Ремонт и техническое обслуживание транспортных средств и оборудования и сопутствующие услуги (Грузия - Тендер #60042999)

შპს ,,ეკოსერვის ჯგუფი“-ს ბალანსზე რიცხული სხვადასხვა მარკის ავტოსატრანსპორტო საშუალებების შეკეთება/ტექნიკური მომსახურების სახელმწიფო შესყიდვა (ავტოსატრანსპორტო საშუალებების ჩამონათვალი იხილეთ სატენდერო პირობების 1.2 მუხლის დანართ N1-ში).

1.2.1 მიმწოდებელი ვალდებულია ხელმოწერით დაუდასტუროს შემსყიდველის უფლებამოსილ წარმომადგენელს ავტოსატრანსპორტო საშუალების სერვის ცენტრში შესვლის დრო (ავტოსატრანსპორტო საშუალების სერვის ცენტრში შესვლის აქტის (დანართი N2) ხელმოწერაზე უფლებამოსილი პირის/პირების შესახებ ინფორმაცია მიმწოდებლმა შემსყიდველს უნდა აცნობოს ხელშეკრულებაში მითითებული ელექტრონული ფოსტის საშუალებით, ხელშეკრულების გაფორმებიდან 3 სამუშაო დღის ვადაში).
1.2.2 ავტოსატრანსპორტო საშუალების სერვის ცენტრში შესვლიდან 2 (ორი) სამუშაო დღის ვადაში მიმწოდებელმა უნდა უზრუნველყოს ავტოსატრანსპორტო საშუალების დათვალიერება (შემოწმება) და ამავე ვადაში დეფექტური აქტის (დანართი N3) შედგენა და შემსყიდველის წარმომადგენლისთვის მისი გაცნობა (უზრუნველყოს ფიზიკურად გაცნობა ან ხელშეკრულებაში მითითებულ ელექტრონული ფოსტის მისამართზე/მისამართებზე გადაგზავნა). შემსყიდველის თანხმობის გარეშე (დეფექტური აქტის ხელმოწერის ან ხელშეკრულებაში მითითებული ერთ-ერთი ელექტრონული ფოსტიდან თანხმობის მიღების გარეშე) ავტომანქანის შეკეთების შემთხვევაში, კომპანია იტოვებს უფლებას არ აუნაზღაუროს მომწოდებელს გაწეული მომსახურების ღირებულება;
1.2.3 მომსახურების გაწევის ვადები თითოეულ შემთხვევაზე არ უნდა აღემატებოდეს: სავალი ნაწილებისთვის - 3 (სამი) სამუშაო დღეს, ელექტროობისთვის - 3 (სამი) სამუშაო დღეს, ძირითადი აგრეგატებისთვის - 5 (ხუთი) სამუშაო დღეს (დეფიციტური ნაწილის მიწოდების საჭიროების შემთხვევაში, მომსახურების გაწევის ვადა უნდა განისაზღვროს არაუმეტეს 30 (ოცდაათი) კალენდარული დღით, რაც უნდა დაფიქსირდეს დეფექტურ აქტში).
1.2.4 ამ მუხლის 1.2.3 პუნქტში მოცემული ვადების ათვლა დაიწყება 1.2.2 პუნქტის შესაბამისად შემსყიდველის მიერ დეფექტური აქტის ხელმოწერის დღიდან ან ხელშეკრულებაში მითითებული ერთ-ერთი ელექტრონული ფოსტიდან გაცემული თანხმობის მომენტიდან.
1.2.5 მიმწოდებელმა მომსახურების გაწევამდე, შემსყიდველს უნდა წარუდგინოს თითოეულ ავტოსატრანსპორტო საშუალებაზე სრულყოფილად შევსებული დეფექტური აქტი - დანართი N3, ხოლო მომსახურების გაწევის შემდგომ შუალედური მიღება-ჩაბარების აქტი - დანართი N4. აღნიშნული დანართების საფუძველზე გაფორმდება ყოველთვიური (ყოველი თვის ბოლოს) ტექნიკური მომსახურების დამადასტურებელი მიღება-ჩაბარების აქტი - დანართი N5.
1.2.6 მომსახურება გაწეულ უნდა იქნას ქალაქ თბილისის მასშტაბით, დაუყოვნებლივ, რიგგარეშე, საჭიროების შემთხვევაში, მობილური ჯგუფის მეშვეობით.
