Продукты животного происхождения, мясо и мясные продукты (Грузия - Тендер #60316711)

ა(ა)იპ ქედის ბაგა-ბაღების გაერთიანების სტრუქტურული ერთეულებისთვის ცხოველური წარმოშობის პროდუქტები, ხორცი და ხორცის პროდუქტების შესყიდვა.

1.საქონლის (ძროხის) ხორცი-1550 კგ.
ახალი (გაუყინავი) ძვალ გამოცლილი (ფილე) მყესების, ქონისა და თხელი ნაჭრების გარეშე. ორგანოლეპტიკურად (ფერი-ვარდისფერი, სუნი-სასიამოვნო, კონსისტენცია - ნორმალური) დამაკმაყოფილებელი, გაყინული და შემდეგ გამღვალი ხორცის მოწოდება დაუშვებელია.
2. ახალი (გაუყინავი) ქათმის ხორცი-970 კგ.
ქათმის ხორცი (გაუყინავი, შინაური) უნდა იყოს ახალი, გაუყინავი, თავ–ფეხისა და შინაგანი ორგანოების (ჩიჩახვი და ა.შ) გარეშე, გასუფთავებული, გაციებული. ორგანოლეპტიკურად (ფერი, სუნი, კონსისტენცია და სხვა) დამაკმაყოფილებელი. ერთი ერთეულის (ქათმის) წონა არანაკლებ 1,5 კგ და არაუმეტეს 3.0 კგ.

