Отделочные строительные работы (Грузия - Тендер #59983542)

სს „საქართველოს სახელმწიფო ელექტროსისტემის“ კუთვნილი თავდაცვის ობიექტის ტერიტორიაზე მდებარე მიწისქვეშა თავშესაფრის შენობის რეკონსტრუქციის სამუშაოების შესყიდვა.

1.2.1 სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მიმაგრებულ ყველა დოკუმენტზე, რაც უცვლელად, დანართად დაერთვება გასაფორმებელ ხელშეკრულებას.

შესყიდვის ობიექტის ტექნიკური სპეციფიკაციების სიმრავლისა და თავისებურებიდან გამომდინარე, მათი აღწერის თვალსაჩინოებისთვის გამოყენებულია მიმაგრებული ფაილები

*პრეტენდენტს შეუძლია ობიექტი ადგილზე წინასწარ ნახოს და დაათვალიეროს.

**იხ. მიმაგრებული ფაილები

1.4.1 “მიმწოდებელი” ვალდებულია შეასრულოს სამუშაოები (საექსპერტო დასკვნის წარმოდგენით) ხელშეკრულების გაფორმებიდან და ობიექტებზე დაშვებიდან 180 კალენდარულ დღეში.

*ობიექტზე დაშვების უფლების მისაღებად, „მიმწოდებელი“ ვალდებულია „შემსყიდველს“ წერილობით მიმართოს ხელშეკრულების გაფორმებიდან არაუგვიანეს 5 სამუშაო დღის განმავლობაში.

**იმ შემთხვევაში თუ 10 (ათი) სამუშაო დღის განმავლობაში ვერ იქნება ობიექტზე დაშვების უფლების ნებართვა აღებული, სამუშაოთა შესრულების დაწყების თარიღად ავტომატურად განისაზღვრება ხელშეკრულების გაფორმებიდან მეათე სამუშაო დღე. ხოლო „მიმწოდებელი“ არ იქნება ობიექტზე დაშვებული ნებართვის აღებამდე.

***სამუშაოების დასრულების ვადაა საექსპერტო დასკვნის მოწოდების თარიღი.

შენიშვნა:
ობიექტზე დაშვების პროცედურები გაწერილია სატენდერო დოკუმენტაციის 8.1 ველში მიმაგრებული დოკუმენტის - ,,ხელშეკრულების პროექტის" მე-4 მუხლის 4.6 პუნქტში და ,,ხელშეკრულების პროექტის" დანართი #4–ში (სამუშაოს შესრულების უსაფრთხოდ გაწევის წესი და პირობები).

1.4.2 “მიმწოდებელი” ვალდებულია ხელშეკრულების გაფორმებიდან 30 კალენდარული დღის ვადაში წარმოადგინოს ხელშეკრულებით გათვალისწინებული დიზელ გენერატორის შესყიდვის დამადასტურებელი დოკუმენტაცია მოწოდებისა და მონტაჟის ვადებით, რომელიც თანხვედრაში იქნება წარმოდგენილ სამუშაოების შესრულების გრაფიკთან.

სამუშაოები უნდა ჩატარდეს შემდეგ მისამართზე (სამუშაოების შესრულების ადგილი):
მცხეთის რაიონის სოფელ მისაქციელის მიმდებარედ.სს „საქართველოს სახელმწიფო ელექტროსისტემის“ კუთვნილ თავდაცვის ობიექტის ტერიტორიაზე მდებარე მიწისქვეშა თავშესაფრის შენობა.

(!)

პრეტენდენტმა სატენდერო წინადადებით უნდა წარმოადგინოს(ატვირთოს) ინფორმაცია კონკრეტული საგარანტიო ვადის შესახებ:

ა) სახურავის და ბეტონის მოწყობის სამუშაოებზე მიღება–ჩაბარების აქტის გაფორმების დღიდან 5 წელი.
ბ) სამზარეულოსა და საოფისე ავეჯზე მიღება–ჩაბარების აქტის გაფორმების დღიდან 1 წელი.
გ) სხვა დანარჩენზე მიღება –ჩაბარების აქტის გაფორმების დღიდან 2 წელი.


