Полные или частичные строительные работы и публичные работы (Грузия - Тендер #60316793)

ერთი ხელშეკრულების ფარგლებში, Design-Build მეთოდით, ქალაქ რუსთავში საფეხბურთო ტექნიკური ცენტრისა და ორი საფეხბურთო მოედნის მშენებლობისათვის პროექტის მომზადება, მის საფუძველზე შესაბამისი სამუშაოების შესრულება და შემდგომი მოვლა-პატრონობისთვის საჭირო ტექნიკის მიწოდება.

ტექნიკური დავალება განსაზღვრავს ძირითად მითითებებსა და მოთხოვნებს, რომელიც შეეხება ქალაქ რუსთავში საფეხბურთო ტექნიკური ცენტრისა და ორი საფეხბურთო მოედნის მშენებლობისათვის პროექტის მომზადებას, მის საფუძველზე შესაბამისი სამუშაოების შესრულებას და შემდგომი მოვლა-პატრონობისთვის საჭირო ტექნიკის მიწოდებას.

სამუშაოების წარმოების პროცესში, მიმწოდებლის მიერ, ტექნიკური დავალებით განსაზღვრული ტექნიკური თემატიკის საკითხების განხილვა-შეთანხმება განხორციელდება შემსყიდველის მიერ, სამუშაოების კონტროლზე განსაზღვრულ ინჟინერთან.

მიმწოდებელი ვალდებულია, პროექტი მოამზადოს, შესაბამისი სამუშაოები აწარმოოს და შემდგომი მოვლა-პატრონობისთვის საჭირო ტექნიკის მიწოდება უზრუნველყოს წინამდებარე ტექნიკური დავალების შესაბამისად.

სამუშაოები უნდა შესრულდეს საქართველოში მოქმედი და მიღებული საერთაშორისო სამშენებლო ნორმებისა და სტანდარტების შესაბამისად.

საპროექტო გადაწყვეტები და შესრულებული სამუშაოების ხარისხი უნდა უზრუნველყოფდეს საფეხბურთო ტექნიკური ცენტრისა და საფეხბურთო მოედნების, ასევე მათთან დაკავშირებული ინფრასტრუქტურის ფუნქციონირებას, შესაბამისი სტანდარტებით განსაზღვრული, სრული საექსპლუატაციო ვადის განმავლობაში.

ტექნიკური დავალება შემდგომში განისაზღვრება სახელმწიფო შესყიდვის შესახებ ხელშეკრულების განუყოფელ ნაწილად.

პრეტენდენტმა უნდა დაადასტუროს, რომ გაეცნო ტექნიკური დავალებით განსაზღვრულ მოთხოვნებს და პროექტის მომზადებას და მის საფუძველზე შესაბამისი სამუშაოების წარმოებას უზრუნველყოფს მათი განუხრელი დაცვით. ამისათვის, სატენდერო დოკუმენტაცია მოიცავს დანართ N2-ს - თანხმობას, სატენდერო დოკუმენტაციით გათვალისწინებულ ტექნიკურ დავალებაზე, რომელიც პრეტენდენტმა უნდა წარმოადგინოს უფლებამოსილი პირის მიერ დამოწმებული სახით, ტექნიკურ დოკუმენტაციასთან ერთად.

სატენდერო კომისია უფლებამოსილია მოსთხოვოს პრეტენდენტს, ტექნიკური დავალებით განსაზღვრული, მისაწოდებელი ტექნიკის სპეციფიკაციებისა და/ან განფასების (ღირებულებების) წარმოდგენა, ტექნიკური დოკუმენტაციის სახით, სახელმწიფო შესყიდვის შესახებ შესაბამისი ხელშეკრულების გაფორმებამდე.

