Ремонт и техническое обслуживание транспортных средств и оборудования и сопутствующие услуги (Грузия - Тендер #60699187)

1.1.1.წყალტუბოს მუნიციპალიტეტის მერიის ბალანსზე არსებული ავტოსატრანსპორტო საშუალებების ტექნიკური მომსახურების შესყიდვა.

1.2.1.მომსახურების აღწერა:
ა) მიმწოდებელმა უნდა უზრუნველყოს ერთდროულად მინიმუმ ორი ავტოსატრანსპორტო საშუალების შეკეთება ან/და ტექნიკური მომსახურება;
ბ) მომსახურება უნდა განხორციელდეს შემსყიდველისა და მიმწოდებელის წარმომადგენლებს მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების (დეფექტური) აქტის შედგენის შედეგად. ტექნიკური მომსახურების (ახალი სათადარიგო ნაწილებით) შესყიდვისას, გასაწევი მომსახურების დეტალური აღწერა უნდა იყოს მოცემული შემსყიდველისა და მიმწოდებლის მიერ შედგენილ დათვალიერების აქტში, აგრეთვე, ტექნიკური მომსახურების დაწყებისა და დასრულების სავალდებულო ან სასურველი ვადები, ხოლო სატენდერო დოკუმენტაციის ამ ნაწილში ფიქსირდება გასაწევის მომსახურების და სათადარიგო ნაწილების ზოგადი ჩამონათვალი, მისი დაწყების სასურველი ან სავალდებულო ვადები. ვინაიდან ტენდერში გამარჯვებული პრეტენდენტის (მიმწოდებლის) სატენდერო წინადადება სახელმწიფო შესყიდვების შესახებ ხელშეკრულების განუყოფელი ნაწილია, ავტოსატრანსპორტო საშუალების ტექნიკური მომსახურების გაწევის პროცესში მიმწოდებელი ხელმძღვანელობს მისივე სატენდერო წინადადებაში მოცემული განფასების ცხრილით და წინასწარ განსაზღვრული ვადების მიხედვით;
გ) მიმწოდებლისა და შემსყიდველის წარმომადგენლის მიერ დათვალიერების აქტის შედგენის შემთხვევაში, განფასების ცხრილში არარსებული დეტალის არსებობის შემთხვევაში, დეტალის და მომსახურების ფასი დგინდება მხარეთა შორის შეთანხმებით, საბაზრო ფასის გათვალისწინებით;
დ) ავტოსატრანსპორტო საშუალების შეკეთება და ტექნიკური მომსახურება (სერვისი-სათადარიგო ნაწილები) გულისხმობს ავტოსატრანსპორტო საშუალების დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ავტოსატრანსპორტო საშუალების ნაწილების შეკეთებას და/ან გამოცვლას;
ე) იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით;
ვ) მომსახურების გაწევასთან დაკავშირებული დოკუმენტები უნდა მომზადდეს ადგილზე - სახელოსნოში.

1.4.1.მომსახურების გაწევა უნდა განხორციელდეს ეტაპობრივად, ხელშეკრულების გაფორმებიდან 2025 წლის 31 დეკემბრის ჩათვლით პერიოდში, შემსყიდველის მოთხოვნის შესაბამისად.
1.4.2.მომსახურება გაწეული უნდა იქნას დაუყოვნებლივ, რიგგარეშედ, ამასთან მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 2 (ორი) დღეს, ელექტროობისათვის - 1 (ერთი) დღეს, აგრეგატებისათვის - 3 (სამი) დღეს, სათუნუქე-სამღებრო სამუშაოებისათვის - 7 (შვიდი) დღეს. იმ შემთხვევაში თუ საჭიროა ძრავისა და ძარის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ როგორც წესი არაუმეტეს 10 (ათი) კალენდარული დღის ვადაში, ხოლო გამონაკლის შემთხვევებში შესაძლებელია აღნიშნული ვადის გაზრდა მხოლოდ შემსყიდველთან შეთანხმებით.

1.5.1.მომსახურების გაწევა უნდა განხორციელდეს წყალტუბოს მუნიციპალიტეტის ტერიტორიაზე.

1.7.1.1.გამოსაყენებელ სათადარიგო ნაწილებზე უნდა გავრცელდეს მინიმუმ 6 (ექვსი) თვიანი გარანტია, გარდა იმ სათადარიგო ნაწილებისა და საცხ–საპოხი საშუალებებისა, რომელთა ექსპლუატაციის ვადა დამოკიდებულია ავტოსატრანსპორტო საშუალების გარბენზე. აღნიშნულმა სათადარიგო ნაწილებმა და საცხ–საპოხმა საშუალებებმა უნდა უზრუნველყონ ავტოსატრანსპორტო საშუალების გამართული ექსპლუატაცია მინიმუმ ქვემოთ ჩამოთვლილ გარბენზე:
-ძრავის ზეთი – 5000 კილომეტრი.
-ზეთის ფილტრი – 5000 კილომეტრი.
-ძრავის ღვედი – 5000 კილომეტრი.
1.7.1.2.აგრეგატებზე უნდა გავრცელდეს საგარანტიო ვადა არანაკლებ 1 (ერთი) წელი, კვანძებზე - არანაკლებ 6 (ექვსი) თვე, დეტალებზეც - არანაკლებ 6 (ექვსი) თვე.

