Услуги по программированию и консультационные услуги в области программного обеспечения (Грузия - Тендер #60271184)

ქ. ბათუმში მუნიციპალური ავტობუსებით მგზავრთა გადადგილების
აპლიკაციის მომსახურეობა (24/7 ავტობუსების სამუშაო განრიგების შესაბამისად)

ქ. . ბათუმში მუნიციპალური ავტობუსებით მგზავრთა გადადგილების
აპლიკაციის მომსახურეობა (24/7 ავტობუსების სამუშაო განრიგების შესაბამისად)
ტექ. დავალება
ტექნიკური პირობები აპლიკაციის პროექტის მართვა 1. შემსყიდველის მოთხოვნის შესაბამისად, აპლიკაციის დიზაინის დამუშავება. როგორც დესკტოპ ვერსიის, ისე მობილური აპლიკაციისათვის; 2. საინტეგრაციო სამუშაოები (Google Maps, GPS ოპერატორი, ავტობუსები, ა.შ.) 3. ახალი პროდუქციის (არსებობის შემთხვევაში) ტესტირება და გაშვება სატესტო რეჟიმში; 4. შემუშავებული პროდუქციის მართვა 5. სისტემის ტექნიკური და სამომხმარებლო ტრეინინგები (ორგანიზაციის ტექნიკური და ადმინისტრაციული პერსონალისთვის. - იგულისხმება ორგანიზაციაში ამ სისტემის ადმინისტრირებაზე მომუშავე პირები); 6. აპლიკაციის ტექნიკური მხარადაჭერა (24/7 ტექნიკურ მხარდაჭერა ცხელ ხაზის საშუალებით). აპლიკაციის ფუნქციონალური აღწერილობა 1. ავტობუსების მოძრაობის ჩვენება რეალურ დროში
ა) მარშრუტზე არსებული ავტობუსების გადაადგილების ჩვენება; ბ) მარშრუტების ჩვენება (სქემის საშუალებით, არსებული ყველა გაჩერებით); გ) მიმწოდებელი ვალდებულია გადასცეს შემსყიდველს აპლიკაციის მართვასთან დაკავშირებული ყველა მონაცემი, რის საშუალებით შესაძლებელი იქნება მისი მართვა და კორექტირება (ე.წ. „იუეზ მანუალი“, „სერვის მანუალი“, ყველა საჭირო მონაცემები და ა.შ). 2. განრიგების ჩვენება გაჩერებების მიხედვით სამუშაო და არასამუშაო დღეებში:
კონკრეტული გაჩერების არჩევის შემთხვევაში უნდა გამოჩნდეს, თუ რომელი
ნომერი ავტობუსის მოდის ამ გაჩერებაზე და რამდენ წუთში. 3. გაჩერებების ჩვენება გაჩერებებზე ავტობუსების მოსვლის ჩვენება რეალურ დროში;
4. მგზავრობის დაგეგმარება დროისა და თარიღის მიხედვით საწყის და საბოლოო პუნქტს შორის: კონკრეტული გაჩერებების მითითებით, ან რუკაზე სასურველი საწყისი და საბოლოო წერტილების მონიშვნით. გადაადგილება უნდა დაიგეგმოს, როგორც საფეხმავლო გზების, ასევე, საჭიროების შემთხვევაში, სხვადასხვა მარშრუტებს შორის გადაჯდომით. დაგეგმილ შედეგში დეტალურად გამოჩნდება როგორც ფეხით, ასევე ავტობუსით მოძრაობის ტრაექტორია და საჭირო დრო შერჩეული საწყისი და საბოლოო წერტილების შესაბამისად, მათ შორის განსხვავებული სამარშრუტო ხაზებით გადაადგილების არსებობის შემთხვევაში, მომხმარებელს გამოუჩნდება ყველა შესაძლო ვარიანტი სრული დაფარვის დროის მითითებით და მიეცემა საშუალება აირჩიოს სასურველი გადაადგილება. 5. გაჩერებების ძიების ფუნქცია დასახელებისა და ნუმერაციის მიხედვით; 6. გარდა ვებ აპლიკაციისა, მსგავსი ფუნქციონალით მუშაობდეს მობილური აპლიკაცია iOS და Android მოწყობილობებისთვის; 7. აპლიკაცია არანაკლებ ორ ენაზე (ქართული და ინგლისური).

ქ. ბათუმსა და მის მიმდებარე ტერიტორიებზე მუნიციპალური ავტობუსებით მგზავრთა გადადგილების აპლიკაციის მომსახურეობა და მისი ტექნიკური მხარდაჭერა სერვეზე , ხელშეკრულების გაფორმებიდან 2025 წლის 31 დეკემბრის ჩათვლით.

აპლიკაციით მომსახურეობა უნდა განხორციელდეს მომხმარებლის (ამ შემთხვევაში მგზავრის) ადგილმდებარეობის მიუხედავად, როგორც ვებ აპლიკაცით ასევე მობილური აპლიკაციით (როგორც iOS ასევე Android მოწყობილობებისთვის).

ვინაიდან აღნიშნული ტენდერით განსაზღვრული შესყიდვის ობიექტი არის ინტელექტუალური მომსახურება, სატენდერო კომისიამ მიზანშეწონილად მიიჩნია, არ მოითხოვოს ფასწარმოქმნის ადეკვატურობის დასაბუთების დოკუმენტი, თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

აპლიკაციის მომსახურეობაზე ეტაპობრივად (ყოველთვიურად), მიღება–ჩაბარების აქტის გაფორმებიდან და მიმწოდებლის მიერ შემსყიდველისათვის საქართველოს კანონმდებლობით დადგენილი საგადასახადო დოკუმენტაცის წარდგენიდან არაუგვიანეს 10 (ათი) სამუშაო დღის ვადაში.

ანგარიშსწორება განხორციელდება (ყოველთვიურად) მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ამირან შაქარაძე, 577403322, atgabat@gmail.com შესყიდვების განყოფილების უფროსი

პრეტენდენტმა უნდა წარმოადგინოს:
ა) ფასების ცხრილი
ბ) ტექნიკური პირობა




1. პრეტენდენტის მიერ წარმოდგენილ სატენდერო წინადადებაში ფასი წარმოდგენილი უნდა იყოს მომსახურების შესრულებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ სატენდერო წინადადებაზე ან მის შემადგენელ დოკუმენტზე, უნდა იყოს შესრულებული კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა). აღნიშნული ვალდებულებისაგან განთავისუფლებულია სახელმწიფო შესყიდვების ერთიან ელექტრონულ სისტემაში ,,მიმწოდებლად’’ რეგისტრირებული არარეზიდენტი მომხმარებელი.
4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი პირის მიერ. საჭიროების შემთხვევაში ერთიან ელექტრონულ სისტემაში ატვირთულ უნდა იქნეს ნოტარიულად დამოწმებული მინდობილობა/რწმუნებულება, რომელიც დაადასტურებს პირის უფლებამოსილებას სატენდერო წინადადების ან მისი შემადგენელი დოკუმენტის ხელმოწერაზე.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
7. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.