შენიშვნა:
1. იმ შემთვევაში, თუ პრეტენდენტი არის რეზიდენტი პირი, დანართი N2 სავალდებულოდ დამოწმებული უნდა იყოს პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით. იმ შემთვევაში თუ პრეტენდენტი არ არის რეზიდენტი პირი, დანართი N2 სავალდებულოდ დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
2. დანართი N2 ატვირთულია წინამდებარე პუნქტში 1.2.
3. სამუშაოების დასრულების შემდგომ მიმწოდებელი წერილობით აცნობებს შემსყიდველს, სადაც განმარტავს, რომ ობიექტი დასრულებულია და მზადაა გადასაცემად წარმოდგენილი წერილისა და ობიექტის საბოლოო ანგარიშის საფუძველზე, რომელიც საჭიროებისამებრ მოიცავს:
ა) ფარული სამუშაოების აქტებს;
ბ) გამოყენებული სამშენებლო მასალების ლაბორატორიული გამოცდის დასკვნებს;
გ) სერტიფიკატებს (პასპორტებს) ქარხნული წესით დამზადებულ კონსტრუქციებზე;
დ) სერტიფიკატებს (წარმოშობისა და ხარისხის) გამოყენებულ მასალებზე;
ე) შესრულებული სამუშაოების ამსახველ საბოლოო აქტს (ე.წ. ფორმა N2);
ვ) მიღება-ჩაბარების კომისიის წევრებთან შეჯერებული დეფექტების აქტს;
ზ) მშენებლობის ნებართვას;
თ) ტექსაბჭოს ოქმებს პროექტში შესულ ცვლილებებზე;
ი) საშემსრულებლო ნახაზებს;
კ) საბოლოო გადახდის სერტიფიკატს;
ლ) დანადგარებისა და მოწყობილობების გამოცდის ოქმებს (გათბობა-გაგრილების სისტემები,
გენერატორები, ლიფტები და ა.შ.);
მ) ინჟინრის მიერ გაცემულ თანხმობებს;
ნ) გზის საფარის კონსტრუქციის ფიზიკურ-მექანიკური თვისებების დახასიათებას;
ო) ა/ბეტონის საფარის ფრაქციულ შემადგენლობას.

შესყიდვის ობიექტის მიწოდების საერთო ვადაა 2025 წლის 15 აგვისტო, დეტალური პირობები მოცემულია სატენდერო დოკუმენტაციის დანართ - ტექნიკურ დავალებაში.

მომსახურების გაწევის და სამუშაოების შესრულების ფორმა:
მიმწოდებელი ვალდებულია, პროექტი მოამზადოს და მის საფუძველზე შესაბამის სამუშაოები აწარმოოს სატენდერო დოკუმენტაციის დანართი - ტექნიკური დავალების, ასევე საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.

სამუშაოების დაწყებამდე, მიმწოდებელმა უნდა წარმოადგინოს სამუშაოების შესრულების, შემსყიდველთან შეთანხმებული ფინანსურ-ხაზობრივი გეგმა-გრაფიკი. სამუშაოების შესრულების ფინანსურ-ხაზობრივი გეგმა-გრაფიკი შემდგომში განისაზღვრება როგორც სახელმწიფო შესყიდვის შესახებ ხელშეკრულების განუყოფელი ნაწილი.
ფინანსურ-ხაზობრივ გეგმა-გრაფიკთან ერთად მიმწოდებელმა შემსყიდველს დასამტკიცებლად უნდა წარუდგინოს შრომის უსაფრთხოების გეგმა მოქმედი კანონმდებლობის მოთხოვნების შესაბამისად.

სამუშაოების შესრულების ადგილი: ქალაქი რუსთავი.

შესყიდვის ობიექტის საგარანტიო ვადები დეტალურად განსაზღვრულია სატენდერო დოკუმენტაციის დანართი - ტექნიკური დავალებით.

