Отделочные строительные работы (Грузия - Тендер #61494487)

მესტიის მუნიციპალიტეტში, ლატალის თემის სოფელ ლეშგვანში მდებარე, კულტუტული მემკვიდრეობი ძეგლის, ფარჯიანის კოშკის კონსერვაცია

მესტიის მუნიციპალიტეტში, ლატალის თემის სოფელ ლახუშდში მდებარე, კულტურული მემკვიდრეობის ძეგლის, ასუმბანის კოშკის რეაბილიტაცია

მესტიის მუნიციპალიტეტში, ლანჩვალის უბანში მდებარე, კულტურული მემკვიდრეობის ძეგლის რატიანის კოშკის გადახურვა

• პრეამბულა ( მესტიის მუნიციპალიტეტში, ლატალის თემის სოფელ ლეშგვანში მდებარე ფარჯიანის კოშკის კონსერვაცია)
ფარჯიანის კოშკი მდებარეობს იენაშის ადმინისტრაციულ ერთეულში, ლატალის თემის სოფელ ლეშგვანის ცენტრში, ზღვის დონიდან 1300 მეტრზე. სოფელი მაღლიდან დაჰყურებს ლატალს და მისი ლანდშაფტის განუყოფელი ნაწილია. სოფელში რამოდენიმე კომპლექსია ნანგრევების სახით წარმოდგენილი.
ფარჯიანის კოშკი მოქცეულია სამი მხრიდან სხვადასხვა დანიშნულების ნაგებას შორის. კოშკის სამხრეთის მხრიდან მიდგმულია ოდესღაც სვანური მაჩუბი, ამჟამად გადაკეთებული საცხოვრებელ სახლად, აღმოსავლეთით მიდგმულია სახლის ერთსართულიანი მინაშენი, დასავლეთის მხრიდან, ასევე ავარიულ მდგომარეობაში მყოფი სვანური მაჩუბი. კოშკის ძირს ყრუ სართულები წარმოადგენს მიწის დონიდან 7.0 მეტრზე. ამ ნიშნულიდან, სამხრეთის მხარეს, საცხოვრებელი სახლის სხვენიდან ვხვდებით კოშკის შემორჩენილ სართულში, რომელსაც გააჩნია ქვის კამარული გადახურვა ნორმალურ მდგომარეობაში, შენარჩუნებულია კამარის გადახურვის ხის კონსტრუციების (დირეების) ბუდეები. შემდგომი სართულის მხოლოდ დასაწყისი გამოქარული კედლებია 40-120 სანტიმეტრზე შემორჩენილი, რასაც ეყრდნობა დაზიანებული დროებითი გადახურვა. კოშკი მიწიდან 10,90 მეტრის სიმაღლეზეა შენარჩუნებული. კედლების უმეტესობა მდგრადია არ გვხვდება გამჭოლი ბზარები, თუმცა საპირე წყობებს სამხრეთის ფასადებზე გააჩნია უმნიშვნელო ბზარები. კოშკის კედლები მიწიდან 8.0-9.0 მეტრის ნიშნულამდე დიდი ზომის ფლეთილი ქვის წყობითაა ნაგები კირდუღაბის ხსნარით, შემდეგ კედლები შედარებით მომცრო ზომის რიყის ქვითაა ნაშენი. კედლებზე სეგმენტურად შემორჩენილია კირდუღაბის ნალესობა. წარმოდგენილი პროექტი მოიცავს კოშკის რეაბილიტაციას.
