Различые продукты питания (Грузия - Тендер #60316670)

ა(ა)იპ ხონის საბავშვო ბაგა-ბაღების გაერთიანების სტრუქტურულ ერთეულში შემავალ 19 საბავშვო ბაგა-ბაღისთვის პურის მიწოდება

8620კგ. პური - პირველი ხარისხის, ქარხნული წარმოების, პურის გამოცხობისას დაცული უნდა იყოს ყველა შესაბამისი ტექნოლოგიური პროცესი, პროდუქტს უნდა გააჩნდეს მისთვის დამახასიათებელი ორგანოლეპტიკური მაჩვენებლები. არა დამწვარი, არ უნდა ქონდეს მჟავე გემო და სუნი, დაჭრისას არ უნდა იფშვნებოდეს, შიგთავსი უნდა იყოს მოუზელავი ნაწილაკების გარეშე. სუნი და გემო მახასიათებელი გარკვეული ნიმუშისათვის. წებოვნობა,ტენიანობა, მჟავიანობა, ფორიანობა არ უნდა აღემატებოდეს დასაშვებ ნორმებს. პური უნდა იყოს ახალი გამომცხვარი, გაციებული და სურსათისთვის განკუთვნილ შეფუთვაში მოთავსებული(ქაღალდი ან პარკი,ცელოფანი) ტექნოლოგიური რეჟიმის დაცვით, ორგანოლეპტიკური, ფიზიკო- ქიმიური, მიკრობიოლოგიური და სანიტარულ ჰიგიენური მაჩვენებლებით პარამეტრების მნიშვნელობა უნდა შესაბამებოდეს სურსათის უვნებლობისა და უსაფრთხოების მოთხოვნებს. არ უნდა შეიცავდეს ორგანიზმისთვის საშიშ და აკრძალულ ნივთიერებებს (ემულგატორების და კონსერვანტების სახით.). ტრანსპორტირება უნდა განხორციელდეს პურპროდუქტების გადაზიდვისათვის განკუთვნილი სატრანსპორტო საშუალებებით, რომლებშიც დაცული იქნება სანიტარულ-ჰიგიენური ნორმები, რომელიც უნდა აკმაყოფილებდეს საქართველოს კანონმდებლობით დადგენილ ნორმებს.
(პური მიწოდების მომენტისთვის უნდა იყოს გამომცხვარი ,მაქსიმუმ 10 -12 საათის)

1. „მიმწოდებელი“ ვალდებულია უზრუნველყოს ა(ა)იპ ხონის საბავშვო ბაგა-ბაღების გაერთიანების ფილიალებისათვის პურის მიწოდება დანართი 1-ის შესაბამისად.
2. მიწოდება უნდა განხორციელდეს კვირაში სამჯერ (სამუშაო დღეები), 2025 წლის 27 იანვრიდან 2025 წლის 30 ივნისის ჩათვლით.

მიწოდება უნდა განხორციელდეს კვირაში სამჯერ დილის 09:00 საათიდან 12;00 საათამდე (სამუშაო დღეებში).
მიწოდება უნდა განხორციელდეს ააიპ ხონის საბავშვო ბაგა–ბაღების გაერთიანების 19 ფილიალში დანართი #3 - ში მითითებულ მისამართებზე, შემსყიდველის მოთხოვნის საფუძველზე (შეკვეთა შეიძლება განხორციელდეს ელექტრონული ფოსტის მეშვეობით).


ამ ეტაპზე ქალაქის #3 საბავშვო ბაგა-ბაღი განთავსებულია მისამართზე: ხონი ,შამათავას #10. სარემონტო სამუშაოების დასრულების შემდეგ ქალაქის #3 საბავშვო ბაგა-ბაღის მისამართი იქნება: ხონი, ჭანტურიას მე-3 შეს. #9

ფასების ცხრილში პრეტენდნტმა უნდა მიუთითოს საქონლის წარმოშობის ქვეყანა და მწარმოებელი კომპანია. ტექნიკურ დოკუმენტაციაში მწარმოებელი ქვეყნისა და მწარმოებელი კომპანიის არ მითითება გამოიწვევს პრედენდენტის დისკვალიფიკაციას

1. თითოეულ მოწოდებულ პარტიას თან უნდა ახლდეს სერთიფიკატი- ეტიკეტი ვარგისიანობის ვადა და შემადგენლობა)( უნდა იქნას მიტანილი გაერთიანებაში შემავალ ფილიალებში (დანართი #3-ში მითითებულ მისამართებზე)

2. შესყიდვის მოცემული რაოდენობა არის ზღვრული , რომელიც შეიძლება შემცირდეს ფაქტიურად ააიპ გაერთიანების ფილიალებში ბავშვთა გამოცხადების საფუძველზე. შემსყიდველი ორგანიზაცია იტოვებს უფლებას სრულად არ აითვისოს შესაყიდი პროდუქტის რაოდენობა.

