Различные коммерческие услуги и связанные с ними услуги (Грузия - Тендер #61209848)

კულტურულ-საგანმანათლებლო ღონისძიების (საგანმანათლებლო კვირეული - სამცხე-ჯავახეთის ტერიტორიაზე, გასვლითი პროექტის განხორციელება) ორგანიზება

ტექნიკური დავალება:

1. საჭირო მომსახურება:
1.1 სამცხე ჯავახეთის რეგიონში სასტუმროში 45 ადამიანის დაბინავებასთან დაკავშირებული მომსახურება (5 დღე და 4 ღამე მომსახურეობის გაწევის სავარაუდო დრო 2025 წლის 30 აპრილის ჩათვლით პერიოდში. (კონკრეტული თარიღები ღონისძიების ჩატარებაზე მიმწოდებელს ეცნობება წერილობით - ხელშეკრულების გაფორმების შემდეგ.) სასტუმროში დაბინავების მომსახურების აღწერა: სასტუმროში 45 ადამიანის დაბინავება უნდა მოხდეს 10 ოთხადგილიან (მონაწილეებისათვის) და 5 ერთადგილიან ნომერში ( ლიდერები და ტრენერები). (შესაძლებელია 10 ოთხადგილიანი ნომრის ნაცვლად წარმოდგენილი იყოს ნაკლები ტევადობისა და მეტი რაოდენობის ნომერი). სასტუმრო არ უნდა იყოს სხვა საქმიანობის დამხმარე საწარმო; უნდა ჰქონდეს მუდმივი, უფასო, უკაბელო ინტერნეტი ნომრებში, ასევე სასტუმროს სხვა სივრცეებში; იმავე შენობას უნდა გააჩნდეს მინიმუმ ერთი საკონფერენციო დარბაზი იზოლირებული, რომელიც გათვლილი იქნება არანაკლებ 45 პერსონაზე (შესაბამისი რაოდენობის სკამებით) . სასტუმროს ნომრები განთავსებული უნდა იყოს ერთ შენობაში; სასტუმროს ნომრები აღჭურვილი უნდა იყოს ინდივიდუალური სველი წერტილებით, ტელევიზორით, გათბობა-გაგრილების სისტემით , სასტუმროს ნომრებში უნდა იყოს მუდმივი წყალმომარაგება (ცხელი და ცივი წყალი) და უწყვეტი ელექტრომომარაგება; ოთახების სველ წერტილებში სტუმრებს უნდა დახვდეთ ჰიგიენური საშუალებები: პირსახოცი, საპონი, შამპუნი, თეთრეული, და სხვა; სასტუმროში დაცული უნდა იყოს სისუფთავე, სასტუმროს პირსახოცები უნდა იცვლებოდეს ყოველდღიურად; სასტუმროში ყოფნის პერიოდში , სასტუმროს პერსონალმა უნდა უზრუნველყოს სტუმრების ტვირთის უსაფრთხოება. ნომრებში თითოეულ სტუმარზე უნდა იყოს არანაკლებ 0,5 ლიტრი სასმელი წყალი დღეში. სასტუმროს უნდა გააჩნდეს, დარბაზი ღონისძიების გამართვისათვის, რომელიც უნდა იყოს საკონფერენციო დარბაზისგან იზოლირებული, დარბაზში უნდა იყოს განთავსებული კარაოკე სისტემა, ტელევიზორი, მიკროფონი და დინამიკები. სასტუმროს უნდა ჰქონდეს იზოლირებული, შემოღობილი ეზო, სადაც შესაძლებელი იქნება გარე აქტივობის ჩატარება. სასტუმრო უნდა იყოს გამოყოფილი სხვა დასახლებული პუნქტებისგან. სასტუმროს უნდა ჰყავდეს 24 საათიანი დაცვის სამსახური, დაცული უნდა იყოს უსაფრთხოების ნორმები, სასტუმროში უნდა ხორციელდებოდეს ვიდეო კონტროლი. სასტუმროში პროექტის მონაწილეების ყოფნის განმავლობაში დაუშვებელია სხვა, უცხო სტუმრების განთავსება, სასტუმრო უნდა იყოს დახურული სხვა პირებისთვის, გარდა პროექტის მონაწილეებისა. რაოდენობა 1 ცალი
შენიშვნა: რამდენიმეადგილიან ნომერში ერთი ადამიანის განთავსების ღირებულება არ უნდა აღემატებოდეს ერთ ადგილიან ნომერში განთავსების ღირებულებას. სასტუმროში პროექტის მონაწილეების გარდა არ უნდა იყვნენ სხვა პირები.