პრეტენდენტის გამოცდილების შესახებ მოთხოვნები განისაზღვრა გასაწევი მომსახურებისა და შესასრულებელი სამუშაოების სპეციფიკის, მოცულობისა და სირთულის გათვალისწინებით. პრეტენდენტს, 2019 წლის 01 იანვრიდან ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში, მიწოდებული უნდა ჰქონდეს:

კომპონენტი N1:
არაუმეტეს 2 (ორი) ხელშეკრულების ფარგლებში, ჯამურად არანაკლებ 75,000.00 ლარის ღირებულების საპროექტო დოკუმენტაცია, რომელიც სავალდებულოდ მომზადებული უნდა იყოს საქართველოს, ევროკავშირის (EU) ან ეკონომიკური თანამშრომლობისა და განვითარების ორგანიზაციის (OECD) წევრ-სახელმწიფოთა ტერიტორიაზე საფეხბურთო სტადიონ(ებ)ის მშენებლობის ან რეკონსტრუქციის ან რეაბილიტაციის სამუშაოებისათვის; არ განიხილება იმ ქვეყნების რეზიდენტი მიმწოდებლების (იგულისხმება წინამდებარე ელ. ტენდერში მონაწილე პრეტენდენტები) გამოცდილება, რომელთანაც შემსყიდველის ქვეყანას (საქართველოს) არ გააჩნია, შეჩერებული ან შეწყვეტილი აქვს დიპლომატიური ურთიერთობები.

კომპონენტი N2:
არაუმეტეს 2 (ორი) ხელშეკრულების ფარგლებში, არანაკლებ 2,500,000.00 ლარის ღირებულების, საფეხბურთო სტადიონ(ებ)ის მშენებლობის ან რეკონსტრუქციის ან რეაბილიტაციის სამუშაოები, რომელიც სავალდებულოდ შესრულებული უნდა იყოს საქართველოს, ევროკავშირის (EU) ან ეკონომიკური თანამშრომლობისა და განვითარების ორგანიზაციის (OECD) წევრ-სახელმწიფოთა ტერიტორიაზე; არ განიხილება იმ ქვეყნების რეზიდენტი მიმწოდებლების (იგულისხმება წინამდებარე ელ. ტენდერში მონაწილე პრეტენდენტები) გამოცდილება, რომელთანაც შემსყიდველის ქვეყანას (საქართველოს) არ გააჩნია, შეჩერებული ან შეწყვეტილი აქვს დიპლომატიური ურთიერთობები.

პრეტენდენტის მიერ სისტემის მეშვეობით წარმოსადგენი, კომპონენტი N1-ის მოთხოვნების შესაბამისი გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
1. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და მომსახურების შესყიდვისა და მიწოდების დამადასტურებელი დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, CMR და ა.შ.) შესახებ.
2. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს ხელშეკრულებები და ამავე ხელშეკრულებების ფარგლებში გაფორმებული მიღება-ჩაბარების აქტები, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1 პუნქტის კომპონენტი N1–ით განსაზღვრულ პირობებთან.
3. იმ შემთხვევაში, თუ დამკვეთი (შემსყიდველი) და შემსრულებელი (პრეტენდენტი, ან ამხანაგობის წევრი) არის ერთი და იგივე პირი და არ არსებობს მომსახურების გაწევაზე გაფორმებული ხელშეკრულება, შესაძლებელია ხელშეკრულების ნაცვლად წარმოდგენილი იყოს მომსახურების გაწევის დამადასტურებელი, სხვა მხარის მიერ გაცემული, მოქმედი კანონმდებლობით დაშვებული დოკუმენტი.

