Ремонт и техническое обслуживание строительных сооружений (Грузия - Тендер #59983528)

სამაცივრე დანადგარების - ჩილერების, VRV სისტემის და ფანკოილების შეკეთება და ტექნიკური მომსახურების შესყიდვა

1.2.1. მიმწოდებელმა უნდა უზრუნველყოს საქართველოს ფინანსთა სამინისტროს საგამოძიებო სამსახურის სამაცივრე დანადგარების - ჩილერების და ფანკოილების) შეკეთება და ტექნიკური მომსახურების გაწევა შემსყიდველის მოთხოვნის შესაბამისად. 1 (ერთი) ერთეული „Ferroli RLA air cooled water chilers“-ის ტიპის ჩილერის , ქ. თბილისში, უნივერსიტეტის ქ. №2ა-ში; 1(ერთი) ერთეული ,,FUJITHERMA"-ს ტიპის ჩილერის ქ. ბათუმში, ფიროსმანის ქ. №5ა-ში. ფანკოილები და VRV სისტემა განთავსებულია ამავე შენობებში.
1.2.2. პრეტენდენტმა უნდა მიუთითოს ფასები განსაფასებელი ცხრილის (პრეისკურანტის) ჩამონათვალში მოცემულ მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილში (პრეისკურანტში) მითითებულ თითოეულ პოზიციაზე სავარაუდო მაქსიმალურ ღირებულებებს. განსაფასებელ ცხრილში მითითებული მომსახურების ფასები უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების და საქონლის ღირებულებასაც.
1.2.3. სამაცივრე დანადგარების შეკეთება და ტექნიკური მომსახურება (საქონლის გათვალისწინებით) უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში წინასწარი შეთანხმების შემდეგ, რომლითაც განისაზღვრება გასაწევი მომსახურების ჩამონათვალი (საჭიროების შემთხვევაში ასეთი მომსახურებისათვის საჭირო თანმდევი საქონლის გათვალისწინებით) და დეტალური აღწერა. მხარეებს შორის შეთანხმებისთვის შესაძლებელია გამოყენებულ იქნას ელექტრონული ფოსტა ან/და შედგეს აქტი მატერიალური ფორმით.
1.2.4. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, აღნიშნული მომსახურების ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.5. ტენდერში ვაჭრობა გაიმართება განფასების ცხრილის (პრეისკურანტი) ჯამურ სავარაუდო ღირებულებაზე.
ა) სატენდერო დოკუმენტაციის ფასების ცხრილში (ხარჯთაღრიცხვა) მითითებული გასაწევი მომსახურების ერთეულის ფასები (მომსახურების ზღვრული ფასი) არ უნდა აღემატებოდეს შესაბამის პოზიციებზე შემსყიდველის მიერ მითითებულ სავარაუდო ფასებს (შემოთავაზებული ფასი).
ბ) ელექტრონული ვაჭრობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ დაფიქსირებულ წინადადების საბოლოო ფასს შორის არსებული სხვაობიდან გამოთვლილი (გამოყვანილი) პროცენტის შესაბამისად. პრეტენდენტმა მინიმუმ აღნიშნული პროცენტის შესაბამისად პროპორციულად უნდა შეამციროს თითოეული მომსახურების ღირებულება, ხოლო კლების შემდგომ, იმ შემთხვევაში თუ მომსახურების ერთეულის ღირებულება არ იქნება მთელი რიცხვი, უნდა დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტის ჯამური ღირებულება არ უნდა აღემატებოდეს ვაჭრობის შედეგად სისტემაში საბოლოოდ დაფიქსირებული პრეისკურანტის ჯამურ ღირებულებას;
1.2.6. პრეისკურანტში ნულით განფასებული მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის („-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

მიმწოდებელმა უნდა უზრუნველყოს სამაცივრე დანადგარების - ჩილერების და ფანკოილების შეკეთება და ტექნიკური მომსახურების გაწევა ხელშეკრულების გაფორმებიდან, მაგრამ არაუადრეს 2025 წლის 1 იანვრიდან 2025 წლის 31 დეკემბრის ჩათვლით, ეტაპობრივად, შემსყიდველის მოთხოვნის შესაბამისად, შემსყიდველის წერილობით მოთხოვნიდან არაუგვიანეს 5 (ხუთი) სამუშაო დღის განმავლობაში, წერილში მითითებულ მისამართზე.

მიმწოდებელმა უნდა უზრუნველყოს საქართველოს ფინანსთა სამინისტროს და საქართველოს ფინანსთა სამინისტროს საგამოძიებო სამსახურის სამაცივრე დანადგარების - ჩილერების და ფანკოილების შეკეთება და ტექნიკური მომსახურება შემდეგ მისამართებზე: ქ. თბილისი, უნივერსიტეტის ქ. №2; ქ. ბათუმი, ფიროსმანის ქ. №5ა.

1.7.1.1 პრეტენდენტმა ერთიანი ელექტრონული სისტემის საშუალებით უნდა წარმოადგინოს ინფორმაცია საგარანტიო ვადის შესახებ.