შენიშვნა: პრეტენდენტს შეუძლია სამუშაოს საგარანტიო ვადის შემოთავაზება, რომელიც არ უნდა იყოს სახურავის და ბეტონის მოწყობის სამუშაოებზე მიღება–ჩაბარების აქტის გაფორმების დღიდან 5 წელზე ნაკლები, სამზარეულოსა და საოფისე ავეჯზე მიღება –ჩაბარების აქტის გაფორმების დღიდან 1 წელზე ნაკლები, სხვა დანარჩენზე მიღება–ჩაბარების აქტის გაფორმების დღიდან 2 წელი.

(!)

ტენდერში მონაწილე “პრეტენდენტს“, 2022 წლის 01 იანვრიდან მოცემულ ტენდერში წინადადებების მიღების დასრულების დღემდე, უნდა გააჩნდეს არანაკლებ 5 000 000 ლარის სამშენებლო/სარემონტო/სარეაბილიტაციო სამუშაოს შესრულების გამოცდილება (არ იგულისხმება საიდუმლო შესყიდვები, ტერიტორიის წყალსადენის, სადრენაჟე, სანიაღვრე, საკანალიზაციო და სამელიორაციო სისტემების, ხაზოვანი ნაგებობების, ხიდების და გვირაბების სამშენებლო/სარეაბილიტაციო სამუშაოების ღირებულება და გამოცდილება, წარმოდგენილ ხელშეკრულებებში შერეული სამუშაოების არსებობის შემთხვევაში სამშენებლო/სარემონტო/სარეაბილიტაციო სამუშაოები გამიჯნული უნდა იყოს ზემოთ ჩამოთვლილი სამუშაოებისგან თავისი შესაბამისი ღირებულებით თუ აღემატება მთლიანი სამუშაოების ღირებულების 10%-ს), რაზედაც სატენდერო წინადადებით წარმოდგენილი (ატვირთული) უნდა იყოს ინფორმაცია/დოკუმენტაცია შესრულებული სამუშაოების შესახებ, კერძოდ:
ხელშეკრულებები სათანადო მიღება-ჩაბარების ან/და შუალედური მიღება-ჩაბარების აქტებით ან სხვა დამადასტურებელი დოკუმენტით ან/და საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც შესაძლებელი იქნება მოთხოვნილი დოკუმენტაციის გადამოწმება და დადასტურდება აღნიშნული გამოცდილება.

აღნიშნულის დასტურად, პრეტენდენტმა სატენდერო წინადადებით, ერთიან ელექტრონული სისტემის მეშვეობით უნდა წარმოადგინოს(ატვირთოს):

1. არანაკლებ 3 დადებითი სარეკომენდაციო წერილი ჯამური ღირებულებით არანაკლებ 1 500 000 ლარი, მათ შორის მინიმუმ 2 რეკომენდაცია გაცემული უნდა იყოს საჯარო სამართლის სუბიექტის მიერ ჯამური ღირებულებით 1 000 000 ლარი, სამინისტროების ჩათვლით.

სარეკომენდაციო წერილში მითითებული უნდა იყოს:
*სამუშაოების დასახელება;
*სამუშაოების ღირებულება;

***სამუშაოების შესრულების ვადად მიიჩნევა მიღება-ჩაბარების აქტის გაფორმების თარიღი.

2. პრეტენდენტმა ზემოაღნიშნულ სარეკომენდაციო წერილებთან ერთად უნდა წარმოადგინოს სარეკომენდაციო წერილებში ასახული სამუშაოების შესრულების დამადასტურებელი დოკუმენტები, კერძოდ: საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც დადასტურდება სამუშაოების მიღება ან ხელშეკრულებები სათანადო მიღება-ჩაბარების აქტით ან სამუშაოს შესრულების დამადასტურებელი სხვა დოკუმენტი.

(!)

პრეტენდენტმა სატენდერო წინადადებით, ერთიანი ელექტრონული სისტემის მეშვეობით უნდა წარმოადგინოს(ატვირთოს) ამ ველში მოცემული შევსებული „გეგმა-გრაფიკის“ ცხრილი.

