Ремонт и техническое обслуживание транспортных средств и оборудования и сопутствующие услуги (Грузия - Тендер #60969188)

ა(ა)იპ „აგროსერვის ცენტრი“-ს ბალანსზე რიცხული ავტოსატრანსპორტო საშუალებების რეცხვის მომსახურების შესყიდვა.

ტექნიკური დავალება:

1. მიმწოდებელმა უნდა უზრუნველყოს ავტოსატრანსპორტო საშუალებების სრული რეცხვა.
2. მომსახურების გაწევა უნდა განხორციელდეს მიმწოდებლის მიერ დამზადებული შესაბამისი მომსახურების დამადასტურებელი საბუთის (ტალონის) მეშვეობით. მიმწოდებელი ვალდებულია შემსყიდველის მოთხოვნიდან არაუგვიანეს 2 (ორი) სამუშაო დღის ვადაში უზრუნველყოს ტალონების მიწოდება. მომსახურების დამადასტურებელი დოკუმენტი - რეცხვის ტალონი უნდა შეიცავდეს მინიმუმ შემდეგ ინფორმაციას:
ა) მიმწოდებლის დასახელება;
ბ) ტალონის იდენტიფიცირების ნომერი;
გ) ავტომანქანის სახეობა (ტიპი).
3. ტალონის ცალი მხარე დამოწმებული უნდა იყოს შემსყიდველის ბეჭდით, რომელზეც დატანილი იქნება ავტომანქანის სახელმწიფო ნომერი, დაუმოწმებელ ტალონზე მიმწოდებლის მიერ მომსახურება არ უნდა განხორციელდეს.
4. ტალონების მიწოდება უნდა განხორციელდეს ეტაპობრივად, ხოლო რეცხვის მომსახურების გაწევა, მიმწოდებლის საკუთრებაში/სარგებლობაში არსებულ ავტოსამრეცხაოებში, შემსყიდველის თანამშრომლის მიერ ტალონების წარდგენიდან 1 საათის განმავლობაში.
5. სატრანსპორტო საშუალებების სრული რეცხვა მოიცავს, როგორც გარე, ასევე შიდა (სალონი, საბარგული, ძარა) ნაწილის რეცხვას ხელით, სპეციალური მოწყობილობების, ინვენტარისა და სარეცხი საშუალებების გამოყენებით (ხელით რეცხვაში იგულისხმება ავტომანქანის რეცხვა სტანდარტულად გარედან სარეცხი საშუალებების (ქაფის) გამოყენებით, მაღალი წნევის სარეცხი მოწყობილობებით რეცხვა, წყლის გადავლება და გამშრალება) და შიგნიდან (მტვერსასრუტით დასუფთავება, მტვრის და ჭუჭყის მოშორება ჩვრებით და სხვა სათანადო საშუალებებით).
6. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს.
7.მიმწოდებლის ავტოსამრეცხაო სადგური უნდა მდებარეობდეს შემსყიდველის იურიდიული მისამართიდან (ქ.ბათუმი, ბაქოს ქ. N18) არაუმეტეს 5 კილომეტრის მანძილზე (მანძილში იგულისხმება სამანქანო გზა).

1. მიმწოდებლის მიერ მომსახურების გაწევა უნდა განხორციელდეს ეტაპობრივად, ტალონური სისტემით, შემსყიდველის წინასწარი შეკვეთების შესაბამისად, ხელშეკრულების გაფორმებიდან 2025 წლის 25 დეკემბრის ჩათვლით.
2. ფასების ცხრილი - დანართი N1-ში მოცემული რაოდენობები არის საორიენტაციო და შემსყიდველს უფლება აქვს სრულად არ აითვისოს ხელშეკრულებით გათვალისწინებული თანხა.

მომსახურეობის გაწევის ადგილია ტენდერში გამაჯვებული პრეტედენტის მიერ შემოთავაზებული ავტოსამრეცხაოს მისამართი, რომელიც უნდა მდებარეობდეს შემსყიდველის იურიდიული მისამართიდან (ქ.ბათუმი, ბაქოს ქ. N18) არაუმეტეს 5 კილომეტრის მანძილზე (მანძილში იგულისხმება სამანქანო გზა).