-ქათმის ხორცის შენახვის ვადა უნდა იყოს სასაკლაოში გაციების დამთავრებიდან 48 საათი +2-+40 C ტემპერატურული რეჟიმის პირობებში. (ქათმის ხორცის მიღებისას გასული უნდა იყოს ვადის არაუმეტეს 30 % - 14 საათი);
- ქათმის ხორცის -მოწოდებულ პარტიაზე წარმოდგენილი უნდა იქნას საქართველოს მთავრობის 2015 წლის 7 ივლისის №325 დადგენილებით დამტკიცებული „საქართველოს ტერიტორიაზე ცხოველთა და ცხოველური პროდუქტების გადაზიდვისას გამოსაყენებელი ვეტერინარული მოწმობების ფორმებისა და მათი გაცემის წესის“ შესაბამისად გაცემული ვეტერინარული მოწმობა (ფორმა N2), ცალკეულ ბაგა-ბაღებში საქონლის ყოველ მიწოდებაზე, რომელშიც მითითებული იქნება ქათმის დაკვლის დღე, საათი და შენახვის ვადები. ასევე უნდა იყოს სათანადოდ შეფუთული და ეტიკეტირებული.
- ტრანსპორტირება უნდა განხორციელდეს სპეციალიზირებული მანქანა-რეფრეჟერატორით (მაცივარი), სადაც დაცული იქნება ტრანსპორტირებისთვის აუცილებელი ტემპერატურული რეჟიმი და სანიტარულ-ჰიგიენური ნორმები.
- მიმწოდებელმა უნდა წარმოადგინოს ხორცის დამარბილებელ საწარმოსთან დადებული ხელშეკრულება ხორცის დარბილების შესახებ (იმ შემთხვევაში, თუ მიმწოდებელს არ გააჩნია საკუთარი დამარბილებელი საწარმო). ხელშეკრულება წარმოდგენილი უნდა იყოს ერთჯერადად, ან დამარბილებელი საწარმოს ცვლილებისას;
- საქონლის (ძროხის) ხორცის - საქონლის (ძროხის) ხორცის - დაჭრა, ძვლებისგან გამოცლა, შეხვევა და შეფუთვა უნდა განხორციელდეს ისე, რომ ტემპერატურა უნდა შენარჩუნდეს არაუმეტეს +2C - +6C-ზე. აღნიშნული ტემპერატურა უნდა იქნეს მიღწეული მის ტრანსპორტირებამდე და შენარჩუნდეს ტრანსპორტირების განმავლობაში;
- დარბილებული საქონლის (ძროხის) ხორცის შენახვის ვადა უნდა იყოს სასაკლაოში გაციების დამთავრებიდან 48 საათი ზემოაღნიშნული ტემპერატურული რეჟიმის პირობებში (საქონლის (ძროხის) ხორცის მიღებისას გასული უნდა იყოს ვადის არაუმეტეს 30%-14 საათი);
- სასაქონლის (ძროხის) ხორცის ყველა მიწოდებულ პარტიაზე, მიმწოდებელმა, ა(ა)იპ „ქედის ბაგა - ბაღების გაერთიანების“ ადმინისტრაციაში უნდა წარმოადგინოს:
- საქართველოს მთავრობის 2015 წლის 7 ივლისის №325 დადგენილებით დამტკიცებული „საქართველოს ტერიტორიაზე ცხოველთა და ცხოველური პროდუქტების გადაზიდვისას გამოსაყენებელი ვეტერინარული მოწმობების ფორმებისა და მათი გაცემის წესის“ შესაბამისად გაცემული ვეტერინარული მოწმობა (ფორმა N2), რომელშიც მითითებული იქნება საქონლის დაკვლის დღე და საათი;
- ნაერთი დოკუმენტი (ფორმა №2 -თან ერთად ეტიკეტი) რომელიც უნდა შეიცავდეს შემდეგ ინფორმაციას:
ა)მიმწოდებლის დასახელება და საიდენტიფიკაციო ნომერი;
ბ)დამარბილებელი საწარმოს დასახელება და საიდენტიფიკაციო ნომერი,
გ)დამარბილებელი საწარმოს აღიარების ნომერი,
დ)დასარბილებლად მიღებული ხორცის ფორმა N2-ის მონაცემები,
ე)ფაქტიურად მიღებული ხორცის წონა,
ვ)დარბილების შემდეგ სარეალიზაციოდ გასული ხორცის წონა,
ზ)საქონლის საბოლოო რეალიზაციის ადგილი,
თ) ვეტერინარის ჩანაწერი: "შემოწმებულია", ვეტერინარის ბეჭედი და ხელმოწერა,
ი) მიმწოდებელი კომპანიის პასუხისმგებელი პირის ხელმოწერა და ბეჭედი.
- ეტიკეტი თითოეულ ბაგა-ბაღში წარდგენილი უნდა იყოს მიწოდებული საქონლის ხორცის რაოდენობის შესაბამისად.
- საქონლის (ძროხის) ხორცი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის: სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს. საქონლის (ძროხის) ხორცი უნდა იყოს სათანადოდ ეტიკეტირებული საქართველოს მთავრობის 2016 წლის 9 მარტის N118 დადგენილებით დამტკიცებული „საქონლის ხორცისა და საქონლის ხორცის პროდუქტების ეტიკეტირების წესის შესახებ ტექნიკური რეგლამენტის მოთხოვნების შესაბამისად. კერძოდ:
ა) საცნობარო ნომერი ან საცნობარო კოდი, რომელიც ენიჭება ცხოველს ან ცხოველთა ჯგუფს სასაკლაოზე შესვლისას ბიზნესოპერატორის მიერ, რაც უზრუნველყოფს კავშირის დადგენას ხორცსა და ცხოველებს შორის. ეს შესაძლებელია იყოს ცალკეული ცხოველის საყურე ნიშანზე განთავსებული საიდენტიფიკაციო ნომერი, ან ბიზნესოპერატორის მიერ სასაკლაოზე ცხოველთა ჯგუფისათვის მინიჭებული ნომერი, რომლისგანაც მიღებულია ხორცი;
ბ) სასაკლაოს აღიარების ან პირობითი აღიარების ნომერი, სადაც დაიკლა ცხოველი ან ცხოველთა ჯგუფი, იმ ქვეყნის მითითებით, სადაც მდებარეობს სასაკლაო (დაიკლა − (ქვეყნის დასახელება), სასაკლაოს აღიარების ან პირობითი აღიარების ნომერი);
გ) თუ ხორცის დაჭრა არ ხორციელდება იმ სასაკლაოზე, სადაც დაიკლა ცხოველი, ცხოველთა ჯგუფი, მაშინ ეტიკეტზე უნდა განთავსდეს იმ ბიზნესოპერატორის აღიარების ან პირობითი აღიარების ნომერი, სადაც განხორციელდა ცხოველის, ცხოველთა ჯგუფის ტანხორცის ან ტანხორცის ჯგუფის დაჭრა;
დ) თუ ცხოველის დაბადების, მოშენების, სუქებისა და დაკვლის ადგილი განსხვავდება ერთმანეთისგან, ეტიკეტზე მიეთითება ინფორმაცია თითოეული მათგანის შესახებ.
- საქონლის (ძროხის) ხორცი უნდა იყოს ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.
- საქონლის (ძროხის) ხორცი უნდა აკმაყოფილებდეს საქართველოს მთავრობის 2015 წლის 10 ნოემბრის N581 დადგენილებით დამტკიცებული „სურსათის მიკრობიოლოგიური მაჩვენებლების შესახებ“ ტექნიკური რეგლამენტით
დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში. საქონლის (ძროხის) ხორცი უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული ,,სურსათის/ცხოველის საკვების ჰიგიენის ზოგადი წესისა“ და ,,სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე. საქონლის (ძროხის) ხორცი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს
N301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას). საქონლის (ძროხის) ხორცი უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის. საქონლის (ძროხის) ხორცი უნდა აკმაყოფილებდეს საქართველოს მთავრობის 2012 წლის 7 მარტის N90 დადგენილებთ დამტკიცებული ცხოველური წარმოშობის სურსათის ჰიგიენის სპეციალური წესით დადგენილ მოთხოვნებს ბიზნესოპერატორისათვის, რომელიც ეწევა ცხოველური წარმოშობის სურსათის წარმოებას, გადამუშავებასა და დისტრიბუციას. საქონლის (ძროხის) ხორცი უნდა აკმაყოფილებდეს საქართველოს მთავრობის 2015 წლის 9 ნოემბრის №567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ“ ტექნიკური რეგლამენტით განსაზღვრულ ნორმებს. საქონლის (ძროხის) ხორცი უნდა აკმაყოფილებდეს საქართველოს მთავრობის 2015 წლის 12 თებერვლის №55 დადგენილებით დამტკიცებული „ცხოველური წარმოშობის სურსათის სახელმწიფო კონტროლის განხორციელების სპეციალური წესით“ გათვალისწინებულ მოთხოვნებს.