 პროექტით გათვალისწინებული ძირითადი სამუშაოები
• სახურავის მოხსნა;
• გამოქარული ქვის წყობის მოხსნა გადაწყობა;
• ბზარების ინექცირება;
• კედლის ამოყვანა ფლეთილი ქვის წყობით რთულ ხსნარზე;
• სართულშუა გადახურვის მოწყობა;
• სახურავის მოწყობა ყავარით;
• კარის მონტაჟი;
• ქვისშორისების გამოლესვა კირის ხსნარით;
• სამშენებლო ტერიტორიის დასუფთავება/ნარჩენების გატანა.
პრეამბულა (მესტიის მუნიციპალიტეტში, სოფელ ლახუშდის ლატალის თემში მდებარე კულტურული მემკვიდრეობის ძეგლის, ასუმბანის კოშკის რეაბილიტაცია)
კულტურული მემკვიდრეობის ძეგლის სტატუსის მქონე კოშკი /ძეგლთა ნუსხაში - დავით ასუმბანის კოშკი (N3)/ მდებარეობს ლატალის თემის სოფელ ლახუშდის ცენტრში, ზღვის დონიდან 1350 მეტრზე, მდინარე მულხურას და ენგურს შორის. ოთხივე მხრიდან კოშკი მოქცეულია სხვადასხვა დანიშნულების ნაგებობებს შორის: კოშკის დასავლეთით და სამხრეთით მიდგმულია საცხოვრებელ სახლად გადაკეთებული მაჩუბი, აღმოსავლეთით - სახლის ერთსართულიანი მინაშენი, ჩრდილოეთით - მეზობლის სამეურნეო ნაგებობა. კოშკის ძირს ყრუ სართულები წარმოადგენს, მიწის დონიდან 7.0 მეტრზე. ამ ნიშნულიდან, სამხრეთის მხრიდან საცხოვრებელი სახლის სხვენიდან ვხვდებით კოშკის შემორჩენილ სართულში, რომელსაც გააჩნია ქვის კამარული გადახურვა სეგმენტური ჩამოშლით. შენარჩუნებულია კამარის გადახურვის ხის კონსტრუციების (დირეების) ბუდეები. შემდგომი სართულის მხოლოდ დასაწყისი გამოქარული კედლებია 0.40-1.20 მეტრზე შემორჩენილი, რასაც ეყრდნობა დაზიანებული დროებითი გადახურვა. კოშკი მიწიდან 11,70 მეტრის სიმაღლეზეა შენარჩუნებული. კედლების უმეტესობა მდგრადია, თუმცა, სამხრეთის ფასადის საპირე წყობას ბზარები გააჩნია. კოშკის კედლები, მიწიდან 8.0-9.0 მეტრის ნიშნულამდე, დიდი ზომის ფლეთილი ქვის წყობითაა ნაგები კირდუღაბის ხსნარით, შემდეგ კედლები შედარებით მომცრო ზომის რიყის ქვითაა ნაშენი. კედლებზე ფრაგმენტულად შემორჩენილია კირდუღაბის ნალესობა.
დღეის მდგომარეობით ძეგლზე ჩასატარებელია სარეაბილიტაციო სამუშაოები, რისთვისაც შედგენილი იქნა შესაბამისი პროექტი.

