Услуги в области лесного хозяйства (Грузия - Тендер #60699150)

ხელვაჩაურის მუნიციპალიტეტის ტერიტორიაზე ხეების სხვლა-ფორმირების(გადაბელვა), მოჭრა დამუშავება და გატანის მომსახურეობა.

1.2.1. გასაწევი მომსახურების ხარჯთაღრიცხვა წარმოდგენილი უნდა იქნეს სატენდერო დოკუმენტაციის დანართი N1-ის შესაბამისად.
1.2.2. მომსახურების გაწევამდე (ფორს-მაჟორული შემთხვევების გარდა) შემსყიდველის მიერ შესწავლილ იქნება თითოეული ხის მდგომარეობა ხელვაჩაურის მუნიციპალიტეტის რაიონის გამგეობის თანამშრომლების მიერ. მომსახურება განხორციელდება გამგეობის შესაბამისი თანხმობის საფუძველზე.
1.2.3. კონკრეტული დავალებები და მისამართები მიმწოდებელს გადაეცემა შემსყიდველის მიერ ეტაპობრივად.
1.2.4 მომსახურების დროს ხე-მცენარეების, შენობა-ნაგებობების ან სხვა საგნების დაზიანების შემთხვევაში მიმწოდებელი ვალდებულია დაუყოვნებლივ აცნობოს აღნიშნულის შესახებ ტექნიკურ ზედამხედველს და შესაბამის ორგანოებს. ზარალი ანაზღაურდება მიმწოდებლის მიერ.
1.2.5 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების მოწყობა.
1.2.6 მიმწოდებელი ვალდებულია წინასწარ შეატყობინოს და შეათანხმოს შესაბამის სამსახურებთან მომსახურების გაწევა, რომელიც იწვევს მოძრაობის შეფერხებას.
1.2.7 ყოველ კონკრეტულ ობიექტზე სამუშაო ადგილი უნდა შემოიფარგლოს თვალსაჩინო ნიშნებით (ზოლიანი ბაბთა ან ზონარი), მომსახურების დასრულების შემდეგ მიმწოდებელი ვალდებულია საკუთარი სახსრებით ერთი დღის ვადაში გაანთავისუფლოს სამუშაო ადგილი მომსახურების შედეგად წარმოქმნილი ნარჩენებისაგან.
1.2.8 მიმწოდებელმა უნდა უზრუნველყოს მოჭრილი ხეების დაჭრა კოტრებად (ზომით არაუმეტეს 40-50სმ) და წარმოქნილი საშეშე მერქნის შენახვა მის მიერ მითითებულ სასაწყობო ფართში ან განახორციელოს დარიგება შემსყიდველის მიერ მითითებულ მისამართებზე საკუთარი ხარჯით.
1.2.9 მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს
1.2.10 შემსყიდველს ან მის წარმომადგენელს უფლება აქვთ განახორცილეონ ტექნიკური კონტროლი ან/და შეამოწმონ მომსახურება, რათა დარწმუნდენ მათ შესაბამისობაში კონტრაქტით გათვალისწინებულ ტექნიკურ პირობებთან.
1.2.11 შემსყიდველი ვალდებულია წერილობითი ფორმით დაუყოვნებლივ აცნობოს მიმწოდებელს ნაკლის აღმოჩენის შესახებ;
1.2.12 შეტყობინების მიღების შემდეგ „მიმწოდებელი“ ვალდებულია შემსყიდველის მიერ მითითებულ ვადაში აღმოფხვრას არსებული დეფექტები საკუთარი ხარჯით. საგარანტიო პერიოდში მიმწოდებელს დაეკისრება, როგორც ხელშეკრულების ობიექტის დეფექტების აღმოფხვრა, ასევე აღნიშნული დეფექტების შედეგად შემსყიდველისა და მესამე პირებისათვის მიყენებული ზიანის ანაზღაურება;
1.2.13 თუ “მიმწოდებელი” ნაკლის აღმოფხვრასთან დაკავშირებით მიღებული შეტყობინების შემდეგ არ შეასრულებს თავის ვალდებულებებს, “შემსყიდველს” უფლება აქვს “მიმწოდებლის” ხარჯით უზრუნველყოს არსებული დეფექტების გამოსწორება.
1.2.14 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა და წუნდებით გაწეული მომსახურების ხელახალი შესრულება.
ტექნიკური დავალება:
მომსახურების შესყიდვის ობიექტი გულისხმობს ხელვაჩაურის მუნიციპალიტეტის ტერიტორიაზე I, II, III, კატეგორიის და სხვლა ფორმირებას (გადაბელვას), მოჭრას, მათ დამუშავებასა და გატანას.
გასაწევი მომსახურების ჩამონათვალი მოცემულია დანართი N1-ში

