Ремонт и техническое обслуживание транспортных средств и оборудования и сопутствующие услуги (Грузия - Тендер #60350776)

სსიპ ილიას სახელმწიფო უნივერსიტეტის ბალანსზე რიცხული სატრანსპორტო საშუალებების და მათთან დაკავშირებული მოწყობილობების შეკეთება და ტექნიკური მომსახურება.

მიმწოდებელმა უნდა განახორციელოს სსიპ ილიას სახელმწიფო უნივერსიტეტის ბალანსზე რიცხული 27 (ოცდაშვიდი) ერთეული ავტომანქანის შეკეთება და ტექნიკური მომსახურება;

1.2.1. მომსახურების გაწევა უნდა განხორციელდეს ქ. თბილისში და ქ. ფოთში მდებარე მიმწოდებლის სერვისცენტრებში;

1.2.2. პრეტენდენტს უნდა გააჩნდეს არანაკლებ ორი სერვისცენტრი ქ.თბილისში და არანაკლებ ერთი სერვისცენტრი ქ.ფოთში;

1.2.3. ნაწილების, რომლებზეც არ არსებობს ყოველდღიური მოთხოვნა, შესაბამისად მიმწოდებელს არ აქვს მარაგში და არ არის გაყიდვაში ადგილობრივ ბაზარზე და შეკვეთითაა ჩამოსატანი, შეცვლის/შეკეთების ვადა უნდა იყოს გონივრული და არ უნდა აღემატებოდეს 20 კალენდარულ დღეს. მაგალითად ასეთი ნაწილებია: გადაცემათა კოლოფი და სხვა მისი მსგავსი;

1.2.4. ავტომობილების მომსახურება/შეკეთება უნდა განხორციელდეს ავტომობილის, სერვისის მენეჯერთან შეთანხმებულ დროს, სერვისცენტრში მისვლიდან შემდეგ ვადებში:

1. ფილტრებისა და სამუხრუჭე ხუნდების შეცვლა, მოთხოვნიდან არაუმეტეს 2 საათში.
2. სავალი ნაწილების შეცვლა/აღდგენა, მოთხოვნიდან არაუმეტეს 1 სამუშაო დღეში.
3. ძრავის, გადაცემათა კოლოფის და ხიდების ძირეული შეკეთება, არაუმეტეს 5 სამუშაო დღეში.
4. ელექტრული დეტალების შეცვლა/აღდგენა, არაუმეტეს 1 სამუშაო დღეში.
5. სათუნუქე სამღებრო სამუშაოებისათვის არაუმეტეს 10 კალენდარულ დღეს.
6. სხვა დანარჩენ შემთხვევებში შემსყიდველის მიერ მითითებულ გონივრულ ვადაში.

1.2.5. ავტომობილების სავალი ნაწილის დათვალიერება უნდა განხორციელდეს უფასოდ;

1.2.6. ავტომობილის დაზიანებული ნაწილი უნდა შეიცვალოს ახალი, (არა მეორადი) მაღალი ხარისხის სათადარიგო ნაწილით, რომელიც უნდა იყოს წარმოებული ცნობადი კომპანიების მიერ და რეკომენდირებული უნდა იყოს შესაკეთებელი ავტოსატრანსპორტო საშუალების მწარმოებელი კომპანიის მიერ;

1.2.7. მეორადი ნაწილის გამოყენება დასაშვებია უკიდურეს შემთხვევაში, მხარეთა შეთანხმებით, ხელშეკრულებაში შესაბამისი ცვლილების შეტანის საფუძველზე. მეორადი ნაწილის ფასი დგინდება მხარეთა შორის შეთანხმებით, საბაზრო ფასის გათვალისწინებით;

