Инженерные услуги (Грузия - Тендер #60950341)

საკადასტრო აზომვითი/აგეგმვითი ნახაზების შესყიდვა.

ტექნიკური დავალება: გასაწევი მომსახურება გულისხმობს: ხონის მუნიციპალიტეტის ტერიტორიაზე არსებული უძრავი ქონების, არასასოფლო-სამეურნეო და სასაოფლო სამეურნეო დანიშნულების მიწის ნაკვეთების (მათ შორის მასზე განთავსებული შენობა-ნაგებობების), შიდა აზომვითი ნახაზების და ხაზოვანი ნაგებობების საკადასტრო აგეგმვითი/აზომვითი ნახაზების მომზადებას.

შესასყიდი მომსახურების მიმართ წაყენებული მოთხოვნები:

1) მიწის ნაკვეთების საკადასტრო აგეგმვითი/აზომვითი ნახაზები წარმოდგენილი უნდა იქნეს სახელმწიფო გეოდეზიურ კოორდინატთა სისტემაში (WGS 84 კოორდინატთა სისტემა, UTM-პროექციაში, SHP-ფორმატის ფაილის სახით (2 ცალი, CD დისკი) 2 (ორი) ქაღალდის ეგზემპლარად და უნდა შეიცავდეს შემდეგ მონაცემებს:
ა) მიწის ნაკვეთის დანიშნულება;
ბ) მიწის ნაკვეთის ადგილმდებარეობა (მისამართი);
გ) მიწის ნაკვეთის ფართობი;
დ) მიწის ნაკვეთზე არსებული შენობა-ნაგებობის (განაშენიანების) გარეკონტურის ფართობი;
ე) შენობა-ნაგებობის რიგითი ნომრები, სართულიანობა;
ვ) ხაზოვანი (მიწისზედა და მიწისქვეშა) ნაგებობების სიგრძე, შუალედებში არსებული ჭების და ბოძების ჩვენებით;
ზ) პირობითი ნიშნები.
2) შენობა-ნაგებობის ტექნიკური (შიდა) აზომვითი ნახაზი წარმოდგენილი უნდა იყოს თვალსაჩინო მასშტაბში, ქაღალდის ვერსიის სახით, 3 (სამი) ეგზემპლარად და უნდა შეიცავდეს შემდეგ მონაცემებს:
ა) შენობა-ნაგებობის ექსპლიკაციას სართულების მიხედვით, შესაბამისი სასარგებლო და განაშენიანების ფართის მითითებით;
ბ) ტექნიკურ (შიდა) ნახაზს უნდა ახლდეს შენობა-ნაგებობების ფოტო-სურათები (დატანილი CD დისკზე).
3) მიწისზედა ხაზოვანი ნაგებობის ფოტო-სურათები (დატანილი CD დისკზე).


1. საკადასტრო აგეგმვითი/აზომვითი ნახაზი უნდა აკმაყოფილებდეს „საჯარო რეესტრის შესახებ“ საქართველოს კანონის, საქართველოს მთავრობის 2016 წლის 8 აგვისტოს №388 დადგენილებითა და სხვა საკანონმდებლო და კანონქვემდებარე ნორმატიული აქტებით დადგენილ მოთხოვნებს;
2. საკადასტრო აგეგმვითი/აზომვითი ნახაზის დამზადება უნდა მოხდეს მაღალი სიზუსტის გეოდეზიური ხელსაწყო GPS-ისა და „GEO-CORS“-ის სისტემის გამოყენებით (საამზომველო ინსტრუმენტი ჩართული უნდა იყოს „GEO-CORS“-ში).
3. ტენდერში გამარჯვებული პრეტენდნეტი პასუხისმგებელია შესრულებული საკადასტრო აგეგმვითი/აზომვითი და შიდა აზომვითი ნახაზების სისწორეზე და სრულყოფილად დამუშავება-შედგენაზე.
4. პრეტენდნეტის მიერ ხელშეკრულების საფუძველზე შექმნილი ყველა დოკუმენტაცია ეკუთვნის შემსყიდველს და რჩება მის საკუთრებაში;

1. მომსახურეობა უნდა განხორციელდეს ეტაპობრივად, 2025 წლის 31 დეკემბრის ჩათვლით. ყველა კონკრეტული დაკვეთიდან 3 სამუშაო დღის ვადაში. შემსყიდველის ორგანიზაციის წერილობითი მოთხოვნის ან ელექტრონული ფოსტით მიღებული შეტყობინების საფუძველზე.
2. განსაზღვრულ ვადებში აზომვითი სამუშაოების შეუსრულებლობა ან/და დაგვიანებით შესრულება გამოიწვევს ტენდერში გამარჯვებული პრეტენდენტის პასუხისმგებლობას, წინამდებარე სატენდერო დოკუმენტაციის ხელშეკრულების პროექტში განსაზღვრული წესის შესაბამისად.
3. შესყიდვის ობიექტი ან მისი ნაწილი (ეტაპი) ჩაითვლება მიღებულად მხოლოდ მიღება-ჩაბარების აქტის გაფორმების შემდეგ.
4. შემსყიდველ ორგანიზაციას უფლება აქვს ხელშეკრულების მოქმედების პერიოდში შეისყიდოს მხოლოდ შესყიდვის ობიექტის ნაწილი.