ლაბორატორიული კვლევა:
- მიმწოდებელი ვალდებულია წელიწადში ორჯერ, შემსყიდველის მოთხოვნის შესაბამისად, თავისი ხარჯებით წარმოადგინოს როგორც საქონლის (ძროხის) ხორცის ასევე ფრინველის (ქათმის) ხორცის მიკრობიოლოგიური კვლევის შესახებ შესაბამისი ინფორმაცია (აკრედიტებული ლაბორატორიის მიერ გაცემული გამოცდის ოქმი).
- მიმწოდებელმა პირველად უნდა წარმოადგინოს ლაბორატორიული კვლევა საქონლისა (ძროხის) და ქათმის ხორცზე-ტყვის შემცველობასა და პათოგენური მიკროორგანიზმები მ.შ. Salmonella-ს შესახებ, ხოლო მეორედ უნდა წარმოადგინოს ლაბორატორიული კვლევა საქონლისა (ძროხის) და ქათმის ხორცზე-ტყვის შემცველობა ხორცში და Listeria monocytogenes-ის შესახებ.
- ხორცის ნიმუშების აღება განხორციელდება ერთობლივად შემსყიდველისა და მიმწოდებლის უფლებამოსილი პირების მიერ; შემსყიდველი უფლებამოსოლია მიმწოდებელს მოსთხოვოს იმ ლაბორატორიის აკრედიტაციის მოწმობა, სადაც უნდა განხორციელდეს საქონლის ლაბორატორიული შემოწმება, იმ შემთხვევაში, თუ აკრედიტებული ლაბორატორია შერჩეული იქნება მიმწოდებლის მიერ.

1. ხელშეკრულებით განსაზღვრული საქონლის საერთო რაოდენობა წარმოადგენს საორიენტაციო/სავარაუდო რაოდენობას, შესაბამისად შემსყიდველი უფლებამოსილია ხელშეკრულებით განსაზღვრული საქონლის რაოდენობა არ აითვისოს სრულად, ხოლო საქონლის ფაქტობრივი ათვისება განისაზღვრება ბავშვთა ფაქტობრივი გამოცხადების შესაბამისად.
2. მისაწოდებელი საქონლის რაოდენობა და მიწოდების კონკრეტული დღე განისაზღვრება შემსყიდველისაგან ელექტრონული ფორმით წინასწარ მიცემული შეკვეთის საფუძველზე (მიმწოდებლს შეკვეთა გადაეგზავნება ელექტრონული მისამართზე Email). შემსყიდველის მიერ ელექტრონული ფოსტით გაგზავნილი შეკვეთის გაგზავნის თარიღი ითვლება - შეკვეთის მიცემის თარიღად, ხოლო შეკვეთაში დაფიქსირებული მიწოდების თარიღი - მიწოდების თარიღად. საქონლის დაგვიანებით მიწოდების შემთხვევაში მიმწოდებლის მიმართ გატარდება ხელშეკრულებით გათვალისწინებული ღონისძიებები (იხ. ხელშეკრულების პროექტი);
3.იმ შემთხვევაში თუკი ა(ა)იპ ქედის ბაგა-ღების გაერთიანებისაგან დამოუკიდებელი მიზეზების გამო, როგორიცაა პანდემია,ეპიდემია ან/და სხვა დაუძლეველი ძალა,შეწყდება სასწავლო სააღმზრდელო პროცესი ა(ა)იპ ქედის ბაგა-ღების გაერთიანება სააღმზრდელო პროცესის განახლებამდე აღარ განახორციელებს საქონლის შესყიდვას, შესაბამისად მიმწოდებელს არ აქვს უფლება შემსყიდველს მოსთხოვოს საქონლის შესყიდვა, ასევე თუ, სააღმზრდელო პროცესის შეჩერების შემდეგ, სააღმზრდელო პროცესი განახლდება 2025 წლის 31 დეკემბრამდე, მიმწოდებელი ვალდებულია შემსყიდველის მოთხოვნის შემთხვევაში განახორციელოს საქონლის მოწოდება.

