Почтовая и курьерская службы (Грузия - Тендер #60271177)

ადგილობრივი და საერთაშორისო საფოსტო-საკურიერო მომსახურება

იხილეთ სატენდერო დოკუმენტაცია.

პრეტენდენტმა სატენდერო წინადადების წარდგენისას ერთიანი ელექტრონული სისტემის მეშვეობით უნდა წარმოადგინოს განფასებული დანართი #1.

მომსახურების გაწევის ვადა: ხელშეკრულების გაფორმებიდან 2025 წლის 31 დეკემბრის ჩათვლით

მომსახურების გაწევის ადგილი: საქართველოს და მსოფლიოს მთელი ტერიტორია.

პრეტენდენტს 2023 წლის 1 იანვრიდან წინამდებარე ტენდერის გამოცხადების თარიღამდე უნდა ქონდეს ანალოგიური მომსახურების გაწევის არანაკლებ 3 372.00 (სამიათას სამასსამოცდათორმეტი ლარი და 00 თეთრი) ლარის ოდენობის გამოცდილების დამადასტურებელი დოკუმენტაცია, რაზედაც ელექტრონულ სისტემაში უნდა ატვირთოს შესაბამისი მომსახურების გაწევის დამადასტურებელი ხელშეკრულებ(ები)ა და წარმოდგენილი ხელშეკრულებ(ებ)ის შესაბამისი მიღება-ჩაბარების აქტ(ებ)ი.

ტექნიკური მოთხოვნები

სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციაში განსაზღვრულ მოთხოვნებზე

• სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. (დღგ-ს გარეშე)
• სატენდერო წინადადების ფასი სახელმწიფო შესყიდვების ერთიანი ელექტრონულ სისტემაში მითითებული უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). იმ შემთხვევაში თუ გამარჯვებული პრეტენდენტი იქნება დღგ-ს გადამხდელი, ხელშეკრულების დადებისას ხელშეკრულების ღირებულებაში იქნება გათვალისწინებული დღგ-ს ოდენობა.