სავალდებულოდ გასათვალისწინებელი შენიშვნები:
1. პრეტენდენტის მიერ გამოცდილების დასადასტურებლად წარმოდგენილი დოკუმენტაციით შესაძლებელი უნდა იყოს პრეტენდენტის გამოცდილების, სატენდერო დოკუმენტაციის 2.2.1 პუნქტის კომპონენტი N1-ის მოთხოვნებთან თანხვედრის დადგენა. იმ შემთხვევაში, თუ პრეტენდენტის მიერ წარმოდგენილი ინფორმაცია/დოკუმენტები ფორმალურად შეესაბამება შემსყიდველის მიერ მოთხოვნილს, მაგრამ მათი შინაარსიდან, ან წარმოდგენის ფორმიდან გამომდინარე, მათი მეშვეობით მკაფიოდ ვერ დგინდება ის მონაცემები, რომელთა დადგენის მიზნითაც იყო ისინი მოთხოვნილი, სატენდერო კომისია უფლებამოსილია, მოსთხოვოს პრეტენდენტს დამატებითი ინფორმაციის, ან/და დოკუმენტების წარმოდგენა.
2. საზღვარგარეთ გაწეული მომსახურების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით: ლეგალიზებული, ან აპოსტილით დამოწმებული.
3. გამოცდილების დამადასტურებელი დოკუმენტების შეფასებისას მხედველობაში მიიღება უშუალოდ პრეტენდენტის გამოცდილება, კერძოდ ქვეკონტრაქტი და ქვეკონტრაქტორის გამოცდილების შეფასება პრეტენდენტის გამოცდილებასთან ერთად არ განხორციელდება.

პრეტენდენტის მიერ სისტემის მეშვეობით წარმოსადგენი, კომპონენტი N2-ის მოთხოვნების შესაბამისი გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
1. იმ შემთხვევაში, თუ სამუშაოების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სამუშაოების შესყიდვისა და მიწოდების დამადასტურებელი დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, DAP, DEP, CMR) შესახებ.
2. იმ შემთხვევაში, თუ სამუშაოების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს ხელშეკრულებები და ამავე ხელშეკრულებების ფარგლებში სამუშაოების მიწოდების დამადასტურებელი დოკუმენტები:
2.1. ხელშეკრულებები წარმოდგენილი უნდა იყოს შესასრულებელი სამუშაოების უწყისებთან (ხარჯთაღრიცხვა) ერთად;
2.2. შესასრულებელი სამუშაოების უწყისების (ხარჯთაღრიცხვა) ცვლილების შემთხვევაში, წარმოდგენლი უნდა იყოს საბოლოო სახის (კორექტირებული) ხარჯთაღრიცხვა, დამკვეთის მიერ დამოწმებული შესაბამისი ცვლილების (შეთანხმების აქტი) დოკუმენტთან ერთად;
2.3. წარმოდგენილი უნდა იყოს ხელშეკრულებების ფარგლებში შესრულებული სამუშაოების უწყის(ებ)ი (ე.წ. ფორმა N2);
2.4. ფორმა N2 არის პირობითი დოკუმენტი, შესაბამისად ფორმა N2-ის ნაცვლად შესაძლებელია წარმოდგენილი იყოს მოთხოვნილი ინფორმაციის მომცველი და შესრულების დამადასტურებელი ნებისმიერი დოკუმენტი;
2.5. ხელშეკრულებებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) და წარმოდგენილი ხელშეკრულების ფარგლებში შესრულებული სამუშაოების უწყისებით (ე.წ. ფორმა N2) უნდა იყოს შესაძლებელი ობიექტის დასახელებისა და შესრულებული სამუშაოების ურთიერთკავშირის დადგენა, ამასთანავე შესრულებული სამუშაოების უწყისებით (ე.წ. ფორმა N2) გათვალისწინებული სამუშაოების დასახელება, მოცულობა და ფასები არსებითად არ უნდა განსხვავდებოდეს ხელშეკრულებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) გათვალისწინებული შესაბამისი მონაცემებისგან.
3. იმ შემთხვევაში, თუ დამკვეთი (შემსყიდველი) და შემსრულებელი (პრეტენდენტი, ან ამხანაგობის წევრი) არის ერთი და იგივე პირი და არ არსებობს სამუშაოების მიწოდებაზე გაფორმებული ხელშეკრულება, შესაძლებელია ხელშეკრულების ნაცვლად წარმოდგენილი იყოს სამუშაოების მიწოდების დამადასტურებელი, სხვა მხარის მიერ გაცემული, მოქმედი კანონმდებლობით დაშვებული დოკუმენტი. აღნიშნული დოკუმენტით შესაძლებელია მხოლოდ ხელშეკრულების ჩანაცვლება (ხელშეკრულების ნაცვლად წარმოდგენა), ხოლო სამუშაოების შესრულების დამადასტურებელი დოკუმენტები სავალდებულოდ წარმოსადგენია.

