Кино услуги и видео услуги (Грузия - Тендер #60042959)

საქართველოს დაცული ტერიტორიების შესახებ ცნობადობის ამაღლების მიზნით სამგანზომილებიანი ინტერაქციული ვიდეო რგოლების გადაღების მომსახურების და მის გაშვებასთან დაკავშირებული საქონლისა და მომსახურების მრავალწლიანი შესყიდვა.

შესყიდვის ობიექტის (მომსახურების/საქონლის) დეტალური აღწერა (ტექნიკური დავალება) წარმოდგენილია სატენდერო დოკუმენტაციის 1.2 პუნქტში მიმაგრებული დოკუმენტის სახით.
ტენდერში მონაწილე პრეტენდენტმა, ფასების ცხრილის წარმოდგენისას უნდა გაითვალისწინოს ტექნიკური დავალებით განსაზღვრული მოთხოვნები, შესაბამისად შემოთავაზებული მომსახურება და საქონელი უნდა აკმაყოფილებდეს ტექნიკური დავალებით განსაზღვრულ მოთხოვნებს.

პროექტის შესრულების ეტაპები, ვადები:
• VR აპლიკაციის პროექტის შემუშავება და პირველი სეზონის 360 გრადუსიანი ვიდეორგოლების ჩაბარება - ვადა - ხელშეკრულების გაფორმებიდან 5 თვე.
• საგამოფენო (მობილური) კომპლექტების მიწოდება, VR სტენდების ინსტალაცია შეთანხმებულ ლოკაციებზე, მეორე სეზონის 360 გრადუსიანი ვიდეორგოლების ჩაბარება - ვადა - ხელშეკრულების გაფორმებიდან 10 თვე.
• მესამე სეზონის 360 გრადუსიანი ვიდეორგოლების ჩაბარება - ვადა - ხელშეკრულების გაფორმებიდან 14 თვე.
• მეოთხე სეზონის 360 გრადუსიანი ვიდეორგოლების ჩაბარება, VR აპლიკაციის ჩაბარება, სერვერული და ქსელური უზრუნველყოფის ჩაბარება, VR აპლიკაციის გამოქვეყნება Meta/Oculus პლატფორმაზე - ვადა - ხელშეკრულების გაფორმებიდან 18 თვე.
• VR კონტენტის მართვის პანელით უზრუნველყოფის მომსახურება - ჩაბარებიდან 18 თვე
• სასერვერო ინფრასტრუქტურის მენეჯმენტის პროგრამული მომსახურება - ჩაბარებიდან 18 თვე
• ტრენინგი შემსყიდველის თანამშრომლებისათვის - აპლიკაციის სრულყოფილად გამართვის და მოწყობილობების დამონტაჟების შემდეგ, არაუმეტეს 2 თვე.

სამგანზომილებიანი ინტერაქციული ვიდეო რგოლების და მის გაშვებასთან დაკავშირებული საქონლისა და მომსახურების მიწოდება განხორციელდება შემსყიდველთან შეთანხმებით, შემდეგ მისამართებზე:
1. დაცული ტერიტორიების სააგენტოს ცენტრალური აპარატი მდებარე, თბილისი ვლ. წითლანაძის პირველი შესახვევი N1;
2. მარტვილისა და ოკაცეს ბუნების ძეგლების ადმინისტრაცია, მდებარე მარტვილის მუნიციპალიტეტი, სოფ. ინჩხური;
3. იმერეთის მღვიმეების დაცული ტერიტორიების ადმინისტრაცია, მდებარე წყალტუბოს მუნიციპალიტეტი, სოფ. ყუუმისთავი.