3. საკვები პროდუქტები უნდა შეესაბამებოდეს საქართველოს შრომის, ჯანმრთელობისა და სოციალური დაცვის მინისტრის 2001 წლის 16.08. №301/ნ ბრძანების „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესები და ნორმები“-ს მოთხოვნებს. (ასევე შემსყიდველის მოთხოვნებს).
4. შემსყიდველის წერილობითი მოთხოვნის შემთხვევაში მიმწოდებელი ვალდებულია წარმოადგინოს ააიპ გაერთიანების ფილიალში მიწოდებულ საკვები პროდუქტების ნიმუშზე „აკრედიტაციის ერთიანი ეროვნული ორგანოს-აკრედიტაციის ცენტრის“, აკრედიტირებული ლაბორატორის საგამოცდო ოქმი ან /და საქართველო ს სოფლის მეურნეობის სამინისტროს ლაბორატორიის მიერ გაცემული დასკვნა, რომლითაც დადასტურდება საკვები პროდუქტების ვარგისიანობა და შესაბამისობა ტექნიკურ დავალებაში მოცემულ ტექნიკურ და ხარისხობრივ მაჩვენებლებთან (მიმწოდებლის თავად იხდის ლაბორატორიის მომსახურეობის ხარჯებს). შემსყიდველს უფლება აქვს მიმწოდებლს მოსთხოვოს პროდუქტის ლაბორატორიული კვლევის ჩატარება,პროდუქტის მიწოდების ნებისმიერ ეტაპზე.ლაბორატორიული კვლევის ხარჯებს იხდის მიმწოდებალი.
5 საკვები პროდუქციის ხარისხი უნდა შეესაბამებოდეს სანიტარულ-ჰიგიენურ ნორმატივებს;
6. საკვები პროდუქციის შენახვისა და ტრანსპორტირებისას დაცული უნდა იქნას სანიტარული წესებისა და ნორმების მოთხოვნა.
7. ფასების ცხრილში ერთეულის ფასი გამოსახული უნდა იყოს არაუმეტეს მეასედის
სიზუსტით. იმ შემთხვევაში თუ ფასების ცხრილში დაფიქსირებულია მძიმის შემდეგ
2 (ორი) სიმბოლოზე მეტი, ერთეულის ფასად ჩაითვლება მხოლოდ მძიმის შემდეგ
ორი სიმბოლო;
8. სატენდერო წინადადების ღირებულება წარმოდგენილი უნდა იყოს საქართველოს
კანონმდებლობით დადგენილი ყველა გადასახადის, ტრანსპორტირების ხარჯის,
მოსაკრებლის და სხვა ხარჯის გათვალისწინებით; ასევე დღგ–ს გათვალისწინებით (მიმწოდებელი თავად იხდის დღგს–, თუ ის დღგ–ს გადამხდელია)
9. ხარჯები, რომლებიც სატენდერო წინადადების ფასში არ იქნება გათვალისწინებული,
არ დაექვემდებარება ანაზღაურებას;
10. სატენდერო წინადადებაში საერთო და ერთეულის ფასი გამოსახული უნდა იყოს
ეროვნულ ვალუტაში _ ლარში;
11. პროდუქციის ერთეულის ფასსა და საერთო ფასს შორის სხვაობის შემთხვევაში
უპირატესობა ენიჭება პროდუქციის ერთეულის ფასს
12.ფასების ცხრილი (დანართი N2), რომლის წარმოუდგენლობა ანდა არასრულყოფილად შევსება (იგულისხმება ინფორმაცია წარმოშობის ქვეყნისა და მწარმოებელი კომპანიის შესახებ, რომლის დაზუსტება ანდა წარმოდგენის შემდეგ მისი შეცვლა ყოვლად დაუშვებელია) გამოიწვევს პრეტენდენტის დისკვალიფიკაციას;

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველმა ორგანიზაცია პრეტენდენტისაგან მოითხოვოს
ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, ყოველი კონკრეტული შემთხვევიდან გამომდინარე უნდა დასაბუთდეს ექსპერტიზის ან აუდიტორის დასკვნით, რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული სამუშაოების შესრულების შესაძლებლობას,ასევე შესაძლებელია დასაბუთდეს შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით, სასაქონლო ზედნადებით (ინვოისით), მიღება-ჩაბარების აქტით. რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.


2) ფასწარმოქმნის ადეკვატურობის დამადასტურებელი დოკუმენტის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თვმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

ანგარიშსწორება მოხდება ეტაპობრივად, ფაქტიურად მოწოდებული საქონლის შესაბამისად გაფორმებული მიღება ჩაბარების აქტის, სასაქონლო ზედნადების და დ.ღ.გ–ს ანგარიშფაქტურის (კანონით გათვალისწინებულ შემთხვევაში) საფუძველზე .

ანგარიშსწორება განხორციელდება შესრულების დამადასტურებელი დოკუმენტის გაფორმებიდან (შესყიდვის ობიექტის მიღება-ჩაბარებიდან) არაუმეტეს 10 (ათი) სამუშაო დღის განმავლობაში.

