Инженерные услуги (Грузия - Тендер #59983532)

ქალაქ ფოთში, ბარბაქაძის ქუჩა N1-ში, გრიბოედოვის ქუჩა N15-ში, გრიბოედოვის ქუჩა N17-ში, ვეკუას ქუჩა N28-ში, კაკულიას ქუჩა N64-ში, კლდიაშვილის ქუჩა N86-ში, პუშკინის ქუჩა N69-ში მდებარე საცხოვრებელი სახლების სახურავების რეაბილიტაციის, საპროექტო-სახარჯთაღრიცხვო დოკუმენტაციის შესყიდვა, ექსპერტიზით.

სახელმწიფო შესყიდვა ხორციელდება ქალაქ ფოთის მუნიციპალიტეტის 2025 წლის ადგილობრივი ბიუჯეტის სახსრებით.

მომსახურების აღწერა (ტექნიკური დავალება):

1.2.1 მიმწოდებელმა უნდა უზრუნველყოს დასაპროექტებელი ობიექტის შინაარსიდან გამომდინარე, საქართველოში სამოქმედოდ დაშვებული სამშენებლო ნორმებისა და წესების მოთხოვნების შესაბამისად (რესურსული მეთოდით), ყველა არსებული გადასახადების გათვალისწინებით, შესყიდვის ობიექტის საპროექტო-სახარჯთაღრიცხვო დოკუმენტაციის მომზადება და სავარაუდო ღირებულების დადგენა.

1.2.2 შესყიდვის ობიექტის ტექნიკური დავალება (იხ. დანართი N1 ტექნიკური დავალება) მოიცავს დასაპროექტებელი ობიექტების დასახელებას, მის ადგილ-მდებარეობას და საპროექტო მომსახურების ძირითად სახეობებს.

1.2.3 მიმწოდებელი ვალდებულია 5 სამუშაო დღის ვადაში გამოასწოროს საპროექტო-სახარჯთაღრიცხვო დოკუმენტაციის მომზადების პროცესში ან/და მისი დასრულების შემდგომ, შემსყიდველი ორგანიზაციის უფლებამოსილი პირების შედეგად გამოთქმული შენიშვნები ან/და წარმოადგინოს მათზე არგუმენტირებული პასუხები.

1.2.4 საუშაოების მიმდინარეობისას, შემსყიდველთან შეთანხმებით, მოახდინოს პროექტის კორექტირება და გონივრულ ვადაში აღმოფხვრას მშენებლობის პროცესში გამოვლენილი - პროექტის ხარვეზები, ან შეცვალოს პროექტის ის ცალკეული ნაწილები, რომლებიც საჭიროებს კორექტირებას. საჭიროების შემთხვევაში შემსყიდველთან შეთანხმებით მოამზადოს საკორექტირო დოკუმენტაცია; პროექტის კორექტირების საჭიროების შემთხვევაში მიმწოდებელი ვალდებულია შესაბამისი მომსახურება (სახარჯთაღრიცხვო და საპროექტო დოკუმენტაციის მის მიერ კორექტირების გათვალისწინებით) განახორციელოს შემსყიდველის მიერ განსაზღვრულ გონივრულ ვადაში, მაგრამ არაუმეტეს 5 (ხუთი) სამუშაო დღისა ანაზღაურების გარეშე.

1.2.5 საპროექტო მომსახურების საბოლოო მიღება-ჩაბარების აქტის გაფორმებამდე, მიმწოდებელმა უნდა წარმოადგინოს ექსპერტიზა გავლილი საპროექტო-სახარჯთაღრიცხვო დოკუმენტაცია,
საექსპერტო დასკვნა/ანგარიში უნდა მოიცავდეს საპროექტო და სახარჯთაღრიცხვო დოკუმენტაციების ერთმანეთთან შესაბამისობის ინსპექტირებას;
მიმწოდებელმა ექსპერტიზის ჩასატარებლად უნდა მიმართოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს, ან/და სხვა აკრედიტირებული პირის მიერ (იმ შემთხვევაში, თუ დასკვნის გამცემი ორგანო არ იქნება სსიპ „ლევან სამხარაულის სახელობის სასამართლო ექსპერტიზის ეროვნული ბიურო”, მიმწოდებელმა დამატებით უნდა წარმოადგინოს დასკვნის გამცემი პირის აკრედიტაციის დამადასტურებელი დოკუმენტის ასლი (აკრედიტაციის სფერო უნდა ფარავდეს მოთხოვნილ მომსახურებას). მიმწოდებელი ვალდებულია უსასყიდლოდ გამოასწოროს ექსპერტიზის დასაბუთებული შენიშვნები და პროექტის შეთანხმების პროცესში გამოვლენილი ხარვეზები. ექსპერტიზის მომსახურების ღირებულების გადახდა ეკისრება მიმწოდებელს.

