Вспомогательные услуги при транспортировке по земле, воде и воздуху (Грузия - Тендер #60316839)

„სსე“-ს საკუთრებაში არსებული ავტომანქანებისათვის ნავიგაციისა და ადგილმდებარეობის განსაზღვრის გლობალური სისტემის (GPS) 2 (ორი) წლიანი მომსახურების შესყიდვა.

შესყიდვის ობიექტის "ტექნიკური პირობა და ავტომანქანების ჩამონათვალი" მოცემულია მიმაგრებულ ფაილში.


1.2.1 პრეტენდენტმა სატენდერო წინადადებით, ერთიანი ელექტრონული სისტემის მეშვეობით უნდა წარმოადგინოს (ატვირთოს) საქართველოს კანონმდებლობით დადგენილი წესით ხელმოწერილი სატენდერო დოკუმენტაციის კითხვარის 1.2.ველში მოცემული "ტექნიკური პირობა და ავტომანქანების ჩამონათვალი"-ს დოკუმენტი უცვლელად, რითაც გამოხატავს თანხმობას "ტექნიკური პირობა"-ზე.

მომსახურების გაწევის ვადები:

1. GPS სისტემის დამონტაჟება და მისი პროგრამული უზრუნველყოფით გამართვა (დააინსტალიროს სათანადო პროგრამა) უნდა განხორციელდეს 2025 წლის 23 თებერვლიდან არაუგვიანეს 5 (ხუთი) სამუშაო დღეში ,,შემსყიდველის“ მიერ წარმოდგენილ ავტოსატრანპორტო საშუალებებზე.

2. ავტომანქანებისათვის ნავიგაციისა და ადგილმდებარეობის განსაზღვრის გლობალური სისტემის (GPS) მომსახურების გაწევის ვადაა მოწყობილობის მონტაჟიდან 24 (ოცდაოთხი) თვე.

მოწყობილობის დამონტაჟების ადგილი (მისამართი):
სს ”საქართველოს სახელმწიფო ელექტროსისტემის” ავტოპარკი - ქ. თბილისი, ნაკადულის ქ. №2
და სსე–ის რეგიონალური ქსელები:
ა) აღმოსავლეთის ქსელის შიდა ქართლის ზონა -ქ. გორი, ცხინვალის გზატკეცილი #5;
ბ) აღმოსავლეთის ქსელის ქვემო ქართლის ზონა - რუსთავი, დონეცკელ მეტალურგთა ქ. #18;
გ) დასავლეთის ქსელის იმერეთის ზონა - ქ. ქუთაისი, ავტომშენებლის ქ.#2;
დ) კახეთის რეგიონალური ქსელი - ქ. თელავი, ტაბიძის ქ. #4;
ე) დასავლეთის ქსელის სამეგრელოს ზონა - ქ. ზუგდიდი, მეუნარგიას ქ. #11.

(!)

პრეტენდენტმა სატენდერო წინადადებით უნდა უზრუნველყოს შემდეგი დოკუმენტაცია/ინფორმაციის წარმოდგენა(ატვირთვა) სახელმწიფო შესყიდვების ერთიან ელექტრონულ სისტემაში, კერძოდ:

2.9.1. სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილი".

იმ შემთხვევაში, თუ ტენდერში პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში.

დასაბუთება შესაძლებელია განხორციელდეს:

ა) „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით. დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე პირველი პუნქტის "დ" ქვეპუნქტის შესაბამისად.

ანგარიშსწორება განხორციელდება ყოველთვიურად, ფაქტობრივად გაწეულ მომსახურებაზე გაფორმებული მიღება-ჩაბარების აქტის და სათანადო დოკუმენტაციის (თუ "მიმწოდებელი" არის დღგ–ს გადამხდელი საგადასახადო ანგარიშფაქტურის) საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება ყოველთვიურად, ფაქტობრივად გაწეულ მომსახურებაზე მიღება ჩაბარების აქტის გაფორმებიდან და სათანადო დოკუმენტაციის (თუ "მიმწოდებელი" კომპანია არის დღგ–ს გადამხდელი საგადასახადო ანგარიშფაქტურის) წარმოდგენიდან 8 (რვა) სამუშაო დღის ვადაში.

ლევან მასხარაშვილი, 597763693, levan.maskharashvili@gse.com.ge

1. ალტერნატიული სატენდერო წინადადება არ მიიღება;

2. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

3. სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

4.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

5. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

6. თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარმოდგენილი "ხარჯთაღრიცხვა" ან განუფასებლად იქნება წარმოდგენილი მისი რომელიმე პოზიცია, პრეტენდენტი დაექვემდებარება დისკვალიფიკაციას.

7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;

8. რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

9. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.