Машины, оборудование и канцелярские принадлежности, за исключением компьютеров, принтеров и мебели (Грузия - Тендер #61209816)

ტონერიანი (ორიგინალი) კარტრიჯები

1. კარტრიჯები უნდა იყოს ახალი, ქარხნული, ორიგინალი (ორიგინალი გულისხმობს პრინტერის მწარმოებლის მიერ დამზადებულ, ან ამავე მწარმოებლის მიერ სერთიფიცირებული კომპანიის მიერ დამზადებულ პროდუქტს), განკუთვნილი დანართი #1-ში მითითებული პრინტერებისათვის;
2. შემოთავაზებული კარტრიჯები არ უნდა იყოს მეორადი, გაყალბებისგან და ფალსიფიცირებული პროდუქციისგან დაცვის მიზნით, თითოეულ კარტრიჯს უნდა ჰქონდეს უნიკალური კოდი და ყუთზე დატანილი გაყალბებისგან დამცავი 3D ჰოლოგრამა, რომლის საშუალებითაც მწარმოებლის ოფიციალურ ვებგვერდზე უნდა მოწმდებოდეს თითოეული კარტრიჯი),პრეტენდეტის მიერ მოწოდებული პროდუქცია არ უნდა იწვევდეს პრინტერების მუშაობის ხარისხის გაუარესებას და პრინტერების დეტალების დაზიანებას;
3. იმის გათვალისწინებით, რომ შესასყიდი ობიექტი გათვალისწინებულია ძვირადღირებული საბეჭდი მოწყობილობებისთვის, მიმწოდებელმა უნდა აიღოს პასუხისმგებლობა, რომ მის მიერ შემოთავაზებული პროდუქცია არ გამოიწვევს პრინტერების დაზიანებას, მათ შორის საღებავის/ფხვნილის ტექნიკაში ჩაყრას. წინააღმდეგ შემთხვევაში მიმწოდებელი ვალდებულია აუნაზღაუროს შემსყიდველს ზიანი - საკუთარი ხარჯით შეაკეთოს დაზიანებული ტექნიკა (არაუგვიანეს 5 სამუშაო დღისა). აღნიშნული მომსახურების აუცილებლობის შემთხვევაში ტრანსპორტირება უნდა უზრუნველყოს მიმწოდებელმა.
4. თითოეული მოდელის კარტრიჯი თავსებადი უნდა იყოს დანართი #1-ში (ფასების ცხრილში) მითითებულ პრინტერის მოდელთან. იმ შემთხვევაში, თუ კარტრიჯი არ აღმოჩნდება თავსებადი დანართი #1-ში (ფასების ცხრილში) მითითებულ შესაბამის პრინტერთან და ავტორიზებული სერვის ცენტრის მიერ დადასტურდება, რომ პრობლემა გამოწვეულია კარტრიჯის მიერ, მიმწოდებელი ვალდებული იქნება აღმოფხვრას არსებული პრობლემა, ასევე დაფაროს ყველა სახის ხარჯი, რომელიც დაკავშირებული იქნება აღნიშნული წუნის გამოვლენასა (დიაგნოსტიკის, ტრანსპორტირების და სხვა ხარჯები) და გამოსწორებასთან.
5.შემოთავაზებული საქონელი უნდა იყოს მსოფლიო ბრენდის, რომელიც ბაზარზე არანაკლებ 10 (ათი) წელია იყიდება (წარმოსადგენია შესაბამისი ინფორმაცია/ დოკუმენტაცია, რომელიც დაადასტურებს შემოთავაზებული სავაჭრო ნიშნის (ბრენდის) საერთაშორისო ბაზარზე არსებობის მინიმუმ 10 წლიან ისტორიას).

ხელშეკრულების ძალაში შესვლიდან არაუგვიანეს 30 (ოცდაათი) კალენდარული დღის განმავლობაში

საქონლის მიწოდება უნდა განხორციელდეს ერთ ეტაპად.

საქონლის მიწოდების ადგილია: ქ. თბილისი, ზვიად გამსახურდიას სანაპირო #1.