დიზელ-გენერატორის მოწოდებისას მიმწოდებელმა უნდა წარმოადგინოს დიზელ-გენერატორის ტესტ-რეპორტები სტანდარტებთან შესაბამისობის შესახებ, რომელიც წარმოდგენილი უნდა იქნეს აკრედიტირებული ლაბორატორიის მიერ, რომელიც მოქმედებს ISO/IEC 17025 სტანდარტით და გააჩნია შესაბამისი დოკუმენტაცია, კერძოდ:
- წარმოშობის, ხარისხისა და შესაბამისობის სერთიფიკატები;
- საჭირო ტექნიკური აღწერილობა;
- საექსპლოატაციო დოკუმენტაცია.

*აღნიშნული დოკუმენტები წარმოდგენილი უნდა იყოს ტესტ-რეპორტებთან ერთად.

**დიზელ-გენერატორი უნდა აკმაყოფილებდეს საერთაშორისო სტანდარტებს და უსაფრთხოების ნორმებს.

*** დოკუმენტების უცხო ენაზე წარმოდგენის შემთხვევაში, მათ თან უნდა ახლდეს საქართველოს კანონმდებლობით დადგენილი წესით შესრულებული თარგმანი ქართულ ენაზე.

(!)

პრეტენდენტმა სატენდერო წინადადებით უნდა უზრუნველყოს შემდეგი დოკუმენტაცია/ინფორმაციის წარმოდგენა(ატვირთვა) სახელმწიფო შესყიდვების ერთიან ელექტრონულ სისტემაში, კერძოდ:

1.სატენდერო დოკუმენტაციის კითხვარის 1.3 ველში მოცემული სრულად შევსებული "ხარჯთაღრიცხვა".
*ხარჯთაღრიცხვის წარმოუდგენლობა ან განუფასებლად წარმოდგენა (თუ განუფასებელი პოზიციების რაოდენობა აღემატება განსაფასებელი პოზიციების 1%-ს) დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

2. დიზელ-გენერატორზე და სახანძრო უსაფრთხოების მოწყობილობაზე ტექნიკურ პირობაში მოთხოვნილი სპეციფიკაციების დამადასტურებელი დოკუმენტაცია.

* დოკუმენტების უცხო ენაზე წარმოდგენის შემთხვევაში, მათ თან უნდა ახლდეს საქართველოს კანონმდებლობით დადგენილი წესით შესრულებული თარგმანი ქართულ ენაზე.

იმ შემთხვევაში, თუ ტენდერში მონაწილე პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებული იქნება შემსყიდველის მიერ განსაზღვრულ ვადაში დაასაბუთოს ფასწარმოქმნის ადეკვატურობა „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით, რომელიც ადასტურებს პრეტენდენტის მიერ დაფიქსირებულ საბოლოო ფასად ტენდერით (შესაბამისი ტენდერის ნომრის მითითებით) გათვალისწინებული სამუშაოს სრულად შესრულების შესაძლებლობას.

- ზემოაღნიშნული დასკვნა მომზადებული უნდა იყოს საქართველოს მთავრობის 2017 წლის 26 სექტემბრის №439 დადგენილებით დამტკიცებული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მიხედვით და მასში ტექსტობრივად მკაფიოდ უნდა იკვეთებოდეს დადგენილებასთან დასკვნის შესაბამისობა.

- ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა;

- დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი;

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება და ექსპერტიზის/აკრედიტებული პირის/აუდიტის მიერ გაცემული დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე პირველი პუნქტის "დ" ქვეპუნქტის შესაბამისად.

5 Процентов

10 Процентов

მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. გამარჯვებულ პრეტენდენტს - მიმწოდებელს, ხელშეკრულების შესრულების უზრუნველყოფის უპირობო და გამოუთხოვადი გარანტიის (საბანკო გარანტია) შემსყიდველ ორგანიზაციაში მატერიალური სახით წარმოდგენა მოეთხოვება ხელშეკრულების გაფორმებამდე;
6.4.2. ხელშეკრულების შესრულების უზრუნველყოფის საბანკო გარანტიის ოდენობა განისაზღვრება ხელშეკრულების ღირებულების ________%-ის ოდენობით;
6.4.3. ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის საბანკო გარანტია გამოიყენება მიმწოდებლის მიერ ხელშეკრულების შეწყვეტის, ხელშეკრულების პირობების შეუსრულებლობის ან არაჯეროვანი შესრულების გამო;
6.4.4. მიმწოდებლის მიერ ხელშეკრულებით ნაკისრი ვალდებულებების სრულად და ჯეროვნად შესრულების შემდეგ ან მიმწოდებლისაგან დამოუკიდებელი მიზეზებით ხელშეკრულების შეწყვეტის გამო, მიმწოდებლის წერილობითი მოთხოვნის შემთხვევაში შემსყიდველი ვალდებულია უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება;
6.4.5. ხელშეკრულების შესრულების უზრუნველყოფის საბანკო გარანტიის თანხა არ უნდა მცირდებოდეს მიმწოდებლის მიერ ხელშეკრულების ფარგლებში შესრულებული ვალდებულებების პროპორციულად;
6.4.6. შემსყიდველმა ხელშეკრულების შესრულების უზრუნველყოფის საბანკო გარანტიით გათვალისწინებული თანხა გარანტიის გამცემი ორგანიზაციისგან უნდა მიიღოს პირველი მოთხოვნისთანავე, ყოველგვარი დამატებითი დასაბუთების, განმარტების და მტკიცებულების წარდგენის გარეშე;
6.4.7. საქართველოს სამოქალაქო კოდექსის 398-ე მუხლის შესაბამისად ხელშეკრულების ღირებულების და/ან მოქმედების ვადის გაზრდის შემთხვევაში, მიმწოდებელი ვალდებულია წარმოადგინოს ცვლილების შესაბამისად განახლებული ხელშეკრულების შესრულების უზრუნველყოფის საბანკო გარანტია.
6.4.8. საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მას თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით));
6.4.9. რეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული;
6.4.10. არარეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან გაცემული „კონტრგარანტია“. შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.

-იმ შემთხვევაში თუ ხელშეკრულების მიმდინარეობისას მიმწოდებლის მიერ მოთხოვნილი იქნა საავანსო გადახდა, შემსყიდველი მიმწოდებელს უხდის საავანსო თანხას (სახელშეკრულებო ღირებულების არაუმეტეს 30%) მიმწოდებლის მხრიდან შესაბამისი ოდენობის უპირობო და გამოუთხოვადი სავანსო-საბანკო გარანტიის შემსყიდველ ორგანიზაციაში მატერიალური სახით წარმოდგენის შემთხვევაში, საავანსო-საბანკო გარანტიის წარმოდგენიდან 5 (ხუთი) სამუშაო დღის განმავლობაში;
- მიმწოდებლის მიერ წარმოდგენილი უპირობო და გამოუთხოვადი საავანსო-საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას;
- იმ შემთხვევაში თუ მიმწოდებელი არის დღგ-ს გადამხდელი, საავანსო-საბანკო გარანტიის შესაბამისი ანგარიშფაქტურა წარმოდგენილი უნდა იყოს ავანსის გადახდიდან 2 (ორი) სამუშაო დღეში;
- არარეზიდენტი მიმწოდებლის მიერ საავანსო-საბანკო გარანტიის ინვოისი წარმოდგენილი უნდა იყოს საავანსო-საბანკო გარანტიის წარმოდგენიდან 2 (ორი) სამუშაო დღეში;
- ავანსად გაცემული თანხა ჩაითვლება ეტაპობრივად.
- უპირობო და გამოუთხოვადი საავანსო-საბანკო გარანტია წარმოდგენილი უნდა იყოს ქართულ ენაზე. უცხო ენაზე წარმოდგენის შემთხვევაში, თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით);
- რეზიდენტი მიმწოდებლის მიერ უპირობო და გამოუთხოვადი საავანსო-საბანკო გარანტია წარმოდგენილი უნდა იყოს, საქართველოს ეროვნული ბანკის მიერ ლიცენზირებული საბანკო დაწესებულებიდან გაცემული შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი და/ან ბეჭედდასმული;
- არარეზიდენტი მიმწოდებლის მიერ უპირობო გამოუთხოვადი საავანსო-საბანკო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან საავანსო-საბანკო გარანტიის უცხოური ბანკიდან წარმოდგენის შემთხვევაში, მიმწოდებელმა მასთან ერთად უნდა წარმოადგინოს ზემოაღნიშნული საავანსო-საბანკო გარანტიის საფუძველზე, საქართველოს ეროვნული ბანკის მიერ ლიცენზირებული საბანკო დაწესებულების გაცემული უპირობო გამოუთხოვადი „კონტრ გარანტია" შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.