• პროექტით გათვალისწინებული ძირითადი სამუშაოები

• სახურავის მოხსნა;
• კედლების გადაწყობა;
• ბზარების ინექტირება;
• კედლის ამოყვანა ფლეთილი ქვის წყობით რთულ ხსნარზე;
• სართულშუა გადახურვის მოწყობა;
• სახურავის მოწყობა ყავარით;
• კარის მოწყობა;
• ქვისშორისების გამოლესვა კირის ხსნარით;
• სამშენებლო ტერიტორიის დასუფთავება/ ნარჩენების გატანა.

პრეამბულა (მესტიის მუნიციპალიტეტში, კულტურული მემკვიდრეობის ძეგლის ლანჩვალის უბანში მდებარე რატიანის კოშკის გადახურვა)
რატიანის საგვრეულო კოშკი მდებარეობს მესტიის მუნიციპლიტეტში, ლანჩვალის უბანში. ლანჩვალის უბნის განაშენიანება საყურადღებო არქიტექტურულ სიძველეს წარმოადგენს, რომელსაც კულტურული მემკვიდრეობის ძეგლის სტატუსი გააჩნია. სოფლის მჭიდროდ განაშენიანებულ უბანში მოქცეულია შუა საუკუნეების ნაგებობები. გვიანდელი ჩარევებისა და ახლადგაჩენილი მოცულობების მიუხედავად, ეს ნაგებობები ერთიან არქიტექტურულ ანსამბლს ქმნის, რომლის მთავარ ვერტიკალურ დომინანტს, კოშკები წარმოადგენს.
რატიანის კოშკი (ძეგლთა ნუსხაში - ალექსანდრე რატიანის კოშკი №5) სოფელ ლანჩვალის შედარებით ხალვათ განაშენიანებულ ნაწილში მდებარეობს. იგი კომპლექსის შემადგენელი ნაწილია. კოშკი ოთხსართულიანი, კვადრატული ფორმის, მასიური პროპორციების მქონეა. ნაგებია ყორე ქვით, კირ-დუღაბის ხსნარზე და შელესილია კირით. კოშკის შვეული კედლები სიმაღლის ზრდასთან ერთად, უმნიშვნელოდ ვიწროვდება და ორფერდა ყავარის დაზიანებული საბურავით სრულდება. იგი შემკულია ტრადიციული ქუდი-გვირგვინით, რომელიც სამ-სამად შეწყვილებულ თაღოვან ერთიან მხატვრულ-არქიტექტურულ კომპოზიციას ქმნის.
სვანური საერო არქიტექტურისათვის დამახასიათებელი ნიშნები გვხვდება კოშკის ფასადების გადაწყვეტაში, რომელიც ფასადების მინიმალისტურ დანაწევრებას გულისხმობს. მხოლოდ სამხრეთ ფასადზე, სიმეტრიის ღერძზე გაჭრილი კარ-სარკმლის თაღოვანი ღიობებით შემოიფარგლება. ცენტრალური შესასვლელი ჩვეულებისამებრ, მეორე სართულზეა მოწყობილი თაღოვანი კარის სახით, რომლის ძირში იკითხება შემორჩენილი ხის მორი, რომელიც თავის დროზე კოშკზე მიდგმული კიბის, ან მცირე აივნის იატაკს ამაგრებდა. შესასვლელი კარის ღიობი დაზიანებულია. ყავარი აყრილია, რის გამო კოშკში წყალი ჩაედინება. მეორე სართულის დონეზე გაჭრილი ღიობი უხეშადაა გამონგრეული, კოშკის საფასადო ნალესობა ალაგ-ალაგ დაზიანებულია.
რატიანის კოშკი მხატვრული ღირებულების მატარებელი ძეგლია, რომლის დაცვა-შენარჩუნება დაბა მესტიისა და საკუთრივ, ლანჩვალის თემის უნიკალური არქიტექტურული მემკვიდრეობისათვის მეტად მნიშვნელოვანია. დღეის მდგომარეობით აღნიშნულ კულტურული მემკვიდრეობის ძეგლზე ჩასატარებელია სარეაბილიტაციო სამუშაოები, რისთვისაც შედგენილი იქნა რეაბილიტაციის პროექტი, რომლითაც გათვალისწინებულია შემდეგი სამუშაოები:

• კოშკის სართულშუა და სახურავის გადახურვის ხის კონსტრუქციების მოწყობა;
• სახურავზე დიფუზორული მემბრანის მოწყობა;
• სახურავის ბურულის მოწყობა ყავარით;
• კოშკის კედლის ნაწილის ამოყვანა კირდურაბის რთული ხსნარით;