1.2.8. ავტომანქანების ტექნიკური მომსახურება უნდა განხორცილდეს პრეისკურანტში მითითებული ნაწილების და მომსახურების ფასების შესაბამისად, ყოველ კონკრეტულ შემთხვევაში, დეფექტური აქტის შედგენის შემდეგ. დეფექტურ აქტში მითითებული უნდა იყოს აქტის შედგენის თარიღი, ავტომობილის ტიპი/მოდელი და სახელმწიფო ნომერი, გასაწევი მომსახურების და ასეთი მომსახურებისათვის საჭირო სათადარიგო ნაწილების ჩამონათვალი და მათი სახელშეკრულებო ფასები, ასევე სხვა ინფორმაცია საჭიროების შემთხვევაში;

1.2.9. პრეტენდენტს უნდა შეეძლოს ერთ სერვისცენტრში სსიპ ილიას სახელმწიფო უნივერისტეტის კუთვნილი მინიმუმ 5 (ხუთი) ავტომობილის ერთდროულად შეკეთება;

1.2.10. პრეტენდენტმა შემსყიდველს უნდა გამოუყოს კორპორატიული მენეჯერი, რომლის ფუნქცია-მოვალეობაში უნდა შედიოდეს სახელშეკრულებო ვალდებულებების - სერვისის მიწოდების და მისი თანმდევი დოკუმენტების გაფორმების დაცვა, ასევე სატრანსპორტო საშუალების შეკეთების წინასწარ დაგეგმვა;

1.2.11. პრეტენდენტის მიერ შემოთავაზებული პრეისკურანტის საბოლოო ღირებულება წარმოდგენილი უნდა იქნას დანართი #1-ის (ფასების ცხრილში ატვირთული პრეისკურანტი) მიხედვით;

1.2.12. პრეტენდენტის მიერ შემოთავაზებული ფასი, პრეისკურანტის არც ერთი პოზიციის მიხედვით, არ უნდა აღემატებოდეს გასაწევი მომსახურების თითოეულ პოზიციაზე განსაზღვრულ ზღვრულ ფასს. აღნიშნული პირობის დაუცველობა გამოიწვევს პრეტენდენტის დისკვალიფიკაციას;

1.2.13. ხელშეკრულების მოქმედების პერიოდში, პრეისკურანტში მომსახურების ან ნაწილის რომელიმე ერთეულის არარსებობისას, მისი შესყიდვის აუცილებლობის შემთხვევაში ფასი განისაზღვრება შემსყიდველსა და მიმწოდებელს შორის ურთიერთშეთანხმებით, საბაზრო ღირებულების გათვალისწინებით. ასეთ შემთხვევაში, პრეისკურანტში შესაბამისი მომსახურების ან ნაწილის ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;

1.2.14. პრეტენდენტის მიერ, სისტემაში ატვირთული პრეისკურანტის ჯამურ ღირებულებასა და ვაჭრობის შედაგად დაფიქსირებულ ფასს შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების შემცირებისას პრეტენდენტმა პროპორციულად უნდა შეამციროს თითოეული სათადარიგო ნაწილის და მომსახურების ღირებულება;

1.2.15. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს პრეისკურანტით განსაზღვრულ ყოველ კონკრეტულ პოზიციაზე;

მომსახურების გაწევა უნდა განხორციელდეს ხელშეკრულების ხელმოწერიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად.

ქ.თბილისში და ქ.ფოთში მდებარე მიმწოდებლის სერვისცენტრები.

შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში ეტაპობრივად.

პრეტენდენტმა სისტემაში უნდა ატვირთოს ინფორმაცია მომსახურების საგარანტიო პირობების შესახებ, რომელიც უნდა იყოს არანაკლებ ქვემოთ მითითებული პირობებისა:

მიმწოდებლის მიერ გაწეულ მომსახურებასა და შეცვლილ ან/და აღდგენილ სათადარიგო ნაწილებზე, უნდა გავრცელდეს გარანტია მიღება-ჩაბარების აქტის ხელმოწერიდან შემდეგი ვადით:

1. სავალ ნაწილებზე არანაკლებ 6 თვე.
2. ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ.
3. ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი.
4. XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე.
5. სათუნუქე და სამღებრო სამუშაოებზე არანაკლებ 1 წელი.
6. გადაბმულობის კომპლექტზე, სამუხრუჭე ხუნდებზე, დაკიდების დისკზე, ბურთულა თითზე, რაზვალის ვტულკებზე, გიტარაზე, წევასა და წევის დაბოლოებაზე, ამორტიზატორებზე, ძრავის და გადაცემათა კოლოფის ბალიშებზე, მორგვის საკისრებზე და ყუმბარებზე არანაკლებ 2 000 კმ.