1.სამუშაოების შესრულების ადგილია ხონის მუნიციპალიტეტის ტერიტორია.
2. საკადასტრო აზომვითი ნახაზის დოკუმენტაცია წარმოდგენილი უნდა არანაკლებ 2 (ორი) ეგზემპლარად, შემსყიდველთან შეთანხმებით დადგინდება ზოგიერთი დოკუმენტის ასლის რაოდენობა. (ქაღალდის ვერსია, რომლის ყველა გვერდი დამოწმებული უნდა იქნეს მიმწოდებლის უფლებამოსილი პირის მიერ) და 1 ეგზემპლარი ელექტრონული ვერსია (ნახაზები და სქემატური ნაწილი-PDF ფორმატში ჩაწერილი CD ან DVD დისკზე).
3. სატენდერო წინადადების ფასში სრულად უნდა იყოს მოცემული ტენდერით გათვალისწინებული საკადასტრო აზომვითი ნახაზის მომზადებასთან დაკავშირებული ნებისმიერი ხარჯი და კანონმდებლობით გათვალისწინებული ყველა გადასახადი.
4. საკადასტრო აზომვითი ნახაზი მომზადებული უნდა იყოს საქართველოში მოქმედი ნორმებითა და სტანდარტების დაცვით.
5. მიმწოდებელი პასუხისმგებელია საკადასტრო აზომვითი ნახაზის სრულყოფილებაზე, წინააღმდეგ შემთხვევაში ვალდებულია აუნაზღაუროს მიმწოდებელს მის მიერ დაშვებული უზუსტობით/შეცდომით გამოწვეული ნებისმიერი მატერიალური და არამატერიალური ზიანი.
6.მომსახურების მიწოდების ადგილია ქ. ხონი, თავისუფლების მოედანი N6, ხონის მუნიციპალიტეტის მერიის ადმინისტრაციული შენობა.

1. მიმწოდებელი ვალდებულია წერილობით აცნობოს შემსყიდველს ხელშეკრულების ფარგლებში, ქვეკონტრაქტორ(ებ)თან ხელშეკრულებ(ებ)ის დადების თაობაზე და მიიღოს მისგან წერილობითი თანხმობა აღნიშნულზე.
2. ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“.
3. ხელშეკრულებით განსაზღვრული მომსახურების ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებ(ებ)ისგან და აღნიშნული მომსახურების შესრულებაზე შემყიდველთან პასუხისმგებელია მიმწოდებელი.
4. მიმწოდებელი ვალდებულია ქვეკონტრაქტორ(ებ)თან დადებული ხელშეკრულებ(ებ)ის ასლ(ებ)ი წარუდგინოს შემსყიდველს, აღნიშნული ხელშეკრულებ(ებ)ის გაფორმებისთანავე, მაგრამ არაუგვიანეს 5 (ხუთი) კალენდარული დღის ვადაში.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე,სახელმწიფო შესყიდვების სააგენტოს თავმჯდომარის2017 წლის 14 ივნისის N12 ბრძანების მე-18 მუხლის მე-5 პუნქტის საფუძველზე პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება ფაქტიურად განხორციელებული მომსახურეობის მიხედვით, ეროვნულ ვალუტაში, უნაღდო ანგარიშსწორების ფორმით, სასაქონლო ზედნადების/ანგარიშ-ფაქტურის (ელექტრონული ფორმით) და მიღება-ჩაბარების აქტის გაფორმების შემდგომ.

ანგარიშსწორება განხორციელდება მიღება-ჩაბარების აქტის გაფორმებიდან 10 (ათი) სამუშაო დღის ვადაში.

გიორგი ჯანელიძე, 598309250, tinatinpailodze@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

2.სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით, გარდა დღგ.

3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. (საჭიროების შემთხვევაში, წარმოდგენილი უნდა იქნას წარმომადგენლობაზე უფლებამოსილების დამადასტურებელი დოკუმენტი).

4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

5. პრედენდენტს არა აქვს უფლება წარმოადგინოს ალტერნატიული სატენდერო წინადადება.

6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

7. პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

8.სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.

9. პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი არის დღგ-ის გადამხდელი საქართველოს კანონმდებლობის მოთხოვნათა შესაბამისად. პრეტენდენტის დღგ-ის გადამხდელად რეგისტრაციის შესახებ ინფორმაცია ავტომატურად გენერირდება სისტემის მეშვეობით.