Ремонт и техническое обслуживание транспортных средств и оборудования и сопутствующие услуги (Грузия - Тендер #60142469)

სსიპ საქართველოს ინტელექტუალური საკუთრების ეროვნული ცენტრის - "საქპატენტის" ბალანსზე რიცხული ავტოსატრანსპორტო საშუალებების შეკეთებისა და ტექნიკური მომსახურების (სათადარიგო ნაწილებისა და საცხებ-საპოხი მასალების გათვალისწინებით) სახელმწიფო შესყიდვა.

შესყიდვის ობიექტის ტექნიკური დავალება განისაზღვრება თანდართული დუკუმენტის - დანართი N2-ის შესაბამისად.

მომსახურების გაწევა უნდა განხორციელდეს ხელშეკრულების დადებიდან - 2025 წლის 31 დეკემბრის ჩათვლით, შემდეგი პირობებით:

1. სავალი ნაწილებისათვის არაუმეტეს 2 (ორი) კალენდარული დღე;
2. ელექტროობისათვის არაუმეტეს 3 (სამი) კალენდარული დღე;
3. სათუნუქე სამღებრო სამუშაოებისთვის არაუმეტეს 15 (თხუთმეტი) კალენდარული დღე;
4. ხანგრძლივი მომსახურების (ძრავი, ხიდი, გადაცემათა კოლოფი) გაწევის ვადა არაუმეტეს 20 (ოცი) კალენდარული დღე;
5. სხვა მომსახურება რომელიც არ არის გათვალისწინებული 1.4 (1),(2),(3),(4) პუნქტებით, არაუმეტეს 10 (ათი) კალენდარული დღე;
6. სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა არაუმეტეს 30 (ოცდაათი) კალენდარული დღე.

მომსახურების გაწევა განხორციელდება ქ. თბილისში, ქ. ქუთაისში, ქ. ბათუმსა და ქ. თელავში, მიმწოდებლის ექსპლუატაციაში არსებულ სერვის-ცენტრებში.

(1) მიმწოდებლის მიერ შეცვლილ ნაწილებზე და გაწეულ მომსახურებაზე უნდა ვრცელდებოდეს გარანტია;
(1.1) ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებაზე, ახალ (არამეორად), შეკეთებულ და მეორად ნაწილებზე საგარანტიო ვადა შეადგენს 1 წელს (თუ პრეისკურანტში არ არის მითითებული განსხვავებული საგარანტიო პირობა (ვადა/გარბენი);
(1.2) ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, საგარანტიო პერიოდში აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებისთანავე გონივრულ ვადებში, მაგრამ არაუგვიანეს სატენდერო დოკუმენტაციის 1.4 პუნქტში მითითებული მომსახურების ვადებისა გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

ტენდერში მონაწილე პრეტენდენტს უნდა ჰქონდეს ანალოგიური ან/და მსგავსი მომსახურების გაწევის გამოცდილება. 2023 - 2024 წლების განმავლობაში შესრულებული უნდა ჰქონდეს სახელმწიფო შესყიდვების ხელშეკრულების ფარგლებში, არანაკლებ 2 (ორი) ხელშეკრულება, თითოეული ხელშეკრულების მიხედვით, ფაქტობრივად გაწეული მომსახურების ჯამური ღირებულება არ უნდა იყოს 20 000.00 ლარზე ნაკლები. აღნიშნულის დასტურად, წარმოდგენილი უნდა იქნას შესაბამისი ხელშეკრულებები და შესრულებულ სამუშაოებზე გაფორმებული მიღება-ჩაბარების აქტები ან ნებისმიერი სახის დოკუმენტი, რომელიც დაადასტურებს აღნიშნული მომსახურების გაწევის ფაქტს და ამგვარი ობიექტის დამკვეთი ორგანიზაციის მიერ გაცემული მინიმუმ 1 (ერთი) დადებითი რეკომენდაცია, რომელშიც უნდა იყოს მითითებული, თუ რამდენად ხარისხიანად და დროულად შეასრულა მიმწოდებელმა ხელშეკრულებით ნაკისრი ვალდებულება.

(1) პრეტენდენტს, ქ. თბილისში, ქ. ქუთაისში, ქ. ბათუმსა და ქ. თელავში, ექსპლუატაციაში უნდა გააჩნდეს არანაკლებ 1 (ერთი) სერვის-ცენტრი;

(2) თითოეული სერვის-ცენტრი აღჭურვილი უნდა იყოს მინიმუმ 1 (ერთი):

1. კომპიუტერული დიაგნოსტიკის აპარატით;
2. ზეთის შემცვლელი ვაკუუმური ბალონით;
3. განშლადობის გასასწორებელი დანადგარით;
4. ვულკანიზაციის დანადგარით;
5. კონდიციონერის დასატუმბი აპარატით;
6. ძრავის ამოსაღები ამწით;
7. ავტო ამწით;
8. მომსახურების გაწევისთვის საჭირო სხვა თანამედროვე აპარატურით და დანადგარებით.

