Лабораторные услуги (Грузия - Тендер #59983527)

ქ. ბათუმის ტერიტორიაზე არსებული დაწესებულებების სანიტარულ-ჰიგიენური მონიტორინგის მომსახურება

ტექნიკური პირობები

1.1 შესასრულებელი მომსახურება მოიცავს:
1. საანალიზო ნიმუშების ჩამონაბან-ჩამონარეცხების აღებას ნაწლავის ჩხირის პოვნიერებაზე წლის განმავლობაში სულ-6500 საზოგადოებრივი მნიშვლელობის დაწესებულებებში: ა(ა)იპ საბავშვო ბაღებში, კერძო საბავშვო ბაღებში, სტუდიებში, სსიპ სკოლებში (კვების ბლოკიდან), კერძო სკოლებში, საცურაო აუზებში, სასტუმროებში, მუნიციპალურ სასადილოებში;
2. მზა კერძების კვლევას კალორიულობაზე სულ-210 ერთეული: ა(ა)იპ საბავშვო ბაღებში, კერძო საბავშვო ბაღებში, მუნიციპალურ სასადილოებში;
3. განათების კოეფიციენტის განსაზღვრა წლის განმავლობაში სულ-120 ერთეული, როგორც კერძო ისე საჯარო სკოლებში;
4. სასტუმროებში და სხვა ობიექტებში არსებული საცურაო აუზებიდან აუზის წყლის ხარისხის კვლევა ქიმიურ და ბაქტერიოლოგიურ მაჩვენებლებზე წლის განმავლობაში სულ-26 ერთეული;
5. სადეზინფექციო საშუალებების ქიმიური კვლევა წლის განმავლობაში სულ-35 ერთეული სკოლამდელი აღზრდის დაწესებულებებში, სსიპ სკოლებში, კერძო სკოლებში, სასტუმროებში, საცურაო აუზებში, მუნიციპალურ სასადილოებში;
6. სტომატოლოგიურ კლინიკებში (სტომატოლოგიური ინსტრუმენტების) კვლევა სტერილობაზე წლის განმავლობაში სულ-180 ერთეული;
7. კვების პროდუქტების მონიტორინგი მუნიციპალურ სასადილოებში სულ-88 ნიმუში (ცხრილი N1-ის შესაბამისად).

1.2. მომსახურების შესრულების წესი:

