Медицинские услуги (Грузия - Тендер #60142441)

სხვადასხვა სამედიცინო ლაბორატორიული მომსახურება-ანალიზები.

- ანალიზების დასახელება და ჩამონათვალი იხ. მიბმულ ფაილში - ფასების ცხრილი.
- ანალიზებისთვის საკვლევი მასალის აღებას უზრუნველყოფს შემსყიდველი ორგანიზაცია, ხოლო რიგ გამონაკლის შემთხვევებში (ასეთის არსებობისას) შემსყიდველი ორგანიზაციის მიმართვის
საფუძველზე - ლაბორატორია (მიმწოდებელი).
- მასალის(ნაცხის) ასაღები სახარჯი მასალას უზრუნველყოფს მიმწოდებელი (საკუთარი ხარჯებით);
- ანალიზებისათვის საკვლევი მასალის გატანა უზრუნველყოფს მიმწოდებელი (საკუთარი ხარჯებით)
შემსყიდველი ორგანიზაციიდან ყოველდღიურად, დღეში ერთხელ, ხოლო საჭიროების შემთხვევაში შემსყიდველის შეტყობინების საფუძველზე დღეში ორჯერ;
- მიმწოდებელმა ანალიზ(ებ)ის პასუხები შემსყიდველს უნდა აცნობოს ელექტრონული ფორმით, საკვლევი მასალის მიღებიდან არაუგვიანეს 48 საათისა;
- გაწეული მომსახურების ხარისხი უნდა შეესაბამებოდეს საქართველოში მოქმედ სტანდარტებსა და ნორმებს, შესრულებულ ანალიზების ხარისხზე სრული პასუხისმგებლობა ეკისრება მიმწოდებელს.

მომსახურების გაწევის ვადაა ხელშეკრულების გაფორმებიდან 2025 წლის 31 დეკემბრის ჩათვლით, შემსყიდველის საჭიროების მიხედვით. ეტაპობრივად.
ხოლო ანალიზებზე პასუხის ვადაა ანალიზის აღებიდან არაუგვიანეს 48 საათი.

საკვლევის მასალის გატანა უნდა მოხდეს სამუშაო დღეებში შემსყიდველის ქ. თბილისში მდებარე ფილიალებიდან კერძოდ შემდეგი მისამართებიდან
1. ვარკეთილის ფილიალი - კალოუბნის #16;
2. გლდანის ფილიალი - ილორის #14;
3. საბურთალოს ფილიალი - თამარაშვილი #15ა;
4. წყნეთის ფილიალი - დაბა წყნეთი, ზონა"გ" სოხუმის ქუჩა 22.
ხოლო გამონაკლის შემთხვევაში (ასეთის არსებობისას) საანალიზე მასალის აღება შესაძლებელია მოხდეს მიმწოდებლის მისამართზე ლაბორატორიაში.
ანალიზების პასუხები შემსყიდველ ორგანიზაციას უნდა ეცნობოს ელექტრონული ფორმით საკვლევი მასალის მიღებიდან არაუგვიანეს 48 საათის განმავლობაში.

პრეტენდენტს 2021 წლის 1 იანვრიდან ტენდერის გამოცხადების დღემდე პერიოდში შესრულებული უნდა ქონდეს სამედიცინო ლაბორატორიული მომსახურება არანაკლებ 30 000 (ოცდაათი ათასი) ლარის ოდენობით. რის დასადასტურებლადაც პრეტენდენტის მიერ წარმოდგენილ უნდა იქნას ხელშეკრულება (ხელშეკრულებები) და ანაზღაურების დამადასტურებელი დოკუმენტაცია მაგ. საგადახდო დავალება ან საბანკო ამონაწერი და/ან დადასტურებული საგადასახადო ანგ. ფაქტურა.
იმ შემთხვევაში თუ ხელშეკრულება მოიცავს ლაბორატორიული მომომსახურების გარდა სხვა ტიპის მომსახურებასაც, ხოლო ანაზღაურების დამადასტურებელ დოკუმენტაციაში ან საგადასახადო ანგარიშფაქტურაში არ იდენტიფიცირდება თუ რა მომსახურებას ეხება აღნიშნული შესაძლებელია დაზუსტების სახით მოთხოვნილ იქნას დამატებითი ინფორმაცია, მაგ. ბუღალტრული შედარების აქტი ან სხვა დოკუმენტი რომლითაც უზრუნველყოფილი იქნება ამ მომსახურების გაწევისა და ანაზღაურების იდენტიფიცირება.
თუ მომსახურების მიწოდება განხორციელებულია სახელმწიფო შესყიდვის ფარგლებში საკმარისია შესყიდვის შესაბამისი ნომრების მითითება.

