Услуги по очистке и санации (Грузия - Тендер #60271233)

ა(ა)იპ „თბილისის საბავშვო ბაგა-ბაღების მართვის სააგენტოს მიერ დაფუძნებული ადრეული და სკოლამდელი აღზრდისა და განათლების საჯარო დაწესებულებებისათვის დეზინფექციის, დეზინსექციისა და დერატიზაციის მომსახურების სახელმწიფო შესყიდვა.

1.2.1. მომსახურების გაწევის პირობები უნდა შეესაბამებოდეს საქართველოს მოქმედი კანონმდებლობით დადგენილ წესებსა და ნორმებს.
1.2.2. „მიმწოდებელი“ ვალდებულია უზრუნველყოს მომსახურების გაწევა საბავშვო ბაგა-ბაღის ტერიტორიაზე.
1.2.3. პრეტენდენტი ვალდებულია წარმოადგინოს შევსებული ფასების ცხრილი პოზიციების შესაბამისად.
1.2.4. იმ შემთხვევაში თუ დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
1.2.5. მიმწოდებლის მიერ მომსახურების გაწევისას გამოყენებული საშუალებები (პრეპარატები) უნდა იყოს არანაკლებ III-IV უსაფრთხოების კატეგორის და შეესაბამებოდეს საქართველოში მოქმედი კანონმდებლობის მოთხოვნებს, აკმაყოფილებდეს საერთაშორისო სტანდარტებს, არ უნდა წარმოადგენდეს საფრთხეს ადამიანის ორგანიზმისთვის;
1.2.6. დეზინსექცია უნდა განხორციელდეს შესხურების მეთოდით;
1.2.7. დაუშვებელია მაღალი ტოქსიურიობის (I და II ჯგუფი) სუნის ან სხვა უარყოფითი რეაქციის გამომწვევი საშუალებების გამოყენება;
1.2.8. გამოსაყენებელი პრეპარატების ვარგისიანობის ვადა უნდა იყოს არანაკლებ 2025 წლის 31 დეკემბერი.
1.2.9. შემსყიდველი უფლებამოსილია მოახდინოს სადეზინფექციო, სადეზინსექციო და სადერატიზაციო სამუშაოების შეფასება შერჩევითობის პრინციპით. შემოწმება შესრულებული იქნება შემთხვევითი პრინციპით მომსახურე კომპანიის დასამუშავებელი სამუშაო ხსნარების ნიმუშების აღებით და მათი ლაბორატორიული კვლევის ჩატარებით. აღნიშნული შეფასება განხორციელებული იქნება მიმწოდებლის მიერ შესაბამისი უსაფრთხო კლასის (III-IV) პრეპარატების გამოყენების და მათი შესაბამისი მაქსიმალური ექსპლუატაციის ვადების გამოყენების შემოწმების მიზნით.
1.2.10. მიმწოდებელმა უნდა უზრუნველყოს ტენდერით გათვალისწინებული მომსახურების ხელახალი ჩატარება, თუ გაწეული კონკრეტული მომსახურება არ იქნება შედეგიანი.
1.2.11. განსაკუთრებულ შემთხვევებში მიმწოდებელი ვალდებულია განახორციელოს მომსახურების დამატებით გაწევა შემსყიდველის მოთხოვნის შესაბამისად.
1.2.12. საბავშვო ბაღებში სააღმზრდელო პროცესის შეფერხების თავიდან აცილების მიზნით მიმწოდებელი ვალდებულია მომსახურების გაწევა განახორციელოს არასამუშაო დღეებში/საათებში.

„მიმწოდებელმა“ მომსახურების გაწევა უნდა უზრუნველყოს ხელშეკრულების გაფორმებიდან 2025 წლის 31 დეკემბრის ჩათვლით, თვეში ერთხელ, შემსყიდველის წერილობითი დავალების შესაბამისად, მოთხოვნიდან არაუგვიანეს 5 (ხუთი) კალენდარული დღის ვადაში. შემსყიდველი მიმწოდებელს წერილობით დავალებას უგზავნის ფოსტის ან ელექტრონული ფოსტის (E-mail) საშუალებით.

მომსახურების გაწევის ადგილი განსაზღვრულია დანართი N4-ით.

2.1.1.1 პრეტენდენტმა უნდა წარმოადგინოს ინფორმაცია გამოყენებული საშუალებების შესახებ.


შენიშვნა: წარმოდგენილ უნდა იქნას ინფორმაცია გამოსაყენებული საშუალებების შესახებ დანართი N2–ის შესაბამისად.