1.7.1.2 სამაცივრე დანადგარების - ჩილერების და ფანკოილების დაზიანებული ნაწილი უნდა შეიცვალოს ახალი ნაწილით. ამასთან, მიმწოდებლის მიერ შეცვლილ ნაწილებზე გარანტია უნდა ვრცელდებოდეს მიღება-ჩაბარების აქტის გაფორმებიდან მინიმუმ 6 (ექვსი) თვის განმავლობაში, გარდა იმ შემთხვევებისა, როდესაც დაზიანება გამოწვეულია მექანიკური ზემოქმედებით.

1.7.1.3 საგარანტიო ვადა გასულად არ ჩაითვლება და მიმწოდებელს ეკისრება წუნდებული საქონლის შეცვლის ან/და შეკეთების, ასევე თანმდევი მომსახურების გაწევის ვალდებულება საგარანტიო ვადის გასვლის შემდეგაც, თუკი საგარანტიო ვადის განმავლობაში აღნიშნულის თაობაზე შემსყიდველმა მიმართა მიმწოდებელს შესაბამისი წერილობითი მოთხოვნით.

1.7.1.4 მიმწოდებლის მიერ, საგარანტიო პერიოდის განმავლობაში (მიუხედავად ხელშეკრულების მოქმედების ვადის ამოწურვისა) წუნდებული საქონლის (ასეთის არსებობის შემთხვევაში) შეცვლა ან/და შეკეთება და თანმდევი მომსახურების გაწევა, უნდა განხორციელდეს შემსყიდველის მხრიდან რაიმე დამატებითი ხარჯების გაწევის გარეშე.

პრეტენდენტს უნდა ჰქონდეს ანალოგიური ტიპის, ხასიათის, სირთულის და შინაარსის მომსახურების გაწევის გამოცდილება.

2.2.1.1 2022 წლის 1 იანვრიდან პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის მომსახურების ღირებულებების ჯამი უნდა იყოს 20 000 ლარზე მეტი;
2.2.1.2 ანალოგიური ტიპის, ხასიათის, სირთულის და შინაარსის მომსახურებას მიეკუთვნება: სამაცივრე დანადგარების ან/და ჩილერების ან/და VRV სისტემის ან/და ფანკოილების შეკეთება ან/და ტექნიკური მომსახურება.
2.2.1.3 ინფორმაცია გამოცდილების შესახებ წარმოდგენილი უნდა იყოს დანართი N2-ის შესაბამისად;
2.2.1.4 პრეტენდენტის გამოცდილება უნდა დასადასტურდებოდეს:
2.2.1.4.1 ხელშეკრულებით;
2.2.1.4.2 წარმოდგენილი ხელშეკრულებების მიღება-ჩაბარების აქტებით ან/და სხვა შესრულების დამადასტურებელი დოკუმენტებით და დადასტურებული ანგარიშ-ფაქტურებით ან/და სასაქონლო ზედნადებ(ებ)ით;
2.2.1.4.3 სახელმწიფო შესყიდვის განხორციელების შემთხვევაში პრეტენდენტს შეუძლია დანართი N2-ის ცხრილში მიუთითოს შესაბამისი SPA ან/და NAT ან/და CMR ან/და სხვა ნომერი (ასეთ შემთხვევაში არ არის სავალდებულო სისტემაში იმ დოკუმენტაციის ატვირთვა, რომელიც უკვე ატვირთულია სახელმწიფო შესყიდვების ერთიან ელექტრონულ სისტემაში).

პრეტენდენტის მიერ ერთიან ელექტრონულ სისტემაში ასატვირთი ინფორმაცია:
2.9.1. განფასებული პრეისკურანტი Excel-ის ცხრილის სახით (სატენდერო პირობების 1.3 პუნქტის შესაბამისად).
2.9.2. ინფორმაცია საგარანტიო პირობების შესახებ (1.7.1 პუნქტის შესაბამისად).
2.9.3. გამოცდილების დამადასტურებელი დოკუმენტაცია (2.2.1 პუნქტის შესაბამისად).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის, საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლთ განსაზღვრული პირობები.

7.2.1. სატენდერო წინადადების ფასი უნდა მოიცავდეს მომსახურების გაწევასთან დაკავშირებულ ყველა ხარჯს, ასევე საქართველოს კანონმდებლობით გათვალისწინებულ ყველა გადასახადს.
7.2.2. ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში, ყოველთვიურად, ფაქტიურად გაწეული მომსახურების შესაბამისად, მიღება–ჩაბარების აქტის გაფორმებისა და საქართველოს კანონმდებლობით გათვალისწინებული საგადასახადო დოკუმენტაციის შემსყიდველ ორგანიზაციაში წარმოდგენის შემდეგ.
7.2.3 დაფინანსების წყარო: 2025 წლის სახელმწიფო ბიუჯეტი.

7.2 პუნქტში აღნიშნული დოკუმენტაციის გაფორმებიდან/წარმოდგენიდან არაუგვიანეს 10 სამუშაო დღე.

გიორგი ლაბაძე, 551159083, g.labadze@mof.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. პრეტენდენტი, რომელიც მონაწილეობას მიიღებს აღნიშნულ ტენდერში, ავტომატურად ეთანხმება სატენდერო დოკუმენტაციით გათვალისწინებულ ყველა მოთხოვნას.
10.1.6.შემსყიდველთან წინასწარი შეთანხმების საფუძველზე, პრეტენდენტს, მომსახურების გაწევის ადგილების ნახვა შეუძლია სატენდერო დოკუმენტაციის 1.5 პუნქტით განსაზღვრულ მისამართებზე.