- პრეტენდენტმა საქონლის ტექნიკური მახასიათებელი უნდა წარმოადგინოს - დანართი N1-ი ტექნიკური დავალება.

ხელშეკრულების გაფორმებიდან 2025 წლის 31 დეკემბრამდე.
- შემსყიდველის მოთხოვნის შესაბამისად ათ დღეში ერთხელ, მოთხოვნიდან 1-2 კალენდარული დღეში;
- შემსყიდველი მოთხოვნას, საქონლის შესაბამისი სახეობებისა და რაოდენობის მითითებით ადგენს და წერილობით, ელექტრონული ფოსტის მეშვეობით გადასცემს/უგზავნის მიმწოდებელს;
- საქონლის მიწოდება უნდა განხორციელდეს სამუშაო დღეს, დღის განმავლობაში.

საქონლის მიწოდების ადგილად განისაზღვროს ა(ა)იპ ქედის ბაგა-ბაღების გაერთიანების სტრუქტურული ერთეულები:
1. ქედის 1 საბავშვო ბაღი - დაბა ქედა ყედირ შერვაშიძის ქ.5
2. ქედის 2 საბავშვო ბაღი - დაბა ქედა აკ.წერეთლის ქ.2
3. დოლოგანის საბავშვო ბაღი - ქედა, ს: დოლოგანი, მე–3 ქ.6
4.ზუნდაგის საბავშვო ბაღი - ქედა, ს: ზუნდაგა 1–ლი ქ. 2
5.მახუნცეთის საბავშვო ბაღი - ქედა, ს: ქვ. მახუნცეთი მე–5 ქ.2
6. პ/ მაისის საბავშვო ბაღი - ქედა, ს:პირველი მაისი, 1–ლი ქ. №
7. მერისის საბავშვო ბაღი - ქედა, ს: მერისი პირველი ქ. 5
8. წონიარისის საბავშვო ბაღი - ქედა, ს: ვარჯანისი, 4 ქ. 14
9. ვაიოს საბავშვო ბაღი - ქედა, ს: ვაიო,1–ლი ქ. 2
10. ახოს საბავშვო ბაღი - ქედა, ს: ახო,მე–2 ქ. 21
11. ცხმორისის საბავშვო ბაღი - ქედა, ს: ცხმორისი, 1–ლიქ. 1 ჩიხი.2
12. დანდალოს საბავშვო ბაღი - ქედა, ს: დანდალო,1–ლი ქ. 18
13. ხარაულის საბავშვო ბაღი - ქედა, ს: ხარაულა
14. ნამლისევის საბავშვო ბაღი - ქედა, ს: ნამლისევი
15. ოქტომბრის საბავშვო ბაღი - ქედა, ს: ოქტომბერი.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 27-ე მუხლის მე-3 პუნქტის თანახმად წარმოშობის წყაროს და მწარმოებელის შესახებ ინფორმაცია არ ექვემდებარება დაზუსტებას.

იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას.

ფასწარმოქმნის ადეკვატურობა უნდა დასაბუთდეს აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი),საექსპერტო ან აუდიტორული დასკვნით, რომელიც დაადასტურებს სისტემაში დაფიქსირებული წინადადების საბოლოო ფასად, ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება მიმწოდებელთან განხორციელდება, ეტაპობრივად, თვეში ერთხელ, მიწოდებული საქონლის რაოდენობის ღირებულების შესაბამისად.

მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

რამინ დიასამიძე, 591980888, aaipqedisgaertianeba@gmail.com