1.2 საკონფერენციო დარბაზით მომსახურება: არანაკლებ 45 პერსონაზე გათვლილი ერთი საკონფერენციო დარბაზი ოთხი დღით; საკონფერენციო დარბაზი აღჭურვილი უნდა იყოს: შესაბამისი ზომის პროექტორით, ეკრანით, არანაკლებ 2 მიკროფონით,ბლოკნოტებითა და კალმებით თითოეული მონაწილისათვის (ბლოკნოტის ზომა მინ 19X13 სმ, ფურცლების რაოდენობა მინ 40 ცალი, ყდაზე ბრენდირებული უნდა იყოს თბილისის ლოგო და წარწერა სამგორის რაიონის გამგეობა, საგანმანათლებლო კვირეული), ფლიპ ჩარტის დაფით, (ფლიპ ჩარტის რაოდენობა 2 ცალი), დაფის მაგნიტური სამაგრებით, (რაოდენობა 4 ცალი) და ქაღალდით (3 შეკვრა თაბახის ფურცლები) , მარკერებით (სხვადასხვა ფერის 40 ცალი), სკოჩი (რაოდენობა 3 ცალი, დიდი ზომის), ქაღალდის წებო, (რაოდენობა 6 ცალი, დიდი ზომის) საკანცელარიო მაკრატელი ( რაოდენობა 3 ცალი) საკონფერენზიო დარბაზი უზრუნველყოფილი უნდა იყოს ინტერნეტით, გათბობა-კონდიცირებით, თითოეული პერსონისათვის არანაკლებ 0,5 ლიტრი სასმელი წყლით. რაოდენობა 1 ცალი
1.3 კვებითი მომსახურება - შვედური მაგიდა.
რაოდენობა - 45 პერსონა
კვება: შვედური მაგიდა, სამჯერადი კვება, შემოთავაზებული მენიუ უნდა იყოს მრავალფეროვანი რაციონის და ცვალებადი.
საუზმე: არანაკლებ სამი სახის ცხელი კერძი, სამი სახის ძეხვეული, სამი სახის გარნირი, სამი სახის რძის ნაწარმი, ორი სახის დესერტი და ორი სახის ცომეული, ასევე სასმელი - ყავა, ჩაი, წვენი (ჩაი და ყავა უნდა იყოს შეუზღუდავი რაოდენობით).
სადილი: არანაკლებ სამი სახის ცხელი კერძი (მათ შორის ერთი წვნიანი, მათ შორის სულ მცირე ერთი ხორცით), სამი სახის ცივი კერძი (მათ შორის სულ მცირე ერთი ხორცით), სულ მცირე ორი სახის ბოსტნეულის სალათი, სულ მცირე 2 სახის სეზონური ხილის ასორტი, ორი სახის ცომეული და დესერტი. ასევე სასმელები ყავა, ჩაი, წვენი, გაზიანი სასმელი, მინერალური წყალი (ჩაი და ყავა უნდა იყოს შეუზღუდავი რაოდენობით).
ვახშამი: არანაკლებ სამი სახის ცხელი კერძი(მათ შორის ერთი წვნიანი), სამი სახის ცივი კერძი (მათ შორის სულ მცირე ერთი ხორცით), სულ მცირე ორი სახის ბოსტნეულის სალათი, სამი სახის გარნირი, სამი სახის ძეხვეული, სამი სახის რძის ნაწარმი, სამი სახის დესერტი და ორი სახის ცომეული. ასევე სასმელი - ყავა, ჩაი, წვენი (ჩაი და ყავა უნდა იყოს შეუზღუდავი რაოდენობით).
მისაწოდებელი კერძები და კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი, ჯანმრთელობისთვის უვნებელი. კვების რაციონის მენიუ წინასწარ უნდა იყოს გადმოგზავნილი და შეთანხმებული. რაოდენობა 1 ცალი
1.4 მონაწილეების ტრანსპორტირებით მომსახურეობა: შემსრულებელმა უნდა უზრუნველყოს ერთდროულად 45 პერსონის ტრანსპორტიება, სამცხე ჯავახეთის რეგიონში და 5 დღის შემდგომ უკანა გზაზე ტრანსპორტირება. ავტოსატრანსპორტო საშუალება უნდა იყოს მინ: ევრო-5 ის სტანდარტის, უნდა გააჩნდეს კონდიცირების სისტემა, აღჭურვილი უნდა იყოს აუდიო სისტემით. ავტოსატრანსპორტო საშუალებას გავლილი უნდა ჰქონდეს შესაბამისი ტექნიკური დათვალიერება. მძღოლს უნდა გააჩნდეს შესაბამისი ლიცენზია და მართვის მოწმობა. ავტოინსპექტირება გავლილი უნდა ჰქონდეს პროექტის დასრულებამდე ბოლო 6 თვის განმავლობაში. მძღოლმა უნდა წარმოადგინოს ცნობა ნარკოლოგიური შემოწმების შესახებ, რომელიც ჩატარებული იქნება პროექტის დასრულებამდე 5 კალენდარული დღით ადრე. ტრანსპორტირება უნდა განხორციელდეს სამგორის გამგეობიდან სასტუმრომდე და უკანა გზაზე სასტუმროდან სამგორის გამგეობასთან. რაოდენობა 1 ცალი
1.5 სერტიფიკატების გადაცემის მომსახურეობა: ფორმატი A-4. შემსრულებელმა უნდა უზრუნველყოს სერთიფიკატების მოწოდება ღონისძიების ჩატარებდამდე მინ 1 დღით ადრე. რაოდენობა 45 ცალი.