ინფორმაცია პრეტენდენტის ტექნიკური შესაძლებლობების შესახებ:

1. პრეტენდენტს საკუთრებაში ან/და საქართველოს სამოქალაქო კოდექსით ნებადართული (იჯარა, თხოვება და ა.შ) ფორმით უნდა გააჩნდეს არანაკლებ ერთი სამრეცხაო ქ. ბათუმის ტერიტორიაზე არანაკლებ 2 (ორი) ერთეული რეცხვის მომსახურების ე.წ. "ბოქსით", რომელიც აღჭურვილი იქნება რეცხვისათვის საჭირო მოწყობილობებით, კერძოდ:
• არანაკლებ 1 (ერთი) ერთეული ქაფის აპარატი;
• არანაკლებ 2 (ორი) ერთეული მაღალი წნევის სარეცხი აპარატი.
აღნიშნული ინფორმაცია წარმოდგენილი უნდა იქნას ტექსტის სახით, რომელზეც თანდართული უნდა იყოს სამრეცხაოსა და სარეცხი მოწყობილობების ფოტოსურათები, სამრეცხაოს მისამართის მითითებით.
2. სამრეცხაოს საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტების ასლები, იჯარის ან საქართველოს სამოქალაქო კოდექსით ნებადართული (იჯარა, თხოვება და ა.შ) ფორმის შემთხვევაში, შესაბამისი დამადასტურებელი დოკუმენტების ასლები (საიჯარო, თხოვების ხელშეკრულების ასლ(ებ)ი), რომლის ვადა უნდა აღემატებოდეს მომსახურების გაწევის ვადას (2025 წლის 25 დეკემბერი).
3. შემსყიდველს უფლება აქვს სატენდერო წინადადების მიღების ვადის დასრულების შემდგომ პრეტენდენტის მიერ წარმოდგენილი ინფორმაცია მატერიალურ-ტექნიკური ბაზის შესახებ შეამოწმოს ადგილზე.

ა) იმ შემთხვევაში, როდესაც ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტი ვალდებულია წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, აღნიშნული დასაბუთების წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის საქმიანობის კანონმდებლობით გათვალისწინებული ფორმით გაცემული შესაბამისი უფლებამოსილების/აკრედიტაციის დამადასტურებელი დოკუმენტი);
ბ) ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
გ) წარმოდგენილ დასკვნას თან უნდა ერთვოდეს ფასების ცხრილი, რომლის საფუძველზეც მოხდა დასკვნის შედგენა.

1. ანგარიშსწორება განხორციელდება ეტაპობრივად, შემსყიდველსა და მიმწოდებელს შორის მიღება-ჩაბარების აქტის გაფორმებისა და მიმწოდებლის მიერ შესაბამისი საგადასახადო დოკუმენტაციის წარმოდგენის შემდეგ.
2. ანგარიშსწორება მიმწოდებელთან განხორციელდება უნაღდო ანგარიშსწორების ფორმით, ეროვნულ ვალუტაში ლარში.

შემსყიდველსა და მიმწოდებელს შორის მიღება-ჩაბარების აქტის გაფორმებისა და მიმწოდებლის მიერ შესაბამისი საგადასახადო დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

გოგიტა გოგიტიძე, 555424545, g.gogitidze23@gmail.com სატენდერო დოკუმენტაციასთან დაკავშირებით განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით ან/და სატენდერო კომისიის აპარატში, მის. ქ. ბათუმი, ბაქოს ქ. N18.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს/მწარმოებლის შესახებ, ასევე არ არის წარმოდგენილი ან განუფასებლადაა წარდგენილი ხარჯთაღრიცხვა ან განუფასებელი პოზიციების რაოდენობა აღემატება განსაფასებელი პოზიციების 1%-ს, რაც გამოიწვევს პრეტენდენტის დიკვალიფიკაციას.
10.1.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.4. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტების შესაბამისად დამოწმებული უნდა იყოს კვალიფიცური ელექტორნული ხელმოწერით/კვალიფიციური ელექტრონული შტამპით.
10.1.5. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6. პრეტენდენტს არ აქვს უფლება წარმოადგინოს ალტერნატიული სატენდერო წინადადება.


პრეტენდენტის მიერ ერთიან ელექტრონულ სისტემაში ატვირთული სატენდერო წინადადება უნდა შეიცავდეს შემდეგი სახის ინფორმაციას/დოკუმენტაციას:
1. სატენდერო დოკუმენტაციის 1.3 პუნქტის თანახმად, ფასების ცხრილი - დანართი N1-ის სახით;
2. სატენდერო დოკუმენტაციის 2.3.1 პუნქტის თანახმად, ინფორმაცია/დოკუმენტაცია მატერიალურ-ტექნიკური ბაზის შესახებ.