1.2.7 მომსახურების გაწევის დამადასტურებელი დოკუმენტაცია (გარდა ელექტრონული დოკუმენტაციისა) მიმწოდებელმა შემსყიდველს უნდა წარუდგინოს შემსყიდველის სათაო ოფისში შემდეგ მისამართზე: ქალაქი თბილისი, მედეა (მზია) ჯუღელის ქუჩა N1, მესამე სართული, შპს ,,ეკოსერვის ჯგუფის“ ცენტრალური ოფისი.
1.2.8 მიმწოდებელმა მომსახურების გაწევის პერიოდში უნდა გამოიყენოს ახალი (ექსპლუატაციაში არ მყოფი) და არა მეორადი სათადარიგო ნაწილები, დანართი N6-ში მოცემული გამონაკლისების გარდა.
1.2.9 მომსახურება მიმწოდებლის მიერ გაწეული უნდა იქნეს სრულად საკუთარი მასალით/სათადარიგო ნაწილებით;
1.2.10 პრეტენდენტის სერვისცენტრი დაკომპლექტებული უნდა იყოს მაღალკვალიფიციური სპეციალისტებით.
1.2.11 თუ მომსახურების პროცესში აღმოჩნდება რომ საჭიროა ისეთი მომსახურების ან/და სათადარიგო ნაწილის მიწოდება, რომლის ფასიც განსაზღვრული არ არის დანართი №6-ით, ასეთ შემთხვევაში მხარეები იხელმძღვანელებენ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-11 მუხლის მე-5 პუნქტით დადგენილი წესის შესაბამისად.
1.2.12 ფასები წარმოდგენილი უნდა იქნეს სატენდერო დოკუმენტაციის დანართი №6-ის (ფასების ცხრილი - მომსახურების პრეისკურანტი) შესაბამისად (შემოთავაზებული ერთეულის ფასი არ უნდა აღემატებოდეს ზღვრული ერთეულის ფასს).
1.2.13 იმ შემთხვევაში თუ პრეტენდენტის მიერ ერთიანი ელექტრონული სისტემის მეშვეობით წარმოდგენილი წინადადების საბოლოო ფასი პრეისკურანტის სავარაუდო ღირებულებაზე ნაკლები იქნება, პრეტენდენტი ვალდებულია, მის მიერ წარმოდგენილ პრეისკურანტში, საქონლისა და მომსახურების ერთეულის ფასების, ზღვრულ ფასებთან მიმართებით კლება განახორციელოს, არანაკლებ სატენდერო განცხადებაში მითითებულ პრეისკურანტის ჯამურ სავარაუდო ღირებულებასა და მის მიერ ერთიანი ელექტრონული სისტემის მეშვეობით წარმოდგენილი წინადადების საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით.
1.2.14 მიმწოდებელი ვალდებულია საკუთარი ხარჯით უზრუნველყოს მისი ბრალეულობით შემსყიდველისათვის მიყენებული ზიანის ანაზრაურება.
1.2.15 იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად გაწეული მომსახურება ან/და შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.
1.2.16 პრეტენდენტის მიერ ფასების ცხრილის (მომსახურების პრეისკურანტი) რომელიმე პოზიციის შეუვსებლობის (განუფასებლობის) შემთხვევაში (განუფასებელი პოზიცი(ებ)ის რაოდენობა არ უნდა აღემატებოდეს განსაფასებელი პოზიციების 1%-ს), აღნიშნულ პოზიციაზე მოცემული სათადარიგო ნაწილის/მომსახურების გაწევის საჭიროების დადგომისას, მიმწოდებელი ვალდებულია მომსახურება განახორციელოს ანაზღაურების გარეშე, ამასთანავე დანართი №6-ის (ფასების ცხრილი - პრეისკურანტი) დაზუსტების საჭიროების შემთხვევაში, დაუშვებელია დაზუსტების შემდეგ შემოთავაზებული ფასი აღემატებოდეს თავდაპირველად შემოთავაზებულ შესაბამის სათდარიგო ნაწილის/მოსახურების ფასს.
1.2.17 შემსყიდველი უფლებამოსილია მომსახურება შეისყიდოს მხოლოდ მისი საჭიროების შესაბამისი მოცულობით.
1.2.18 პრეტენდენტის მიერ, მომსახურების პრეისკურანტი - დანართი №6 (ფასების ცხრილი) წარმოდგენილი უნდა იქნეს MS Excel-ის ფორმატის ფაილის სახით.

