Техническое обслуживание и ремонт (Грузия - Тендер #61209824)

საოფისე აპარატურის მიმდინარე რემონტი (საკრებულოს)

ტექნიკური პირობები

1. მიმწოდებელმა უნდა უზრუნველყოს ქ. ბათუმის მუნიციპალიტეტის საკრებულოს სარგებლობაში არსებული კომპიუტერული და პერიფერიული მოწყობილობების შეკეთება/ტექნიკური მომსახურება სატენდერო დოკუმენტაციის დანართი N1-ში მოცემული შესაკეთებელი ტექნიკის დასახელების, სათადარიგო ნაწილებისა და მომსახურების ჩამონათვალის, რაოდენობისა და ერთეულის ფასების შესაბამისად. პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში (დანართი N1) შესაბამის პოზიციებზე დაფიქსირებულ ზღვრულ ღირებულებებს.
2. შეკეთება და ტექნიკური მომსახურება გულისხმობს ქ. ბათუმის მუნიციპალიტეტის საკრებულოს საკუთრებაში არსებული საოფისე ტექნიკის დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ტექნიკის ნაწილების შეკეთებას და/ან გამოცვლას შემსყიდველის მოთხოვნიდან 2 (ორი) სამუშაო დღეში შემსყიდველის ტერიტორიაზე;
3. მიმწოდებელი ვალდებულია შემსყიდველის ყოველი მიმართვის შემთხვევაში ჩაატაროს შესყიდვის ობიექტის ტექნიკური დათვალიერება ადგილზე და შემსყიდველის უფლებამოსილ წარმომადგენელთან ერთად დაუყოვნებლივ (იმავე დღეს და იქვე) შეადგინოს დეფექტური აქტი, რომელშიც მითითებული იქნება გასაწევის მომსახურების ან/და სათადარიგო ნაწილების (ახალი, არამეორადი) დეტალური აღწერა, მათი ღირებულებები და მომსახურების გაწევის ვადები. იმ შემთხვევაში თუ კომპიუტერული ტექნიკის გარეგანი ვიზუალური დათვალიერებით შეუძლებელია სადეფექტო აქტის შედგენა და დაზიანებული ტექნიკის შეკეთება შემსყიდველის ტერიტორიაზე (ქ. ბათუმი: ლუკა ასათიანის ქ. N25) მიმწოდებელი ვალდებულია მოახდინოს შესაკეთებელი კომპიუტერული ტექნიკის ტრანსპორტირება საკუთარ სერვის ცენტრში და შემდგომ უკვე შეკეთებული ტექნიკის ტრანსპორტირება უკან შემსყიდველის მისამართზე მისივე ხარჯებით. შეცვლა-გამოცვლა მოიცავს როგორც მომსახურებას, ასევე, სათადარიგო ნაწილით უზრუნველყოფას.
4. ყველა დაზიანებული ნაწილი უნდა შეიცვალოს ახალი, ქარხნული წესით დამზადებული და მაღალი ხარისხის შესაბამისი ნაწილით;
5. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, უხარისხო ან მეორადი გამოყენების, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით ასეთი სახის შეტყობინების მიღებიდან არაუგვიანეს 5 (ხუთი) კალენდარული დღის ვადაში.
6. მომსახურების შეუფერხებლად განხორციელების მიზნით, პრეტენდენტს ქ. ბათუმის ტერიტორიაზე უნდა გააჩნდეს მინიმუმ 1 (ერთი) სერვისცენტრი, რომელიც აღჭურვილი უნდა იყოს შესაბამისი ტექნიკური ბაზით და ტექნიკური მომსახურების გაწევისათვის სათანადო გამოცდილების და კვალიფიკაციის პერსონალით.


შენიშვნა:
* პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი, მისი შესყიდვის აუცილებლობისას, უნდა დადგინდეს შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში (დანართი №1) მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

**ელექტრონული ვაჭრობის შედეგად წინადადების ფასის კლება შესაძლებელია, განხორციელდეს მხოლოდ პრეისკურანტის სავარაუდო ღირებულებასთან მიმართებაში. ვაჭრობის დროს პრეტენდენტს უფლება არ აქვს პრეისკურანტის თითოეულ პოზიციაზე მითითებულ ზღვრულ ფასზე მეტის წარმოდგენის. ელექტრონული ვაჭრობის შედეგად პრეისკურანტის ფასის შემცირების შემთხვევაში, ფასთა კლება პროპორციულად უნდა აისახოს პრეისკურანტში მოცემულ თითოეული ერთეულის ფასზე (პროპორციულად დაკლებული ფასები უნდა იყოს დამრგვალებული მეასედებამდე სიზუსტით).


