Техническое обслуживание и ремонт (Грузия - Тендер #60969160)

საოფისე აპარატურის შეკეთება და ტექნიკური მომსახურება

1.2.1 მომსახურება მოიცავს დაზიანებული ტექნიკის შეკეთებასა და, საჭიროების შემთხვევაში, დეტალების ახლით შეცვლას.
1.2.2 ტექნიკური მომსახურება ჩატარდება მხარეთა შორის შედგენილი დეფექტური აქტის საფუძველზე, რომელიც შედგენილი უნდა იყოს დანართი №2-ით გათვალისწინებული ფორმის დაცვით.
1.2.3 მომსახურების გაწევისას ყოველ ჯერზე მხარეებს შორის შედგება მომსახურების შესრულების აქტი, რომელიც შედგენილი უნდა იყოს დანართი №3-ით გათვალისწინებული ფორმის დაცვით.
1.2.4 მომსახურება მოიცავს, საჭიროების შემთხვევაში, მიმწოდებლის მიერ შესაკეთებელი ტექნიკის ტრანსპორტირებას (დაზიანებული ტექნიკის წაღება და შეკეთებული საქონლის მოტანა შემსყიდველის მისამართზე: ქ. თბილისი, ზვიად გამსახურდიას სანაპიროს #1).
1.2.5 ტენდერში გამარჯვებულ პრეტენდენტთან ხელშეკრულება გაფორმდება 15 000 (თხუთმეტი ათასი) ლარზე, ელექტრონული ვაჭრობა გაიმართება მომსახურების პრეისკურანტში მოცემული მომსახურების ზღვრული ერთეულის ფასების ჯამურ ღირებულებაზე.
1.2.6 მომსახურების პრეისკურანტში პრეტენდენტის მიერ მითითებული ერთეულის ფასები არ უნდა აღემატებოდეს პრეისკურანტში შესაბამის პოზიციაზე მითითებულ სავარაუდო მაქსიმალურ ზღვრულ ღირებულებას.
1.2.7 იმ შემთხვევაში, თუ პრეტენდენტი მიიღებს მონაწილეობას ელექტრონულ ვაჭრობაში, სატენდერო დოკუმენტაციის დანართის №1 წარმოდგენისას, დაუშვებელია რომელიმე პოზიციაზე პრეტენდენტის მიერ თავდაპირველად მითითებული ერთეულის ფასის ცვლილება მატების კუთხით.
1.2.8 პრეტენდენტის მიერ წარმოდგენილ საბოლოო ფასს და პრეისკურანტის საწყის ფასს (შემსყიდველის მიერ დაფიქსირებული სავარაუდო ღირებულება) შორის სხვაობა შემსყიდველის მიერ გამოანგარიშდება პროცენტულად, რომლის მიხედვითაც დაევალება პრეტენდენტს, წარმოადგინოს კორექტირებული დანართი N1, ფასების ცხრილი ზემოაღნიშნული პროცენტული მაჩვენებლის პროპორციულად, კლებადობის პრინციპით, თითოეული საქონელისა და მომსახურებისათვის.
1.2.9 მიმწოდებელთან ხელშეკრულების გაფორმების შემდეგ, პრეისკურანტში მომსახურების რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.10 შესყიდვის ობიექტი სახეობები, განზომილება და მომსახურების ზღვრული ერთეულის ღირებულებები მოცემულია მომსახურების პრეისკურანტში, რომელიც ატვირთულია 1.3 პუნქტში.

1.4.1 მომსახურება განხორციელდება ეტაპობრივად, შემსყიდველის მოთხოვნის შესაბამისად, ხელშეკრულების გაფორმებიდან 2025 წლის 31 დეკემბრის ჩათვლით პერიოდში.

1.4.2 მიმწოდებელი ვალდებულია შემსყიდველის მხრიდან საოფისე აპარატურის გაუმართაობის თაობაზე შეტყობინების მიღებიდან არაუგვიანეს მომდევნო დღისა განახორციელოს მისი შემოწმება და დაზიანების დადგენა.

1.4.3 მიმწოდებელი ვალდებულია დაზიანების აღმოფხვრა განახორციელოს დაზიანების აღმოჩენიდან არაუგვიანეს 3 (სამი) სამუშაო დღისა, ხოლო დეფიციტური ნაწილის შემთხვევაში - არაუგვიანეს 2 (ორი) კვირისა (ამ შემთხვევაში შედგება დეფექტური აქტი, სადაც განისაზღვრება დაზიანება და მისი აღმოფხვრის ვადა).

