Ремонт и техническое обслуживание транспортных средств и оборудования и сопутствующие услуги (Грузия - Тендер #60350754)

შპს ,,ბათუმის წყალის" საკუთრებაში არსებული, მსუბუქი ავტომანქანების შეკეთება და ტექნიკური მომსახურება (სერვისი სათადარიგო ნაწილებით)

1.2.1. მომსახურება მოიცავს შპს "ბათუმის წყალის" ბალანსზე რიცხული მსუბუქი ავტომანქანების შეკეთებას და ტექნიკური მომსახურებას, პროფილაქტიკური და დიაგნოსტიკური მომსახურების ჩატარებას, ნაწილების შეკეთებას ან/და გამოცვლას. მომსახურებას დაქვემდებარებული მსუბუქი ავტომანქანების ჩამონათვალი და მომსახურების აღწერილობა (სერვისი სათადარიგო ნაწილებით) მოცემულია პრეისკურანტში (დანართი N1). მსუბუქი ავტომანქანების შეკეთება და ტექნიკური მომსახურება (სერვისი, სათადარიგო ნაწილებით) უნდა განხორცილდეს პრეისკურანტში (დანართი N1) მითითებული სათადარიგო ნაწილებისა და მომსახურების შესაბამისად.
1.2.3. თუ ხელშეკრულების მოქმედების პერიოდში აღმოჩნდება, რომ პრეისკურანტში (დანართი N1) არ არის გათვალისწინებული იმ მომენტისათვის საჭირო სათადარიგო ნაწილი და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის ან/და მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.4. ტენდერში გამარჯვებულ პრეტენდენტთან ხელშეკრულება გაფორმდება 150000 (ას ორმოცდაათი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.
1.2.5. პრეტენდენტმა საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს პროპორციულად, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ ბოლო შეთავაზების თანხას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ზედა ზღვრულ ფასებთან მიმართებით. პრეისკურანტში მითითებული როგორც ერთეულის ფასები, ისე ჯამური ღირებულება უნდა იქნეს დამრგვალებული მეასედებამდე სიზუსტით.
1.2.6. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის ზღვრულ ფას(ებ)ს.
1.2.7. მიმწოდებელი ვალდებულია განახორციელოს შესასრულებელი მომსახურების/სამუშაოს, შესაკეთებელი ან შესაცვლელი დეტალების დათვალიერება (სატრანსპორტო საშუალების დათვალიერება/შემოწმებას მიმწოდებელი ახორციელებს უფასოდ) და შესაბამისი დეფექტური აქტის შედგენა სატრანსპორტო საშუალების სერვის-ცენტრში მიყვანიდან:
ა) სავალი ნაწილებისათვის (მათ შორის ცეპლენიის გადაბმულობის დეტალები) არაუგვიანეს 1 (ერთი) სამუშაო დღეში.
ბ) სამუხრუჭე ხუნდების, ძრავის ღვედების, ნათურების, საცხებ-საპოხი მასალების, ფილტრების, მინის საწმენდი ჩოთქებისათვის არაუგვიანეს 1 (ერთი) სამუშაო დღეში.
გ) ელექტროობისათვის არაუგვიანეს 1 (ერთი) სამუშაო დღეში.
დ) აგრეგატული ნაწილებისათვის (ძრავი, ხიდი, გადაცემათა ან/და გამანაწილებელი კოლოფი და სხვა) არაუგვიანეს 3 (სამი) სამუშაო დღეში.
ე) სათუნუქე და სამღებრო სამუშაოებისთვის არაუგვიანეს 2 (ორი) სამუშაო დღე.
ვ) სხვა სათადარიგო ნაწილებისთვის ან/და მომსახურებისთვის არაუგვიანეს 1 (ერთი) სამუშაო დღე.
1.2.8.მომსახურების გაწევის ვადა თითოეულ შემთხვევაში არ უნდა აღემატებოდეს:
ა) სავალი ნაწილებისათვის (მათ შორის ცეპლენიის გადაბმულობის დეტალები) არაუმეტეს 2 (ორი) სამუშაო დღეს.
ბ) სამუხრუჭე ხუნდების, ძრავის ღვედების, ნათურების, საცხებ-საპოხი მასალების, ფილტრების, მინის საწმენდი ჩოთქებისათვის არაუმეტეს 1 (ერთი) სამუშაო დღე.
გ) ელექტროობისათვის არაუმეტეს 2 (ორი) სამუშაო დღეს.
დ) ხანგრძლივი მომსახურების გაწევის ვადა აგრეგატული ნაწილებისათვის (ძრავი, ხიდი, გადაცემათა და გამანაწილებელი კოლოფი) არაუმეტეს 10 (ათი) სამუშაო დღეს.
ე) ხანგრძლივი მომსახურება, სამღებრო და სათუნუქე სამუშაოებისათვის არაუმეტეს 10 (ათი) სამუშაო დღეს.
ვ) სხვა სათადარიგო ნაწილების შეცვლა, რომელიც არ არის განსაზღვრული ზემოაღნიშნულ ჩამონათვალში დეფექტური აქტის შედგენიდან არაუმეტეს 2 (ორი) სამუშაო დღე.
ზ) სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა 30 კალენდარულ დღეს.

