდვა (სათადარიგო ნაწილების გათვალისწინებით).

1.2.1 მიმწოდებელმა უნდა უზრუნველყოს გათბობის, ვენტილაციის, საქვაბე დანადგარების აქსესუარების, ელექტრო და წყალმომარაგების სისტემების ტექნიკური მომსახურება და დაზიანების შემთხვევაში სისტემის ან სისტემის ცალკეული დეტალების შეკეთება-აღდგენა (რაც გულისხმობს დაზიანებული დეტალების შეცვლას, სისტემის გამართულ მდგომარეობაში მოყვანა-რეგულრიებას და ექსპლუატაციაში გაშვებას).
1.2.2 მიმწოდებელმა უნდა უზრუნველყოს სეზონის მიხედვით გათბობა-წყალმომარაგების სისტემების ჩართვა-გამორთვა (რაც მოიცავს სეზონის ცვლილების მიხედვით სისტემის შემადგენელი აგრეგატების შესაბამის რეჟიმზე გადართვა-რეგულირებას და სისტემის ექსპლუატაციაში გაშვებას (აღნიშნული მომსახურეობა არ გულისხმობს მიმდინარე რემონტის შემდეგ რეგულირება-ექსპლუატაციაში გაშვების სამუშაოებს)).
1.2.3 ტექნიკური მომსახურება უნდა განხორცილდეს დანართ N1-ში (პრეისკურანტში) მითითებული შესაბამისი საქონლის და მომსახურების შესაბამისად.
1.2.4 მიმწოდებელი ვალდებულია შემსყიდველის ქონებაზე მიყენებული ზიანი აღმოფხვრას საკუთარი ხარჯებით.
1.2.5 მიმწოდებელმა მომსახურე პერსონალი უნდა უზრუნველყოს შესაბამისი ინსტრუმენტებით, საჭირო ინვენტარითა და სხვა საშუალებებით, რომელიც საჭიროა მომსახურების გაწევის პროცესში.
1.2.6 მომსახურე პერსონალი უნდა იყოს კვალიფიციური სპეციალისტ(ებ)ი.
1.2.7 მიმწოდებელს უნდა შეეძლოს ერთდროულად არანაკლებ 2 (ორი) გეოგრაფიულად დაშორებულ ობიექტზე (საქართველოს მაშტაბით) გათბობის, ვენტილაციის, საქვაბე დანადგარების აქსესუარების, ელექტრო და წყალმომარაგების სისტემების დანადგარების შეკეთება და ტექნიკური მომსახურება.
1.2.8 მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.9 მილების მონტაჟისას საჭიროების შემთხვევაში იგულისხმება მიწაში ან კედელში მილების ჩადების სამუშაოები ასევე პირვანდელ მდგომარეობამდე მიყვანა.
1.2.10 მიმწოდებელმა გაუმართაობის დიაგნოზის დასმა, დეტალების შეცვლა და სისტემის ჩართვა/ექსპლუატაციაში გაშვება უნდა მოახდინოს აგრეგატის ობიექტიდან გატანის გარეშე, აუცილებლობის შემთხვევაში, აგრეგატის გატანა უნდა მოხდეს ხელშეკრულების კოორდინატორთან შეთანხმებით;
1.2.11 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები;
1.2.12 მიმწოდებელმა სამუშაოების შესრულებისას საქართველოს მოქმედი კანონმდებლობის და არსებული ნორმების შესაბამისად, უნდა მიიღოს აუცილებელი ზომები ტექნიკური უსაფრთხოების და გარემოს დაცვის უზრუნველსაყოფად.
1.2.13 დანადგარის ტექნიკური მომსახურების პრეისკურანტში, საქონლის ან მომსახურების რომელიმე ერთეულის არარსებობისას, ახალი პოზიციის ერთეულის ფასი (მისი შესყიდვის აუცილებლობისას) დადგინდება შემსყიდველისა და მიმწოდებლის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში დანადგარის ტექნიკური მომსახურების ერთულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.14 მიმწოდებლის მიერ გამოყენებული უნდა იქნას ახალი (არამეორეადი) სათადარიგო ნაწილები, მეორადი სათადარიგო ნაწილები შესაძლებელია გამოყენებული იქნას მხოლოდ შემსყიდელთან შეთანხმებით, რა შემთხვევაშიც მეორადი სათადარიგო ნაწილის ფასი დადგინდება ურთიერთშეთანხმებით საბაზრო ფასის გათვალისწინებით.
1.2.15 მიმწოდებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან.
1.2.16 მიმწოდებელი ვალდებულია შესრულებული სამუშაოს ამსახველი დოკუმენტაცია (მიღება ჩაბარების აქტი) წარმოადგინოს არაუგვიანეს საანგარიშო თვის მომდევნო თვის 15 რიცხვისა.
1.2.17 შესყიდვის ღირებულება უნდა მოიცავდეს ტრანსპორტირების ხარჯს და საქართველოს კანონმდებლობით გათვალისწინებულ ყველა გადასახადს.

მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 მარტის ჩათვლით, ეტაპობრივად - კვირის ნებისმიერ დღეს შემსყიდველის მოთხოვნის შესაბამისად.

მიმწოდებელი ვალდებულია ქ. თბილისში და ქ. თბილისიდან არაუმეტეს 40კმ რადიუსით დაშორებულ შსს ობიექტებზე, გამოცხადდეს გამოძახებიდან (გამოძახება შეუზღუდავად, კვირის ნებისმიერ დღეს) არაუმეტეს 12 საათის განმავლობაში და იგივე ვადაში შეადგინოს შესაბამისი დეფექტური აქტი.

მიმწოდებელი ვალდებულია ქ. თბილისიდან 40 კმ-ზე მეტი მანძილით დაშორებულ შსს ობიექტებზე, გამოცხადდეს გამოძახებიდან (გამოძახება შეუზღუდავად, კვირის ნებისმიერ დღეს) არაუმეტეს 48 საათის განმავლობაში და იგივე ვადაში შეადგინოს შესაბამისი დეფექტური აქტი.

იმ შემთხვევაში თუ შეკეთება არ მოითხოვს სათადარიგო ნაწილის საზღვარგარეთ შეკვეთას/შეძენას, მიმწოდებელი ვალდებულია შეკეთება (მათ შორის სათადარიგო ნაწილის შეცვლა და ექსპლუატაციაში გაშვება) უზრუნველყოს დეფექტური აქტის ხელმოწერიდან 48 საათის განმავლობაში. იმ შემთხვევაში თუ დაზიანებული დეტალი ექვემდებარება შეკეთებას და საჭიროებს დამატებით დროს, მაშინ მიმწოდებელმა არაუმეტეს 48 საათის განმავლობაში შსს ლოჯისტიკის დეპარტამენტში უნდა წარმოადგინოს დასაბუთებული წერილობითი ინფორმაცია სამუშაოების შესრულების ვადების შესახებ, რომელიც არ უნდა აღემატებოდეს 10 სამუშაო დღეს.

იმ შემთხვევაში თუ შეკეთება მოითხოვს სათადარიგო ნაწილის საზღვარგარეთ შეკვეთას/შეძენას, მიმწოდებელი ვალდებულია შეკეთება (მათ შორის სათადარიგო ნაწილის შეცვლა და ექსპლუატაციაში გაშვება) უზრუნველყოს დეფექტური აქტის ხელმოწერიდან 25 სამუშაო დღის განმავლობაში. (მიმწოდებელი ვალდებულია შემსყიდველის მოთხოვნიდან არაუმეტეს 3 სამუშაო დღის ვადაში წარმოადგინოს სათადარიგო ნაწილის საზღვარგარეთ შეკვეთის დამადასტურებელი დოკუმენტაცია).