მიმწოდებელი ვალდებულია, საგარანტიო პერიოდის განმავლობაში, წუნდებული სათადარიგო ნაწილი შეცვალოს და შესაბამისი მომსახურება გაწიოს საკუთარი ხარჯით.

პრეტენდენტმა სისტემაში უნდა ატვირთოს:

1. აღნიშნული პროფილით მუშაობის არანაკლებ ბოლო 3 წლის გამოცდილების დამადასტურებელი ინფორმაცია.
2. წარმომადგენლობაზე უფლებამოსილი პირი წერილობით ადასტურებს პირველი პუნქტით მოთხოვნილ გამოცდილებას და წარმოადგენს 2022 წლის იანვრიდან 2024 წლის მიმდინარე პერიოდამდე, თითოეული წელს მისი კონტრაქტორი სამი სხვადასხვა ორგანიზაციის დასახელებას, სატენდერო განცხადების ნომერს დანართი #2-ის შესაბამისად.
3. წარმოდგენილი უნდა იქნას არანაკლებ იმ სამი შემსყიდველი ორგანიზაციის რეკომენდაცია, რომელსაც პრეტენდენტი მიუთითებს 2024 წლის პერიოდში დანართ #2-ში.

შენიშვნა: მოცემულ შემთხვევაში „შემსყიდველი" არის „სახელმწიფო შესყიდვების შესახებ“ საქართველოს კანონით განმარტებული შემსყიდველი ორგანიზაცია.

პრეტენდენტმა სისტემაში უნდა ატვირთოს ინფორმაცია მატერიალურ-ტექნიკურ ბაზასთან დაკავშირებით, კერძოდ:

1. პრეტენტი ვალდებულია დაადასტუროს, რომ იგი ქ.თბილისში და ქ.ფოთში შემოთავაზებული სერვისცენტრების მესაკუთრეა, ან წარმოადგინოს ხელშეკრულება, რომელიც დაადასტურებს აღნიშნული სერვისცენტრების სარგებლობის/მფლობელობის (იჯარა ან ქვეკონტრაქტორი) უფლებას მინიმუმ 2025 წლის 31 დეკემბრის ჩათვლით. საკუთრების შემთხვევაში აღნიშნულის დადასტურება უნდა განახორციელოს შესაბამისი საკუთრების დამადასტურებელი დოკუმენტების საფუძველზე.

2. პრეტენდენტს უნდა გააჩნდეს ქ.თბილისში და ქ.ფოთში მოქმედი სერვისცენტრები. პრეტენდენტს ქ.თბილისში თითოეულ სერვის ცენტრში უნდა გააჩნდეს არანაკლებ 7 (შვიდი) ავტოამწე და ქ. ფოთში არანაკლებ 1 (ერთი) ავტოამწე.

3. სერვისცენტრები აღჭურვილი უნდა იყოს თანამედროვე აპარატურით და დანადგარებით (ავტომობილის ელექტროსისტემის კომპიუტერული დიაგნოსტიკის აპარატი, საყრდენი დისკის გასაჩარხი აპარატი, წინა მაშუქების დასარეგულირებელი აპარატი, თვლების შეყრის (დახრილობის) აპარატი, კომპიუტერული დიაგნოსტიკის მოწყობილობა, ვულკანიზაციის, ბალანსირების და დისკების გასასწორებელი აპარატი, კონდიციონერის სისტემის ფრეონით დატუმბვის აპარატი, ძრავის ამოსაღები ამწე და სხვა). სერვისცენტრებში მაღალ დონეზე უნდა იქნას დაცული ჰიგიენური ნორმები.

