Почтовая и курьерская службы (Грузия - Тендер #60350757)

საფოსტო-საკურიერო მომსახურების შესყიდვა;

1. ადგილობრივი (საქართველოს ნებისმიერი ქალაქი) გზავნილების ჩაბარება არაუმეტეს 3 სამუშაო დღეში, (დღეების ათვლა განხორციელდება გზავნილის კურიერზე გადაცემის ან/და საფოსტო განყოფილებაში ჩაბარების მომდევნო სამუშაო დღიდან).
2. შესყიდვის ობიექტით გათვალისწინებული მომსახურების კონტროლისა და ანალიზის სპეციალური მენეჯერის გამოყოფა, რომელმაც უნდა უზრუნველყოს შემსყიდველის დროული ინფორმირება;
3. გზავნილთა ჩაბარების მდგომარეობის ამსახველი, ყოველთვიური სტატისტიკური მონაცემების მიწოდება შემსყიდველისათვის შესაბამისი გზავნილის რეკვიზიტებით. თითოეული გზავნილის ჩაბარებისა და ჩაუბარებლობის მიზეზების ამსახველი ელექტრონული დადასტურების დოკუმენტში - უკუგზავნილში გათვალისწინებულ ყველა ველში ინფორმაციის სრულყოფილი სახით შეტანა.
4. ადგილობრივი გზავნილების ონლაინ რეჟიმში თვალყურის დევნების სისტემისა (ე.წ. „თრექინგი“) და მისი კუთვნილი ვებ-გვერდის გამართული ფუნქციონირება, საიდანაც შესაძლებელი იქნება გზავნილის ნებისმიერი მოძრაობის სტატუსის ნახვა, რომლის სისწორეზე პასუხისმგებელი იქნება მიმწოდებელი;

5. უფასო საკურიერო მომსახურება, ყოველ სამუშაო დღეს. ასევე, მოთხოვნის შემთხვევაში შემსყიდველთან წინასწარი შეთანხმების საფუძველზე შემსრულებელი ვალდებულია გამოცხადდეს საფოსტო გზავნილის მიღების ადგილზე და უზრუნველყოს მიმწოდებლისაგან საფოსტო გზავნილის წამოღება.
6. გზავნილების ჩაბარება შემსყიდველის მოთხოვნის საჭიროების შემთხვევაში, უნდა განხორციელდეს შაბათ დღეს;

7. ადგილობრივი გზავნილის კურიერის მეშვეობით ადრესატზე/ფიზიკურ პირზე ჩაბარება პირადად, საქმიანობის ან საცხოვრებელი ადგილის მიხედვით. ადრესატისათვის საქმიანობის ადგილზე გაგზავნილი გზავნილი უნდა ჩაბარდეს კანცელარიას ან ასეთივე დანიშნულების სტრუქტურულ ერთეულს ან/და პირს, ხოლო ასეთის არყოფნის შემთხვევაში - შესაბამის უფლებამოსილ პირს, რომელიც ვალდებულია გზავნილი გადასცეს ადრესატს. გზავნილის ჩაბარება უნდა დადასტურდეს შესაბამის გზავნილის მიმღების ხელმოწერით, პირადი ნომრის მითითებით. თუ გზავნილის ჩამბარებელმა ადრესატი ვერ ნახა საქმიანობის ან საცხოვრებელ ადგილზე, იგი გზავნილს აბარებს საცხოვრებელ ადგილზე მასთან მცხოვრებ ოჯახის რომელიმე სრულწლოვან, ქმედუნარიან წევრს ან საქმიანობის ადგილზე კანცელარიას. გზავნილის მიმღები ვალდებულია ჩამბარებლის მიერ წარდგენილ შესაბამის უწყებაზე აღნიშნოს თავისი სახელი, გვარი, ადრესატთან დამოკიდებულება ან დაკავებული თანამდებობა. თუ ადრესატი არ იმყოფება მისამართზე, ამ შემთხვევაში, მიმწოდებლის წარმომადგენელმა მას უნდა დაუტოვოს შეტყობინება. შეტყობინებაში აღნიშნული უნდა იყოს შემდეგი ინფორმაცია:გზავნილის ნომერი, საკონტაქტო მონაცემები და საფოსტო სერვისცენტრში დაყოვნების დრო. შენახვის ვადის განმავლობაში ჩაუბარებელი გზავნილი უბრუნდება დამკვეთს, უფასოდ შესაბამისი კომენტარით. ასევე გზავნილის ჩაბარების მიზნით უნდა განახორციელოს შემსყიდველის მიერ მითითებულ ადრესატის ტელეფონის ნომერზე დაკავშირება. გატანილი ანდა დაბრუნებული/ჩაუბარებელი გზავნილი უნდა აისახოს ელექტრონულად გზავნილის ისტორიაში გზავნილის უნიკალური შტრიხკოდის ქვეშ. თუ ადრესატმა უარი განაცხადა გზავნილის ჩაბარებაზე, შემსრულებელი ელექტრონული ანდა მატერიალური დოკუმენტზე აკეთებს შესაბამის აღნიშვნას, ხოლო გზავნილს 3 (სამი) სამუშაო დღის განმავლობაში უბრუნებს დამკვეთს.

