Медицинские услуги (Грузия - Тендер #60142440)

შესყიდვის ობიექტია სხვადასხვა რენტგენოლოგიური მომსახურება შპს "სამედიცინო ცენტრი დიომედი"-ს ვარკეთილის ფილიალისათვის.

- რენტგენოლოგიური მომსახურებების ჩამონათვალი და დასახელებები იხილეთ მიბმულ ფაილში.
- მომსახურება გაწეულ უნდა იქნას მიმწოდებელ სამედიცინო პროფილის ერთ დაწესებულებაში
(სახეობების მიხედვით დაყოფა და სხვა მისამართზე გადამისამართება დაუშვებელია);
- მომსახურება პაციენტისათვის გაწეულ უნდა იქნას შემსყიდველი ორგანიზაციის მიმართვის საფუძველზე,
პაციენტისთვის ლოდინის პერიოდი არ უნდა აღემატებოდეს 1 საათს;
- მომსახურების სპეციფიკიდან გამომდინარე სავალდებულოა რომ პრეტენდენტის/მიმწოდებლის სამედიცინო დაწესებულება მდებარეობდეს შემსყიდველის მისამართიდან - (თბილისი, ვარკეთილი, კალოუბნის #16) არაუმეტეს 3 კმ. რადიუსში.

პაციენტებისთვის მომსახურების გაწევა უნდა განხორციელდეს არანაკლებ:
- სამუშაო დღეებში, ორშ.-პარ. 9:30 – 17:30 საათების შუალედში;
- არასამუშაო დღეებში, შაბ.-კვ. (გარდა ოფიციალური უქმეებისა) 10:00 – 15:00 საათების შუალედში;

- გაწეული მომსახურების შედეგები პაციენტებს უნდა გადაეცეთ კვლევის დასრულების შემდეგ ნაბეჭდი და შესაბამისი ფირის ფორმით;
-მომსახურება უნდა განხორციელდეს აღნიშნულ სფეროში საქართველოში მოქმედი კანონმდებლობის მოთხოვნების შესაბამისად.
- გაწეული მომსახურების ხარისხი უნდა შეესაბამებოდეს საქართველოში მოქმედ სტანდარტებსა და ნორმებს, შესრულებული მომსახურების ხარისხზე სრული პასუხისმგებლობა ეკისრება მიმწოდებელს.

სატენდერო წინადადების ფასი:
• გასაწევი მომსახურების ერთეულის ღირებულებები უნდა შეიცავდეს მიმწოდებლის ყველა ხარჯს და საქართველოს კანონმდებლობით დადგენილ ყველა გადასახადს.
• გასაწევი მომსახურების ღირებულების წარმოდგენა დასაშვებია მხოლოდ ეროვნულ ვალუტაში - ლარში.
• ხელშეკრულების ღირებულების თანხა აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.
• პრედენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე დაფიქსირებულ ზღვრული ღირებულებებს;
• პრეტენდენტის მიერ წარმოდგენილ მომსახურების პრეისკურანტში მოცემული მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასების გათვალისწინებით;
• პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

შენიშვნა:
ხელშეკრულების დადების შემდეგ, პრეისკურანტში მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი სამუშაოს ან მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

ხელშეკრულების გაფორმებიდან 2025 წლის 31 დეკემბრის ჩათვლით. შემსყიდველის მოთხოვნიის შესაბამისად

მომსახურება უნდა განხორციელდეს მიმწოდებელ სამედიცინო პროფილის დაწესებულებაში, შემსყიდველის მიერ გაცემული შესაბამისი მიმართვის საფუძველზე.