პრეტენდენტის მიერ მომსახურებაში ჩასართავ პერსონალს (არანაკლებ 1 პერსონა) უნდა გააჩნდეს კვალიფიკაციის დამადასტურებელი შესაბამისი დოკუმენტი პროფილურ სპეციალობაში - ლაბორატორიულ მედიცინაში.

აღნიშნულის დასადასტურებლად წარმოდგინილ უნდა იქნას შემდეგი დოკუმენტები:

ა) დანიშვნის ბრძანება/შრომითი ხელშეკრულება;
ბ) ექიმ-სპეციალისტ(ებ)ის მოქმედი სახელმწიფო სერთიფიკატი პროფილურ სპეციალობაში - ლაბორატორიულ მედიცინაში.

შენიშვნა: საკმარისია 1 პერსონა, რომელიც დააკმაყოფილებს ზემოაღნიშნულ პირობებს.

პრეტენდნტის მიერ წარმოდგენილ უნდა იქნეს სამედიცინო და ლაბორატორიული საქმიანობის წარმოების უფლებასთან დაკავშირებული შესაბამისი მოქმედი ლიცენზია/უფლების დამადასტურებელი დოკუმენტაცია.

პრეტენდენტის მიერ წარმოსადგენია:
1. ფასების ცხრილი (შესაძლებელია წარმოდგენილი იქნას ექსელის ფორმატში);
2. ინფორმაცია გამოცდილების შესახებ;
3. ინფორმაცია პერსონალის შესახებ;
4. სამედიცინო და ლაბორატორიული საქმიანობის წარმოების უფლებასთან დაკავშირებული შესაბამისი მოქმედი ლიცენზია/უფლების დამადასტურებელი დოკუმენტაცია;

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე.

დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%–ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობის ანუ ფასწარმოქმნის ადეკვატურობის დასაბუთებას.

ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების სრულად შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი, რომელთა შესაბამისობა დადგენილი იქნება მიმდინარე პერიოდისათვის მოქმედი კანონმდებლობის შესაბამისად) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით და მისი შესრულების დამადასტურებელი დოკუმენტით, რომელიც ადასტურებს პრეტენდენტის მიერ ელექტრონული ვაჭრობის შედეგად დაფიქსირებულ საბოლოო ფასად ტენდერით გათვალისწინებული შესყიდვის ობიექტის სრულად მოწოდების შესაძლებლობას, როგორც ერთეულის ფასების ასევე საერთო ღირებულებასთან მიმართებაში.

ანგარიშსწორება განხორციელდება ეტაპობრივად, ყოველთვიურად გაწეული მომსახურების შესაბამისად მხარეებს შორის გაფორმებული მიღება-ჩაბარების აქტის საფუძველზე.

ანგარიშსწორება განხორციელდება მხარეთა შორის გაფორმებული მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში;

გიორგი კეპულაძე, 577422738, centrediomedi@gmail.com

სატენდერო წინადადების ფასი:
• გასაწევი მომსახურების ერთეულის ღირებულებები უნდა შეიცავდეს მიმწოდებლის ყველა ხარჯს და საქართველოს კანონმდებლობით დადგენილ ყველა გადასახადს.
• გასაწევი მომსახურების ღირებულების წარმოდგენა დასაშვებია მხოლოდ ეროვნულ ვალუტაში - ლარში.
• ხელშეკრულების ღირებულების თანხა აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.
• პრედენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე დაფიქსირებულ ზღვრული ღირებულებებს;
• პრეტენდენტის მიერ წარმოდგენილ მომსახურების პრეისკურანტში მოცემული მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასების გათვალისწინებით;
• პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

შენიშვნა:
ხელშეკრულების დადების შემდეგ, პრეისკურანტში სამუშაოს ან მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი სამუშაოს ან მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს