Распределение воды и сопутствующие услуги (Грузия - Тендер #60142504)

სსიპ სოციალური მომსახურების სააგენტოს სერვის ცენტრებისა და ცენტრალური აპარატისათვის, თანამედროვე საფილტრაციო სისტემით აღჭურვილი წყლის დისპენსერებით სასმელი წყლით მომარაგების მომსახურების სახელმწიფო შესყიდვა.

1. სასმელი წყლით მომარაგების მომსახურება გულისხმობს თანამედროვე საფილტრაციო სისტემით აღჭურვილი წყლის დისპენსერების მონტაჟს, შემდგომში სუფთა სასმელი წყლით მომარაგების მიზნით.

2. მიმწოდებელმა ხელშეკრულების გაფორმებიდან 15 (თხუთმეტი) სამუშაო დღის განმავლობაში უსასყიდლოდ უნდა გადასცეს შემსყიდველს დისპენსერები დროებითი სარგებლობის უფლებით და უზრუნველყოს მათი მონტაჟი შემსყიდველის მიერ მითითებულ ადგილას.

3. მიმწოდებელმა უნდა უზრუნველყოს 72 (სამოცდათორმეტი) ერთეული დისპენსერის მონტაჟი შემდეგი პარამეტრებით:

• 3 დამოუკიდებელი მექანიკური ღილაკი ტემპერატურის 3 რეჟიმისათვის : ცივი,ცხელი და ნეიტრალური;
• დისპენსერს უნდა ჰქონდეს გაფილტრული წყლის ავზი, არანაკლებ 3 ლიტრი;
• წყლის თერმო კონტროლი. სმარტ ავტომატიზირებული სისტემა მუდმივად უნდა ინარჩუნებდეს ტემპერატურას;
• წყლის გაცივების შესაძლებლობა ≤ 10℃ ;
• ფილტრაციის დონე : არანაკლებ 4 ფილტრატორი, მულტისაფეხურიანი კომპლექსური სისტემა, რომელიც მუდმივად უზრუნველყოფს წყლის სისუფთავეს;
• წყლის გაცხელების შესაძლებლობა ≥85 ℃;
• წყლის მექანიკური სტოპერი, რომელიც ელექტრო ენერგიის საჭიროების გარეშეც უზრუნველყოფს წყლის გაჟონვის შედეგად ზიანის პრევენციას;
• ხმაურის დონე მუშაობის რეჟიმში - <45 db;
• დისპენსერის სიმაღლე - არანაკლებ 105 სმ.


4. მიმწოდებელმა უნდა უზრუნველყოს დისპენსერების მონტაჟი შემსყიდველის მიერ მითითებულ მისამართებზე.
5. მიმწოდებელ კომპანიას უნდა გააჩნდეს ჭიქების მიწოდების საკუთარი სერვისი.
6. მიმწოდებელმა უსასყიდლოდ, ხელშეკრულების გაფორმებიდან ყოველ 6 თვეში მოახდინოს ფილტრების შეცვლა.
7. მიმწოდებელი ვალდებულია დაზიანების შემთხვევაში მოახდინოს შეკეთება, შემსყიდველის მოთხოვნიდან არაუმეტეს 3 სამუშაო დღისა.
8. მიმწოდებელი ვალდებულია საკუთარი ხარჯებით უზრუნველყოს წყლის დაერთების სამონტაჟო სამუშაოები მონტაჟი/დაერთებისათვის საჭირო სახარჯი მასალებით.
9. დისპენსერი უნდა იყოს ექსპლუატაციაში არმყოფი (არ უნდა იყოს აღდგენილი და მეორადი).

1. მიმწოდებელი ვალდებულია ხელშეკრულების გაფორმებიდან არაუმეტეს 15 (თხუთმეტი) სამუშაო დღის ვადაში, უსასყიდლოდ გადასცეს შემსყიდველს დისპენსერები დროებითი სარგებლობის უფლებით და უზრუნველყოს მათი მონტაჟი შემსყიდველის მიერ მითითებულ ადგილას;

2. მომსახურება უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით, უწყვეტად.

შესყიდვის ობიექტის მიწოდება/მონტაჟი უნდა განხორციელდეს დანართი N2-ში მითითებულ მისამართებზე.

1. მიმწოდებელი ვალდებულია ხელშეკრულების მოქმედების ნებისმიერ ეტაპზე უზრუნველყოს გაწეულ მომსახურებაზე გამოვლენილი ხარვეზის ან/და ნაკლის აღმოფხვრა;
2. მიმწოდებელი ვალდებულია შემსყიდველის მოთხოვნის (სიტყვიერი ან წერილობითი ფორმით) საფუძველზე, საჭიროების შემთხვევაში არაუმეტეს 3 (სამი) სამუშაო დღის ვადაში უზრუნველყოს დაზიანებული ტექნიკის შეკეთება ან შეცვლა იგივე ამ გაუმჯობესებული პარამეტრების მქონე დისპენსერ(ებ)ით;

2.2.1.1. ტენდერში მონაწილე პრეტენდენტს 2022-2023-2024 წლებში ჯამურად უნდა გააჩნდეს, არანაკლებ 56,155 ლარის ოდენობის ანალოგიური მომსახურების მიწოდების გამოცდილება.