პრეტენდენტს 2021 წლის 1 იანვრიდან ტენდერის გამოცხადების დღემდე უნდა გააჩნდეს სამედიცინო მომსახურების და მათ შორის რენტგენოლოგიური მომსახურების განხორციელების გამოცდილება - არანაკლებ 3 ხელშეკრულების ფარგლებში.
აღნიშნულის დადასტურება პრეტენდენტს შეუძლია:
1. წარმოადგინოს ხელშეკრულებები (არანაკლებ 3) და შესაბამისი მიღება ჩაბარების აქტები და/ან დადასტურებული საგადასადახადო ანგარიშ-ფაქტურა.
ან
2. წარმოადგინოს დამკვეთების (არანაკლებ 3) წერილობითი შეტყობინება/დადასტურება სადაც მოცემული უნდა იყოს: ხელშეკრულების საგანი (სამედიცინო მომსახურება, მათ შორის რენტგენოლოგიური მომსახურება), ხელშეკრულების მხარეები, დადების თარიღი, დასრულების ან მიმდინარეობის შესახებ ინფორმაცია. ასეთის არსებობის შემთხვევაში წერილობითი დოკუმენტი გაცემული უნდა იქნეს წინამდებარე ტენდერის გამოცხადების შემდეგი თარიღით.

იმ შემთხვევაში თუ გამოცდილება არსებობს სახელმწიფო შესყიდვების გზით საკმარისია შესყიდვის შესაბამისი ნომრების მითითება.

პრეტენდენტს მიერ წარმოდგენილი უნდა იქნას ინფორმაცია ამავე სამედიცინო დაწესებულებაში დასაქმებული ექიმი რადიოლოგის (რენტგენოლოგი) შესახებ. კერძოდ: წარმოდგენილ უნდა იქნას, მხარეთა შორის გაფორმებული შრომითი ხელშეკრულება, და ექიმის კვალიფიკაციის დამადასტურებელი დოკუმენტი (დიპლომი, ლიცენზია და სხვ.).

პრეტენდენტმა უნდა წარმოადგინოს რენტგენოლოგიური მომსახურების წარმოების უფლებასთან დაკავშირებული შესაბამისი მოქმედი ლიცენზია/უფლების დამადასტურებელი დოკუმენტაცია;

პრეტენდენტის მიერ წარმოსადგენია:
1. ფასების ცხრილი;
2. სამედიცინო და რენტგენოლოგიური მომსახურების წარმოების უფლებასთან დაკავშირებული შესაბამისი მოქმედი ლიცენზია/უფლების დამადასტურებელი დოკუმენტაცია;
3. ინფორმაცია გამოცდილებასთან დაკავშირებით.
4. ინფორმაცია პერსონალთან დაკავშირებით.
5. დაწესებულების (სადაც მოხდება შემსყიდველის ფილიალებიდან მისული პაციენტებისათვის მოსახურების გაწევა) მისამართი, რომლის მიხედვით უნდა დასტურდებოდეს დაწესებულების შემსყიდველის მისამართიდან 3 კმ.-ს რადიუსში არსებობა.


ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე.

დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%–ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობის ანუ ფასწარმოქმნის ადეკვატურობის დასაბუთებას.

ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების სრულად შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი, რომელთა შესაბამისობა დადგენილი იქნება მიმდინარე პერიოდისათვის მოქმედი კანონმდებლობის შესაბამისად) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით და მისი შესრულების დამადასტურებელი დოკუმენტით, რომელიც ადასტურებს პრეტენდენტის მიერ ელექტრონული ვაჭრობის შედეგად დაფიქსირებულ საბოლოო ფასად ტენდერით გათვალისწინებული შესყიდვის ობიექტის სრულად მოწოდების შესაძლებლობას, როგორც ერთეულის ფასების ასევე საერთო ღირებულებასთან მიმართებაში.

ანგარიშსწორება განხორციელდება ეტაპობრივად, ყოველთვიურად გაწეული მომსახურების შესაბამისად მხარეებს შორის გაფორმებული მიღება-ჩაბარების აქტის საფუძველზე.

ანგარიშსწორება განხორციელდება მხარეთა შორის გაფორმებული მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში;

გიორგი კეპულაძე, 577422738, centrediomedi@gmail.com