Ремонт и техническое обслуживание транспортных средств и оборудования и сопутствующие услуги (Грузия - Тендер #60043014)

: შპს. ადამ ბერიძის სახელობის ნიადაგის, სურსათისა და მცენარეთა ინტეგრირებული დაცვის დიაგნოსტიკური ცენტრი ,,ანასეული’’-ის ბალანსზე რიცხული სატრანსპორტო საშუალებებისა და მათთან დაკავშირებული მოწყობილობების შეკეთება, ტექნიკური მომსახურება.

1. პრეტენდენტს უნდა გააჩნდეს ავტომანქანის შეკეთების ყველა აუცილებელი საშუალება და პირობა. მომსახურების გაწევა უნდა განხორციელდეს ოზურგეთის მუნიციპალიტეტის ტერიტორიაზე, ან ოზურგეთიდან არაუმეტეს 5 კმ-ის დაშორებით.
1.1. პრეტენდენტს დამატებით უფლება აქვს წარმოადგინოს ინფორმაცია (საკუთრების, იჯარის, ქირავნობის დამადასტურებელი ) იმის შესახებ, გააჩნია თუ არა საქართველოს სხვა მუნიციპალიტეტებში ასევე ქალაქ თბილისში ავტოტექმომსახურების სერვისი და საჭიროების დადგომის შემთხვევაში შეძლებს თუ არა მომსახურების გაწევას.
2. სატრანსპორტო საშუალებების შეკეთება და ტექნიკური მომსახურება (სერვისი-სათადარიგო ნაწილები) გულისხმობს ავტოსატრანსპორტო საშუალებების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ავტომობილის ნაწილების შეკეთებას და/ან გამოცვლას, რაც გათვალისწინებულია პრეისკურანტით.
3. სატრანსპორტო საშუალებების დაზიანებული ნაწილები უნდა შეიცვალოს ახალი, ქარხნული წესით დამზადებული ორიგინალი სათადარიგო ნაწილებით (შემსყიდველთან შეთანხმების შემთხვევაში, მეორადი ნაწილებით); შეცვლილი დეტალი უნდა გადაეცეს ,,შემსყიდველ"-ს.
4. შემსყიდველის მიერ ავტომანქანის მიმწოდებლის სერვისცენტრში მიყვანისთანავე მიმწოდებელი ვალდებულია შეადგინოს სადეფექტო აქტი, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, აგრეთვე, მომსახურების დაწყებისა და დასრულების ვადები და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის დასახელების ან/და რაოდენობის კორექტირება ობიექტური მიზეზით) შემთხვევაში მისი ორივე მხარის მიერ ხელმოწერის შემდეგ მიმწოდებელმა უნდა დაიწყოს მომსახურების განხორციელება პრეისკურანტით განსაზღვრული ფასების შესაბამისად. იმ შემთხვევაში თუ მიმწოდებელი აჭიანურებს სადეფექტო აქტის შედგენას ან არ აწერს დეფექტურ აქტს ხელს, შემსყიდველს უფლება აქვს ცალმხრივად შეწყვიტოს ხელშეკრულება მიმწოდებელთან.
5. იმ შემთხვევაში, თუ განფასების ცხრილში (პრეისკურანტში) არ არის საჭირო მომსახურება ან/და სათადარიგო ნაწილი მითითებული, მისი ფასი დგინდება მხარეთა შორის შეთანხმებით, საბაზრო ფასების გათვალისწინებით.
6. იმ შემთხვევაში, თუ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით დაუყოვნებლივ ან გონივრულ ვადაში შემსყიდველთან შეთანხმებით.
7. პრეისკურანტში მოცემული მომსახურება შესაძლებელია სრულად არ შეისყიდოს „შემსყიდველმა“ და ანგარიშსწორება განხორციელდება ფაქტიურად გაწეული მომსახურების შესაბამისად, ერთეულის ღირებულების შეუცვლელად.