2.2.1.1 პრეტენდენტს 2021 წლის 01 იანვრიდან ამ ტენდერის გამოცხადების თარიღამდე უნდა გააჩნდეს ანალოგიური მომსახურების გაწევის (დეზინფექცია, დეზინსექცია, დერატიზაცია) გამოცდილება, ჯამური ღირებულებით არანაკლებ 50000 ლარი.

2.2.1.2 პრეტენდენტი ვალდებულია წარმოადგინოს, საანგარიშო პერიოდში ანალოგიური სამუშაოების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები (იმ შემთხვევაში, თუ ხელშეკრულება და ხელშკრულების შესრულების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, მისი წარმოდგენა არ არის სავალდებულო და ასეთ შემთხვევაში, პრეტენდენტი ვალდებულია წარმოადგინოს შესაბამისი შესყიდვის სისტემაში რეგისტრაციის უნიკალური ნომერი SPA. NAT, CMR, DAP და ა.შ.) და მათი შესრულების დამადასტურებელი დოკუმენტები: მიღება-ჩაბარების აქტები, ფორმა N2-ები; ან/და დამკვეთის მიერ გაცემული შესრულებული სამუშაოების დამადასტურებელი ცნობა, ან/და სამუშაოების დასრულების/შესრულების სერტიფიკატები ან/და დადასტურებული საგადასახადო ანგარიშ-ფაქტურები).

2.2.1.3 შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.


შენიშვნა: წარმოდგენილ უნდა იქნას ინფორმაცია გამოცდილების შესახებ დანართი N3–ის შესაბამისად.

2.4.1.1. მიმწოდებელმა სისტემის მეშვეობით უნდა წარმოადგინოს მომსახურების გაწევაზე პასუხისმგებელი სპეციალისტის პროფესიული განათლების დამადასტურებელი დოკუმენტ(ებ)ი (დიპლომი, სერტიფიკატი ან სხვა დამადასტურებელი დოკუმენტი), რომელიც გაცემული იქნება კომპეტენტური დაწესებულების მიერ.

2.7.1.1 მიმწოდებელმა უნდა წარმოადგინოს საკვებთან შემხებლობაში არსებული ინვენტარისა და ჭურჭლის სადეზინფექციო სითხის უვნებლობის დამადასტურებელი დოკუმენტი;
2.7.1.2 მიმწოდებელმა უნდა წარმოადგინოს გამოსაყენებელ საშუალებებზე, დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გაცემული უვნებლობის შესაბამისი წერილობითი დოკუმენტი.

3.1.1.1 პრეტენდენტი ვალდებულია, შემსყიდველის წერილობითი მოთხოვნის შემდეგ, შესყიდვის ობიექტის თითოეულ პოზიციაზე უზრუნველყოს შემოთავაზებული საქონლის ერთი ერთეული ნიმუშის წარმოდგენა;
3.1.1.2 შემოთავაზებული პრეპარატის ნიმუში უნდა შეესაბამებოდეს სატენდერო პირობებსა და დანართი N2-ს.
3.1.1.3 იმ შემთხვევაში, თუ პრეტენდენტის მიერ წარმოდგენილი ნიმუშ(ებ)ი არ დააკმაყოფილებს შემსყიდველის მოთხოვნებს, სატენდერო კომისია მოახდენს პრეტედენტის დისკვალიფიკაციას სატენდერო პროცედურებიდან.
3.1.1.4 პრეტენდენტის მიერ წარმოდგენილი ნიმუშ(ებ)ი დაზუსტებას არ ექვემდებარება.

ქალაქი თბილისი, საბურთალოს რაიონი, ა. მიცკევიჩის ქუჩა N29-29ა მე-3 სართული.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელითა (ან/და სასაქონლო ნიშნით) და წარმოშობის ქვეყნით).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1 ანგარიშსწორება მოხდება უნაღდო ანგარიშსწორებით ლარში, კვარტალში ერთხელ 2025 წლის ადგილობრივი თვითმართველი ერთეულის ბიუჯეტით.

7.3.1 ანგარიშსწორება განხორციელდება კვარტალში ერთხელ, ფაქტიურად მიწოდებული შესყიდვის ობიექტის შესაბამისად, მიღება-ჩაბარების აქტის გაფორმების და შესაბამისი დოკუმენტაციის წარმოდგენიდან 10 (ათი) სამუშაო დღის ვადაში.

გიორგი გოგისვანიძე, 597777676, g.gogisvanidze@kids.org.ge

1. შემსყიდველი ორგანიზაცია გამარჯვებულ პრეტენდენტთან გააფორმებს სახელმწიფო შესყიდვის შესახებ ხელშეკრულებას, პრეტენდენტის მიერ დაფიქსირებული ფასის მიხედვით, დანართი N1-ით გათვალისწინებულ საბოლოო ღირებულებაზე.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
3. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.