ნინო ჯალაღანია, 593616047, jalaghania.nino@mail.ru

მხარეების მიერ ხელშეკრულებით ნაკისრი ვალდებულებების შეუსრულებლობა გამოიწვევს პასუხისმგებლობას მოქმედი კანონმდებლობის შესაბამისად.
ფორს _ მაჟორული გარემოებების გარდა, მიმწოდებლის მიერ ხელშეკრულების პირობების შეუსრულებლობის ან დაგვიანებით შესრულების შემთხვევაში მიმწოდებელს ეკისრება პირგასამტეხლო სახელშეკრულებო ღირებულების 0.02% _ ის ოდენობით ყოველ ვადაგადაცილებულ დღეზე.
იმ შემთხვევაში, თუ პირგასამტეხლოს ოდენობა მიაღწევს მთლიანი სახელშეკრულებო ღირებულების 2 %–ს, ,,შემსყიდველს" უფლება აქვს ცალმხრივად შეწყვიტოს ხელშეკრულება. საქართველოს კანონმდებლობით გათვალისწინებულ შემთხვევებსი, საჯარიმო სანქციების გადახდა არ ათავისუფლებს მიმწოდებელს ძირითადი ვალდებულებების შესრულებისაგან.
ხელშეკრულების პირობების შეუსრულებლობის შემთხვევაში მიმწოდებელმა უნდა გადაიხადოს ხელშეკრულების საერთო ღირებულების 20 %. , ხოლო ხელშეკრულების პირობების ნაწილობრივ შესრულების შემთხვევაში პირგასამტეხლო შესასრულებელი-დარჩენილი ღირებულების არაუმეტეს 10 %.

- პირგასამტეხლოს გადახდა არ ათავისუფლებს მხარეს ძირითადი ვალდებულებების შესრულებისაგან.

- ხელშეკრულებაში ნებისმიერი ცვლილების, დამატების შეტანა შესაძლებელია მხოლოდ წერილობითი ფორმით, მხარეთა შეთანხმების საფუძველზე.
- ხელშეკრულების პირობების, მათ შორის, ფასის შეცვლა დაუშვებელია, თუ ამ ცვლილებების შედეგად იზრდება ხელშეკრულების ჯამური ღირებულება ან უარესდება ხელშეკრულების პირობები შემსყიდველისთვის, გარდა საქართველოს სამოქალაქო კოდექსის 398-ე მუხლით გათვალისწინებული შემთხვევებისა. ხელშეკრულებების პირობების გადასინჯვა ხდება საქართველოს კანონმდებლობით დადგენილი წესით.
- საქართველოს სამოქალაქო კოდექსის 398-ე მუხლით გათვალისწინებული გარემოებების დადგომის შემთხვევაში ხელშეკრულების ჯამური ღირებულების გაზრდა დაუშვებელია ხელშეკრულების ღირებულების 10%-ზე მეტი ოდენობით.
- ხელშეკრულების ერთ-ერთი მხარის მიერ ხელშეკრულების პირობების შეუსრულებლობის შემთხვევაში მეორე მხარე უფლებამოსილია ცალმხრივად მიიღოს გადაწყვეტილება ხელშეკრულების შეწყვეტის შესახებ.
- მხარე ვალდებულია ხელშეკრულების შეწყვეტის განზრახვის შესახებ არანაკლებ 5 კალენდარული დღით ადრე წერილობით ან კომუნიკაციის ელექტრონული საშუალებების გამოყენებით შეატყობინოს მეორე მხარეს.
- ხელშეკრულება ასევე შეიძლება შეწყდეს მხარეთა ინიციატივით, ურთიერთშეთანხმების საფუძველზე.
- მხარეები თავისუფლდებიან ხელშეკრულებით განსაზღვრული ვალდებულებების შეუსრულებლობით გამოწვეული პასუხისმგებლობისაგან, თუ აღნიშნული გამოწვეულია დაუძლეველი ძალის ზეგავლენით. აღნიშნულის არსებობის შემთხვევაში, მხარე ვალდებულია აცნობოს მეორე მხარეს ნაკისრი ვალდებულებების შესრულების შეუძლებლობის შესახებ.
- თუ ერთ-ერთი მხარე დაუძლეველი ძალის გამო ვერ ასრულებს ნაკისრ ვალდებულებებს, იგი ვალდებულია დაუყოვნებლივ, მაგრამ არაუგვიანეს მომდევნო კალენდარული დღისა აცნობოს მეორე მხარეს მათი დადგომის ან/და დასრულების შესახებ. წინააღმდეგ შემთხვევაში, შესაბამისი მხარე არ გათავისუფლდება ნაკისრი ვალდებულებებისაგან.
- მხარეთა პასუხისმგებლობა და ვალდებულებები განახლდება დაუძლეველი ძალის მოქმედების დასრულებისთანავე.