2.2.1.2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად.

2.2.1.3. იმ შემთხვევაში თუ პრეტენდენტის მიერ ანალოგიური მომსახურების მიწოდების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N3-ში გამოცდილების შესახებ). იმ შემთხვევაში თუ პრეტენდენტის მიერ ანალოგიური მომსახურების მიწოდების შესახებ ინფორმაცია არ იძებნება შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N 3-ის შესაბამისად CON, SPA, NAT ან CMR ნომრების მითითების გარეშე) მიმწოდებლისა და შემსყიდველის მიერ ორმხრივად ხელმოწერილი რომელიც, უნდა იყოს დამოწმებული კვალიფიციური ხელმოწერით ან კვალიფიციური შტამპით.

2.2.1.4. იმ შემთხვევაში, თუ პრეტენდენტის მიერ წარმოდგენილი დოკუმენტაციით ვერ ხერხდება მომსახურების მიწოდების შინაარსის იდენტიფიცირება, შემსყიდველი უფლებამოსილია პრეტენდენტს დამატებით მოსთხოვოს მომსახურების მიწოდების დამადასტურებელი დოკუმენტის (საიდანაც შესაძლებელია მომსახურების მიწოდების შინაარსისა და ღირებულებების იდენტიფიცირება) წარმოდგენა, რომელიც დადასტურებული უნდა იყოს დამკვეთის ან/და მის მიერ განსაზღვრული უფლებამოსილი პირის მიერ.

2.2.1.5. პრეტენდენტმა უნდა წარმოადგინოს მინიმუმ 2 სარეკომენდაციო წერილი 2022 წლის იანვრიდან ტენდერის გამოცხადების დღემდე, გაწეული მომსახურების შესახებ, სახელმწიფო ორგანიზაციებიდან ან სახელმწიფო წილობრივი მონაწილეობით შექმნილი საწარმოებიდან.

1. მომსახურების ფარგლებში მიღებული სასმელი წყლის ხარისხი უნდა პასუხობდეს როგორც საქართველოს, ისე საერთაშორისო სტანდარტებით გათვალისწინებულ მოთხოვნებს.
2. ხელშეკრულების გაფორმების შემდგომ - ხარისხის კონტროლის მიზნით, მიმწოდებელი ვალდებულია წელიწადში ორჯერ უზრუნველყოს სასმელის წყლის ლაბორატორიული შემოწმება, შემსყიდველის მოთხოვნის შესაბამისად.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

ანგარიშსწორება განხორციელდება წარმოდგენილი სასაქონლო ზედნადების, ანგარიშ-ფაქტურის და მხარეთა შორის გაფორმებული „მიღება-ჩაბარების“ აქტის საფუძველზე.

ანგარიშსწორება განხორციელდება 7.2. პუნქტით განსაზღვრული ყველა დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში.

სოფიო მიქაია, 599752497, smikaia@ssa.gov.ge

10.1.1. დაფინანსების წყაროა 2025 წლის სახელმწიფო ბიუჯეტით სსიპ სოციალური მომსახურების სააგენტოსთვის გამოყოფილი ასიგნებები.

10.1.2. სატენდერო წინადადების ღირებულება უნდა მოიცავდეს ტენდერით გათვალისწინებული შესყიდვის ობიექტის მიწოდებასთან დაკავშირებულ ყველა ხარჯსა (დღგ–ს გარდა) და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

10.1.3. პრეტენდენტი წინადადების ფასში არ ითვალისწინებს დღგ–ს, მიუხედავად იმისა, არის თუ არა იგი დღგ-ს გადამხდელი საქართველოს კანონმდებლობის შესაბამისად. შერჩევა–შეფასება განხორციელდება წარმოდგენილი წინადადების ფასების მიხედვით.
10.1.4. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი იქნება დღგ-ს გადამხდელი საქართველოს კანონმდებლობის შესაბამისად.

10.1.5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. უცხო ენაზე შედგენილი დოკუმენტები უნდა იყოს თარგმნილი ქართულ ენაზე და დამოწმებული სანოტარო წესით.

10.1.6. საქართველოს რეზიდენტი პრეტენდენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტი უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს. არარეზიდენტი პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ.

10.1.7. პრეტენდენტ(ებ)ს არა აქვს უფლება წარმოადგინოს ალტერნატიული სატენდერო წინადადება.

10.1.8. წინადადების ფასი გამოსახული და დაფიქსირებული უნდა იყოს ეროვნულ ვალუტაში (ელექტრონული ტენდერის შესაბამის ველში) საქართველოს კანონმდებლობით განსაზრვრული ყველა გადასახდელის გათვალისწინებით.

10.1.9. სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.