Архитектурные и сопутствующие услуги (Грузия - Тендер #61209778)

ყაზბეგის მუნიციპალიტეტში, სოფელ არშაში სამშენებლო სამუშაოებზე ტექნიკური ზედამხედველობის/ინსპექტირების მომსახურების (შემდგომში - მომსახურება) სახელმწიფო შესყიდვა.

გთხოვთ იხილოთ ტექნიკური დავალება

1.4.1 მომსახურების განხორციელების ვადა:
1.4.1.1 ყაზბეგის მუნიციპალიტეტში, სოფელ არშაში მდებარე მიწის ნაკვეთზე (ს/კ 74.03.13.002) არსებული ყველა შენობა-ნაგებობის დემონტაჟისა და ახალი საოფისე და დამხმარე შენობა-ნაგებობების მშენებლობის, აგრეთვე დამხმარე ინფრასტრუქტურის მოწყობისა და არსებული ტერიტორიის კეთილმოწყობის (მათ შორის, შემოღობვა) სამუშაოების მიმდინარეობის სრული პერიოდი (იხ. ელექტრონული ტენდერის ინფორმაცია NAT240020239);
1.4.1.2 იმ შემთხვევაში, თუ NAT240020239 ელექტრონული ტენდერის შესაბამისად გაფორმებული ხელშეკრულების ფარგლებში, შემსყიდველსა და მშენებლობის მწარმოებელ კომპანიას შორის გაფორმებული შეთანხმებით გაიზრდება სამშენებლო სამუშაოების შესრულების ვადა, შესაბამისი ვადით გაიზრდება მომსახურების გაწევის ვადაც, რის თაობაზეც გაფორმდება შეთანხმება. აღნიშნულ შემთხვევაში, მიმწოდებელი არ არის უფლებამოსილი უარი თქვას შეთანხმების გაფორმებაზე ან მოითხოვოს ხელშეკრულების ღირებულების გაზრდა.

ყაზბეგის მუნიციპალიტეტში, სოფელ არშაში მდებარე მიწის ნაკვეთი (ს/კ 74.03.13.002);

2.7.1.1 პრეტენდენტი უნდა იყოს სსიპ „აკრედიტაციის ერთიანი ეროვნული ორგანოს – აკრედიტაციის ცენტრის“ მიერ აკრედიტებული „A-ტიპის ინსპექტირების ორგანო,“ რომელსაც აქვს აკრედიტაცია შემდეგ სფეროებში:
- სამოქალაქო შენობა ნაგებობები, ელექტროქსელები და სისტემები (1000 ვ-მდე), სუსტი დენები, გათბობა-ვენტილაცია-გაგრილების ქსელები და სისტემები, წყალმომარაგება, კანალიზაცია, წყალარინების ქსელები და სისტემები ტექნიკური ზედამხედველობა – ინსპექტირება;
- შესრულებული სამუშაოების ინსპექტირება (მათ შორის ფორმა N2-ის მიხედვით).
აღნიშნულის დადასტურების მიზნით პრეტენდენტმა უნდა წარმოადგინოს წინამდებარე ელექტრონული ტენდერის წინადადებების მიღების დასრულების დღისთვის მოქმედი აკრედიტაციის მოწმობა და დოკუმენტაცია შესაბამისი აკრედიტაციის სფეროს შესახებ;
2.7.1.2 ხელშეკრულების მოქმედების პერიოდში, სატენდერო დოკუმენტაციის 2.7.1.1 პუნქტით მოთხოვნილი აკრედიტაციის მოწმობის მოქმედების ვადის გასვლის შემთხვევაში, მიმწოდებელი ვალდებულია წარმოუდგინოს შემსყიდველს აკრედიტაციის მოწმობა განახლებული ვადით.
2.7.1.3 სატენდერო დოკუმენტაციის 2.7.1.1 პუნქტით დადგენილი მოთხოვნა შესაბამის სფეროში აკრედიტაციის არსებობის შესახებ, მოქმედი უნდა იყოს გასაწევი მომსახურების ვადის სრულ ამოწურვამდე.
2.7.1.4 იმ შემთხვევაში, თუ პრეტენდენტს მიერ არ იქნა დაცული სატენდერო დოკუმენტაციის 2.7.1.2 და 2.7.1.3 პუნქტით დადგენილი მოთხოვნები, აღნიშნული წარმოადგენს შემსყიდველის მხრიდან ხელშეკრულების შეწყვეტის საფუძველს.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტს სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

7.2.1 ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ფაქტიურად გაწეული მომსახურების შესაბამისად, ეტაპობრივად (მშენებელი კომპანიის მიერ ანგარიშსწორების მოთხოვნის მიზნით წარდგენილი და დადასტურებული შესრულებული სამუშაოების აქტ(ებ)ის (ფორმა N2) შესაბამისად, ფაქტობრივად შესრულებული სამუშაოების ღირებულების იმ პროცენტული ოდენობით, რომელიც განისაზღვრება დანართი N1 - ფასების ცხრილით), მიმწოდებლის მიერ წარმოდგენილი, ხელშეკრულებით გათვალისწინებული დოკუმენტების საფუძველზე.

შენიშვნა: იმ შემთხვევაში, თუ საზედამხედველო ობიექტზე - NAT240020239 ელექტრონული ტენდერის შესაბამისად გაფორმებული ხელშეკრულების ფარგლებში, შემსყიდველსა და მშენებლობის განმახორციელებელ კომპანიას შორის გაფორმებული შეთანხმებით გაიზრდება (არაუმეტეს 10%-ის ფარგლებში) ხელშეკრულების საერთო სავარაუდო ღირებულება, აღნიშნული ქმედება არ გამოიწვევს შემსყიდველის მიერ ზედამხედველობის/ინსპექტირების მომსახურების ფარგლებში მიმწოდებლისათვის გადასახდელი საერთო სავარაუდო ღირებულების ზრდას. აღნიშნულ შემთხვევაში, განხორციელდება ხელშეკრულების დანართი N1 - ფასების ცხრილით განსაზღვრული სამშენებლო სამუშაოების ღირებულების პროცენტის კორექტირება, ხელშეკრულების საერთო სავარაუდო ღირებულების შეუცვლელად.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ფაქტიურად გაწეული მომსახურების შესაბამისად, ეტაპობრივად (მშენებელი კომპანიის მიერ ანგარიშსწორების მოთხოვნის მიზნით წარდგენილი და დადასტურებული შესრულებული სამუშაოების აქტ(ებ)ის (ფორმა N2) შესაბამისად, ფაქტობრივად შესრულებული სამუშაოების ღირებულების იმ პროცენტული ოდენობით, რომელიც განისაზღვრება დანართი N1 - ფასების ცხრილით), მომსახურების გაწევიდან და ხელშეკრულებით განსაზღვრული დოკუმენტების წარმოდგენიდან 10 სამუშაო დღის ვადაში.

არჩილ პაპუაშვილი, 595701003, a.papuashvili@gogc.ge

10.1.1 შესყიდვის ობიექტის სავარაუდო ღირებულებაა 46 610,00 ლარი, ლარი, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს მომსახურების შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილ დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 10.3.1 პუნქტით მოთხოვნილი დანართი #1 (ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
10.2.3 სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №3), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან;

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ფასების ცხრილი, დანართი №1-ის შესაბამისად (პუნქტი 1.3);
- პრეტენდენტის მიერ, „წინადადების მიღება დასრულებულია“ ეტაპზე, ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
10.3.2 აკრედიტაციის მოწმობა და დოკუმენტაცია აკრედიტაციის შესაბამისი სფეროს შესახებ (პუნქტი 2.7.1).