1.4.1 მომსახურების გაწევა უნდა განხორციელდეს ხელშეკრულების გაფორმებიდან 2025 წლის 29 დეკემბრის ჩათვლით, ეტაპობრივად, შემსყიდველის საჭიროების და მოთხოვნის შესაბამისად.
1.4.2 მომსახურების გაწევის ვადები თითოეულ შემთხვევაზე არ უნდა აღემატებოდეს: სავალი ნაწილებისთვის - 3 (სამი) სამუშაო დღეს, ელექტროობისთვის - 3 (სამი) სამუშაო დღეს, ძირითადი აგრეგატებისთვის - 5 (ხუთი) სამუშაო დღეს (დეფიციტური ნაწილის მიწოდების საჭიროების შემთხვევაში, მომსახურების გაწევის ვადა უნდა განისაზღვროს არაუმეტეს 30 (ოცდაათი) კალენდარული დღით, რაც უნდა დაფიქსირდეს დეფექტურ აქტში).

მომსახურების გაწევის ადგილია ქ.თბილისში მდებარე მიმწოდებლის სერვის ცენტრ(ებ)ი; მობილური ჯგუფის მეშვეობით მომსახურების გაწევის საჭიროების შემთხვევაში ასევე ქალაქ თბილისის მუნიციპალიტეტის ტერიტორია.

1.7.1.1 ტექნიკური მომსახურების დროს გამოყენებულ სათადარიგო ნაწილებზე სწორი ექსპლოატაციის პირობებში უნდა ვრცელდებოდეს გარანტია მიღება-ჩაბარების აქტის გაფორმებდან არანაკლებ 6 (ექვსი) თვე, გარდა სწრაფცვეთადი ნაწილებისა (ელექტრონათურები, ელექტრომცველები, შუშის საწმენდი ჯაგრისები, გადაბმულობის ქურო, საყრდენი დისკი და მომჭიმი საკისარი). საგარანტიო ვადის განმავლობაში, შეცვლილი სათადარიგო ნაწილის დაზიანების/წუნდების შემთხვევაში მიმწოდებელი ვალდებულია სატენდერო პირობების 1.4.2 პუნქტის შესაბამისი ვადების დაცით საკუთარი ხარჯებით აღმოფხვრას აღმოჩენილი წუნი/დაზიანება.
1.7.1.2 იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად გაწეული მომსახურება და/ან შეცვლილი ნაწილი აღმოჩნდა წუნდებული/დეფექტიანი, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.
1.7.1 პრეტენდენტმა ინფორმაცია საგარანტიო ვადისა და პირობების შესახებ უნდა წარმაოდგინოს დანართი N7-ის შესაბამისად.

2.2.1.1.პრეტენდენტს, 2022 წლის 01 იანვრიდან ტექნიკური დოკუმეტაციის (მათ შორის დაზუსტებული ტექნიკური დოკუმენტაციის) ერთიან ელექტრონულ სისტემაში ატვირთვის დღემდე უნდა გააჩნდეს ჯამურად არანაკლებ 330000.00 (სამასოცდაათი ათასი) ლარის ღირებულების ანალოგიური მომსახურების (ნებისმიერი ტიპის სატვირთო ავტომობილების ან/და სპეცტექნიკის შეკეთება/ტექნიკური მომსახურება) გაწევის გამოცდილება (გამოცდილების შესახებ ინფორმაცია პრეტენდენტმა უნდა წარმოადგინოს დანართი N8–ის შესაბამისად ან 2.2.1.3 პუნქტის გათვალისწინებით.
2.2.1.2. დანართი N8-ის ატვირთვა სავალდებულო არ არის;
2.2.1.3. იმ შემთხვევაში თუ დანართი N8 არ იქნება ატვირთული ან დანართ N8-ში არ იქნება ასახული ინფორმაცია CMR/SPA/NAT/MEP ნომრების შესახებ ან ასახული CMR/SPA/NAT/MEP ნომრებში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების პრეტენდნენტის მიერ შესრულების დადასატურებას, პრეტენდენტმა უნდა წარმოადგინოს ამ გამოცდილების დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).