1.2.6 ხელშეკრულების მოქმედების ვადის ამოწურვის შემდგომ, მიმწოდებლის მიერ ნაკისრი პროექტის საავტორო ზედამხედველობის და მისგან გამომდინარე ვალდებულებები რჩება ძალაში შესყიდული საპროექტო დოკუმენტაციით გათვალისწინებული სამუშაოების სრულად შესრულებამდე.

1.2.7 ქალაქ ფოთის მუნიციპალიტეტის მერიის ინფრასტრუქტურის სამსახურის, საპროექტო-სახარჯთაღრიცხვო განყოფილებამ პერიოდულად მიიღოს მონაწილეობა პროექტის მომზადების პროცესში, რათა უზრუნველყოფილი იქნას საპროექტო დავალების სწორად შესრულება. ამისათვის საპროექტო ორგანიზაციამ საპროექტო ობიექტზე აზომვების წარმოებისას უზრუნველყოს ზემოაღნიშნული სამსახურის ჩართულობა (აცნობოს ვიზიტის განხორციელების შესახებ), ეტაპობრივად უნდა მიაწოდოს მომზადებული საპროექტო დოკუმენტაცია, რათა მოხდეს
მისი განხილვა და შეთანხმება.

1.2.8 საპროექტო დოკუმენტაციის წინასწარი განხილვის აუცილებლობის შემთხვევაში, შემსყიდველის მხრიდან წინასწარი შ ეტყობინების საფუძველზე, შეტყობინებიდან არაუგვიანეს 5 კალენდარული დღისა განახორციელოს კონკრეტული მომენტისათვის, კონკრეტულ ობიექტზე არსებული დოკუმენტაციის კონსოლიდაცია და წარდგენა შემსყიდველისათვის.

მომსახურების მიწოდების (ექსპერტიზის მომსახურების ჩათვლით) ვადა განისაზღვრება ხელშეკრულების დადებიდან 30 (ოცდაათი) კალენდარული დღე.

1. მომსახურების გაწევის ფორმა: მიმწოდებელი ვალდებულია გადასცეს შემსყიდველ ორგანიზაციას სრული საპროექტო დოკუმენტაცია, რომელიც წარმოდგენილი უნდა იქნეს შემსყიდველი ორგანიზაციის ტექნიკური დავალების შესაბამისად.
საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
პროექტის ტექსტური ნაწილი უნდა იყოს ,,Word”-ის ფორმატში, ბეჭდური ფორმით,“sylfaen”,ხარჯთაღრიცხვის ცხრილები – ,,Excel” ფორმატში, ხოლო ნახაზები - „ArchiCAD“ (PLA) ან „AutoCAD”DWG ფორმატში და ,,PDF” ფორმატში. ამასთან თითოეული ფაილის ზომა არ უნდა აღემატებოდეს 8მბ–ს;
საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია_4 ეგზემპლიარი ბეჭდური (A-3);
ბ)სახარჯთაღრიცხვო დოკუმენტაცია_4 ეგზემპლიარი ბეჭდური(A-4ფორმატი);
გ)საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია_4CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).

2. საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქალაქ ფოთი, დავით აღმაშენებლის ქუჩა N 12

1. 2022 წლის პირველი იანვრიდან მოცემული ტენდერის გამოცხადების დღემდე, პრეტენდენტს უნდა გააჩნდეს საპროექტო მომსახურების გამოცდილება, რომლის ჯამური ღირებულება უნდა შეადგენდეს არანაკლებ 45000 ლარს.