8. საჭიროების შემთხვევაში, შესაძლებელი უნდა იყოს ამანათის დაზღვევა შემსყიდველის ხარჯით (სადაზღვევო რისკს წარმოადგენს დაკარგვა ან დაზიანება). საერთაშორისო ნორმებით დადგენილი წესის შესაბამისად, გზავნილი/ამანათი დაკარგულად ჩაითვლება მაქსიმუმ ერთი თვის გასვლის შემდეგ, რაც გზავნილის/ამანათის მარშრუტის სისტემაში აისახება ელექტრონულად.

9. სატენდერო დოკუმენტაციის დანართი №1-ით გათვალისწინებულ ფასთა ცხრილში მოცემულია გზავნილების სავარაუდო მოცულობა, რომელიც შეიძლება სრულად არ იქნეს ათვისებული. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით, ხელშეკრულების საერთო ღირებულების შეუცვლელად.

მომსახურების გაწევა უნდა განხორციელდეს ეტაპობრივად,ხელშეკრულების დადების დღიდან 2025 წლის 31 დეკემბრის ჩათვლით

მიმწოდებლის მიერ მომსახურება უნდა განხორციელდეს საქართველოს მთელ ტერიტორიაზე

პრეტენდენტს, 2022 წლის 1 იანვრიდან წინამდებარე ტენდერის გამოცხადების დღემდე პერიოდში უნდა გააჩნდეს საფოსტო და საკურიერო მომსახურების გაწევის გამოცდილება არანაკლებ 61 800 (სამოცდაერთი ათას რვაასი) ლარის ოდენობით.

ტენდერში მონაწილე პრეტენდენმა ერთიანი ელექტრონული სისტემის საშუალებით უნდა წარმოადგინოს ტენდერით გათვალისწინებული გათვალისწინებული საფოსტო და საკურიერო მომსახურებაზე გაფორმებული ხელშეკრულებ(ებ)ი და ამ ხელშეკრულების შესრულების დამადასტურებელი დოკუმენტ(ებ)ის ასლ(ებ)ი (მომსახურების გაწევის მიღება-ჩაბარების აქტი) და/ან წარმოდგენილი უნდა იქნას SPA ან/და NAT ან/და CMR ნომრები.

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით ან/და ანგარიშ-ფაქტურით (ინვოისით) ან/და აუდიტის/ექსპერტის დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტ(ებ)ით დასადები ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

1. ანგარიშსწორება განხორციელდება ეროვნულ ვალუტაში (ლარში) უნაღდო ანგარიშსწორების ფორმით.
2. ანგარიშსწორება განხორციელდება მიღება-ჩაბარების აქტის და შესაბამისი საგადასახადო დოკუმენტის (საჭიროების შემთხვევაში) წარმოდგენის შემდგომ.

შესაბამისი დოკუმენტაციის წარმოდგენიდან 10 (ათი) სამუშაო დღის ვადაში;

ავთანდილ მეგრელიძე, 557290429, avto.megrelidze95@gmail.com ავთანდილ მეგრელიძე, 557290429, avto.megrelidze95@gmail.com