2.3.1 პრეტენდენტს ექსპლოატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ ერთი სერვის ცენტრი ქალაქ თბილისში, ერთდროულად არანაკლებ 5 (ხუთი) ავტომანქანის მომსახურების საშუალებით (სერვის ცენტრს უნდა გააჩნდეს შესაკეთებელი ავტოსატრანსპორტო საშულებების გაბარიტების შესაბამისი არანაკლებ 5 (ხუთი) ბოქსი, აღჭურვილი უნდა იყოს მომსახურების გაწევისთვის აუცილებელი თანამედროვე აპარატურითა და დანადგარებით.
2.3.2 პრეტენდენტმა უნდა წარმოადგინოს სერვისცენტრის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ან/და სარგებლობის უფლებით ფლობა).
2.3.3 პრეტენდეტი ვალდებულია დანართი N9-ს სახით წარმოადგინოს ინფორმაცია მატერიალურ ტექნიკური ბაზის შესახებ (უნდა მოიცავდეს ამ მუხლის 2.3.1 პუნქტით მოთხოვნილ ინფორმაციას)
შენიშვანა:
ა) შემსყიდველი უფლებამოსილია მისთვის ხელსაყრელი მეთოდით/საშუალებით გადაამოწმოს პრეტენდენტის მიერ 2.3.1 პუნქტის საფუძველზე წარმოდგენილი ინფორმაციის სისწორე;
ბ) 2.3.1 პუნქტის საფუძველზე მიმწოდებლის მიერ ყალბი ინფორმაციის წარმოდგენა გამოიწვევს პრეტენდენტის დისკვალიფიკაციას.

პრეტენდენტის მიერ ერთიან ელექტრონულ სისტემაში ასატვირთი მონაცემები:

2.9.1 ფასების ცხრილი (პრეისკურანტი) დანართი N6-ის შესაბამისად (დაზუსტებას არ ექვემდებარება სატენდერო წინადადება, თუ არ არის ან განუფასებლადაა წარდგენილი ფასების ცხრილი (პრეისკურანტი) გარდა 1.2.16 პუნქტით დაშვებული გამონაკლისისა.
2.9.2 ანალოგიური მომსახურების გაწევის გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 მუხლის შესაბამისად.
2.9.3 ინფორმაცია მატერიალურ ტექნიკური ბაზის შესახებ დანართი N9-ს შესაბამისად.
2.9.4 სერვის ცენტრ(ებ)ის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ანდა სარგებლობის უფლებით ფლობა).
2.9.5 ინფორმაცია საგარანტიო ვადისა და პირობების შესახებ დანართი N7-ის შესაბამისად.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული პრეისკურანტის საბოლოო ფასი 20%-ით ან მეტით დაბალია შესყიდვის ობიექტის (პრეისკურანტის) სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის-პრეისკურანტის ჯამურ ღირებულებასთან), ასევე ფასების ცხრილის-პრეისკურანტის ერთეულებთან მიმართებით.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2025 წლის სახსრები.
7.2.4 ანგარიშსწორება მიმწოდებელთან განორციელდება ეტაპობრივად - ყოველ თვეში გაწეული მომსახურების ღირებულება ანაზღაურდება მომდევნო თვეში, მიმწოდებლის მიერ ანგარიშსწორებისთვის საჭირო დოკუმენტაციის (საბოლოო მიღება-ჩაბარების აქტისა (დანართი N5) და საგადასახადო ანგარიშფაქტურის - ანგარიშსწორების მომენტში დღგ - ს გადამხდელის შემთხვევაში) წარმოდგენიდან 10 სამუშაო დღის ვადაში.
7.2.5 ანგარიშსწორებისათვის საჭირო დოკუმენტაცია (გარდა ელექტრონული დოკუმენტაციისა) მიმწოდებელმა უნდა წარმოადგინოს შპს ,,ეკოსერვის ჯგუფი“-ს ადმინისტრაციაში, შემდეგ მისამართზე: ქალაქი თბილისი, მედეა (მზია) ჯუღელის ქუჩა N1, მესამე სართული, შპს ,,ეკოსერვის ჯგუფის“ ცენტრალური ოფისი.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

გელა იაკობაშვილი, 577095553, gelaiakobashvili7@gmail.com ტექნიკურ დავალებასთან დაკავშირებულ საკითხებზე საკონტაქტო პირი:შალვა დოღონაძე, ტელეფონი-577 976003
სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.