საერთო მიზანი და ძირითადი პირობები
სარეაბილიტაციო სამუშაოების შედეგად უნდა შენარჩუნდეს/აღდგეს ძეგლის ისტორიული იერსახე, ჩასატარებელმა სამუშაოებმა უნდა უზრუნველყოს ძეგლის არსებული მდგომარეობის გამოსწორების აუცილებელი ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ და სწორ ხელმძღვანელობას.
სამუშაოების მიმდინარეობისას ყველა გამოყენებული მასალა უნდა იყოს მაღალხარისხიანი და უნდა აკმაყოფილებდეს საქართველოში მოქმედ სამშენებლო ნორმებსა და სტანდარტებს. ყველა მასალა და სამარაგო საგანი მოწოდებული კონტრაქტის ფარგლებში, უნდა იყოს ახალი, უხმარი, სტანდარტული, მაღალი ხარისხის. უხარისხო ან დაბალი ხარისხის მასალები არ მიიღება და მათი გამოყენება არ იქნება ნებადართული. ხარისხიან პროდუქტში მოიაზრება, „პროდუქტის უსაფრთხოებისა და თავისუფალი მიმოქცევის კოდექსით“ გათვალისწინებული მასალა, რომელიც წარმოებულია პროდუქტის უსაფრთხოების სათანადო სტანდარტებისა და განვითარებული ხარისხის ინფრასტრუქტურის მქონე ქვეყანაში.
სამუშაოების ჩატარებისას ყურადღება უნდა მიექცეს სამუშაოთა შესრულების ხარისხს, რომელთა დაცვა სავალდებულოა კულტურული მემკვიდრეობის ძეგლის ფასეული ელემენტების შესანარჩუნებლად.
სამუშაოების მიმდინარეობისას ახლი გარემოებ(ებ)ის გამოვლენისა და მისი დასაბუთების შემთხვევაში, პროექტიდან რაიმე გადახვევა, ან მასში ცვლილება, შეთანხმებული უნდა იქნეს შემსყიდველთან.
სამუშაოები განხორციელდეს საავტორო ზედამხედველობით.
სამუშაოები განხორციელდეს პრეტენდენტის მიერ წარმოდგენილი არქიტექტორ-რესტავრატორისა და ინჟინერ-მშენებლის ზედამხედველობით. პრეტენდენტის მიერ წარმოდგენილი პერსონალი (არქიტექტორ-რესტავრატორი და ინჟინერ-მშენებელი) ვალდებულია, ხელშეკრულების დადებიდან სამუშაოების სრულად დასრულებამდე, ყოველთვიურად (არაუგვიანეს მომდევნო თვის 10 რიცხვამდე) წარმოადგინოს ძეგლზე მიმდინარე სამუშაოებზე შესაბამისი წერილობითი ინფორმაცია.
მიმწოდებელი შემსყიდველთან შეთანხმებული სამუშაოების გეგმა-გრაფიკის შესაბამისად, სამუშაოების დამთავრებისთანავე შემსყიდველს წარუდგენს ინფორმაციას წერილობით, ანგარიშის სახით გათვალისწინებული სამუშაოების მიმდინარეობის შესახებ. მიმწოდებელი ვალდებულია გაითვალისწინოს შემსყიდველის შენიშვნები და წინადადებები, რაც შემდგომში საფუძვლად დაედება შესრულებული სამუშაოების ანაზღაურებას.
შესრულებული სამუშაოების ანგარიში შემსყიდველს წარედგინება ტექსტური და გრაფიკული მასალის დოკუმენტირებით.
მიმწოდებელი ვალდებულია რეაბილიტაციის დაწყებამდე ძეგლზე დაამონტაჟოს ჩასატარებელი სამუშაოების ამსახველი საინფორმაციო ბანერი, რომელიც უნდა შეიცავდეს შემდეგ ინფორმაციას:
• მესაკუთრე;
• შემსყიდველი;
• მიმწოდებელი;
• ჩასატარებელი სამუშაოს სახეობა.

სრულყოფილი ტექნიკური დავალება და პროექტები იხილეთ მიმაგრებულ ფაილებში.

სამუშაოების შესრულებას მიმწოდებელი უზრუნველყოფს 2025 წლის 01 ივნისიდან 4 კალენდარული თვის ვადაში გეგმა-გრაფიკის შესაბამისად.