1. მხარდაჭერა, საგარანტიო და ზოგადი პირობები
1.1 პროექტის ფარგლებში შექმნილი პროგრამული უზრუნველყოფა უნდა მიეწოდოს დაცული ტერიტორიების სააგენტოს შეუზღუდავად გამოყენების უფლებით.
1.2 პროექტის ჩაბარების პერიოდში მიმწოდებელმა უნდა უზრუნველყოს შემსყიდველის მიერ გამოყოფილი თანამშრომლების ტრეინინგი, რომლითაც დაიფარება VR აპლიკაციის, VR სტენდებისა და საგამოფენო კომპლექტების მოხმარებასთან დაკავშირებული ნებისმიერი ტექნიკური საკითხი.
1.3 ტრეინინგის დროს შეიქმნება სატრეინინგო ვიდეო რგოლები და დამხმარე მასალები, რომელიც გადაეცემა შემსყიდველს. ტრენინგები ჩატარდება 3 მისამართზე: სააგენტოს ცენტრალურ ოფისში - თბილისში, წყალტუბოს რაიონში მდებარე პრომეთეს მღვიმის ვიზიტორთა ცენტრში და მარტვილის კანიონის ვიზიტორთა ცენტრში.
1.4 პროექტის ფარგლებში შექმნილ აპარატურულ გადაწყვეტებზე, სწორი ექსპლუატაციის პირობებში უნდა ვრცელდებოდეს საგარანტიო პირობები არანაკლებ 12 თვის ვადით ჩაბარების დღიდან.
1.5 პროგრამულ უზრუნველყოფაზე ტექნიკური მხარდაჭერა და გარანტია უნდა იყოს არანაკლებ 18 თვისა ჩაბარების დღიდან - რეაგირების დრო არაუმეტეს 72 საათისა. საგარანტიო პერიოდის განმავლობაში მიმწოდებელმა უნდა უზრუნველყოს უწყვეტი ტექნიკური მხარდაჭერა შესაბამისი კვალიფიციური სპეციალისტების მეშვეობით.

1. პრეტენდენტს, ტენდერით გათვალისწინებული მომსახურების გასაწევად უნდა ჰყავდეს კვალიფიციური ჯგუფი, რომელსაც უნდა ხელმძღვანელობდეს არანაკლებ ორი პროექტის მენეჯერი. პროექტის მენეჯერებს უნდა გააჩნდეს მინიმუმ სამი, არსებითად მსგავსი პროექტის განხორციელების გამოცდილება (Oculus პლატფორმისთვის შექმნილი, ტურისტულ სფეროსთან დაკავშირებული ვირტუალური რეალობის ინტერაქტიული ფუნქციონალის აპლიკაცია რომლებიც იყენებენ სფერულ ვიდეო რგოლებს როგორც შინაარსის ვიზუალიზაციის ძირითად წყაროს) და ასევე უნდა ქონდეს მონაწილეობა მიღებული VR აპლიკაციის შექმნაში, რომელშიც შესრულებულია სფერულ ვიდეოში გრაფიკული ინტერაქტიული ელემენტების ინტეგრაციის ამოცანა და ამ ვიდეო რგოლების მომხმარებლის მიერ გამოყენების აღრიცხვის ფუნქცია.

პროექტის მენეჯერების სამუშაო გამოცდილების შესახებ ინფორმაცია წარმოდგენილი უნდა იქნას დანართით N3. დანართი შევსებული უნდა იქნას სრულყოფილად, რათა შესაძლებელი იყოს მასში ასახული ინფორმაციის გადამოწმება.

2. პრეტენდენტმა, მის მიერ შემოთავაზებულ თითოეულ პერსონაზე (იგულისხმება მხოლოდ პროექტის მენეჯერები) უნდა წარმოადგინოს საანკეტო მონაცემები დანართი N4-ის შესაბამისად, რომელიც მოიცავს პირის ბიოგრაფიულ მონაცემებს, ინფორმაციას მათი განათლების, კვალიფიკაციის შესახებ და სამუშაო გამოცდილების შესახებ.

3. პრეტენდენტის მიერ შემოთავაზებულ თითოეულ პერსონაზე (იგულისხმება მხოლოდ პროექტის მენეჯერები) ატვირთული უნდა იყოს პირადობის დამადასტურებელი მოწმობის ასლი.

4. პრეტენდენტმა უნდა წარმოადგინოს თითოეულ პირთან (იგულისხმება მხოლოდ პროექტის მენეჯერები) გაფორმებული წინარე შეთანხმება (თითოეულთან ცალ-ცალკე) დანართი N5-ის შესაბამისად, რომლის მიხედვითაც პრეტენდენტის გამარჯვების შემთხვევაში, იგი იღებს ვალდებულებას, რომ კომპეტენციის შესაბამისად, პირადად განახორციელებს ამ ტენდერით გათვალისწინებული მომსახურების გაწევას კომპეტენციის ფარგლებში.

