Инженерные услуги (Грузия - Тендер #60316816)

არსებული 220 კვ ეგხ ურბნისის N78-N81 საყრდენებს შორის უბნის რეკონსტრუქციისა და საპროექტო ქ/ს რუსის 220-ში მიერთების პროექტის სკრინინგის ანგარიშისა და მოთხოვნის შემთხვევაში, ნიადაგის რეკულტივაციის გეგმა/პროექტის მომზადების მომსახურების შესყიდვა.

სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ პუნქტში წარმოდგენილ ყველა ფაილზე, რაც უცვლელად დაერთვება დანართად გასაფორმებელ ხელშეკრულებას.

შესყიდვის ობიექტის ტექნიკური სპეციფიკაციების თავისებურებიდან გამომდინარე, მათი აღწერის თვალსაჩინოებისთვის გამოყენებულია მიმაგრებული ფაილები: "ტექნიკური დავალება", "სიტუაციური გეგმა" და "განმარტებითი ბარათი".

* შეიპ (shp) ფაილები ტენდერში გამარჯვებულ პრეტენდენტს - "მიმწოდებელს" გადაეგზავნება ხელშეკრულების გაფორმებისთანავე.

მომსახურების გაწევის ვადები განისაზღვრება შემდეგი სახით:

1.4.1 სკრინინგის ანგარიში წარმოდგენილი უნდა იყოს „შემსყიდველის“ მხრიდან „მიმწოდებლისათვის“ შესაბამისი ტექნიკური დოკუმენტაციის სრულად გადაცემიდან არაუგვიანეს 20 კალენდარული დღის განმავლობაში.

1.4.2. მიმწოდებელი საჭიროების შემთხვევაში ვალდებულია, სსე-ს მიერ სააგენტოში წარდგენილი სკრინინგის ანგარიშის დახარვეზების და/ან სკრინინგის პროცესში გამოვლენილი დამატებითი მასალ(ებ)ის და/ან სსე-ს მხრიდან დამატებითი მასალ(ებ)ის მოთხოვნის შემთხვევაში უზრუნველყოს სკრინინგის ანგარიშის სრულყოფა/კორექტირება (საჭიროების შემთხვევაში სკრინინგის გადაწვეტილების მიღების მიზნით შესაბამისი დამატებითი დოკუმენტ(ებ)ის მომზადება) და სსე-ს მიერ შესაბამისი დოკუმენტაციის წერილობით და/ან სსე-ს ოფიციალური ელ. ფოსტით შეტყობინებიდან, სსე-სთვის არაუმეტეს 15 (თხუთმეტი) კალენდარულ დღეში მიწოდება;

1.4.3. იმ შემთხვევაში, თუ დაგეგმილი საქმიანობა სკრინინგის გადაწყვეტილების მიხედვით არ დაექვემდებარება გარემოზე ზემოქმედების შეფასებას (სკოპინგი და შემდგომ გზშ), მიმწოდებლის მიერ უნდა მომზადდეს ნიადაგის რეკულტივაციის გეგმა/პროექტი, რომელიც უნდა შეესაბამებოდეს „ნიადაგის ნაყოფიერი ფენის მოხსნის, შენახვის, გამოყენებისა და რეკულტივაციის შესახებ“ ტექნიკური რეგლამენტის დამტკიცების თაობაზე საქართველოს მთავრობის 2013 წლის 31 დეკემბრის N 424 დადგენილების მე-3 მუხლის მე-11 პუნქტის მოთხოვნებს. „მიმწოდებლის“ მიერ ნიადაგის რეკულტივაციის გეგმა/პროექტი წარმოდგენილი უნდა იყოს, „შემსყიდველის“ მხრიდან რეკულტივაციის გეგმა/პროექტის მომზადების თაობაზე შესაბამისი(წერილობითი ან ელ. ფოსტის მეშვეობით) დავალების გაცემიდან, არაუგვიანეს 14 (თოთხმეტი) კალენდარული დღის განმავლობაში.