შენიშვნა: შემსყიდველის მხრიდან შეტყობინება განხორციელდება ელექტრონული ფოსტის ან სატელეფონო შეტყობინების გზით.

მომსახურების გაწევის ადგილი: საქართველოს ტერიტორია - შემსყიდველის მოთხოვნის შესაბამისად.

1.7.1.1 მიმწოდებლის მიერ შეცვლილ სათადარიგო ნაწილებზე და გაწეულ მომსახურებაზე გარანტია უნდა ვრცელდებოდეს მიღება-ჩაბარების გაფორმებიდან არანაკლებ 1 (ერთი) წლის განმავლობაში. პრეტენდენტი ვალდებულია წარმოადგინოს ინფორმაცია საგარანტიო ვადის შესახებ. საგარანტიო პერიოდში დაზიანების, ხარვეზების გამოვლენის შემთხვევაში, მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის (ხარვეზის) აღმოფხვრა (საჭიროების შემთხვევაში ტრანსპორტირება, შეკეთება ან კვლავ ახლით შეცვლა), შეკეთებაზე/შეცვლაზე, ობიექტზე გამოცხადებაზე და დეფექტური აქტის შედგენაზე ვრცელდება სატენდერო დოკუმენტაციის 1.4 პუნქტით განსაზღვრული ვადები.(პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია საგარანტიო ვადის შესახებ).

2.2.1.1 ტენდერში მონაწილე პრეტენდენტს 2022 წლის 01 იანვრიდან უნდა გააჩნდეს არანაკლებ 200 000 (ორასი ათასი) ლარის ღირებულების გათბობა-გაგრილების ან/და ვენტილაციის ან/და ელექტრო და წყალმომარაგების სისტემების ტექნიკური მომსახურების გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და შესრულების დამადასტურებელი სხვა დოკუმენტაცია.

2.9.1. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს.
2.9.2. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).
2.9.3 პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
2.9.4 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

2.9.5 პრეტენდენტი ვალდებულია წარმოადგინოს ინფორმაცია 24 საათის განმავლობაში ჩართული ორი მობილური სატელეფონო ნომრის და ორი ელ-ფოსტის მისამართის შესახებ, - საკონტაქტო პირების მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ტენდერის შედეგად გაფორმებული ხელშეკრულების ფარგლებში მიმწოდებლის პასუხისმგებლობის ფინანსური უზრუნველყოფის მიზნით გამოიყენება ხელშეკრულების შესრულების უზრუნველყოფის გარანტია.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული შესყიდვის ობიექტის მიწოდების საბოლოო ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

ანგარიშსწორება მოხდება უნაღდო ანგარიშსწორებით ლარში.
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლაშა ლევერაშვილი, 598979794, lashalevera13@gmail.com ტექნიკურ საკითხებთან დაკავშირებით დაუკავშირდით ლოლა არსოშვილს ტელ: 595 88-96-48.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების პრეისკურანტი (დანართი N1) (მომსახურების პრეისკურანტის წარმოუდგენლობა ან/და განუფასებელი მომსახურების პრეისკურანტის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

10.2.2 ინფორმაცია მონაწილე პრეტენდენტი პირის მიერ 2022 წლის 01 იანვრიდან არანაკლებ 200 000 (ორასი ათასი) ლარის ღირებულების გათბობა-გაგრილების ან/და ვენტილაციის ან/და ელექტრო და წყალმომარაგების სისტემების ტექნიკური მომსახურების გაწევის გამოცდილების შესახებ. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.
ან/და შესრულების დამადასტურებელი სხვა დოკუმენტაცია.

10.2.3 ინფორმაცია გაწეულ მომსახურებაზე და შეცვლილ სათადარიგო ნაწილებზე საგარანტიო ვადების შესახებ.

10.2.4 ინფორმაცია 24 საათის განმავლობაში ჩართული ორი მობილური სატელეფონო ნომრის და ელ-ფოსტის მისამართის შესახებ, - საკონტაქტო პირების მითითებით.