სავალდებულოდ გასათვალისწინებელი შენიშვნები:
1. სატენერო პირობების თანახმად, შენობის რეკონსტრუქცია ნიშნავს შენობაზე ახალი სართულ(ებ)ის დაშენებას, აგრეთვე ნიშნავს მისი ნებისმიერი სართულის განაშენიანების ფართობის შეცვლას 1 კვ/მ-ზე მეტად, შენობის ფიზიკური, ხარისხობრივი და თვისობრივი განახლების მიზნით. არსებული სართულ(ებ)ის დემონტაჟის შემთხვევაში მხოლოდ შენობის ან მისი ნაწილის დემონტაჟი არ განიხილება რეკონსტრუქციად თუ სამუშაოები არ მოიცავს შენობის დემონტირებული ან ახალი ნაწილის მშენებლობის სამუშაოებს.
2. პრეტენდენტის მიერ გამოცდილების დასადასტურებლად წარმოდგენილი დოკუმენტაციით შესაძლებელი უნდა იყოს პრეტენდენტის გამოცდილების, სატენდერო დოკუმენტაციის 2.2.1 პუნქტის კომპონენტი N2-ის მოთხოვნებთან თანხვედრის დადგენა. იმ შემთხვევაში, თუ პრეტენდენტის მიერ წარმოდგენილი ინფორმაცია/დოკუმენტები ფორმალურად შეესაბამება შემსყიდველის მიერ მოთხოვნილს, მაგრამ მათი შინაარსიდან, ან წარმოდგენის ფორმიდან გამომდინარე, მათი მეშვეობით მკაფიოდ ვერ დგინდება ის მონაცემები, რომელთა დადგენის მიზნითაც იყო ისინი მოთხოვნილი, სატენდერო კომისია უფლებამოსილია, მოსთხოვოს პრეტენდენტს დამატებითი ინფორმაციის, ან/და დოკუმენტების წარმოდგენა.
3. საზღვარგარეთ შესრულებული სამუშაოების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით: ლეგალიზებული, ან აპოსტილით დამოწმებული.
4. გამოცდილების დამადასტურებელი დოკუმენტების შეფასებისას მხედველობაში მიიღება უშუალოდ პრეტენდენტის გამოცდილება, კერძოდ ქვეკონტრაქტი და ქვეკონტრაქტორის გამოცდილების შეფასება პრეტენდენტის გამოცდილებასთან ერთად არ განხორციელდება.

გასათვალისწინებელი გარემოება ამხანაგობის ელექტრონულ ტენდერში მონაწილეობის შემთხვევაში:
1. ამხანაგობაში შემავალი პირები ერთობლივად უნდა აკმაყოფილებდნენ 2.2.1 პუნქტის ორივე კომპონენტით (კომპონენტი N1 და კომპონენტი N2) გათვალისწინებულ მოთხოვნას, იმ განსხვავების გათვალისწინებით, რომ თითოეული კომპონენტის ფარგლებში გამოცდილების მოცულობის შეკრება არ დაიშვება. გამოცდილების შეკრებად არ განიხილება შემთხვევა, როდესაც ამხანაგობაში შემავალი თითოეული პირი დამოუკიდებლად დააკმაყოფილებს რომელიმე კომპონენტით, კერძოდ: ან კომპონენტი N1-ით, ან კომპონენტი N2-ით გათვალისწინებულ მოთხოვნას.
2. ამხანაგობის სახელით ელექტრონულ ტენდერში მონაწილეობის პირობები გათვალისწინებულია სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესი"-ს 24-ე მუხლის თანახმად.