მესტიის მუნიციპალიტეტი, ლანჩვალის უბანში მდებარე, კულტურული მემკვიდრეობის ძეგლი, რატიანის კოშკი;

მესტიის მუნიციპალიტეტი, ლატალის თემის სოფელ ლეშგვანში მდებარე, კულტურული მემკვიდრეობის ძეგლი, ფარჯიანის კოშკი;

მესტიის მუნიციპალიტეტი, სოფელ ლახუშდის ლატალის თემში მდებარე, კულტურული მემკვიდრეობის ძეგლი, ასუმბანის კოშკი

სამუშაოების დასრულების შემდეგ (საბოლოო მიღება-ჩაბარების აქტის გაფორმების თარიღიდან) 5 (ხუთი) წლის განმავლობაში რაიმე წუნის (დეფექტი ნაკლოვანებები) აღმოჩენის შემთხვევაში, თუ დადგინდება, რომ აღნიშნული წუნი გამოწვეულია მიმწოდებლის მიზეზით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.

პრეტენდენტი ტენდერში მონაწილეობით ავტომატურად აცხადებს თანხმობას სამუშაოს საგარანტიო ვადებთან და პირობებთან დაკავშირებით, რომელიც შემდგომში წარმოადგენს ხელშეკრულების განუყოფელი ნაწილი.

პრეტენდენტს 2017 წლიდან დღემდე უნდა გააჩნდეს შენობა-ნაგებობის სარეაბილიტაციო სამუშაოების გამოცდილება (გარდა გვირაბებისა და გზებისა) ჯამში არანაკლებ 70,000.00 (სამოცდათი ათასი) ლარისა, საქართველოს კანონმდებლობით დადგენილი ყველა გადასახადის ჩათვლით.

აღნიშნულის დასტურად, პრეტენდენტის მიერ წარმოდგენილ უნდა იქნას შესაბამისი ხელშეკრულებები და შესრულებულ სამუშაოებზე გაფორმებული მიღება-ჩაბარების აქტები ან/და ფორმა N2 ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული სამუშაოების შესრულების ფაქტს.

ინფორმაცია წარმოდგენილი უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით) დანართის მიხედვით (იხ. დანართი), რომელსაც თან უნდა ერთვოდეს აღნიშნულის დამადასტურებელი დოკუმენტები.

გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

პრეტენდენტს 2021 წლიდან ტენდერის გამოცხადების დღემდე არ უნდა ჰქონდეს სსიპ საქართველოს კულტურული მემკვიდრეობის დაცვის ეროვნული სააგენტოსთან შეუსრულებელი ხელშეკრულება.

პრეტენდენტს დასაქმებული უნდა ჰყავდეს არქიტექტორ-რესტავრატორი, ინჟინერ-მშენებელი, ქვითხურო, კირითხურო, სახურავთა ოსტატი (ყავარის მოწყობის მიმართულებით) და სერტიფიცირებული შრომის უსაფრთხოების სპეციალისტი. ინფორმაცია პერსონალის შესახებ უნდა წარმოადგინოს დანართის მიხედვით.

დასაქმებულ პერსონალზე /არქიტექტორ-რესტავრატორი, ინჟინერ-მშენებელი, ქვითხურო, კირითხურო, სახურავთა ოსტატი (ყავარის მოწყობის მიმართულებით)/ უნდა წარმოადგინოს ინფორმაცია 2017 წლიდან დღემდე არანაკლებ 3 (სამი) კულტურული მემკვიდრეობის ძეგლის სტატუსის მქონე შენობა-ნაგებობაზე რეაბილიტაციის სამუშაოებში მონაწილეობის ამსახველი ინფორმაცია (პროექტის/სამუშაოს დასახელება, განხორციელების ვადა თარიღების მითითებით, დამკვეთი/ორგანიზაციის დასახელება, ს/კ, პერსონალის პოზიცია - დანართის შესაბამისად).

შრომის უსაფრთხოების სპეციალისტის თაობაზე ინფორმაცია წარმოდგენილი უნდა იყოს მხოლოდ სერტიფიკატის სახით.