შენიშვნა: მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში, მოთხოვნის შემთხვევაში წარუდგინოს შემსყიდველს შეკვეთის დამადასტურებელი დოკუმენტი (დოკუმენტი უნდა შეიცავდეს ინფორმაციას შეკვეთის განხორციელების თარიღის და შეკევთით განსაზღვრული დეტალის ჩამოსვლის თარიღის შესახებ).

მიმწოდებელმა მომსახურების გაწევა უნდა განახორციელოს ეტაპობრივად, შემსყიდველის მიერ მოთხოვნილი მოცულობის შესაბამისად, მომსახურების მიწოდების ვადები განისაზღვრება ტექნიკური დავალებით. მომსახურების შესრულების ვადაა ხელშეკრულების დადებიდან 2025 წლის 25 დეკემბრის ჩათვლით პერიოდი.

მომსახურების შესრულების ადგილი – ქ. ბათუმი, მიმწოდებლის მიერ წარმოდგენილი ავტომანქანების ტექნიკური მომსახურების სერვის-ცენტრ(ებ)ის მისამართ(ებ)ზე (დანართი№2).

1.7.1.1 მსუბუქი ავტომანქანების შეკეთებისა და მომსახურებისათვის გამოყენებული სათადარიგო ნაწილები უნდა იყოს ახალი, ქარხნული და არ ავლენდეს დეფექტს.
1.7.1.2 მიმწოდებელი იძლევა გარანტიას, რომ მის მიერ მომსახურების გაწევისას გამოყენებული სათადარიგო ნაწილი მისი ექსპლუატაციის ნორმების დაცვის შემთხვევაში არ გამოავლენს დეფექტს.
1.7.1.3 სათადარიგო ნაწილის საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 6 (ექვსი) თვეს.
1.7.1.4 თუ საგარანტიო პერიოდის განმავლობაში გამოყენებული სათადარიგო ნაწილის ექსპლუატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან გონივრულ ვადაში (მაგრამ არაუმეტეს 5 (ხუთი) სამუშაო დღისა) უზრუნველყოს დეფექტის აღმოფხვრა საკუთარი ხარჯით.

2.2.1.1. პრეტენდენტს 2022 წლის 1-ელი იანვრიდან ტენდერის გამოცხადებამდე შესრულებული უნდა ჰქონდეს ანალოგიური ხასიათის, სირთულისა და შინაარსის მომსახურება არანაკლებ 150 000 (ას ორმოცდაათი ათასი) ლარის ოდენობით.
2.2.1.2. ინფორმაცია წარმოდგენილ უნდა იქნეს დანართის შესაბამისად.
2.2.1.3. 2.2.1.1. პუნქტის მოთხოვნის დასაკმაყოფილებლად პრეტენდენტმა უნდა წარმოადგინოს: ხელშეკრულება(ები) და მისი/მათი შესაბამისი მიღება-ჩაბარების აქტ(ებ)ი და დადასტურებული საგადასახადო ანგარიშ-ფაქტურ(ებ)ი.
2.2.1.4. სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR ან სხვა ნომრ(ებ)ი და სისტემაში ატვირთული დოკუმენტაციებით შესაძლებელი იქნება შესრულებული მომსახურების შინაარსისა და ღირებულებების იდენტიფიცირება 2.2.1.3. პუნქტით გათვალისწინებული დოკუმენტაციის წარმოდგენის საჭიროება არ არსებობს.

2.3.1.1. პრეტენდენტს ქ. ბათუმის ტერიტორიაზე უნდა გააჩნდეს ტენდერით გათვალისწინებული მომსახურების განსახორციელებლად არანაკლებ 1 (ერთი) მოქმედი სერვის ცენტრი, ერთდროულად არანაკლებ 3 (სამი) ავტომანქანის მომსახურების საშუალებით, უნდა ჰქონდეს არანაკლებ 6 (ექვსი) სარემონტო სექციით (ე.წ. "ბოქსი") და მინიმუმ 2(ორი) ავტო ამწით, სერვისცენტრი უნდა ფუნქციონირებდეს კვირაში არანაკლებ 40 (ორმოცი) საათის განმავლობაში.
მიმწოდებლის სერვისცენტრს უნდა გააჩნდეს შიდა პერიმეტრის დაცვის ან/და ვიდეოკონტროლის მექანიზმი.
სერვისცენტრი აღჭურვილი უნდა იყოს შემდეგი მოწყობილობებით:
ფრეონის დასატუმბი აპარატურა,
სამუხრუჭე დისკების გასაჩარხი დანადგარი,
კომპიუტერული დიაგნოსტიკის აპარატურა,
ფარების გასასწორებელი სტენდი,
მფრქვევანების (ინჟექტორების) შემოწმებისა და საწმენდი აპარატი,
ელექტრო გენერატორი უწყვეტი ელექტრო ენერგიის უზრუნველსაყოფად,
სახარატე დანადგარი და მილისების (ვტულკა) ჩასაპრესი აპარატი.