MITSUBISHI PICK-UP ( საწვავი დიზელი) გამოშვების წელი 2012. ორი ერთეული
SUZUKI JIMNY 1.31 მაღალი გამავლობის (საწვავი ბენზინი) გამოშვების წელი 2012. ორი ერთეული
FORD FIESTA ჰეჩბეკი (საწვავი ბენზინი) გამოშვების წელი 2015 . ერთი ერთეული
GREAT WALL Wingle (საწვავი ბენზინი) გამოშვების წელი 2015 წელი. ერთი ერთეული
GREAT WALL h2 .; (საწვავი ბენზინი) გამოშვების წელი 2015 წელი. ერთი ერთეული

1. მომსახურების გაწევის ვადა განისაზღვრება ხელშეკრულების ხელმოწერის დღიდან 2025 წლის 31 დეკემბრის ჩათვლით.
2. მიმწოდებელმა ავტომობილის მომსახურება უნდა გაწიოს დაუყოვნებლივ, დაიწყოს დაუყოვნებლივ და დაასრულოს არაუგვიანეს მომდევნო სამუშაო დღისა, ხოლო იმ შემთხვევაში თუ აღნიშნულ ვადებში შესაბამისი ავტოსათადარიგო ნაწილის არ ქონის ან ტექნიკური სირთულის გამო ვერ ხერხდება მომსახურების დასრულება, მომსახურება დასრულებული უნდა იქნეს მხარეთა შორის განსაზღვრულ გონივრულ ვადაში.

მომსახურების გაწევა იწარმოებს მიმწოდებლის სერვის ცენტრში.

1. გასაწევი მომსახურების ხარისხი უნდა შეესაბამებოდეს მსგავსი მომსახურებისათვის დადგენილ სტანდარტებს;
2. გაწეულ მომსახურებაზე და შეცვლილ ნაწილებზე უნდა ვრცელდებოდეს გარანტია:
ა) აგრეგატები და ელექტროობა - არანაკლებ 6 თვე;
ბ) სავალი ნაწილები - არანაკლებ 6 თვე.
3.საგარანტიო პერიოდში მიმწოდებელი ვალდებულია დაუყოვნებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.

1.ტენდერში მონაწილე პრეტენდენტს ტენდერით გათვალისწინებული სამუშოების ჩასატარებლად უნდა გააჩნდეს (პრეტენდენტის მიერ მოცემულ ფაქტიურ მისამართზე) საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით (ქირა, თხოვება და ა.შ.) თანამედროვე ტექნიკური მოთხოვნების შესაბამისი შემდეგი მატერიალურ-ტექნიკური ბაზა:
1. ამწე მექანიზმი - 4 ცალი
2. კომპიუტერული დიაგნოსტიკა
3. ძრავში, კოლოფში, ხიდებში - ზეთის შეცვლის დანადგარები
4. კონდიციონერის დასატუმბი დანადგარი
5. თვლების შეყრის დანადგარი
6. ვულკანიზაციის და დისკების გასასწორებელი დანადგარები
7. სამღებრო საშრობი
8. ავტომობილის გასაჭიმი "რობოტი" დანადგარი

2. პრეტენდენტმა აღნიშნული მატერიალურ–ტექნიკური აღჭურვილობის იჯარით ან საკუთრების სარგებლობის შემთხვევაში, იჯარის ან საკუთრების ან სხვა რაიმე დამადასტურებელი დოკუმენტები უნდა ატვირთოს ერთიან ელექტრონულ სისტემაში ტექნიკურ დოკუმენტაციასთან ერთად (შეძენის დამადასტურებელი დოკუმენტი).

გამარჯვებული მიმწოდებლის მიერ სისტემაში დაფიქსირებულ საბოლოო ფასსა და სავარაუდო ღირებულებას შორის 20%-სა და მეტის სხვაობის შემთხვევაში, მიმწოდებელმა შემსყიდველის მოთხოვნის შემთხვევაში უნდა დაასაბუთოს ფასწარმოქმნის ადეკვატურობა და ამ ფასად მიწოდების შესაძლებლობა, რისთვისაც მიმწოდებელი ვალდებულია, წარმოადგინოს ექსპერტის ან/და აუდიტორის მიერ გაცემული დასკვნა. ზემოხსენებული დასკვნის წარმოუდგენლობა ავტომატურად გამოიწვევს შესაბამისი მიმწოდებლის დისკვალიფიკაციას.

1.ანგარიშსწორება განხორციელდება უნაღდო ანგარისწორებით, ეროვნულ ვალუტაში;
2. ეტაპობრივი ანგარიშსწორება განხორციელდება ავტო-ტექ მომსახურების გაწევის შემდგომ, შესაბამისი დოკუმენტაციის (მიღება-ჩაბარების აქტი, სადეფექტო აქტი, საგადახადო ანგარიშფაქტურა) წარმოდგენის შემთხვევაში.

ხელშეკრულების პირობების შესრულების დამადასტურებელი დოკუმენტაციის წარმოდგენიდან 10 სამუშაო დღის განმავლობაში.

პაატა ბერიშვილი, 577304040, paataberishvili76@gmail.com