ხელშეკრულების გაფორმებიდან - არაუგვიანეს 2025 წლის 30 აპრილის ჩათვლით პერიოდში (კონკრეტული თარიღები ღონისძიების ჩატარებაზე მიმწოდებელს ეცნობება წერილობით - ხელშეკრულების გაფორმების შემდეგ)

მომსახურება უნდა განხორციელდეს თბილისის ფარგლებს გარეთ - სამცხე-ჯავახეთის რეგიონში ზამთრის კურორტზე.

პრეტენდენტს 2022 წლის 01 იანვრიდან უნდა გააჩნდეს მომსახურების შესრულების არანაკლებ 40 000 (ორმოცი ათასი) ლარის ღირებულების გამოცდილება (კულტურულ-საგანმანათლებლო ღონისძიებების (გასვლითი - ბანაკის ტიპის ღონისძიების ორგანიზება)). აღნიშნულთან დაკავშირებით სატენდერო წინადადებასთან ერთად ერთიანი ელექტრონული სისტემის მეშვეობით წარმოდგენილი უნდა იქნას ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი; დადასტურებული საგადასახადო ანგარიშ-ფაქტურა (არსებობის შემთხვევაში) და გადახდის დამადასტურებელი დოკუმენტი, რომლითაც გარკვევით დადასტურდება პრეტენდენტის მიერ შესრულებული სამუშაო/მომსახურება;. SPA/NAT/CMR ნომრების წარმოდგენის შემთხვევაში შესრულების დამადასტურებელი დოკუმენტ(ებ)ი-ს წარმოდგენა სავალდებულო არ არის.

• 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
• სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
• პრეტენდენტის მიერ ელექტრონულ სისტემაში ატვირთული სატენდერო დოკუმენტაცია უნდა იყოს ხელმოწერილი და ბეჭედდასმული უფლებამოსილი პირის მიერ.

მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ
იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარებში; 2025 წლის ადგილობრივი ბიუჯეტის სახსრებით.

მომსახურების გაწევის შემდგომ მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

დავით ნიკურაძე, 599405256, D.Nikuradze@tbilisi.gov.ge - გაიოზ გოშაძე, 577156511, gaiozi.goshadze@gmail.com
ტექნიკურ დოკუმენტაციაზე - ბესიკი მაყაშვილი 599429738

10.1.1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 შემსყიდველ ორგანიზაციაში წარმოსადგენი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები: პრეტენდენტის მიერ ერთიან ელექტრონულ სისტემაში ასატვირთი მონაცემები:

1. ფასების ცხრილი დანართი №1–ის მიხედვით (ფასების ცხრილი წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი №2–ის შესაბამისად.