1. ხის კატეგორიები განისაზღვრება შემდეგნაირად:
I კატეგორიის ხე – 10 მეტრამდე ხე-მცენარე;
II კატეგორიის ხე – 10 მეტრიდან 20 მეტრის ჩათვლით;
III კატეგორიის ხე – 21 მეტრი და მასზე ზევით ხე-მცენარე;
სხვლა-ფორმირება (გადაბელვა).
2. მომსახურეობის გაწევამდე (გარდა ფორს-მაჟორული სიტუაციის შემთხვევაში) თითოეული ხის მდგომარეობა შესწავლილი იქნება ხელვაჩაურის მუნიციპალიტეტის მერიის მიერ მიღებული ბრძანების შემდგომ მოხდება ხეების სხვლა-ფორმირების( გადაბელვა), ხეების მოჭრა და დამუშავება-გატანის განხორციელება დანართი N1-ის მიხედვით კონკრეტული დავალებებისა და მისამართების ჩვენებით;
3.გასაწევი მომსახურების მოცულობები არის სავარაუდო. ხელშეკრულების მოქმედების პერიოდში ფაქტიურად გასაწევი მომსახურების მიხედვით მოხდება მათი დაზუსტება- შემცირება ან გაზრდა, ერთეულის ფასისა და ხელშეკრულების საერთო ღირებულების შეუცვლელად;
4.ხეების სხვლა-ფორმირების(გადაბელვა), ხეების მოჭრა და დამუშავება-გატანისას არ უნდა მოხდეს სხვა ნაგებობების ან რაიმე საქონლის დაზიანება;
5.ხის სხვლა-ფორმირების(გადაბელვა), დამუშავების და გატანის შემთხვევაში, გაწეული მომსახურების ღირებულების ანაზღაურება განხორციელდება ფაქტიურად გაწეული მომსახურების მიხედვით. მაგ: თუ მოხდა III კატეგორიის ხის სხვლა-ფორმირება, დამუშავება და გატანა I კატეგორიის ხის დონემდე (სიმაღლემდე), გაწეული მომსახურების ღირებულება ანაზღაურდება I კატეგორიის ხის სხვლა-ფორმირება, დამუშავება და გატანაზე პრეტენდენტის მიერ დაფიქსირებული ფასის მიხედვით. ანალოგიურად ანაზღაურდება სხვა კატეგორიების ხის სხვლა-ფორმირება, დამუშავება და გატანის შემთხვევაშიც.

მომსახურების გაწევის ვადა: ეტაპობრივად მოთხოვნათა შესაბამისად 2025 წლის 31 დეკემბრის ჩათვლით.

მომსახურების გაწევის ადგილი: ხელვაჩაურის მუნიციპალიტეტის ტერიტორია. კონკრეტული დავალებები და მისამართები გამარჯვებულ პრეტენდენტს გადაეცემა შემსყიდველი ორგანიზაციის მიერ.

ა) პრეტენდენტს უნდა გააჩნდეს შესყიდვის ანალოგიური (ხეების გადაბელვა-ფორმირება, ზეხმელი და ავარიული ხეების მოჭრა-დამუშავება და გატანა) მომსახურების გაწევის გამოცდილება.
ბ) პრეტენდენტმა უნდა წარმოადგინოს ანალოგიური ხასიათის და შინაარსის მომსახურების გაწევაზე გაფორმებული შესაბამისი ხელშეკრულებ(ებ)ის ასლები და მიღება-ჩაბარების აქტ(ებ)ის ასლები.

პრეტენდენტს მომსახურების გაწევის ადგილზე საჭიროების მიხედვით უნდა გააჩნდეს შესაბამისი მუშა ხელი აღჭურვილი მოცემული სახეობისა და მინიმალური რაოდენობის მატერიალურ–ტექნიკური ბაზით, რომელიც გამოყენებული იქნება მომსახურების გაწევის პროცესში ყოველი კონკრეტული დავალების შესაბამისად, დავალების მოცულობიდან გამომდინარე.

პრეტენდენტს საკუთრებაში ან იჯარით (წარმოდგენილი უნდა იყოს საკუთრების დამადასტურებელი დოკუმენტ(ებ)ი ან იჯარის ხელშეკრულებ(ებ)ა ნოტარიულად დამოწმებული) უნდა გააჩნდეს აუცილებელი მატერიალურ-ტექნიკური აღჭურვილობის მინიმალური რაოდენობა: სპეც. ტანსაცმელი , მუშა ხელისთვის აუცილებელი მანქანა-იარაღები.

პრეტენდენტმა მითითებულ ტექნიკაზე უნდა წარმოადგინოს საკუთრების დამადასტურებელი შესაბამისი დოკუმენტი ან შესაბამისი ქირავნობის ხელშეკრულება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დასკვნა (სხვა აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება ეტაპობრივად უნაღდო ანაგარიშსწორებით ლარებში, 2025 წლის ადგილობრივი ბიუჯეტის სახსრებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნუგზარ ძნელძე, 558030356, khel.gamc.komun.momsaxureba@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში–„სისტემა“) შესყიდვის პროცედურები ხორციელდება საქართველოსკანონის„სახელმწიფო შესყიდვების შესახებ“და სახელმწიფო შესყიდვების სააგენტოს თავმჯდომარის 2011 წლის 7 აპრილის N9 ბრძანებით დამტკიცებული „გამარტივებული ელექტრონული ტენდერისა და ელექტრონული ტენდერის ჩატარებისწესის“ შესაბამისად
2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. სატენდერო წინადადებაში ფასი გამოსახული უნდა იყოს საქართველოს კანონმდებლობითგათვალისწინებულიდაშესყიდვისობიექტისმიწოდებასთანდაკავშირებულიყველაგადასახადისგათვალისწინებით. სატენდეროწინადადებისსაერთოდაერთეულისფასისწარმოდგენადასაშვებიამხოლოდლარში.
4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.