Ресторан и подача блюд (Грузия - Тендер #60043057)

სსიპ - თეიმურაზ ჯორბენაძის სახელობის ქალაქ ქობულეთის N3 საჯარო სკოლის ინკლუზიური განათლების ცენტრის მოსწავლეებისათვის კვებითი მომსახურების მოწოდება.

1.2.1 შესყიდვის ობიექტის რაოდენობა 30 მოსწავლეზე მოცემულია ფასების ცხრილი დანართი #2-ში.

1.2.2. მიმწოდებელი უზრუნველყოფს საკვების მიტანას ადგილზე შემსყიდველის იურიდიულ მისამართზე- ქ.ქობულეთი რუსთაველის ქ#168 (სსიპ - თეიმურაზ ჯორბენაძის სახელობის ქალაქ ქობულეთის N3 საჯარო სკოლა).

1.2.3. დაუშვებელია საკვების მოწოდება პოლიეთილენის პარკებით.

1.2.4. ყველა კერძი უნდა იყოს ახლად მომზადებული, მენიუს შესაბამისად. მიმწოდებელი ვალდებულია უზრუნველყოს მისაწოდებელი კერძების დამზადება ეკოლოგიურად სუფთა, ახალი, მაღალხარისხიანი და ჯანსაღი პროდუქტებისგან.

1.2.5. საკვების საგემოვნო თვისებები და კვებითი ღირებულება უნდა შეესაბამებოდეს ამ სფეროში არსებულ სტანდარტებსა და ნორმებს.

1.2.6. საკვები პროდუქტების ტრანსპორტირება უნდა განხორციელდეს ჰიგიენური ნორმების დაცვით.

1.2.7. მიმწოდებელი პასუხს აგებს საკვების ვარგისიანობაზე, ხარისხზე და გამოშვებისა და მოხმარებისათვის განკუთვნილ ვარგისიანობის ვადის დაცვაზე.

1.2.8. შემსყიდველი პერიოდულად (არაუგვიანეს დღის 12 საათისა) უზრუნველყოფს ინფომაციის მიწოდებას გამოსაკვები მოსწავლეების რაოდენობის შესახებ.

1.2.9. მიმწოდებელი ვალდებულია ყოველი ანგარიშსწორების წინ წარუდგინოს შემსყიდველს კალკულაცია სადაც მითითებული უნდა იყოს მზა პროდუქციის წონა და ფასი;

1.2.10. მოსწავლეთა კვებით უზრუნველყოფა მომწოდებლის მიერ ხორციელდება სასწავლო კვირის განმავლობაში ყოველდღე (ორშაბათი-პარასკევი) დღეში 1- ჯერ, ხემსის სახით.

1.2.11. მომსახურების გაწევა უნდა განხორციელდეს სატენდერო დოკუმენტაციის ტექნიკური დავალების სრული გათვალისწინებით და დაცვით.

1.2.12. ცხრილში მოცემულია საქონლის (დღიურად მიწოდების) საორიენტაციო რაოდენობა, რაც შესაძლებელია არ იქნას სრულად ათვისებული შემსყიდველის მხრიდან.

1.2.13. ტექნიკური პირობები - ერთ მოსწავლეზე გათვლილი მენიუ მოცემულია დანართი #1-ში (კვების მენიუ).

მიმწოდებელმა შესყიდვის ობიექტის მიწოდება უნდა განახორციელოს, შემსყიდველის მოთხოვნის შესაბამისად ხელშეკრულების გაფორმებიდან 2025 წლის 27 დეკემბრის ჩათვლით.

1) საქონლის მიწოდების/მომსახურების გაწევის ფორმაა: კვების მომსახურება

2) მომსახურების გაწევა უნდა განხორციელდეს ქალაქი ქობულეთი რუსთაველის ქ#168

შესყიდვაში მონაწილეობის მსურველ პირს უნდა ჰქონდეს უკანასკნელი ორი წლის (2023-2024 წელი) განმავლობაში მინიმუმ 10 000 (ათი ათასი) ლარის ღირებულების ანალოგიური მომსახურების მიწოდების გამოცდილება, აღნიშნულის დასტურად ტენდერში მონაწილე პრეტენდენტმა უნდა წარმოადგინოს ანალოგიური მომსახურების გაწევაზე (კვებითი მომსახურება) გაფორმებული ხელშეკრულებ(ებ)ის ასლ(ებ)ი და ამ მომსახურების მიწოდების დამადასტურებელი დოკუმენტები (მიწოდებული მომსახურების მიღება-ჩაბარების აქტ(ებ)ი).წარმოდგენილი დოკუმენტით უნდა დასტურდებოდეს გაწეული მომსახურების ღირებულება და მომსახურების გაწევის პერიოდი.

იმ შემთხვევაში თუ, მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით (w.w.w. http://procurement.gov.ge/) და შესყიდვის ობიექტის მიღება-ჩაბარების აქტი დამკვეთის (შემსყიდველი) მიერ ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს დოკუმენტაცია/ინფორმაცია სახელმწიფო შესყიდვების ერთიან ელექტრონულ სისტემის საშუალებით ჩატარებული შესყიდვის საშუალების ნომრის შესახებ.

მომწოდებელი, რომელთანაც გაფორმდება სახელმწიფო შესყიდვების შესახებ ხელშეკრულება ვალდებულია დაიცვას და შეასრულოს საქართველოს განათლებისა და მეცნიერების მინისტრის 2023 წლის 24 ნოემბრის MES 5 23 0001601881 ბრძანებით დამტკიცებული ,,ზოგადსაგანმანათლებლო დაწესებულებებში კვების ობიექტის ფუნქციონირებისთვის დადგენილი მინიმალური მოთხოვნები“ დადგენილი რეგულაციები. (იხ.მიბმული ფაილი).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერთიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ეტაპობრივი და საბოლოო ანგარიშწორება განხორციელდება ხელშეკრულებით დადგენილი წესით მიღება-ჩაბარების აქტის გაფორმების საფუძველზე.

მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში.

ნანა მენაბდე, 599902018, qobuleti3sajaroskola@gmail.com