1.5.1 მომსახურების გაწევა უნდა განხორციელდეს შემდეგ მისამართზე: ქ. თბილისი, ზვიად გამსახურდიას სანაპირო №1 (სსიპ „იუსტიციის სახლის“ თბილისის ცენტრალური ფილიალი).

1.5.2 საჭიროების შემთხვევაში, მხარეთა შეთანხმებით, მომსახურების გაწევა შესაძლებელია მიმწოდებლის მისამართზე, ამ შემთხვევაში შესაკეთებელი ტექნიკის ტრანსპორტირებას უზრუნველყოფს მიმწოდებელი (დაზიანებული ტექნიკის წაღება და შეკეთებული საქონლის დაბრუნება შემსყიდველის მისამართზე)

1.7.1.1 მიმწოდებლის მიერ შეკეთებულ ან შეცვლილ ნაწილ(ებ)ზე უნდა ვრცელდებოდეს გარანტია შესაბამისი მიღება-ჩაბარების აქტის გაფორმების თარიღიდან არანაკლებ 1 (ერთი) წლის განმავლობაში.

1.7.1.2 საგარანტიო პერიოდის განმავლობაში, დეფექტის ან ხარვეზის აღმოჩენის შემთხვევაში, მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში, თავისი ხარჯებით, შემსყიდველის მხრიდან რაიმე დანახარჯის გაწევის გარეშე, გარდა იმ შემთხვევისა, როდესაც დაზიანება გამოწვეულია ბუნებრივი ცვეთით, ექსპლუატაციის წესების დარღვევით ან/და მექანიკური ზემოქმედებით.

1.7.1.3 იმ შემთხვევაში, თუ საგარანტიო პერიოდის განმავლობაში აღმოჩნდება წუნდებული მომსახურება ან/და საქონელი, რომლის გამოსწორება/შეცვლა შეუძლებელია, შემსყიდველის მიერ ასეთი მომსახურების/საქონლის საფასური არ ანაზღაურდება. თუ შემსყიდველს უკვე გადახდილი აქვს წუნდებული მომსახურების/საქონლის ღირებულება, მიმწოდებელი ვალდებულია დაუბრუნოს შემსყიდველს აღნიშნული თანხა, შესაბამისი შეტყობინების მიღებიდან 15 სამუშაო დღის ვადაში.

2.2.1.1 პრეტენდენტს, სახელმწიფო შესყიდვების ფარგლებში, უნდა გააჩნდეს საოფისე ტექნიკის (მათ შორის პრინტერების, სკანერების, ლეპტოპების) შეკეთებისა და ტექნიკური მომსახურების გაწევის გამოცდილება, რომლის ჯამური ღირებულებაც 2022 წლიდან - აღნიშნული ტენდერის გამოცხადების თარიღამდე პერიოდში, არ უნდა იყოს 30 000 ლარზე ნაკლები საქართველოს კანონმდებლობით დადგენილი ყველა გადასახადის ჩათვლით. აღნიშნულის დასტურად, პრეტენდენტის მიერ წარმოდგენილ უნდა იქნეს შესაბამისი ხელშეკრულებები და მიწოდებულ საქონელზე/გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული საქონლის მიწოდება/მონტაჟის/მომსახურების გაწევის ფაქტს.

2.2.1.2 პრეტენდენტს 2022 წლიდან - აღნიშნული ტენდერის გამოცხადების თარიღამდე პერიოდში, სახელმწიფო შესყიდვების ფარგლებში, უნდა გააჩნდეს ანალოგიური მომსახურების, კერძოდ: დანართის №1 (პრეისკურანტი) 1-6 პოზიციებით განსაზღვრული მოდელებიდან არანაკლებ 5 იდენტური მოდელის შეკეთება/ტექნიკური მომსახურების გამოცდილება. აღნიშნულის დასტურად პრეტენდენტის მიერ წარმოდგენილი უნდა იქნეს შესაბამისი ხელშეკრულება და მიწოდებულ საქონელზე/გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული საქონლის მიწოდება/მონტაჟის/მომსახურების გაწევის ფაქტს.

2.2.1.3 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

2.9.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
2.9.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას. ხელმოწერას არ საჭიოებს ფასების ცხრილი - დანართი #1, თუ იგი წარმოდგენილი იქნება Excel-ის ფორმატით.
2.9.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2.9.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
2.9.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;

4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება ერთიანად ან/და ეტაპობრივად, უნაღდო ანგარიშსწორებით, ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

7.3.1. ანგარიშსწორება განხორციელდება ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

გიორგი მხეიძე, 555704644, giomkheidze@psh.gov.ge