Услуги по очистке и санации (Грузия - Тендер #60042995)

შენობის დასუფთავება და სანიტარული მომსახურება

1. ტენდერში გამარჯვებულმა ორგანიზაციამ უნდა უზრუნველყოს ქ. ბათუმში ბაქოს ქ. N8-ში მდებარე ფინანსთა სამინისტროს აკადემიის შენობის, კერძოდ: შენობასთან მისასვლელი გზის, შენობის ჰოლი, შესასვლელი კიბის, კიბის უჯრედის და მე-2 სართულზე (დასასუფთავებელი ფართი სულ 900 კვ.მ-მდე მათ შორის: საოფისე და დამხმარე ფართი, დერეფანი, აივანი, სველი წერტილი და შენობის შესასვლელი ჰოლი) განთავსებული ფართის დასუფთავების მომსახურების შესრულება დასუფთავებისათვის საჭირო ყველა საწმენდი საშუალების გამოყენებით და ტექნიკური ნორმების სრული დაცვით.
2. მომსახურე პერსონალის აღჭურვა უნიფორმებით, შესაბამისი ხელსაწყოებით და სახარჯი მასალებით დანართი N2 შესაბამისად.
3. მომსახურების განხორციელებისას მაღალი ხარისხის ჰიგიენური საშუალებების და დამხმარე მასალების გამოყენება.
4. შენობის ყოველდღიური დასუფთავება და ნაგვის გატანა (ნაგვის ჩაყრა შენობის ტერიტორიის გარეთ მდებარე სანაგვე ურნებში), ოთახების, ფანჯრების ორმხრივი, კარ-ფანჯრის ჩარჩოების, კიბის უჯრედის, იატაკის რეცხვა-წმენდა. ყოველდღიურად უზრუნველყოს მორიგე დამლაგებლის მომსახურება, სველი წერტილების სანიტარულ-ჰიგიენური ნორმების დაცვა, მათ შორის მათი აღჭურვა ტვალეტის ქაღალდებით, ხელისსაწმენდი ქაღალდით, თხევადი საპნით ან/და ქაფით, ჰაერის გამწმენდი აეროზოლებით.
5. შენობაში არსებული ელექტრომომარაგების, წყალმომარაგების, კანალიზაციის, საოფისე ინვენტერის და სხვა კომუნალური სისტემების გამართული ფუნქციონირება. საკუთარი ხარჯებით შეასრულოს მცირე მიმდინარე რემონტი-მცირეფასიანი ელექტრომოწყობილობების, სანგაყვანილობების, სამეურნეო საქონლის შეცვლა - შეკეთება, ჩამრთველების, საკეტების, ნათურების, სველი წერტილების ინვენტარების, ელექტრო, წყლის, კანალიზაციის გათბობის და სხვა გაყვანილობების შეკეთება.
6. მუდმივი წესრიგის და სისუფთავის შენარჩუნება (ავეჯის წმენდა/დასუფთავება, მტვრის, ჭუჭყის და ლაქების მოცილება ყველანაირი ზედაპირიდან, კედლების წმენდა, რბილი ავეჯის წმენდა, შენობაში არსებული მინების წმენდა, კიბის უჯრედის დასუფთავება, შემსყიდველის მოთხოვნის შემთხვევაში შენობაში არსებული დროშების რეცხვა და დაუთოვება).
7. ზედამხედველის (მენეჯერის) ყოფნა სასწავლო კომპლექსში;
8.უზრუნველყოს შენობაში სანიტარულ-ჰიგიენური დეზინფენქცია, დეზინსენქცია, დერატიზაციის ჩათვლით) და ხანძარსაწინააღმდეგო ნორმების დაცვა.
9. უზრუნველყოს სველ წერტილებში ავტომატური აირგამწმენდების (მინიმუმ 4 დისპენსერი), ხელსაწმენდი ქაღალდების (მინიმუმ 2 დისპენსერი), ტვალეტის ქაღალდების (მინიმუმ 4 დისპენსერი) და თხევადი საპნის (მინიმუმ 2 დისპენსერი) აპარატების (დისპენსერების) მონტაჟი.
10.მიმწოდებელმა უნდა უზრუნველყოს საოფისე ჭურჭლის მოვლა/პატრონობა/დასუფთავება.
11.შემსყიდველის მოთხოვნის შესაბამისად უნდა უზრუნველყოს შენობის ფასადის ჩამორეცხვა დამუშავება (მათშორის შესაბამისი ლაქით დამუშვება).


შენიშვნა:
1. საჭიროების შემთხვევაში შემსყიდველი ორგანიზაციის მოთხოვნის საფუძველზე კომპანიამ უნდა უზრუნველყოს მორიგე დამლაგებლის ანდა ზედამხედველის ( მენეჯერი) ყოფნა სასწავლო კომპლექსში არასამუშაო დღეებში ან საათებში.
2. მომსახურების გაწევისას არ უნდა შეფერხდეს შენობაში მიმდინარე სამუშაო/სასწავლო პროცესი.
3. შენობა, სადაც უნდა განხორციელდეს აღნიშნული მომსახურება, აღჭურვილია დაცვის სისტემით და მიმდინარეობს 24:00 საათიანი ვიდეო კონტროლი.
4. დასუფთავებისთვის საჭირო ინვენტარით და საშუალებებით უზრუნველყოფა ეკისრება მიმწოდებელს და მათი ხარისხი უნდა იყოს ჯამრთელობისთვის უსაფრთხო.