(3) პრეტენდენტმა სატენდერო დოკუმენტაციის დანართი N5-ის შესაბამისად, უნდა წარმოადგინოს ინფორმაცია ექსპლუატაციაში არსებული სერვის-ცენტრების შესახებ, შესაბამისი მისამართებისა და მატერიალურ-ტექნიკური ბაზის შესახებ ინფორმაციის მითითებით, რომელიც უნდა მოიცავდეს და არ უნდა ეწინააღმდეგებოდეს 2.3.1.(2) პუნქტის მოთხოვნებს;

(4) პრეტენდენტმა ასევე უნდა წარმოადგინოს საკუთრების ან/და სარგებლობის დამადასტურებელი დოკუმენტების ასლები. იმ შემთხვევაში, თუ პრეტენდენტს სერვის-ცენტრი აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით;

(5) შემსყიდველი უფლებამოსილია, ტექნიკური დავალებით გათვალისწინებულ მოთხოვნებთან შესაბამისობის დადგენის მიზნით, ადგილზე დაათვალიეროს პრეტენდენტის მიერ, სატენდერო წინადადებით წარმოდგენილი სერვისცენტრები, ხოლო, პრეტენდენტი ვალდებულია, უზრუნველყოს შესყიდველის წარმომადგენლ(ებ)ის სერვის-ცენტრებში დაშვება და დათვალიერების უზრუნველყოფა.

ქვეკონტრაქტორის არსებობის შემთხვევაში, პრეტენდენტმა უნდა წარმოადგინოს ქვეკონტრაქტორ(ებ)თან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით, სადაც მითითებული უნდა იყოს ინფორმაცია შესაბამისი სერვის-ცენტრის შესახებ).

პრეტენდენტის მიერ ერთიანი ელექტრონული სისტემის მეშვეობით წარმოსადგენი დოკუმენტებია:

1) დანართი N1 - პრეისკურანტი;

(1.1) ამასთან, პრეტენდენტმა უნდა გაითვალისწინოს, რომ განფასებული პრეისკურანტი წარმოდგენილ იქნას MS Excel ფორმატში, რომელიც არ საჭიროებს კვალიფიციურ ელექტრონულ ხელმოწერას ან/და შტამპს.

2) პრეტენდენტის გამოცდილებასთან დაკავშირებული მოთხოვნები სატენდერო დოკუმენტაციის 2.2.1 პუნქტის შესაბამისად;

3) პრეტენდენტის მატერიალურ-ტექნიკურ ბაზასთან დაკავშირებული მოთხოვნები სატენდერო დოკუმენტაციის 2.3.1 პუქნტისა და დანართი N5-ის შესაბამისად.

(1) ფასწარმოქმნის ადეკვატურობა, შესაძლებელია დასაბუთებული იქნას სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით;

(2) საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნის წარმოდგენის შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი;

(3) ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

(1) ანგარიშსწორება განხორციელდება ფაქტობრივად გაწეული მომსახურების მიხედვით, ეტაპობრივად, მხარეებს შორის გაფორმებული მიღება-ჩაბარების აქტის და სასაქონლო ზედნადების საფუძველზე;

(2) მიღება-ჩაბარება განხორციელდება ფაქტიურად გაწეული მომსახურების შესაბამისად, ეტაპობრივად, წინამდებარე ხელშეკრულებით განსაზღვრული ხელშეკრულების შესრულების ინსპექტირების განმახორციელებელი პირ(ებ)ის მიერ მომზადებული დასკვნის საფუძველზე.

(3) დაფინანსების წყარო: სსიპ საქართველოს ინტელექტუალური საკუთრების ეროვნული ცენტრის - „საქპატენტის“ 2025 წლის საკუთარი შემოსავლები.

ანგარიშსწორებისთვის საჭირო დოკუმენტაციის სრულყოფილად გაფორმებიდან არაუგვიანეს 10 (ათი) სამუშაო დღის ვადაში.

თეონა როსტომაშვილი, 598344454, trostomashvili@sakpatenti.org.ge

(1) სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ. კანონმდებლობით გათვალისწინებული გადასახადები) გათვალისწინებით;
(2) სახელმწიფო შესყიდვების შესახებ ხელშეკრულება დაიდება 20 000,00 (ოცი ათასი) ლარზე;
(3) პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე 346 006.91 (სამასორმოცდაექვსი ათას ექვსი ლარი და 91 თეთრი) ლარზე;
(4) სატენდერო დოკუმენტაციის დანართში №1 პრეტენდენტის მიერ მითითებული საქონლისა და მომსახურების ერთეულის ფასები (გრაფები №6 და №7) არ უნდა აღემატებოდეს შესაბამის პოზიციებზე შემსყიდველის მიერ მითითებულ სავარაუდო ერთეულის ფასებს (გრაფები №4 და №5), რომელიც დადგენილია ბაზრის კვლევის შედეგად;
(5) იმ შემთხვევაში, თუ პრეტენდენტი მიიღებს მონაწილეობას ელექტრონულ ვაჭრობაში, სატენდერო დოკუმენტაციის დანართი №1-ის წარმოდგენისას, დაუშვებელია რომელიმე პოზიციაზე პრეტენდენტის მიერ თავდაპირველად მითითებული ერთეულის ფასის ცვლილება მატების კუთხით;
(6) შემსყიდველის მიერ განსაზღვრული პრეისკურანტის სავარაუდო ღირებულებასა და ვაჭრობის შედეგად (ასეთის არსებობის შემთხვევაში) პრეტენდენტის მიერ ერთიან ელექტრონულ სისტემაში (ელექტრონულად) დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთაკლება პრეტენდენტმა პროცენტულად და პროპორციულად უნდა ასახოს დანართი №1-ის (პრეისკურანტი) ყველა დასახელების მომსახურებაზე, სათადარიგო ნაწილზე და საცხებ-საპოხ მასალაზე;
(7) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
(8) ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
(9) პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (პრეისკურანტი) ან ფასების ცხრილი (პრეისკურანტი) წარმოდგენილი იქნება განფასების გარეშე, ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
(10) ალტერნატიული სატენდერო წინადადება არ განიხილება;
(11) ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
(12) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.