Ремонт и техническое обслуживание транспортных средств и оборудования и сопутствующие услуги (Грузия - Тендер #61494522)

საქართველოს აეროპორტების გაერთიანების ბალანსზე რიცხული სატრანსპორტო საშუალებებისა და მათთან დაკავშირებული მოწყობილობების შეკეთება, ტექნიკური მომსახურება და მასთან დაკავშირებული მომსახურებები.

მიმწოდებელმა უნდა უზრუნველყოს შპს „საქართველოს აეროპორტების გაერთიანების“ ბალანსზე რიცხული ავტომობილებისა და მათთან დაკავშირებული მოწყობილობების შეკეთება და ტექნიკური მომსახურება. ავტოსატრანსპორტო საშუალების შეკეთება და ტექნიკური მომსახურება (სერვისი-სათადარიგო ნაწილები) გულისხმობს:
- ავტოსატრანსპორტო საშუალებების დროულ/ოპერატიულ და სრულყოფილ შეკეთებას;
- პროფილაქტიკური და დიაგნოსტიკური სამუშაოების ჩატარებას;
- ავტომობილის დაზიანებული სათადარიგო ნაწილების აღდგენას, შეკეთებას და/ან გამოცვლას;
- საცხებ-საპოხი მასალების შეცვლას;
- ავტომობილის სპეცტრანსპორტით ევაკუაციას (24/7 მომსახურებით).

ავტოსატრანსპორტო საშუალების დაზიანებული ნაწილები უნდა შეიცვალოს ახალი ან/და შემსყიდველთან შეთანხმებით მეორადი სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ ფასების ცხრილში მითითებულ შესაბამისი საქონლის მდგომარეობას (მეორადის შემთხვევაში მითითებული უნდა იყოს „მეორადი“), დასახელებას და ფასს.

მიმწოდებელი ვალდებულია დაუყოვნებლივ ჩაატაროს ავტოსატრანსპორტო საშუალებების დათვალიერება და წარუდგინოს შემსყიდველს დეფექტური აქტი ხელმოსაწერად. დეფექტურ აქტში გაწერილი უნდა იყოს გასაწევი მომსახურების ან/და ასეთი მომსახურებისათვის საჭირო სათადარიგო ნაწილების/საცხებ-საპოხი მასალის დეტალური აღწერა, ფასი და მომსახურების დაწყებისა და დასრულების ვადები (დეფექტურ აქტში აგრეთვე განფასებული უნდა იყოს ისეთი სათადარიგო ნაწილებიც ან/და მომსახურება, რომელიც არ არის პრეისკურანტში და საჭიროებს დამატებით შეთანხმებას).

პრეტენდენტმა უნდა მიუთითოს ფასები განსაფასებელი ცხრილების (პრეისკურანტების) ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილებში (პრეისკურანტებში) მითითებულ თითოეულ პოზიციაზე სავარაუდო მაქსიმალურ ღირებულებას.

ავტოსატრანსპორტო საშუალების ტექნიკური მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) დეტალური აღწერა, აგრეთვე, მომსახურების დაწყებისა და დასრულების ვადები.

ავტოსატრანსპორტო საშუალების მომსახურება გაწეული უნდა იქნას დაუყოვნებლივ, რიგგარეშე.

მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

ტენდერში ვაჭრობა გაიმართება პრეისკურანტის ჯამურ სავარაუდო ღირებულებაზე;


• მომსახურების გაწევა უნდა განხორცილდეს პრეტენდენტის მიერ წარმოდგენილ ფასების ცხრილში (დანართი #1, პრეისკურანტი) მითითებულ შესაბამისი საქონლის/მომსახურების დასახელების და ფასის შესაბამისად;
• პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ საქონლის/მომსახურების პრეისკურანტში (დანართი #1) მითითებული ერთეულის ფასები არ უნდა აღემატებოდეს შემსყიდველის მიერ საქონლის/მომსახურების პრეისკურანტის შესაბამის გრაფაში მითითებულ ერთეულის სავარაუდო ფასებს, წინააღმდეგ შემთხვევაში მოხდება პრეტენდენტის დისკვალიფიკაცია;
• თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის საჭირო საქონლის/მომსახურების აღნიშნული ერთეულის ფასი მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის/მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;
•პრეტენდენტი ვალდებულია სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით) საბოლოო ფასები უნდა დაფიქსირდეს (დამრგვალდეს) მეასედის სიზუსტით. პრეტედენტის მიერ, სისტემაში ატვირთული პრეისკურანტისა და მის მიერ დაფიქსირებულ ფასს შორის სხვაობა დაანგარიშდება პროცენტულად, პრეტენდენტმა აღნიშნული პროცენტული მაჩვენებლის მიხედვით, პროპორციულად უნდა შეამციროს თითოეული საქონლის/მომსახურების ღირებულება, რომლის მიხედვითაც უნდა წარმოადგინოს კორექტირებული დანართი #1 (პრეისკურანტი);
• პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი #1- ის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.

პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის („-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

ქ. თბილისში არსებული ავტოსატრანსპორტო საშუალებებისთვის ტექნიკური მომსახურების გაწევა უნდა განხორციელდეს აეროპორტის დასახლებიდან არაუმეტეს 15 კმ-ის რადიუსში (რადიუსი არ ვრცელდება თბილისს გარეთ არსებულ მანქანებზე).

შემსყიდველი უფლებას იტოვებს სრულად არ აითვისოს სახელშეკრულებო ღირებულების ოდენობის მომსახურება მიმწოდებლისგან.

მომსახურების გაწევა განხორციელდება ეტაპობრივად, ხელშეკრულების გაფორმებიდან სრული 12 თვე.

შემსყიდველის ავტომობილების მომსახურებას მიენიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას.
ამასთან, მომსახურების ვადა თითოეულ შემთხვევაში არ უნდა აღემატებოდეს:
1. სავალი ნაწილებისათვის - 2 დღეს;
2. საცხებ-საპოხი მასალების შეცვლა მოთხოვნისთანავე;
3. სათადარიგო ნაწილების შეცვლა - 2 დღეს;
4. ელექტროობისათვის - 1 დღეს;
5. აგრეგატებისათვის - 3 დღეს;
6. სათუნუქე სამღებრო სამუშაოებისთვის -5 დღეს;
7. ხანგრძლივი მომსახურების (ძრავის, სიჩქარეთა კოლოფის) გაწევის დრო - 15 დღეს;
8. იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური (დეფიციტურ ნაწილებში არ ჩაითვლება სავალი ნაწილების მარაგი და ცვეთადი ნაწილების მარაგი მაგალითად: ხუნდები,საყრდენი დისკები,საჭის წევა,ბურთულა სახსარი,ყველა საჭირო დეტალი სავალი ნაწილების) ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ არ უნდა აღემატებოდეს 20 დღეს.

მომსახურების გაწევის ადგილია: ქ. თბილისის,ხოლო რეგიონის შემთხვევაში ქ.ქუთაისის ან/და ქ.სამტრედიის ტერიტორიაზე არსებული სერვის ცენტრები.

გარანტია მიმწოდებლის მიერ გაწეულ მომსახურებაზე ან/და ამ ხელშეკრულებით გათვალისწინებული მომსახურების გაწევის დროს გამოყენებულ სათადარიგო ნაწილებზე, ვრცელდება შესაბამისი მიღება-ჩაბარების აქტის გაფორმებიდან არანაკლებ 6 (ექვსი) თვის განმავლობაში. საგარანტიო მომსახურების პირობები არ ვრცელდება ცვეთად ნაწილებზე.

საგარანტიო ვადა და პირობები:
- ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ მომსახურებაზე, ახალ, აღდგენილ, შეკეთებულ და მეორად ნაწილებზე გარანტია უნდა ვრცელდებოდეს არანაკლებ 6 თვე. შეცვლილი/შეკეთებული ნაწილი უნდა იყოს მაღალი ხარისხის.
- საგარანტიო პერიოდში სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადაში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, შემსყიდველის მხრიდან დამატებითი დანახარჯების გაწევის გარეშე;
- საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს მოსთხოვოს ტექნიკური ექსპერტიზის ჩატარება აკრედიტებულ საექსპერტო დაწესებულებაში სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 10 (ათი) კალენდარული დღე;
- მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.

