Медицинские услуги (Грузия - Тендер #60316808)

შპს „გარდაბნის თბოსადგური 2“-ის ღამის (ღამის დრო - პერიოდი 22 საათიდან 6 საათამდე) სამუშაოზე (შემდგომში ღამის სამუშაო) დასაქმებული პირებისათვის წინასწარი (დასაქმებამდე) და შემდგომი პერიოდული სამედიცინო შემოწმების მომსახურების (შემდგომში მომსახურება) სახელმწიფო შესყიდვა სატენდერო დოკუმენტაციის 1.2 პუნქტის შესაბამისად.

1. მიმწოდებელი ღამის სამუშაოზე დასაქმებული პირებისთვის წინასწარი (დასაქმებამდე) და შემდგომი პერიოდული სამედიცინო შემოწმების მომსახურებას განახორციელებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანება №01-79/ნ 2021 წლის 7 სექტემბერის ბრძანების შესაბამისად.

2. მომსახურების მიზანი
2.1 პირის ჯანმრთელობის მდგომარეობის განსაზღვრა მოცემული ღამის სამუშაოსათვის ანუ იმ დაავადებებისა, თუ პათოლოგიური მდგომარეობის გამოვლენა, რომლის დროსაც კონტაქტი მოცემულ პროფესიულ ფაქტორთან უკუნაჩვენებია.
2.2 პროფესიული შრომის მავნე და არახელსაყრელ პირობებში და სხვა პროფესიებზე მომუშავეთა ჯანმრთელობის მდგომარეობაზე დინამიკურ დაკვირვება, პროფესიული და იმ ზოგადი დაავადებების საწყისი სიმპტომების გამოვლენა და პროფილაქტიკა, რომლებიც წარმოადგენენ აღნიშნულ პირობებში მუშაობის გაგრძელების წინააღმდეგ ჩვენებას, უბედური შემთხვევების თავიდან აცილება.
3. მომსახურების გაწევის პირობები და აღწერა
3.1 ღამის სამუშაოზე დასაქმებულის ან კანდიდატი პირის წინასწარი და პერიოდული სამედიცინო შემოწმებები ტარდება:
ა) შემდეგ სპეციალობებში დამოუკიდებელი საექიმო საქმიანობის უფლების მქონე ექიმსპეციალისტების მონაწილეობით:
ა.ა.) „შინაგანი მედიცინა“ ან „საოჯახო მედიცინა“;
ა.ბ.) „კარდიოლოგია“;
ა.გ) „ნევროლოგია“;
ა.დ) „ოფთალმოლოგია“;
ა.ე) „ოტორინოლარინგოლოგია“.
ბ) შემდეგი კლინიკო-ლაბორატორული კვლევების გამოყენებით:
ბ.ა) სისხლის საერთო ანალიზი;
ბ.ბ) კოაგულოგრამა;
ბ.გ) ელექტროკარდიოგრაფია;
ბ.დ) გლუკოზის განსაზღვრა სისხლში;
ბ.ე) მხედველობის სიმახვილის შემოწმება;
ბ.ვ) აუდიომეტრია.
3.2 სამედიცინო დაწესებულება ვალდებულია განახორციელოს ღამის სამუშაოზე დასაქმებულის ჯანმრთელობის მდგომარეობის შემოწმება და შეაფასოს აქვს თუ არა უარყოფითი გავლენა ღამის მუშაობას დასაქმებულის ჯანმრთელობაზე.
3.3 თითოეულ შესამოწმებელ პირზე სამედიცინო დაწესებულება ვალდებულია აწარმოოს დოკუმენტაცია და შემოწმების შემდეგ წარმოადგინოს სათანადო დასკვნა (ჯანმრთელობის ცნობა - ფორმა 100), შესამოწმებელი პირის რეგისტრაციიდან/მიმართვიდან არაუგვიანეს 7 (შვიდი) სამუშაო დღისა. გარდა ისეთი შემთხვევებისა, როდესაც აუცილებელია დასკვნის შედგენისათვის უფრო დიდი ვადა, რის შესახებაც სამედიცინო დაწესებულება ამავე ვადაში ვალდებულია შემსყიდველს აცნობოს წერილობით/ელ.ფოსტით დასაბუთება დასკვნის გაუცემლობის მიზეზის შესახებ.
3.4 სამედიცინო დაწესებულებამ დასაქმებულის ჯანმრთელობის მდგომარეობის შემოწმების/შეფასების ფარგლებში უნდა გაითვალისწინოს რისკები, რომლებიც უკავშირდება:
ა) იმუნიტეტის დაქვეითებას, რაც განაპირობებს ინფექციური დაავადებებით ხშირად ავადობას;
ბ) სიმსივნური პათოლოგიების მატებას, რაც ასევე ასოცირდება იმუნური მექანიზმების უკმარისობასთან;
გ) ინსულინის წარმოქმნის დაქვეითებას, რაც იწვევს მადის მომატებას და შედეგად, ჭარბი წონის პრობლემას;
დ) გულ-სისხლძარღვთა დაავადებების რისკის მატებას (ათეროსკლეროზი, ჰიპერტენზია, სტენოკარდია);
ე) ღამის სამუშაოების გახანგრძლივებით გამოწვეულ სხვადასხვა ჰორმონალურ დარღვევებს, რაც გამოიხატება ნეირო-ფსიქიატრიული დარღვევებით: გუნება-განწყობილების გაუარესება, შფოთვა, ნერვიულობა და გაღიზიანება, დეპრესია, ქრონიკული დაღლილობა, ყურადღების დონის შემცირება და სხვა კოგნიტური დარღვევები.