1.4.4. მიმწოდებელი საჭიროების შემთხვევაში ვალდებულია, სსე-ს მიერ საქართველოს გარემოს დაცვისა და სოფლის მეურნეობის სამინისტროში წარდგენილი ნიადაგის რეკულტივაციის გეგმა/პროექტის დახარვეზების და/ან ადმინისტრაციული წარმოების პროცესში გამოვლენილი დამატებითი მასალ(ებ)ის და/ან სსე-ს მხრიდან დამატებითი მასალ(ებ)ის მოთხოვნის შემთხვევაში უზრუნველყოს რეკულტივაციის გეგმა/პროექტის სრულყოფა/კორექტირება და სსე-ს მიერ შესაბამისი დოკუმენტაციის წერილობით და/ან სსე-ს ოფიციალური ელ. ფოსტის გამოყენებით შეტყობინებიდან, სსე-სთვის არაუმეტეს 10 (ათი) კალენდარულ დღეში მიწოდება;

1.5.1. სს "საქართველოს სახელმწიფო ელექტროსისტემისათვის" (შემდგომში - სსე) არსებული 220 კვ ეგხ ურბნისის N78-N81 საყრდენებს შორის უბნის რეკონსტრუქციისა და საპროექტო ქ/ს რუსის 220-ში მიერთების პროექტის სკრინინგის ანგარიშისა და მოთხოვნის შემთხვევაში, ნიადაგის რეკულტივაციის გეგმა/პროექტის მიწოდების ადგილი: ქ. თბილისი, ბარათაშვილის ქ. N2,. სს. "სსე"-ს სათაო ოფისი;

1.5.2. სკრინინგის ანგარიში უნდა შეესაბამებოდეს საქართველოს კანონის ,,გარემოსდაცვითი შეფასების კოდექსი’’-ს (შემდგომში - კოდექსი) მე-7 მუხლის მოთხოვნებს და წარმოდგენილი უნდა იქნეს ელექტრონული ფორმით (CD დისკზე) ქართულ ენაზე მინიმუმ ერთ ეგზემპლარად, ხოლო მოთხოვნის შემთხვევაში მატერიალური (ნაბეჭდი ვარიანტი) სახით.

1.5.2. რეკულტივაციის გეგმა/პროექტი (მოთხოვნის შემთხვევაში) წარმოდგენილი უნდა იქნეს ელექტრონული ფორმით (CD დისკზე) ქართულ ენაზე ერთ ეგზემპლარად, ხოლო 2 (ორი) ეგზემპლიარად მატერიალური (ნაბეჭდი ვარიანტი).

(!)

პრეტენდენტს 2010 წლიდან უნდა ჰქონდეს მომზადებული და საქართველოს გარემოს დაცვისა და სოფლის მეურნეობის სამინისტროში და/ან სააგენტოში წარდგენილი არანაკლებ 5 (ხუთი) გარემოსდაცვითი დოკუმენტი (სკრინინგი, სკოპინგი, გზშ), მათ შორის მინიმუმ ერთი, კოდექსის შესაბამისად მომზადებული გარემოსდაცვითი დოკუმენტი (სკრინინგი, სკოპინგი, გზშ) ელექტროგადამცემი ხაზების გაყვანასთან დაკავშირებული, რაც დადასტურებულ უნდა იქნეს მიმწოდებლის მიერ რელევანტური დოკუმენტაციის წარმოდგენით, კერძოდ გარემოსდაცვითი დოკუმენტი (სკრინინგის, სკოპინგის, გზშ-ს ანგარიში), სადაც უნდა ფიქსირდებოდეს დოკუმენტის მომამზადებლის შესახებ ინფორმაცია და სამინისტროს და/ან სააგენტოს მიერ გაცემული ინდივიდუალური სამართლებრივი აქტი, კერძოდ გარემოსდაცვითი გადაწყვეტილების და/ან სკრინინგის გადაწყვეტილების გაცემის შესახებ.