ადგილობრივი და საერთაშორისო საფოსტო-საკურიერო მომსახურება

1. საფოსტო მომსახურების რაოდენობა მოცემულია სატენდერო დოკუმენტაციის დანართ #1-ში.
2. მომსახურება უნდა განხორციელდეს ქ. რუსთავის ფარგლებში არაუმეტეს 2 (ორი) დღეში, საქართველოს რეგიონებში არაუმეტეს 3 (სამი) დღეში, ხოლო მაღალმთიან რეგიონში არაუმეტეს 5 (ხუთი) სამუშაო დღის ვადაში. გზავნილის ადრესატისთვის ჩაბარება ხორციელდება ადრესატის რეგისტრაციის მისამართზე პირადად ადრესატისთვის ან აღნიშნულ მისამართზე დახვედრილი სრულწლოვანი პირისათვის, ხოლო იურიდიული პირისთვის განკუთვნილი გზავნილი უნდა ჩაბარდეს რეგისტრაციის მისამართზე კანცელარიას/კანცელარიის თანამშრომელს ან ასეთის არყოფნის შემთხვევაში გზავნილის მიღებაზე უფლებამოსილ შესაბამის პირს; გზავნილის ჩაბარება უნდა დადასტურდეს შესაბამის ჩაბარების დოკუმენტაციაში გზავნილის მიმღების ხელმოწერით. შემსყიდველის მოთხოვნის შემთხვევაში, შესაძლებელი უნდა იყოს კონკრეტული გზავნილის გადაცემის შეზღუდვა არაადრესატი პირისთვის; თუ ადრესატი ან სხვა პირი ადგილზე არ იმყოფება, მიმწოდებელი ვალდებულია გონივრულ ვადაში აცნობოს შემსყიდველს ინფორმაცია ჩაუბარებლობის მიზეზის შესახებ და საკუთარი ხარჯებით განახორციელოს გზავნილის უკან დაბრუნება. თუ ადრესატი არ იმყოფება მისამართზე, ამ შემთხვევაში, მიმწოდებლის წარმომადგენელმა მას უნდა დაუტოვოს შეტყობინება. შეტყობინებაში აღნიშნული უნდა იყოს შემდეგი ინფორმაცია: გზავნილის ნომერი, საკონტაქტო მონაცემები და კურიერის განმეორებით მისვლის დრო. ყოველი გზავნილის მოძრაობის თაობაზე ინფორმაცია უნდა აისახოს ელექტრონულად.
საერთაშორისო საფოსტო და საკურიერო მომსახურების შემთხვევაში-მიმწოდებლის წარმომადგენლისათვის/კურიერისთვის შემსყიდველის მიერ გზავნილის გადაცემიდან არაუმეტეს 5-15 სამუშაო დღის ვადაში უნდა ჩაბარდეს ადრესატს. ხოლო სწრაფი საერთაშორისო საფოსტო და საკურიერო მომსახურებისას გზავნილი ადრესატს უნდა ჩაბარდეს:
ა) ევროპის ქვეყნებში - არაუმეტეს 5 (ხუთი) სამუშაო დღეში;
ბ) ამერიკაში - არაუმეტეს 7 (შვიდი) სამუშაო დღეში;
გ) დსთ-ს ქვეყნებში - არაუმეტეს 5 (ხუთი) სამუშაო დღეში;
დ) სხვა დანარჩენ ქვეყნებში - არაუმეტეს 6 (ექვსი) სამუშაო დღეში.
საერთაშორისო გზავნილის ჩაბარება უნდა განხორციელდეს შემსყიდველის მიერ გზავნილის ზედდებულზე მითითებულ მისამართზე, ხოლო იურიდიული პირისთვის განკუთვნილი გზავნილი უნდა ჩაბარდეს გზავნილის ზედდებულზე მითითებულ მისამართზე კანცელარიას/კანცელარიის თანამშრომელს ან ასეთის არყოფნის შემთხვევაში გზავნილის მიღებაზე უფლებამოსილ შესაბამის პირს; გზავნილის ჩაბარება უნდა დადასტურდეს შესაბამის ჩაბარების დოკუმენტაციაში გზავნილის მიმღების ხელმოწერით. თუ ადრესატი ან სხვა პირი ადგილზე არ იმყოფება, გზავნილის განმეორებით (მეორეჯერ) მიტანა მითითებულ მისამართზე უნდა განხორციელდეს მიმწოდებლის ხარჯებით მომდევნო 2 (ორი) სამუშაო დღის განმავლობაში და მხოლოდ ამის შემდეგ კვლავ ჩაუბარებლობის შემთხვევაში, მიმწოდებელი ვალდებულია გონივრულ ვადაში აცნობოს შემსყიდველს ინფორმაცია ჩაუბარებლობის მიზეზის შესახებ და შემსყიდველის მოთხოვნის შემთხვევაში დაუბრუნოს მას გზავნილი (არაუმეტეს გზავნილის გაგზავნის ღირებულებით). ყოველი განმეორებით (მეორეჯერ) გატანილი გზავნილი უნდა აისახოს ელექტრონულად გზავნილის ისტორიაში უნიკალური შტრიხკოდის ქვეშ. აღნიშნული ინფორმაციის პროგრამული ასახვა უნდა განხორციელდეს დაუყოვნებლივ.
3. მიმწოდებლისათვის გზავნილების გადაცემა განხორციელდება: ქალაქ რუსთავის მუნიციპალიტეტის საკრებულოს კანცელარიაში შესაბამის რეესტრთან ერთად (ქ. რუსთავი, კოსტავას გამზ #20).
4. გზავნილი მოიცავს კონვერტს გამგზავნი ორგანიზაციის და მიმღების მითითებით და კონვერტის შიგთავსს.
5. მიმწოდებლის წარმომადგენლის/კურიერის გამოძახება და კურიერის მიერ გზავნილების ჩაბარება უნდა განხორციელდეს სამუშაო დღეებში 09:00-დან 18:00 საათამდე (საჭიროების შემთხვევაში დღეში ორჯერ), სასწრაფო გზავნილის მისაღებად მიმწოდებელი საფოსტო გზავნილის მიღების ადგილზე უნდა გამოცხადდეს შემსყიდველთან შეთანხმებული დროის განმავლობაში. შემსყიდველს შესაძლებლობა უნდა ჰქონდეს ინტერნეტ პორტალის მეშვეობით გზავნილების კარიდან კარამდე ონლაინ ადევნოს თვალი ე.წ „თრექინგით“, (საერთაშორისოს შემთხვევაში სატრანზიტო ქვეყნების ჩათვლით); მიმწოდებელი ვალდებულია უზრუნველყოს ყველა საფოსტო გზავნილის „თრექინგ-კოდის“ მიწოდება გზავნილის რეალურ დროში ადგილმდებარეობის დადგენის მიზნით.
6. მიმწოდებელმა უნდა უზრუნველყოს საფოსტო გზავნილების მართვისთვის განკუთვნილი სრულყოფილი პროგრამული უზრუნველყოფის არსებობა და შემსყიდველი ორგანიზაციისთვის საჭირო რაოდენობის იუზერების შექმნა, შესაბამისი განყოფილების მიერ განსაზღვრულ თანამშრომლებზე ცალ-ცალკე; აღნიშნული სისტემით უნდა ხდებოდეს ადგილობრივი და საერთაშორისო გზავნილების მოძრაობის ონლაინ რეჟიმში თვალყურის დევნება და ნებისმიერი სტატუსის ნახვა, რომლის სისწორეზე პასუხისმგებელი იქნება მიმწოდებელი; კურიერისთვის გზავნილის გადაცემა უნდა ხდებოდეს ელექტრონულ სისტემაში დამუშავებული დოკუმენტის მეშვეობით (რეესტრთან ერთად); გზავნილების ამოღება/წაშლა შესაძლებელი უნდა იყოს გზავნილების რეესტრის დახურვამდე; ყველა განხორციელებული ვიზიტის შესაბამისი გზავნილის ჩაბარება/ჩაუბარებლობის დოკუმენტი PDF ფორმატში, უნდა აიტვირთოს ელექტრონულ სისტემაში და შესაძლებელი უნდა იყოს მისი ამობეჭდვა; მიმწოდებელმა საკუთარი ხარჯებით უნდა უზრუნველყოს შტრიხკოდის მასალით შეუფერხებელი მომარაგება.
7. მიმწოდებელს გზავნილის გაგზავნამდე შემსყიდველისგან მიეწოდება ადრესატისათვის გზავნილის ჩასაბარებლად საჭირო ინფორმაცია (ადრესატი, ქალაქი/რეგიონი, ადრესატის მისამართი, საკონტაქტო პირი და ტელეფონის ნომერი).
8. ყოველი თვის ბოლოს უნდა მომზადდეს მიღება-ჩაბარების აქტი. აქტს თან უნდა ერთვოდეს გაგზავნილი ცხრილი რეესტრების ნომრებით, რაოდენობით და თანხების მითითებით. ხელმოწერას უნდა აფიქსირებდეს როგორც მიმწოდებლის ასევე დამკვეთის წარმომადგენელი.