ხელშეკრულების გაფორმებიდან 12 კალენდარული თვის განმავლობაში. შემსყიდველის მოთხოვნის შესაბამისად.

მომსახურების გაწევა უნდა განხორციელდეს ტენდერში გამარჯვებული სამედიცინო დაწესებულების მისამართზე ქ. თბილისში ან ქ. რუსთავში.

პრეტენდენტმა სატენდერო წინადადებასთან ერთად უნდა წარმოადგინოს ინფორმაცია მომსახურების გაწევის მისამართ(ებ)ის შესახებ.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს ყველა იმ პროფილის ექიმის სამედიცინო საქმიანობის დამადასტურებელი სერთიფიკატი, რომლებიც შემდგომ გაუწევენ შემსყიდველს ხელშეკრულებით გათვალისწინებულ მომსახურება

მიმწოდებლის (სამედიცინო დაწესებულების) სალიცენზიო/სანებართვო მოწმობა (იმ შემთხვევაში, თუ გასაწევი მომსახურება საჭიროებს ლიცენზიის/ნებართვის არსებობას საქართველოს კანონმდებლობის შესაბამისად).

წინამდებარე სატენდერო დოკუმენტაციით განსაზღვრული მომსახურება, პრეტენდენტს შეუძლია განახორციელოს როგორც უშუალოდ, ისე ქვეკონტრაქტორ(ებ)ის მეშვეობით. ქვეკონტრაქტორის არსებობის შემთხვევაში, პრეტენდენტმა სატენდერო წინადადებასთან ერთად, ერთიანი ელექტრონული სისტემის მეშვეობით უნდა წარმოადგინოს:

1. ინფორმაცია ქვეკონტრაქტორ(ებ)ის შესახებ;

2. ქვეკონტრაქტორ(ებ)თან დადებული ხელშეკრულებ(ებ)ის/მემორანდუმ(ებ)ის ასლები, რომელიც მოქმედი უნდა იყოს არაუადრეს 2026 წლის 28 თებერვლის ჩათვლით.
3. ქვეკონტრაქტორ(ებ)ის მიერ, წინამდებარე სატენდერო დოკუმენტაციის კითხვარის 2.4.1. და 2.7.1. ქვეპუნტებით განსაზღვრული მოთხოვნების დამადასტურებელი ინფორმაცია/დოკუმენტაცია;
4. ამ ხელშეკრულების ფარგლებში დადებული არც ერთი ქვეკონტრაქტი არ ათავისუფლებს მიმწოდებელს ხელშეკრულებით გათვალისწინებული ვალდებულებებისაგან. მიმწოდებელი ქვეკონტრაქტორ(ებ)ის მიერ გაწეულ მომსახურებაზე ისევე აგებს პასუხს, როგორც საკუთარი ძალებით გაწეულზე. მომსახურების მიღება-ჩაბარებისას გაწეული მომსახურების ვადებზე, ხარისხზე, წინამდებარე ხელშეკრულებით განსაზღვრულ პირობებთან და დადგენილ ტექნიკურ პირობებთან შესაბამისაობაზე, შემსყიდველის წინაშე პასუხისმგებელია მხოლოდ მიმწოდებელი, მიუხედავად იმ გარემოებისა მომსახურება გასწია საკუთარი ძალებით, თუ მესამე პირ(ებ)ის - ქვეკონტრაქტორ(ებ)ის მეშვეობით. საბოლოო ურთიერთობა შემსყიდველსა და მიმწოდებელს შორის ხორციელდება ამ კონტრაქტით განსაზღვრული პირობებით.

2.9. პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
2.9.1 ფასების ცხრილი, დანართი №1-ის შესაბამისად (პუნქტი 1.3);
შენიშვნა: პრეტენდენტის მიერ, „წინადადების მიღება დასრულებულია“ ეტაპზე ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
2.9.2 ინფორმაცია მომსახურების გაწევის მისამართ(ებ)ის შესახებ (ფასების ცხრილი, დანართი №1);
2.9.3 მიმწოდებლის (სამედიცინო დაწესებულების) სალიცენზიო/სანებართვო მოწმობა (პუნქტი 2.7.1)
2.9.4 ექიმის სამედიცინო საქმიანობის დამადასტურებელი სერთიფიკატი (პუნქტი 2.4.1)
2.9.5 ქვეკონტრაქტორთან დაკავშირებული დოკუმენტაცია (ასეთის არსებობის შემთხვევაში,პუნქტი 2.8.1).

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულთან მიმართებაში.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ეტაპობრივად, ფაქტიურად გაწეული მომსახურების შესაბამისად, ხელშეკრულებით განსაზღვრული დოკუმენტების საფუძველზე.

ანგარიშსწორება განხორციელდება მიმწოდებლის მიერ მომსახურების გაწევის შემდგომ, ეტაპობრივად, ფაქტიურად გაწეული მომსახურების შესაბამისად, ხელშეკრულებით გათვალისწინებული დოკუმენტების საფუძველზე, არაუგვიანეს 10 სამუშაო დღის ვადაში.

ელგუჯა გოდერძიშვილი, 555559599, e.goderdzishvili@tpp.ge

10.1 დამატებითი ინფორმაცია/დოკუმენტები
10.1.1 შესყიდვის ობიექტის სავარაუდო ღირებულებაა 4 500 ლარი;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს მომსახურების შემსყიდველისათვის გაწევასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 2.9.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილ დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია (გარდა 1.3 პუნქტით გათვალისწინებული დანართი №1- ფასების ცხრილისა) ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა);
შენიშვნა:
,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №2380 20.12.2022წ).
10.2.3 სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით;
10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან;
10.2.8 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.