სავალდებულოდ გასათვალისწინებელი შენიშვნები:
1. ამხანაგობის მონაწილეებმა მკაფიოდ უნდა განსაზღვრონ, თუ თითოეული მონაწილე კონკრეტულად რომელ ვალდებულებას შეასრულებს წინამდებარე ელექტრონული ტენდერით გათვალისწინებული სახელმწიფო შესყიდვის შესახებ ხელშეკრულების ფარგლებში. ამხანაგობამ, აღნიშნული ინფორმაცია უნდა წარმოადგინოს ტექნიკურ დოკუმენტაციასთან ერთად; წარმოდგენილი ინფორმაცია დამოწმებული უნდა იყოს ამხანაგობის ყველა (თითოეული) მონაწილის ხელმოწერით.
2. ერთობლივი საქმიანობის (ამხანაგობის) ხელშეკრულების მოქმედების ვადა არ შეიძლება იყოს სახელმწიფო შესყიდვის შესახებ ხელშეკრულების მოქმედების ვადაზე ნაკლები, რომელიც მოცემულ შემთხვევაში განისაზღვრება 2028 წლის 31 დეკემბრის ჩათვლით პერიოდით.

პრეტენდენტის მიერ, სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

1) სატენდერო დოკუმენტაციის დანართი N1 (ფასების ცხრილი).
გასათვალისწინებელი გარემოება:
• დანართი N1-ის (ფასების ცხრილი) წარმოდგენა სავალდებულოა პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით. იმ შემთხვევაში, თუ პრეტენდენტი არ არის რეზიდენტი პირი, წარმოდგენილი ფასების ცხრილი დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
• იმ შემთხვევაში თუ ფასების ცხრილი არ იქნება წარმოდგენილი, ან წარმოდგენილი იქნება განფასების გარეშე, ფასების ცხრილის დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან.
• საპროექტო დოკუმენტაციის მომზადების ღირებულება დამატებული ღირებულების გადასახადის (დ.ღ.გ.) ჩათვლით არ უნდა აღემატებოდეს ფასების ცხრილის საერთო ჯამური განფასების 3%-ს. აღნიშნული პირობის გაუთვალისწინებლობა გამოიწვევს პრეტენდენტის დისკვალიფიკაციას შესყიდვის პროცედურებიდან.
• სამუშაოების წარმოების პროცესში, გაუთვალისწინებელი ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში. გაუთვალისწინებელი ხარჯების არსებობისას, მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება შსა-ს გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა შემსყიდველის, ან მის მიერ უფლებამოსილი პირის თანხმობის შემთხვევაში.

2) სატენდერო დოკუმენტაციის დანართი N2 (თანხმობა სატენდერო დოკუმენტაციით გათვალისწინებულ ტექნიკურ დავალებაზე).

3) სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.

4) ინფორმაცია ამხანაგობის მონაწილეთა მიერ წინამდებარე ელექტრონული ტენდერით გათვალისწინებული ვალდებულებების შესრულების შესახებ: ამხანაგობის მონაწილეებმა ტექნიკურ დოკუმენტაციაში მკაფიოდ უნდა განსაზღვრონ, თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში; წარმოდგენილი ინფორმაცია სავალდებულოდ დამოწმებული უნდა იყოს ამხანაგობის ყველა (თითოეული) მონაწილის ხელმოწერით (აღნიშნული ინფორმაციის წარმოდგენა ხდება მხოლოდ ამხანაგობის მიერ).