პრეტენდენტის ხელმოწერა -----------------------------

მომსახურება განხორციელდება ხელშეკრულების გაფორმებიდან 2025 წლის 25 დეკემბრის ჩათვლით

მომსახურება განხორციელდება ხელშეკრულების გაფორმებიდან 2025 წლის 25 დეკემბრის ჩათვლით, ეტაპობრივად შემსყიდველის მოთხოვნიდან სტანდარტულად 2 (ორი) სამუშაო დღის განმავლობაში, ხოლო იმ შემთხვევაში თუ საჭირო გახდა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადა გაიზარდოს არაუმეტეს 30 სამუშაო დღემდე. ,,მიმწოდებელმა“ დეფიციტური ნაწილის შესახებ ინფორმაცია წერილობით უნდა აცნობოს ,,შემსყიდველს“ მომსახურების დაწყებიდან არაუგვიანეს 2 (ორი) სამუშაო დღისა, რომლესაც თან უნდა დაერთოს შეკვეთის დამადასტურებელი დოკუმენტი (დოკუმენტის ასლი).

საგარანტიო ვადა და პირობები:
1. მიმწოდებლის მიერ შეცვლილ ან/და შეკეთებულ ნაწილებზე (დეტალებზე) საგარანტიო ვადა უნდა შეადგენდეს ყოველ ეტაპზე გაფორმებული მიღება-ჩაბარების აქტის დღიდან არანაკლებ 6 (ექვსი) თვეს სწორი ექსპლოატაციის პირობებში, გარდა იმ შემთხვევისა როდესაც, დაზიანება გამოწვეულია არასწორი ექსპლუატაციით ან გარეგანი მექანიკური ზემოქმედებით.
2. საგარანტიო პერიოდში მიმწოდებელი ვალდებულია წუნის აღმოჩენის შემთხვევაში დაუყონებლივ, შემსყიდველის წერილობითი მოთხოვნის მიღებიდან ხელშეკრულებით განსაზღვრულ (გონივრულ ვადაში, მაგრამ არაუგვიანეს 3 (სამი) სამუშაო დღეში) ვადებში საკუთარი ხარჯებით აღმოფხვრას აღმოჩენილი წუნი და მისგან გამოწვეული დაზიანება.
ამასთან, სავალდებულოა, ყველა დაზიანებული ნაწილი შეიცვალოს ახალი, ქარხნული წესით დამზადებული და მაღალი ხარისხის შესაბამისი ნაწილით.

პრეტენდენტმა უნდა წარმოადგინოს ინფორმაცია, ქ. ბათუმში სარგებლობაში (ქირავნობა, იჯარა და ა.შ.) ან საკუთრებაში არსებული მომსახურების სერვის ცენტრის ადგილმდებარეობის შესახებ. საკუთრების შემთხვევაში ამონაწერი საჯარო რეესტრიდან, ხოლო სარგებლობის (ქირავნობის, იჯარის და ა.შ.) შემთხვევაში გაფორმებული ხელშეკრულება, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.

1. დაუშვებელია ტენდერით გათვალისწინებული მომსახურების განხორციელება ქვე-კონტრაქტორის მეშვეობით;
2. გასაწევი მომსახურებების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი №1) და არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს. პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.
3. თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც.

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო პრეისკურანტში დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული საქონლის მიწოდების ან/და მომსახურების გაწევის შესაძლებლობა.

ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმებისა და დღგ-ს ანგარიშ-ფაქტურის წარმოდგენის შემდეგ

10 (ათი) სამუშაო დღის განმავლობაში

იამზე ზოსიძე, 577242707, izosidze5@gmail.com (შესყიდვის პროცედურებთან დაკავშირებით)
ტექნიკურ საკითხებთან დაკავშირებით - რევაზ სეხნიაშვილი, ტელ: 577 30 20 10

პრეტენდენტმა უნდა უზრუნველყოს:
ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, შემდეგი თანმიმდევრობით:
-ტექნიკური პირობები;
-დანართი N1-პრეისკურანტი;
- სატენდერო დოკუმენტაციის 1.7.1. და 2.3.1. პუნქტებით გათვალისწინებული მოთხოვნები;
ბ) ყველა დოკუმენტი ხელმოწერილი (პრეისკურანტის - Excel ფალის გარდა) უნდა იყოს უფლებამოსილი პირის მიერ (კვალიფიციური ელექტრონული ხელმოწერით ან/და კვალიფიციური ელექტრონული შტამპით). დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე.

* შენიშვნა: სატენდერო დოკუმენტაციაში, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.