პრეტენდენტს საკუთრებაში ან სარგებლობაში უნდა გააჩნდეს არანაკლებ ერთი მოქმედი სერვის-ცენტრი ქ. თბილისში, ხოლო რეგიონის შემთხვევაში ქ.ქუთაისში ან/და ქ.სამტრედიის ტერიტორიაზე, რის დამადასტურებლად პრეტენდენტმა უნდა წარმოადგინოს მატერიალურ–ტექნიკური ბაზის შესახებ ინფორმაცია. ქალაქ თბილისში ხოლო რეგიონის შემთხვევაში ქ.ქუთაისში ან/და ქ.სამტრედიაში მოქმედი სერვისცენტრ(ებ)ის საკუთრებაში ან სარგებლობაში არსებობის დასადასტურებლად პრეტენდენტმა ერთიან ელექტრონულ სისტემაში უნდა წარმოადგინოს სერვის-ცენტრ(ებ)ის საკუთრებაში ფლობის შემთხვევაში - საკუთრების დამადასტურებელი დოკუმენტ(ებ)ი, ხოლო, სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს წინამდებარე ტენდერით განსაზღვრულ მომსახურების გაწევის ვადას.
პრეტენდენტს საკუთრებაში ან სარგებლობაში, ერთ სერვის-ცენტრში, უნდა გააჩნდეს:
- არანაკლებ 15 ერთეული მუშა მდგომარეობაში მყოფი ავტოამწე;
- ვულკანიზაციის, ბალანსირების და დისკების გასწორების აპარატი;
- თვლების შეყრის დიაგნოსტიკის აპარატი;
- საყრდენი დისკის გასაჩარხი აპარატი;
- წინა მაშუქების რეგულირების აპარატი;
- დიზელის მფრქვვანების (ფარსონკა) შესამოწმებილი აპარატი;
- დიზელის მფრქვვანების (ფარსონკა) საწმენდი აპარატი;
- ელექტრო სისტემის კომპიუტერული დიაგნოსტიკის აპარატი;
- ავტომანქანების კომპიუტერით პროგრამირება, გასაღების აღდგენა-პროგრამირება;
- კონდიცირების სისტემის ფრეონით დატენვის აპარატი;
- სავალი ნაწილების აღსადგენი დანადგარები (პრესი, სახარატე ჩარხი);
- სამღებრო კამერა და ასევე სამღებრო სამუშაობისათვის განკუთვნილი ტერიტორიის ფართი;
- ავტომანქანის გასაჭიმი რობოტი და ასევე სათუნუქე სამუშაოებისთვის განუკთვნილი ტერიტორიის
ფართი.

ინფორმაცია სერვის ცენტრებისა და მატერიალურ ტექნიკური ბაზის შესახებ (ზუსტი მისამართის მითითებით) მიმწოდებელმა უნდა წარმოადგინოს სისტემის საშუალებით.

ამასთან, შემსყიდველი უფლებამოსილია შერჩევა/შეფასების ეტაპზე ადგილზე შეამოწმოს მატერიალურ-ტექნიკური ბაზა.

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასთან/მათთან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2026 წლის 31 მარტის ჩათვლით), სადაც მითითებული უნდა იყოს ინფორმაცია ქვეკონტრაქტორ(ებ)ის სერვის ცენტრის მდებარეობისა და ტექნიკური ბაზის გათვალისწინებით.

ქვეკონტრაქტორ(ებ)ი ანგარიშვალდებულია მიმწოდებლის წინაშე.

ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“

ხელშეკრულებით განსაზღვრული მომსახურების ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებ(ებ)ისგან და აღნიშნული მომსახურების შესრულებაზე შემყიდველთან პასუხისმგებელია მიმწოდებელი.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. ფასების ცხრილი - პრეისკურანტი, მათ შორის ექსელის ფორმატში;
2. ინფორმაცია მომსახურების გაწევის ადგილის შესახებ;
3. ინფორმაცია საგარანტიო ვადისა და პირობების შესახებ;
4. ინფორმაცია პრეტენდენტის/ქვეკონტრაქტორის მატერიალურ-ტექნიკური ბაზის შესახებ;
5. ინფორმაცია/დოკუმენტაცია ქვეკონტრაქტორის შესახებ (ასეთის არსებობის შემთხვევაში).

ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

„მიმწოდებელთან“ ანგარიშსწორება ხორციელდება უნაღდო ანგარიშსწორებით ეროვნულ ვალუტაში.
ანგარიშსწორების საფუძველია მხარეების უფლებამოსილი პირების მიერ ფაქტობრივად გაწეულ მომსახურებაზე გაფორმებული მიღება-ჩაბარების აქტი და კანონმდებლობით გათვალისწინებული საგადასახადო დოკუმენტაცია.

ანგარიშსწორება განხორციელდება მხარეთა შორის მიღება–ჩაბარების აქტის გაფორმების და კანონმდებლობით გათვალისწინებული საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

თამარ ბაღდავაძე, 555585908, t.bagdavadze@airports.ge

1) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2) სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ.
3) პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4) სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით.
5) სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.