Инженерные услуги (Грузия - Тендер #60042970)

ისნის რაიონის ტერიტორიაზე ქუჩების, შიდა ეზოების, ორმოულებისა და მიმდინარე საგზაო სამუშაოების დეფექტური აქტების (შესაბამისი ტექნიკური დავალებითა და ესკიზით) მომზადება.

ტექნიკური დავალება

1. რაიონის ტერიტორიაზე ქუჩებისა და და შიდა ეზოების მიმდინარე საგზაო შეკეთების სამუშაოებზე დეფექტური აქტებისა და ტექნიკური დავალებების შედგენა (ესკიზებით)
2. კონკრეტული მისამართები მიმწოდებელს გადაეცემა ხელშეკრულების გაფორმებისთანავე;
3. წარმოდგენილი უნდა იყოს:
1) სამუშაოების შესაბამისი ნახაზები და ესკიზები;
2) მოცულობების უწყისი და ხარჯთაღრიცხვა;
4. ტერიტორიის აგეგმვითი სამუშაოების ჩატარება უნდა მოხდეს WGS-84 კოორდინატთა სისტემაში UTM პროექციაში GeoCORS-ის სისტემაში. მიმწოდებელმა უნდა უზრუნველყოს აგეგმილი წერტილების ინსტრუმენტიდან ამოღებული ტექსტური (IDX) faili (ელ.ტაქომეტრის და GPS-ის) ფაილის ამობეჭვდა და შემსყიდველთან წარდგენა;
5. საჭიროების შემთხვევაში დოკუმენტაციაში უნდა იყოს უწყისები შესასყიდი კერძო ნაკვეთების, ნარგავების და შენობა-ნაგებობების შესახებ, დასაკავებელი მიწების (გზის განთავსების ზოლში) ოდენობა, მათი სახეობა, დანიშნულებები და სხვა მახასიათებლები (შენობა-ნაგებობები, ხეხილი, ბიზნეს საქმიანობა და ა.შ.) საპროექტო გზის განთავსების ზოლში მოხვედრილი მოსახლეობისათვის, მათი ქონების გამოსყიდვისა და განსახლების ქმედებებისათვის საჭირო ზომები და მისი ღირებულებები დასაკავებელი მიწებისა და განსახლების საკითხების გათვალისწინებით. ამასთანავე უწყისები აღსადგენი ღობეების და სხვა ობიექტების შესახებ;
6. შესასრულებელი სამუშაოებისას მიმწოდებელმა უნდა იხელმძღვანელოს ქვეყანაში მოქმედი სამშენებლო ნორმებით და სტანდარტებით;
7. მიმწოდებელმა უნდა უზრუნველყოს ზედამხედველობა სამუშაოების განხორციელების პროცესში, კონსულტაციების გაწევა და საჭიროების შემთხვევაში დეფექტური აქტების კორექტირება შემჭიდროებულ ვადებში შემსყიდველთან შეთანხმებით;
8. მიმწოდებელმა მიღება-ჩაბარების აქტის გაფორმებისათვის (საჭიროების შემთხვევაში), ობიექტების მიხედვით უნდა წარმოადგინოს სსიპ-ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული პირის მიერ გაცემული საექსპერტო დასკვნა. ამ შემთხვევაში საექსპერტო მომსახურების ხარჯებს ანაზღაურებს შემსყიდველი შესაბამისი დოკუმენტების წარმოდგენის შემდეგ.

ეტაპობრივად, ხელშეკრულების გაფორმებიდან 2025 წლის 25 დეკემბრის ჩათვლით.

მიწოდების ადგილი: ისნის რაიონის გამგეობა, მის. ნავთლუღის ქუჩა N8-1.

1. პრეტენდენტს 2023 წლის 1 იანვრიდან ტენდერის გამოცხადებამდე განხორციელებული უნდა ჰქონდეს ანალოგიური (საგზაო სამუშაოებზე საპროექტო დოკუმენტაციის და ხარჯთაღრიცხვების მომზადების) სამუშაოები, ჯამური ღირებულებით მინიმუმ შესყიდვის ობიექტის ღირებულების 100%-ის ოდენობის. საკმარისია ერთი წელიც. პრედენდენტის მიერ წარმოდგენილ იქნას დამადასტურებელი დოკუმენტები: ხელშეკრულებ(ებ)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტები, ფორმა N2 (არსებობის შემთხვევაში), გადახდის დამადასტურებელი დოკუმენტი ან სხვა).
2. იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 1. პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2–ის შესაბამისად (სატენდერო განცხადების SPS/NAT/CMR . . . ნომრების მითითებით).

ინფორმაცია წარმოდგენილი უნდა იყოს დანართი N2-ის მიხედვით.

სატენდერო კომისიის გადაწყვეტილებით, იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტს არ მოსთხოვს ფასწარმოქმნის ადეკვატურობის დასაბუთებას, იმის გათვალისწინებით, რომ საპროექტო დოკუმენტაციის მომზადება თავის მხრივ არ შეიცავს მნიშვნელოვან მატერიალურ დანახარჯებს (ძირითადია მიმწოდებლის ხელფასი და კომპანიის არამატერიალური დანახარჯები).

1. სატენდერო წინადადების ფასი წარმოდგენილი უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). გამარჯვებულთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა, თუ ხელშეკრულების დადების მომენტისათვის გამარჯვებული არის დღგ-ს გადამხდელად რეგისტრირებული საქართველოს კანონმდებლობის მოთხოვნათა შესაბამისად-თანახმად „ელექტრონული ტენდერის ჩატარების წესის“ 21-ე მუხლის მე-5 პუნქტისა;
2. ანგარიშსწორება მოხდება უნაღდო წესით, 2025 წლის ადგილობრივი ბიუჯეტის სახსრებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღისა.

გია ბულაშვილი, 577158615, g.bulashvili@tbilisi.gov.ge სატენდერო პროცედურების საკითხებზე - ვაჟა ადამია 577 15 86 34,
ტექნიკურ საკითხებზე ზურა მეტრეველი 599 19 82 82

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა;
10.1.4 სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. ხარჯთაღრიცხვა დანართი N1–ის მიხედვით (ხარჯთაღრიცხვის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი N2–ის შესაბამისად.