2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;

4.1 პრეტენდენტი ვალდებულია წარმოადგინოს, საანგარიშო პერიოდში საპროექტო მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

4.2 საპროექტო მომსახურება, რომლებიც გაწეულია კერძო კომპანიის (არა შემსყიდველი ორგანიზაცია) დაკვეთით ან/და არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით ან სისტემაში არ არის ან/და არასრულყოფილად არის გაწეული მომსახურების შესახებ ინფორმაცია წარდგენილი, პრეტენდენტმა უნდა წარმოადგინოს გამოცდილების დამადასტურებელი დოკუმენტები ხელმოწერილი ხელშეკრულებები, შესაბამისი მიღება-ჩაბარების აქტები (მათ შორის საბოლოო), შესაბამისი საგადასახადო ანგარიშ-ფაქტურები (ასეთის არსებობის შემთხვევაში), რომელიც უნდა ედრებოდეს საბოლოო მიღება-ჩაბარების აქტში დაფიქსირებულ ფაქტობრივად გაწეული მომსახურების ჯამურ ღირებულებას ან/და საბოლოო ანგარიშსწორების დამადასტურებელი საგადახდო დავალებები. დოკუმენტაცია უნდა აიტვირთოს სატენდერო წინადადებასთან ერთად.

4.3 იმ შემთხვევაში, თუ ხელშეკრულების ფარგლებში საპროექტო მომსახურება გაწეულია ერთობლივად, ამხანაგობის მიერ, პრეტენდენტმა ასევე უნდა წარმოადგინოს ამხანაგობის წევრების უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების მომსახურება გასწია ამხანაგობის მონაწილეებმა ცალ-ცალკე, აღნიშნული ხელშეკრულების ფარგლებში.

1. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში წარმოდგენილი უნდა იქნეს დღგ-ს გარეშე. პრეტენდენტი არ ითვალისწინებს დღგ-ს, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად.

2. ტენდერში შერჩევა-შეფასება ხორციელდება წარმოდგენილი წინადადების ფასების მიხედვით. გამარჯვებულ პრეტენდენტთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა.

3. სატენდერო წინადადების ფასი უნდა მოიცავდეს ტენდერით გათვალისწინებული მომსახურების მიწოდებასთან დაკავშირებულ ყველა ხარჯს. ხარჯი, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.

4. იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

5. ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავისია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

6. შემსყიდველი ორგანიზაცია უფლებამოსილია მოსაწოდებელი ან/და მოწოდებული საპროექტო მომსახურების ხარისხის, მოცულობისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე. ხელშეკრულების შესრულების კონტროლს შემსყიდველის მხრიდან განახორციელებს ქალაქ ფოთის მუნიციპალიტეტის მერიის ინფრასტრუქტურის სამსახური.

შესყიდვის თავისებურებიდან (მომსახურების სპეციფიკიდან) გამომდინარე, აღნიშნული სახელმწიფო შესყიდვა წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო. ამდენად, მიმწოდებელს აქვს შესაძლებლობა აღნიშნული მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, წინამდებარე ელექტრონულ ტენდერში პრეტენდენტის მიერ შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში მას არ წარმოეშვება ფასწარმოქმნის ადეკვატურობის დასაბუთების ვალდებულება.

ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, საპროექტო-სახარჯთაღრიცხვო დოკუმენტაციაზე სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი დასკვნის შესაბამისად, საგადასახადო ანგარიშ–ფაქტურის (კანონმდებლობით გათვალისწინებულ შემთხვევაში) გამოწერისა და გაწეული მომსახურების შესაბამისად მხარეებს შორის გაფორმებული მიღება-ჩაბარების აქტის საფუძველზე.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

მაია სულავა, 591417556, potitenderi2011@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.

2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

3) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.

4) პრეტენდენტს უფლება არ აქვს წარმოადგინოს ალტერნატიული სატენდერო წინადადება.

5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებს.

6) პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.