პრეტენდენტის მიერ შემოთავაზებულ პროდუქციაზე უნდა ვრცელდებოდეს არანაკლებ 2 (ორი) წლიანი გარანტია შემსყიდველის მხრიდან სწორი ესპლუატაციის პირობებში. კარტრიჯის გახსნიდან მის სრულ დაცლამდე ამობეჭვდისას არ უნდა გამოვლინდეს ხარვეზები: წერტილები, თეთრი და შავი ზოლები და ა.შ, ამასთან, კარტრიჯიდან არ უნდა იბნეოდეს საღებავი საბეჭდ მოწყობილობაში. საგარანტიო პერიოდში ბეჭდვის პროცესში რაიმე დეფექტის აღმოჩენის შემთხვევაში პროდუქცია უნდა შეიცვალოს ახლით არაუგვიანეს 3 (სამი) სამუშაო დღის განმავლობაში, საგარანტიო მომსახურების აუცილებლობის შემთხვევაში ტრანსპორტირება უნდა უზრუნველყოს მიმწოდებელმა. საგარანტიო პირობებით განსაზღვრული მოთხოვნები ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;

სატენდერო წინადადების წარმოდგენისას პრეტენდენტმა უნდა მიუთითოს გარანტიის ზუსტი ხანგრძლივობა. შემსყიდველის მიერ გამოყენებულია ტერმინი ,,არანაკლებ 2 (ორი) წელი", პრეტენდენტმა ზუსტად უნდა განსაზღვროს ეს ვადა.

პრეტენდენტმა უნდა წარმოადგინოს ინფორმაცია შესყიდვის ობიექტის მწარმოებლი ქვეყნის, მწარმოებლი კომპანიის და კონკრეტული მოდელის თაობაზე.


შენიშვნა: პრეტენდენტის მიერ, „წინადადების მიღება დასრულებულია“ ეტაპზე, "ფასების ცხრილში" შემოთავაზებული შესყიდვის ობიექტის მწარმოებლი ქვეყნის, მწარმოებლი კომპანიის და მოდელის მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურების გარეშე გარდა იმ შემთხვევისა, თუ პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის მწარმოებლი ქვეყნის, მწარმოებლი კომპანიის და მოდელის იდენტიფიკაცია.

პრეტენდენტს უნდა გააჩნდეს კარტრიჯების მიწოდების არანაკლებ 2 (ორი) წლიანი გამოცდილება (2023-2024 წლები), რომლის თაობაზეც ინფორმაცია მოცემული უნდა იყოს ცხრილის სახით (დანართი #2) და აღნიშნულის შესაბამისი დამადასტურებელი დოკუმენტაცია (ხელშეკრულებ(ები)ა, მიღება-ჩაბარების აქტ(ებ)ი) ატვირთული უნდა იქნას ერთიან ელექტრონულ სისტემაში (სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს შესყიდვის შესაბამისი ინდივიდუალური (SPA/CMR/NAT...) ნომერი და ამ შემთხვევაში დამატებითი დოკუმენტაციის/ინფორმაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის).

პრეტენდენტმა სისტემის მეშვეობით უნდა წარმოადგინოს შემდეგი ინფორმაცია/დოკუმენტაცია

პრინტერების მწარმოებლის "HP"-ის მიერ გაცემული წერილი ან/და ვებ-ბმული პრინტერების მწარმოებლის "HP"-ის ოფიციალური ვებგვერდიდან (ამობეჭდილი და ნოტარიული წესით თარგმნილი ქართულ ენაზე), იმის შესახებ, რომ შემოთავაზებული კარტრიჯ(ებ)ი არის განკუთვნილი 1.2 პუნქტში/ფასების ცხრილში მითითებული პრინტერისათვის.

შენიშვნა: ინფორმაციის/დოკუმენტების წარდგენა შესაძლებელია როგორც ქართულ, ისე უცხოურ ენებზე. უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით (ნოტარიულად დამოწმებული) შესრულებული თარგმანები ქართულ ენაზე.

ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ანგარიშსწორება განოხრციელდება ერთ ეტაპად, საბოლოო ანგარიშსწორების ფორმით, საქონლის მიწოდების, მხარეთა შორის მიღება-ჩაბარების აქტის გაფორმების, მიმწოდებლის მიერ შემსყიდველისათვის საგადასახადო ანგარიშ-ფაქტურის (თუ არ არის დღგ-ს გადამხდელი, უნდა წარმოადგინოს ცნობა) და სასაქონლო ზედნადების წარდგენის შემდეგ,

10 სამუშაო დღე

თეონა ასპანიძე, 598353363, taspanidze@moesd.gov.ge

იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.