Ремонт и техническое обслуживание транспортных средств и оборудования и сопутствующие услуги (Грузия - Тендер #60116797)

ხაშურის მუნიციპალიტეტის ბალანსზე არსებული ავტომანქანების რეცხვის მომსახურების შესყიდვა

1. მიმწოდებელმა უნდა უზრუნველყოს ხაშურის მუნიციპალიტეტის ბალანსზე არსებული ავტომანქანების რეცხვის მომსახურების გაწევა (ხელით რეცხვა/მაღალი წნევის დანადგარი) ეტაპობრივად;

2. რეცხვის მომსახურება უნდა განხორციელდეს მიმწოდებლის მიერ შემსყიდველის მიერ ავტოსამრეცხაოზე მისი წარდგენისას, მოცდის გარეშე;

3. მიმწოდებელმა უნდა უზრუნველყოს ავტომანქანის ძარის, სალონისა და საბარგულის გარეცხვა/გასუფთავება. რეცხვისას გამოყენებული უნდა იყოს მაღალი წნევის რეცხვის დანადგარი და სპეციალური სარეცხი საშუალებები (ქაფი, გელი, სპეციალური სითხეები, საბურავის საწმენდი საშუალებები და სხვა);

4. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს.

5. „მიმწოდებელს“ უნდა გააჩნდეს არანაკლებ 2 ავტომანქანის ერთდროულად გარეცხვის ტექნიკური შესაძლებლობა.

6. საჭიროების შემთხვევაში ქიმწმენდის მომსახურების გაწევა უნდა უზრუნველყოს შემსყიდველის უფლებამოსილი წარმომადგენლის შეკვეთის დაფიქსირებიდან არაუგვიანეს 24 საათისა.

7. მიმწოდებელმა ავტომობილ(ებ)ის რეცხვა უნდა უზრუნველყოს კვირის ნებისმიერ დღეს
09:00 – 20:00 საათამდე;

8. სამრეცხაოს მუშაობის პროცესში შეფერხებ(ებ)ის შემთხვევაში მიმწოდებელი ვალდებულია შემსყიდველს შესთავაზოს მომსახურებისთვის ალტერნატიული ადგილი.

ხელშეკრულების გაფორმებიდან 2025 წლის 31 დეკემბრის ჩათვლით.

ავტომანქანების რეცხვითი მომსახურების გაწევა უნდა განხორციელდეს მიმწოდებლის სამრეცხაო ობიექტზე, ქალაქ ხაშური, ტაბიძის ქ.N2-დან არაუმეტეს 5 კმ-ის რადიუსში (საავტომობილო გზით).

1. შესყიდვაში მონაწილეობის მსურველ პირს, ტენდერით გათვალისწინებული მომსახურების გაწევისათვის, ხაშურის მუნიციპალიტეტის ტერიტორიაზე, კანონიერ მფლობელობაში ან სარგებლობის ნებისმიერი ფორმით (თხოვება, ქირა და ა.შ.) უნდა გააჩნდეს არანაკლებ 1 (ერთი) ერთეული ავტოსამრეცხაო ობიექტი, არანაკლებ 2 (ორი) სამრეცხაო ბოქსით, პერსონალით, ტექნიკური საშუალებებით;

2. ავტოსამრეცხაოს საკუთრების შემთხვევაში წარმოდგენილი უნდა იქნეს საკუთრების დამადასტურებელი დოკუმენტი, ხოლო საქართველოს კანონმდებლობით ნებადართული სარგებლობის ნებისმიერი ფორმის (იჯარის, თხოვების და დაქირავების) შემთხვევაში წარმოდგენილი უნდა იქნეს შესაბამისი ხელშეკრულება (მესაკუთრის საკუთრების დამადასტურებელი დოკუმენტ(ებ)ის დართვით), რომლის მოქმედების ვადა არ უნდა იყოს მომსახურების დასრულების ვადაზე ნაკლები.

სატენდერო დოკუმენტაციის გაფასებული ცხრილი N1 ხელმოწერილი და ბეჭედდასმული უნდა იქნას (ბეჭდის არსებობის შემთხვევაში) პრეტენდენტი იურიდიული პირის ხელმძღვანელის მიერ ან/და უფლებამოსილი პირის მიერ (უფლებამოსილი პირის შემთხვევაში ატვირთული უნდა იქნას მინდობილობა ან რწმუნებულება), წინააღმდეგ შემთხვევაში პრეტენდენტი ექვემდებარება დისკვალიფიკაციას.

იმ შემთხვევაში, თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია პრეისკურანტის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო დასკვნასთან ერთად დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარმოუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

ანგარიშსწორება განხორციელდება მხარეთა მიერ ხელშეკრულებით გათვალისწინებული მომსახურების გაწევის შემდეგ ხელმოწერილი მიღება-ჩაბარების აქტისა და საგადასახადო ანგარიშფაქტურის/სასაქონლო ზედნადების/საგადასახადო დოკუმენტის საფუძველზე

ანგარიშსწორება მოხდება უნაღდო ანგარიშსწორებით ლარში, 10 (ათი) სამუშაო დღის ვადაში.

მაია კანთელაშვილი, 599112976, khashuri.sheskidvebi@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სახელმწიფო შესყიდვების ერთიანი ელექტრონული სისტემის შესაბამისი კითხვა-პასუხის მოდულის მეშვეობით ანდა შემსყიდველი ორგანიზაციის სატენდერო კომისიის აპარატში

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად;
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 უცხოენოვან დოკუმენტსა და მის ქართულ ენაზე შესრულებულ თარგმანს შორის შეუსაბამობის შემთხვევაში პრიორიტეტის მინიჭების საკითხს წყვეტს სატენდერო კომისია.
10.1.4 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით;
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო წინადადებაში საერთო და ერთეულის ფასი გამოსახული უნდა იყოს ეროვნულ ვალუტაში.