Страховые и пенсионные услуги (Грузия - Тендер #60699170)

საქართველოს საკონსტიტუციო სასამართლოს თანამშრომელთა ჯანმრთელობის დაზღვევის მომსახურების სახელმწიფო შესყიდვა.

იხილეთ მიმაგრებული ფაილი - ტექნიკური დავალება

შესასყიდი მომსახურება მოიცავს საქართველოს საკონსტიტუციო სასამართლოს 99 (ოთხმოცდაცხრამეტი) თანამშრომლისათვის ერთ წლიანი ჯანმრთელობის დაზღვევის მომსახურებას - 2025 წლის 01 თებერვლიდან (ან ხელშეკრულების დადების დღიდან) - 2026 წლის 31 იანვრის ჩათვლით.

სადაზღვევო მომსახურების გაწევა უნდა განხორციელდეს საქართველოს მთელს ტერიტორიაზე.

პრეტენდენტის მიერ წარმოდგენილი უნდა იყოს შესაბამისი საქმიანობის ლიცენზიის ასლები.

პრეტენდენტმა ერთიან ელექტრონულ სისტემაში სატენდერო წინადადებასთან ერთად უნდა ატვირთოს:

ა) დაზღვევის პირობები (სატენდერო დოკუმენტაციით განსაზღვრული მოთხოვნების შესაბამისად);
ბ) თითოეული კატეგორიის (2 კატეგორია) დაზღვევის ღირებულება (ინდივიდუალური და საოჯახო
ყოველთვიური პრემიის მითითებით, ტექნიკურ დავალებაში მოცემული ცხრილების შესაბამისად);
გ) ფასების ცხრილი - ძირითადი სადაზღვევო პაკეტების ყოველთვიური სადაზღვევო პრემიის ოდენობა;
დ) არაპროვაიდერ კლინიკებში გაწეული სამედიცინო მომსახურების ასანაზღაურებლად მზღვეველისათვის წარსადგენი დოკუმენტაციის სრული ჩამონათვალი;
ე) პროვაიდერი კლინიკების (ჰოსპიტალური, ამბულატორიული და სტომატოლოგიური) სია – აუცილებელია
„პირადი (ოჯახის) ექიმის მომსახურების“ გამწევი სამედიცინო დაწესებულებების მისამართების მითითება – მისამართების, მიმართვების გამცემი პირების (ოჯახის ექიმი) და მათი საკონტაქტო ნომრების მითითებით;
ვ) შესაბამისი საქმიანობის ლიცენზიის ასლები.

იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, მიმწოდებელი, სატენდერო კომისიის მოთხოვნის საფუძველზე, ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა შესაძლებელია დასაბუთდეს შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულების, მიღება-ჩაბარების აქტის ან ანგარიშფაქტურის ასლებით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.

სადაზღვევო პრემიის ანაზღაურება მოხდება თვის განმავლობაში რეალურად დაზღვეული თანამშრომლების სადაზღვევო ღირებულებების პროპორციულად, მზღვეველის მიერ მომსახურების ღირებულების დამადასტურებელი დოკუმენტის/ინვოისის წარდგენისა და გაწეული მომსახურების შესახებ მიღება-ჩაბარების აქტის გაფორმების საფუძველზე.

სადაზღვევო შენატანის (პრემიის) გადახდა მოხდება ყოველთვიურად, მზღვეველის მიერ კანონით დადგენილი მომსახურების ღირებულების დამადასტურებელი დოკუმენტების წარმოდგენიდან და გაწეული მომსახურების შესახებ მომზადებული მიღება-ჩაბარების აქტზე მხარეთა მიერ ხელმოწერიდან 10 (ათი) დღის ვადაში.

თამარ პაპუნაიშვილი, 595220225, t.papunaishvili@yahoo.com e–mail: t.papunaishvili@constcourt.ge

10.1. სატენდერო წინადადების ღირებულება მოიცავს ტენდერის პირობებით გათვალისწინებული მომსახურების გაწევასთან დაკავშირებულ ნებისმიერ ხარჯსა და კანონმდებლობით გათვალისწინებულ ყველა გადასახადს, მათ შორის დღგ–ს და შესყიდვის ობიექტის მიწოდებასთან დაკავშირებულ ყველა ხარჯს.
10.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით.
10.4. სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.5. ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად;
10.6. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.