2.2.1.1.პრეტენდენტს 2022-2023-2024 წლების განმავლობაში უნდა გააჩნდეს ანალოგიური მომსახურების (ავტოსატრანსპორტო საშუალებების ტექნიკური მომსახურება) გაწევის გამოცდილება.
2.2.1.2.პრეტენდენტმა ელექტრონულ სისტემაში უნდა ატვირთოს შესაბამისი მომსახურების გაწევის დამადასტურებელი არანაკლებ ერთი ხელშეკრულება და ამავე ხელშეკრულებ(ებ)ის ყველა მიღება-ჩაბარების აქტ(ებ)ი.

2.3.1.1.მიმწოდებელს საკუთრებაში ან სარგებლობაში უნდა გააჩნდეს ავტოსატრანსპორტო საშუალებების ტექნიკური მომსახურების ობიექტ(ებ)ი. სარგებლობის დამადასტურებელი დოკუმენტ(ებ)ის მოქმედების ვადა უნდა იყოს არანაკლებ 2025 წლის 31 დეკემბრის ჩათვლით პერიოდამდე.
2.3.1.2.პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავტოსატრანსპორტო საშუალებების ტექნიკური მომსახურების ობიექტ(ებ)ის საკუთრების ან სარგებლობის დამადასტურებელი დოკუმენტ(ებ)ი.

2.9.1.სხვა დამატებითი მოთხოვნები
ა) პრეტენდეტმა PDD ფაილებთან ერთად უნდა წარმოადგინოს ავტოსატრანსპორტო საშუალებების ტექნიკური მომსახურების პრეისკურანტები ექსელის ფაილებით;
ბ) პრეისკურანტები წარმოდგენილ უნდა იქნას სატენდერო დოკუმენტაციის 1.3. პუნქტში ატვირთული ფაილების შესაბამისად;
გ) პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში;
დ) პრეტენდენტი პროპორციულად უნდა აკლებდეს ფასს თითოუელი პოზიციისთვის ცალ-ცალკე;
ე) სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
ვ) დაბალფასიანი პრეტენდენტის მიერ წარმოდგენილ პირვანდელ და საბოლოო ფასებს შორის სხვაობა სატენდერო კომისიის მიერ გამოანგარიშდება პროცენტულად, რომლის მიხედვითაც დაევალება პრეტენდენტს წარმოადგინოს კორექტირებული პრეისკურანტები ზემოაღნიშნული პროცენტული მაჩვენებლის პროპორციულად, თითოეული მომსახურებისა და საქონლისათვის ცალ-ცალკე;
ზ) სატენდერო დოკუმენტაციის 1.3. პუნქტში ატვირთული ფაილების ფორმებში პრეტენდენტის მიერ მითითებული საქონლისა და მომსახურების ერთეულის ფასები, არ უნდა აღემატებოდეს შემსყიდველის მიერ მითითებულ სავარაუდო/ზღვრულ მაქსიმალურ ერთეულის ფასებს.

4.1.1.1.იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, კერძოდ: უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით.

7.2.1.ანგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით, შესაბამისი მიღება-ჩაბარების აქტის საფუძველზე.
7.2.2.ანგარიშსწორება განხორციელდება უნაღდო ანგარიშსწორებით ლარში.
7.2.3.ანგარიშსწორება იწარმოებს საქათველოს მთავრობის 2020 წლის 31 მარტის N619 განკარგულების შესაბამისად.

7.3.1.ანგარიშსწორება იწარმოებს ხელშეკრულების შესრულების დამადასტურებელი დოკუმენტაციის გაფორმებიდან არაუგვიანეს 10 (ათი) სამუშაო დღის განმავლობაში.

ელენე კრავცოვა, 598301390, elenikokravcova@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – ,,კითხვა/პასუხის“ მეშვეობით, ან/და სატენდერო კომისიის აპარატში, წერილობითი მიმართვის შემთხვევაში. მის: ქალაქი წყალტუბო, რუსთაველის ქუჩა N25.

10.1.1.სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
10.1.2.ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი;
10.1.3.სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
10.1.4.სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.1.5.პრეტენდენტს არა აქვს უფლება წარმოადგინოს ალტერნატიული სატენდერო წინადადება;
10.1.6.სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი/პრეისკურანტი (დანართი N1) ან წარდგენილ ფასების ცხრილში/პრეისკურანტში (დანართი N1) განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
10.1.7.პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ.: ფასების ცხრილი/პრეისკურანტი (დანართი N1), ინფორმაცია გამოცდილების შესახებ, მატერიალურ-ტექნიკურ ბაზასთან დაკავშირებული მოთხოვნები და ა.შ.), დაამოწმოს/დაადასტუროს კვალიფიციური ელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.