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

2 Процентов

5 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

1 ტენდერში გამოიყენება ხელშეკრულების შესრულების უზრუნველყოფის საბანკო გარანტია, სახელშეკრულებო ღირებულების 2%-ის ფარგლებში, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განისაზღვრება სახელშეკრულებო ღირებულების 1%-ის ფარგლებში.
2. პრეტენდენტის მიერ სისტემაში დაფიქსირებულ საბოლოო ფასსა და სავარაუდო ღირებულებას შორის 20%-ით ან მეტი ოდენობით სხვაობისას, ხელშეკრულების შესრულების უზრუნველყოფის საბანკო გარანტიის ოდენობა განისაზღვრება სახელშეკრულებო ღირებულების 5%-ის ოდენობით, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განახევრდება.
3. ხელშეკრულების შესრულების უზრუნველყოფის საბანკო გარანტია წარმოდგენილი უნდა იყოს სატენდერო დოკუმენტაციის დანართით N6 გათვალისწინებული შინაარსის დაცვით (უპირობო, გამოუთხოვადი), შესაბამისად პრეტენდენტი წინამდებარე ტენდერში მონაწილეობის გზით, ავტომატურად გამოხატავს ვალდებულებას, რომ მზად არის (შეთანხმებული აქვს საქართველოში მოქმედ საფინანსო ინსტიტუტთან) წარმოადგინოს სატენდერო დოკუმენტაციის დანართით N6 გათვალისწინებული შინაარსის ხელშეკრულების შესრულების უზრუნველყოფის საბანკო გარანტია, რომელიც სავალდებულოდ გაცემული უნდა იყოს საქართველოში მოქმედი იმ საფინანსო ინსტიტუტის მიერ, რომელსაც მოქმედი კაონონმდებლობის თანახმად გააჩნია აღნიშნული გარანტიის გაცემის უფლება.
4. ამხნაგობის მიერ ხელშეკრულების შესრულების უზრუნველყოფის საბანკო გარანტიის წარმოდგენის შემთხვევაში, ხელშეკრულების შესრულების უზრუნველყოფის საბანკო გარანტიაში მითითებული უნდა იყოს ამხანაგობაში შემვალი ყველა პირი.

შენიშვნა:
სატენდერო დოკუმენტაციის დანართი N6 ატვირთული არის სატენდერო დოკუმენტაციის 10.1. მუხლში.

1. ხელშეკრულების ფარგლებში შესაძლებელია განხორციელდეს წინასწარი ანგარიშსწორება, 2025 წელს-მთლიანი სახელშეკრულებო ღირებულების 50%-ის ოდენობით, წინასწარი ანგარიშსწორების (საავანსო) საბანკო გარანტიის საფუძველზე.
2. მიმწოდებელი არ არის უფლებამოსილი, წარადგინოს ავანსის გადახდის თაობაზე საბანკო გარანტია, თუ იგი რეგისტრირებულია მოვალეთა რეესტრში ან მის მიმართ რეგისტრირებულია საგადასახადო გირავნობა. მიმწოდებელი ვალდებულია, შემსყიდველს წარუდგინოს შესაბამისი დოკუმენტები, რომლითაც დასტურდება მის მიმართ ამ პუნქტში განსაზღვრული ვალდებულებების რეგისტრაციის არარსებობა.
3. ავანსის გადახდასთან დაკავშირებით მიმწოდებელი ვალდებულია, შემსყიდველს წარუდგინოს საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ გაცემული, ავანსის იდენტური ოდენობის საბანკო გარანტია, რომელიც ძალაში უნდა იყოს გადასახდელი ავანსის დაქვითვამდე.
4. საავანსო ანგარიშსწორების გარანტიის გამოყენების/დაკავების პირობები განისაზღვრება ხელშეკრულების პროექტით.
5. თეთრ სიაში რეგისტრირებული მიმწოდებელი უფლებამოსილია წარმოადგენოს წინასწარი ანგარიშსწორების (საავანსო გადახდა) საბანკო გარანტია საავანსო თანხის 50%-ის ოდენობით.
6. თეთრ სიაში რეგისტრირებული მიმწოდებელთან 50%-ის ოდენობით უზრუნველყოფილი საავანსო თანხის ანგარიშსწორების შემთხვევაში თავდაპირველად განხორციელდება არაუზრუნველყოფილი საავანსო თანხის დაქვითვა სრულად, არაუზრუნველყოფილი საავანსო თანხის სრულად დაქვითვის შემდეგ წინასწარი ანგარიშსწორების (საავანსო) საბანკო გარანტიით უზრუნველყოფილი თანხიდან.

1. ხელშეკრულების ფარგლებში ანგარიშსწორება იწარმოებს უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. ანგარიშსწორება განხორციელდება ფაქტობრივად მიწოდებული მომსახურების შესაბამისად, მხარეთა უფლებამოსილ წარმომადგენლებს შორის გაფორმებული მიღება-ჩაბარების აქტის და მიმწოდებლის მიერ დადგენილი წესით საგადასახადო ანგარიშ-ფაქტურის წარდგენის საფუძველზე.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

მარიამ იაშაღაშვილი, 595003040, mariam.iashaghashvili@apa.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.