დანართის შესაბამისად, დოკუმენტი (CV) დათარიღებული და ხელმოწერილი უნდა იყოს დასაქმებული პერსონალის მიერ არაუადრეს ტენდერის გამოცხადების დღისა. ასევე, კვალიფიციური ელექტრონული ხელმოწერით ან კვალიფიციური ელექტრონული შტამპით დამოწმებული პრეტენდენტის მიერ.

შენიშვნა: წარმოდგენილი ინფორმაციის გადამოწმების მიზნით, სააგენტო იტოვებს უფლებას მოითხოვოს პრეტენდენტის მიერ მითითებული, პერსონალის შესრულებულ სამუშაოთა შესახებ ანგარიშები, მიღება-ჩაბარების აქტები, ხელშეკრულებები, პროექტები.

მიმწოდებელი ვალდებული იქნება სამუშაოები შეასრულოს შემსყიდველის მიერ წარდგენილი გეგმა-გრაფიკის მიხედვით.

მიმწოდებელი ვალდებულია:
ხელშეკრულების გაფორმების შემდეგ, სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით და აიღოს შესაბამისი ნებართვა სამუშაოების წარმოებაზე.

იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სახელობის სასამართლო ექსპერტიზის ეროვნული ბიუროს, ან შესაბამის სფეროში აკრედიტებული ნებისმიერი პირის მიერ გაცემული დასკვნის საფუძველზე (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტ(ებ)ის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით, ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

წინასწარი ანგარიშსწორების შემთხვევაში მიმწოდებელი ვალდებულია, ხელშეკრულების ჯამური ღირებულების არაუმეტეს 30% საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

შესრულებული სამუშაოს ანგარიშსწორება განხორციელდება ეტაპობრივად, მხარეთა მიერ შედგენილი მიღება-ჩაბარების აქტ(ებ)ის მიხედვით.

მიმწოდებლის მიერ ფორმა N2-ით წარმოდგენილი სამუშაოების ღირებულება უნდა შეადგენდეს ხელშეკრულების საერთო ღირებულების არანაკლებ 20%-ს.

იმ შემთხვევაში, თუ განსაზღვრული გარემოებების გამო, მიმწოდებლის მიერ შესრულებული სამუშაოების ღირებულებამ შეადგინა ამ ხელშეკრულებით გათვალისწინებულ თანხაზე ნაკლები, შემსყიდველი აუნაზღაურებს მიმწოდებელს მის მიერ ფაქტიურად შესრულებული სამუშაოს ღირებულებას წინამდებარე ხელშეკრულებით განსაზღვრული ერთეულის ფასების შესაბამისად.

გაუთვალისწინებელ ახალ სამუშაოებზე (სამუშაოები რომლებიც არ იყო გათვალისწინებული თავდაპირველი ხარჯთაღრიცხვით) ღირებულების დადგენის მიზნით მიმწოდებელი ვალდებულია წარმოადგინოს ფასწარმოქმნის ადეკვატურობის დამადასტურებელი დოკუმენტი.

ანგარიშსწორება მოხდება ეტაპობრივად, მიღება-ჩაბარების აქტ(ებ)ის გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის ვადაში.

ვლადიმერ გაბოძე, 595984141, gadogzelado@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.

2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.

3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.

4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.

7. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით.

9. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს ჩათვლით.

10. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა ((როგორც Excel -ის ასევე PDF ფორმატში)) ან წარმოდგენილ ხარჯთაღრიცხვაში 1%-ზე მეტი განუფასებელი პოზიცი(ებ)ის შემთხვევაში მოხდება მისი დისკვალიფიკაცია დაზუსტების გარეშე.

11. ხარჯთაღრიცხვის ფორმაში დაუშვებელია სამუშაოების დასახელების, განზომილების, რაოდენობების და გაუთვლისწინებელი ხარჯე