ინფორმაცია ტექნიკური შესაძლებლობების შესახებ სავალდებულოა წარმოდგენილი იქნას აუდიტის დასკვნით და თანდართული ფოტოსურათებით, დასკვნა გაცემული უნდა იყოს ტენდერის გამოცხადების შემდეგი თარიღით. აუდიტის დასკვნა უნდა ადასტურებდეს მანქანა-მექანიზმების საკუთრების ან/და სარგებლობის უფლებას.

სერვისცენტრის საკუთრების შემთხვევაში პრეტენდენტმა უნდა წარმოადგინოს ამონაწერი საჯარო რეესტრიდან, რომელიც გაცემული უნდა იყოს ტენდერის გამოცხადების შემდეგი თარიღით. იმ შემთხვევაში, თუ პრეტენდენტს სერვისცენტრი აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2026 წლის 31 იანვრის ჩათვლით.

2.3.1.2. ხელშეკრულების მოქმედების პერიოდში მიმწოდებლის მიერ მომსახურება უნდა განხორციელდეს სატენდერო წინადადებაში მითითებულ მისამართ(ებ)ზე მდებარე ავტოსერვისში, ავტოტექმომსახურების სხვა მისამართზე განხორციელება შესაძლებელია მხოლოდ შემსყიდველთან წინასწარი შეთანხმების საფუძველზე. აღნიშნული მოთხოვნის შეუსრულებლობის შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

4.1.1.1 იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი.
4.1.1.2 ფასწარმოქმნის ადეკვატურობა, შესაძლებელია დასაბუთდეს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამის სფეროში უფლებამოსილების/აკრედიტაციის დამადასტურებელი დოკუმენტი. დოკუმენტში გარკვევით უნდა იკითხებოდეს თუ რომელ სფეროშია აკრედიტირებული დასკვნის გამცემი პირი) ან/და სხვა იმ პირის მიერ, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ შესაბამის სფეროში სერტიფიცირებული შემფასებელი. სხვა პირის მიერ გაცემული საექსპერტო ან/და საშემფასებლო დასკვნა განხორციელებული უნდა იყოს და შეფასების ანგარიშზე/დასკვნაზე ხელი მოწერილი უნდა ჰქონდეს აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს; პრეტენდენტის მიერ შეფასების ანგარიშთან/დასკვნასთან ერთად წარმოდგენილ უნდა იქნას აკრედიტებული შემფასებელთა სერტიფიკაციის ორგანოს მიერ შემფასებელზე გაცემული სერტიფიკატის ასლი (სერთიფიკატის გამცემი შემფასებელთა სერტიფიკაციის ორგანო აუცილებლად უნდა იყოს აკრედიტებული სსიპ ,,აკრედიტაციის ერთიანი ეროვნული ორგანო-აკრედიტაციის ცენტრი’’-ს მიერ). აღნიშნული დოკუმენტების წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით უნდა დასტურდებოდეს სატენდერო პირობებით განსაზღვრული ვალდებულების შესრულების შესაძლებლობა როგორც პრეტენდენტის მიერ დაფიქსირებული სატენდერო წინადადების ფასთან (ფასების ცხრილის (განფასების) ჯამურ ღირებულებასთან), ასევე ფასების ცხრილის (განფასების) ერთეულ ღირებულებასთან მიმართებით.
4.1.1.4 ფასწარმოქმნის ადეკვატურობის დაუსაბუთებლობა მითითებულ ვადაში ან ფასწარმოქმნის ადეკვატურობის დამადასტურებელი დოკუმენტების შეუსაბამობა სატენდერო პირობებთან ან/და სატენდერო წინადადებასთან, გამოიწვევს პრეტენდენტის დისკვალიფიკაციას, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის 1-ლი პუნქტის ,,დ’’ ქვეპუნქტის საფუძველზე.

7.2.1 მიმწოდებელთან ანგარიშსწორება შემსყიდველის მიერ განხორციელდება, ეტაპობრივად, უნაღდო ანგარიშსწორების ფორმით, ეროვნულ ვალუტაში;
7.2.2 მიმწოდებელთან ანგარიშსწორება იწარმოებს ხელშეკრულებით გათვალისწინებული ფაქტიურად გაწეული მომსახურების შესრულების შესახებ გაფორმებული მიღება-ჩაბარების აქტისა და შესაბამისი საანგარიშსწორებო დოკუმენტის საფუძველზე.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

თამარ თურმანიძე, 555988668, tamar.turmanidze1995@gmail.com 577 511 033

1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს მომსახურების გაწევასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. სატენდერო დოკუმენტაციის იმ ნაწილში (ტექნიკური პირობები, ხარჯთაღრიცხვა, დანართი და სხვა), სადაც მითითებული იქნება სასაქონლო ნიშანი, მოდელი, წარმოშობის წყარო ან მწარმოებელი, იგულისხმება "მსგავსი" ან "ეკვივალენტური".
3. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
4. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
5. წინამდებარე შესყიდვა ხორციელდება "სახელმწიფო შესყიდვის შესახებ" საქართველოს კანონისა და "ელექტრონული ტენდერის ჩატარების შესახებ წესის" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.