4. პრეტენტი ვალდებულია დაადასტუროს ქ. თბილისის სერვისცენტრებში მოსაცდელი სივრცეების არსებობის და მათში არსებული პირობების შესახებ ინფორმაცია.

5. მოსაცდელი სივრცე უნდა იყოს კომფორტული, უზრუნველყოფილი გათბობისა და ვენტილაციის სისტემებით, საპირფარეშოთი და სკამებით.

6. პრეტენდენტს უნდა გააჩნდეს გამართული სასაწყობო მეურნეობა, რაც გულისხმობს პრეისკურანტით გათვალისწინებული ავტომანქანებისათვის მომსახურების შეუფერხებლად გასაწევად საჭირო სახარჯი სათადარიგო ნაწილების და მასალების მარაგს. მაგალითისათვის ასეთი ნაწილები და მასალებია: ხუნდები, ფილტრები, ზეთები, ნათურები, მინის საწმენდი ჩოთქები, ფრეონი, ანტიფრიზი, მშრალი რეზინები, ღვედები, დამჭიმები, „ვტულკები“, „სტერჟენები“, „პილნიკები“ და სხვა მისი მსგავსი.

„შერჩევა-შეფასების“ ეტაპზე პრეტენდენტმა სსიპ “ილიას სახელმწიფო უნივერსიტეტის“ წარმომადგენელ(ებ)ს უნდა დაათვალიერებინოს მისი სერვის-ცენტრები ქ.თბილისში, (ორი სერვის ცენტრი) და ქ.ფოთში (ერთი სერვის ცენტრი), რათა მათ შეაფასონ აღნიშნული სერვის-ცენტრების შესაბამისობა სატენდერო დოკუმენტაციით მოთხოვნილ პირობებთან.

ქ.თბილისი და ქ.ფოთი - პრეტენდენტის სერვის-ცენტრები.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ექსპერტიზის დასკვნასთან ერთად წარმოდგენილი უნდა იქნას დასკვნის გამცემი პირის და დასკვნაზე ხელმომწერი პირის საექსპერტო/აუდიტორული/საშემფასებლო საქმიანობის განხორციელების უფლების დამადასტურებელი დოკუმენტები/სერთიფიკატები, გაცემული „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის საფუძველზე უფლებამოსილი ორგანოს მიერ.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი ორგანიზაცია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

პრეტენდენტის მიერ წარმოდგენილ ექსპერტიზის დასკვნას თან უნდა ახლდეს ბაზრის კვლევისას გამოყენებული დოკუმენტაცია (მაგ., ანგარიშფაქტურა/ინვოისი, ხელშეკრულება და სხვა).

შესყიდვის ობიექტის ღირებულების ანაზღაურება მოხდება უნაღდო ანაგარიშსწორებით.

ანგარიშსწორება მოხდება ეტაპობრივად, უნაღდო ანგარიშსწორებით ლარში, ფაქტიურად გაწეული მომსახურების მიხედვით, მიმწოდებლის მიერ შემსყიდველისთვის საქართველოს კანონმდებლობით დადგენილი საგადასახადო დოკუმენტაციის (დღგ-ს ანგარიშ-ფაქტურა და სასაქონლო ზედნადები) წარდგენიდან ან/და მიღება–ჩაბარების აქტის გაფორმებიდან, არაუგვიანეს 10 სამუშაო დღეში.

ალექსანდრე მერებაშვილი, 577213520, aleksandre.merebashvili@iliauni.edu.ge

10.1 პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.3 სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.4 პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი პერეისკურანტი ან წარდგენილ პერიკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.5 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.6 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.7 პრეტენდენტს არ აქვს უფლება წარმოადგინოს ალტერნატიული წინადადება;