სატენდერო კომისია უფლებამოსილია მოსთხოვოს პრეტენდენტს, ტექნიკური დავალებით განსაზღვრული, მისაწოდებელი ტექნიკის სპეციფიკაციებისა და/ან განფასების (ღირებულებების) წარმოდგენა, ტექნიკური დოკუმენტაციის სახით, სახელმწიფო შესყიდვის შესახებ შესაბამისი ხელშეკრულების გაფორმებამდე.


შენიშვნა:
1. სატენდერო წინადადების ფასი გამოსახული უნდა იყოს ლარში, დამატებული ღირებულების გადასახადის (დ.ღ.გ.) ჩათვლით.
2. გამოცდილების დამადასტურებელი დოკუმენტების წარმოდგენისას გასათვალისწინებელი მოთხოვნები მოცემულია სატენდერო დოკუმენტაციის 2.2.1 (მოთხოვნა პრეტენდენტის გამოცდილების შესახებ) პუნქტში.
3. წინამდებარე ელექტრონულ ტენდერთან დაკავშირებული ყველა დოკუმენტი, ან/და ინფორმაცია წარმოდგენილი უნდა იყოს ქართულ ენაზე. დოკუმენტების, ან/და ინფორმაციის უცხო ენაზე წარდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
4. სატენდერო დოკუმენტაციის დანართები: N1 (ფასების ცხრილი) და N2 (თანხმობა სატენდერო დოკუმენტაციით გათვალისწინებულ ტექნიკურ დავალებაზე) სავალდებულოდ დამოწმებული უნდა იყოს პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით, თუ კი პრეტენდენტი არის რეზიდენტი პირი (თუ კი პრეტენდენტი არ არის რეზიდენტი პირი, აღნიშნული დოკუმენტები სავალდებულოდ დამოწმებული უნდა იყოს პრეტენდენტის უფლებამოსილი პირის ხელმოწერით და ბეჭდის არსებობის შემთხვევაში, ორგანიზაციის ბეჭდით).

პრეტენდენტის სატენდერო წინადადების საბოლოო ფასსა და შესყიდვის სავარაუდო ღირებულებას შორის 20%-ით, ან მეტით სხვაობის შემთხვევაში, არ არის განსაზღვრული პრეტენდენტის მიერ ფასწარმოქმნის ადეკვატურობის დამადასტურებელი დოკუმენტაციის წარმოდგენის ვალდებულება, რადგან შესყიდვის ობიექტია საპროექტო დოკუმენტაციის მომზადება და საპროექტო დოკუმენტაციის საფუძველზე, სამუშაოების შესრულება, ხოლო საპროექტო მომსახურების გაწევა, თავისი შინაარსიდან გამომდინარე, არ მოიცავს საწარმოო პროცესს. ამავე დროს, საპროექტო დოკუმენტაციის მომზადებისა და საპროექტო დოკუმენტაციის საფუძველზე, სამუშაოების შესრულების ერთი ხელშეკრულების ფარგლებში შესყიდვის მრავალწლიანმა პრაქტიკამ აჩვენა, რომ სსიპ საქართველოს მუნიციპალური განვითარების ფონდის მიერ გამოცხადებული ელექტრონული ტენდერების საფუძველზე გაფორმებული ხელშეკრულებების ფარგლებში წარმატებით არის განხორციელებული მრავალი ანალოგიური შესყიდვა.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა უნდა შეადგენდეს სახელმწიფო შესყიდვის შესახებ ხელშეკრულების გაფორმების თარიღიდან არაუადრეს 2025 წლის 15 ოქტომბრის ჩათვლით პერიოდს.

1. წინამდებარე ელექტრონულ ტენდერში გამოიყენება ხელშეკრულების შესრულების უზრუნველყოფის საბანკო გარანტია, სახელშეკრულებო ღირებულების 5%-ის ოდენობით, ხოლო თეთრ სიაში რეგისტრირებული მიმწოდებლებისათვის საბან