შემსყიდველის მოთხოვნის შესაბამისად ხელშეკრულების გაფორმებიდან 2025 წლის 31 დეკემბრის ჩათვლით.

ქ. ბათუმი, ბაქოს ქ. N8-ში მდებარე ფინანსთა სამინისტროს აკადემიის ბათუმის ფილიალი.

პრეტენდენტს უნდა გააჩნდეს 2021; 2022 და 2023 წლების განმავლობაში, შენობის დასუფთავების მომსახურების გაწევის გამოცდილება. აღნიშნულზე პრეტენდენტმა უნდა წარმოადგინოს დადებული ხელშკრულება, შესაბამისი მიღება-ჩაბარებების აქტები. თუ ანალოგიური გამოცდილების დამადასტურებელი დუკუმენტები რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, ხელშკრულების და შესაბამისი მიღება-ჩაბარებების აქტების წარმოდგენა არ არის სავალდებულო, მითითებულ უნდა იქნას სისტემის მიერ მინიჭებული SPA/CMR/NAT ნომერი.

წარმოდგენილი გამოცდილების დამადასტურებელი დოკუმენტებით უნდა დადგინდეს, რომ პრეტენდენტმა, ჯეროვნად შეასრულა აღებული ვალდებულებები.

წარმოდგენილი უნდა იყოს ინფორმაცია მომსახურების შესრულებისთვის საჭირო ძირითადი ტექნიკური საშუალებების შესახებ.

1.გასაწევი მომსახურების ფასების ცხრილი დანართი №1–ის შესაბამისად.
2. გასაწევი მომსახურების ჩამონათვალი, შესრულების პერიოდულობა და მომსახურე პერსონალის რაოდენობა დანართი N2-ის შესაბამისად;
3. ინფორმაცია დერატიზაცია, დეზინსენქციისათვის აუცილებელი საშუალებების შესახებ დანართი N3-ის შესაბამისად;
4. ინფორმაცია დასუფთავებისათვის აუცილებელი საწმენდი/ჰიგიენური საშუალებების შესახებ დანართი N4-ის შესაბამისად;
5. ინფორმაცია მომსახურების შესრულებისათვის საჭირო ძირითადი ტექნიკური საშუალებების შესახებ დანართი N5-ის შესაბამისად;
6.პრეტენდენტის მიერ წარმოდგენილი უნდა იქნეს საკუთრების დამადასტურებელი დოკუმენტი ან იჯარის/ქირავნობის ხელშეკრულება ძირითად ტექნიკური საშუალებებზე (მაგ. მტვერსასრუტი, იატაკის სარეცხი მანქნანა და ა.შ)
7. სატენდერო წინანადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).

პრენენდენტმა უნდა წარმოადგინოს შემოთავაზებული (რაც უნდა გამოიყენოს) ჰიგიენური, სარეცხი, საწმენდი საშუალებების ნიმუშები.

ქ. თბილისი, წითლანაძის ქ.N5

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება მოხდება ეტაპობრივად ფაქტობრივად გაწეული მომსახურების შესაბამისად, შესაბამისი ანგარიშ - ფაქტურის წარმოდგენიდან და მიღება–ჩაბარების აქტის გაფორმებიდან 10 (ათი) სამუშაო დღის განმავლობაში,

ანგარიშსწორება მოხდება ეტაპობრივად ფაქტობრივად გაწეული მომსახურების შესაბამისად, შესაბამისი ანგარიშ - ფაქტურის წარმოდგენიდან და მიღება–ჩაბარების აქტის გაფორმებიდან 10 (ათი) სამუშაო დღის განმავლობაში, გარდა 2025 წლის დეკემბრის თვისა, დეკემბრის თვის მომსახურების ღირებულების გადახდა უნდა განხორციელდეს არაუგვიანეს 2025 წლის 27 დეკემბრისა.

ქრისტინე ენუქიძე, 599082080, k.enukidze@mof.ge

.პრეტენდენტის მიერ წარმოდგენილი სატენდერო წინადადების ღირებულება გაანგარიშებული უნდა იყოს ეროვნულ ვალუტაში ლარში. ხარჯი, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). გამარჯვებულ პრეტენდენტთან ხელშეკრულების დადებისას შესაბამისი დოკუმენტის წარმოდგენის შემთხვევაში ხელშეკრულების ღირებულებაში დამატებით იქნება გათვალისწინებული დღგ-ს ოდენობა, თუ აღნიშნული პრეტენდენტი სახელმწიფო შესყიდვების შესახებ ხელშეკრულების გაფორმების მომენტისთვის იქნება დღგ - ის გადამხდელი საქართველოს კანონმდებლობის მოთხოვნათა შესაბამისად.
3. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კანონდებლობის შესაბამისად.