პრეტენდენტის მიერ სახელმწიფო შესყიდვების ერთიან ელექტრონულ სისტემაში სატენდერო წინადადებით წარმოდგენილი უნდა იყოს შემდეგი დოკუმენტაცია/ინფორმაცია:

2.9.1 სატენდერო დოკუმენტაციის 1.3 ველში მოცემული სრულად შევსებული ფასების ცხრილი, ფასების ცხრილის წარმოუდგენლობის ან მისი განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.

ვინაიდან, აღნიშნული ტენდერით განსაზღვრული მომსახურეობა არის სპეციფიკური მომსახურების შესყიდვა (20 კვ ეგხ ურბნისის N78-N81 საყრდენებს შორის უბნის რეკონსტრუქციისა და საპროექტო ქ/ს რუსის 220-ში მიერთების პროექტის სკრინინგის ანგარიშისა და მოთხოვნის შემთხვევაში, ნიადაგის რეკულტივაციის გეგმა/პროექტის მომზადების მომსახურება) რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, სატენდერო კომისიამ მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

სატენდერო კომისიამ მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების მე-18 მუხლის მე-5 პუნქტის საფუძველზე.

ანგარიშსწორება განხორციელდება ორ ეტაპად, კერძოდ:

პირველი ეტაპი - ხელშეკრულების ღირებულების 60%-ის ანაზღაურება მოხდება სკრინინგის ანგარიშის მოწოდებდან, ფაქტიურად გაწეულ მომსახურებაზე მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ;

მეორე ეტაპი - ხელშეკრულების ღირებულების 40%-ის ანაზღაურება მოხდებასსიპ გარემოს ეროვნული სააგენტოს მიერ სკრინინგის გადაწყვეტილების მიღების (სააგენტოს მიერ გადაწყვეტილების მიღება გულისხმობს ოფიციალურ ვებ. გვერდზე გამოქვეყნებულ ინფორმაციას ან/და შესაბამის წერილს) და დავალების შესაბამისად მომზადებული ნიადაგის რეკულტივაციის გეგმა/პროექტის საქართველოს გარემოს დაცვისა და სოფლის მეურნეობის სამინისტროსთან შეთანხმების შემდგომ, ფაქტიურად გაწეულ მომსახურებაზე მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ;

- ანგარიშსწორება განხორციელდება ლარში, უნაღდო ანგარიშსწორების ფორმით;

ანგარიშსწორება განხორციელდება ორ ეტაპად, კერძოდ:

პირველი ეტაპი - ხელშეკრულების ღირებულების 60%-ის ანაზღაურება განხორციელდებასკრინინგის ანგარიშის მოწოდებდან, ფაქტიურად გაწეულ მომსახურებაზე მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ არაუგვიანეს 8 (რვა) სამუშაო დღის განმავლობაში;

მეორე ეტაპი - ხელშეკრულების ღირებულების 40%-ის ანაზღაურება განხორციელდება სსიპ გარემოს ეროვნული სააგენტოს მიერ სკრინინგის გადაწყვეტილების მიღების (სააგენტოს მიერ გადაწყვეტილების მიღება გულისხმობს ოფიციალურ ვებ. გვერდზე გამოქვეყნებულ ინფორმაციას ან/და შესაბამის წერილს) და დავალების შესაბამისად მომზადებული ნიადაგის რეკულტივაციის გეგმა/პროექტის საქართველოს გარემოს დაცვისა და სოფლის მეურნეობის სამინისტროსთან შეთანხმების შემდგომ, ფაქტიურად გაწეულ მომსახურებაზე მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ არაუგვიანეს 8 (რვა) სამუშაო დღის განმავლობაში;

ნანა მოლაშხია, 591948404, nana.molashkhia@gse.com.ge

- ალტერნატიული სატენდერო წინადადება არ მიიღება;
- სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
- ფასების ცხრილის წარმოუდგენლობის ან მისი განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.
- სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
- სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
- რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;
- სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.