შენიშვნა:
დანართი #1-ში (ფასების ცხრილში) მოცემულია მომსახურების სავარაუდო მოცულობა, რომელიც შეიძლება სრულად არ იქნეს ათვისებული. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, შემსყიდველის შეხედულებისამებრ მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით.

ფასწარმოქმნის ადეკვატურობა უნდა დასაბუთდეს პრეტენდენტის მიერ წარმოდგენილი ინვოის(ებ)ით

ანგარიშსწორება იწარმოებს ეტაპობრივად, „მიმწოდებლის“ მიერ ფაქტიურად გაწეული მომსახურების დამადასტურებელი შესაბამისი მიღება-ჩაბარების აქტისა და ფინანსური დოკუმენტაციის წარმოდგენის საფუძველზე.

შესაბამისი დოკუმენტაციის წარმოდგენიდან 10 (ათი) სამუშაო დღე

ირმა შავერდაშვილი, 591013337, irmako.shaverdashvili@gmail.com

ინსტრუქცია ტენდერში მონაწილეთათვის

• სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.
• ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
• დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
• პრეტენდენტი ვალდებულია, სახელმწიფო შესყიდვების ერთიან ელექტრონულ სისტემაში სატენდერო წინადადების სახით წარსადგენი, მის მიერ შექმნილი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
• პრეტენდენტს არ აქვს უფლება წარმოადგინოს ალტერნატიული წინადადება