1. მზა კერძების ნიმუშები კალორიულობაზე აღებული უნდა იქნას შემდეგი წესების დაცვით: კერძის მიტანის შემდეგ მომხმარებლის მაგიდიდან ჭამის დაწყებამდე (ან უშუალოდ ქვაბიდან) აღებული უნდა იქნას 2-2 (ულუფა) ნიმუში ამისათვის სპეციალურად გამზადებულ მინის ქილაში, ნიმუში უნდა აიღონ თითო ულუფა მზა კერძის ყოველი სახეობიდან, ნიმუშები ილუქება ადგილზე, უკეთდება მარკირება მ/შ ერთი ნიმუში რჩება ადგილზე, ხოლო მე-2 ნიმუში გამცილებელი დოკუმენტაციით იგზავნება ლაბორატორიაში, საუზმის ნიმუშების აღებაში არ უნდა მონაწილეობდეს ის თანამშრომელი, რომელიც ატარებს წარმოდგენილი ნიმუშების ანალიზს.
2. განათების კოეფიციენტის განსაზღვრა ხდება ლუქსომეტრით და განათება უნდა განისაზღვროს იატაკიდან 0,8 მ. სიმაღლეზე ჰორიზონტალურ ზედაპირზე, ცალკეული შერჩეული წერტილების მიხედვით, სკოლის საკლასო ოთახებში განათება ისაზღვრება მაგიდის ზედაპირიდან.
3. ნაწლავის ჩხირის ჯგუფის ბაქტერიებზე ანალიზის ჩასატარებლად ჩამონარეცხები აიღება ლაბორანტის მიერ შესაბამისი წესების დაცვით: ბაღში აიღება თითოეულ ჯგუფში სათამაშოებიდან, თეფშებიდან, ჭიქებიდან, მაგიდის ზედაპირიდან, სკამების ზედაპირიდან, კარის სახელურებიდან, თეთრეულიდან, სამზარეულოში მზარეულის ხელიდან, წინსაფრიდან და სამზარეულო ჭურჭლიდან. სკოლებში კვების ბლოკიდან, სასტუმროებში კვების ბლოკიდან და თეთრეულიდან, მუნიციპალურ სასადილოებში სასადილო და სამზარეულო ჭურჭლიდან.
4. სტომატოლოგიურ კაბინეტებში კვლევა სტერილობაზე უნდა ჩატარდეს საქართველოს მთავრობის 2015 წლის 24 აპრილის დადგენილება 185-ის „სამედიცინო, საზოგადოებრივი ჯანმრთელობისა და საზოგადოებრივი მნიშვნელობის დაწესებულებებში დეზინფექციისა და სტერილიზაციის“ ტექნიკური რეგლამენტის მოთხოვნების შესაბამისად.
5. სასტუმროებში და სხვა სახით არსებული საცურაო აუზების წყლის აღება და გამოკვლევა წარმოებს (ფიზიკო-ქიმიურ, მიკრობიოლოგიურ მაჩვენებლებზე) საცურაო აუზების მოწყობისა და ექსპლუატაციის სანიტარიული წესებისა და ნორმების (სანწდან 2.1.4. 004-01) შესაბამისად, კერძოდ;
საცურაო აუზის წყლის ხარისხის კონტროლი ტარდება შემდეგ მაჩვენებლებზე:
ა. ძირითადი მიკრობიოლოგიური და ფიზიკო-ქიმიური მაჩვენებლები (საერთო კოლიფორმული ბაქტერიები, კოლიფაგები, თერმოტოლერანტული კოლიფორმული ბაქტერიები, ლეციტინა დადებითი სტაფილოკოკები), ასევე წყალბადის მაჩვენებელი, ამონიუმის აზოტი, ქლორიდები, ნარჩენი ქლორი.
ბ. ორგანოლეპტიკური მაჩვენებლები (სიმღვრივე, ფერიანობა, სუნი) ანალიზისათვის წყლის ნიმუშს იღებენ აუზის წყალმცირე და ღრმა ნაწილებში, წყლის ზედაპირიდან 25-30 სმ სიღრმეზე, მიკრობიოლოგიური ანალიზისათვის გამოიყენება სტერილური მინის ჭურჭელი.
კოლიფორმულ ბაქტერიებზე ბაქტერიოლოგიური ანალიზის ჩასატარებლად ჩამონარეცხები აიღება: აუზის აბაზანის სახელურებიდან, გასახდელებში სკამებიდან, გასახდელიდან საშხაპეებში გამავალი კარების სახელურის ზედაპირიდან.
6. ქიმიური ანალიზებისათვის ნიმუშების აღება წარმოებს სადეზინფექციო ხსნარებში აქტიურად მოქმედი ნივთიერებების (პროცენტული რაოდენობის) განსაზღვრის მიზნით.
7. უფასო მუნიციპალურ სასადილოებში (ცხრილი N1) სასურსათო პროდუქტების კვლევა უნდა ჩატარდეს საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტო N301/ნ ბრძანების „ჰიგიენური მოთხოვნები სასურსათო ნედლეულისა და საკვები პროდუქტების ხარისხისა და უსაფრთხოებისადმი“ სანიტარიული წესები და ნორმები სანწდან 2.3.2.00-00.
8. საანალიზო ნიმუშების აღება და ტრანსპორტირება უნდა გახორციელდეს გამარჯვებული მიმწოდებლის მიერ.

პრეტენდენტის ხელმოწერა -------------------------------

მომსახურება უნდა განხორციელდეს 2025 წლის იანვრიდან 2025 წლის 25 დეკემბრამდე, ეტაპობრივად, შემსყიდველის მოთხოვნის შესაბამისად.
მომსახურება უნდა განხორციელდეს შემსყიდველის მოთხოვნისთანავე, დაუყოვნებლივ.

მომსახურების გაწევის ფორმა მოცემულია სატენდერო დოკუმენტაციის ტექნიკურ პირობებში;
სანიტარულ-ჰიგიენური მონიტორინგი უნდა განხორციელდეს ქ. ბათუმის ტერიტორიაზე არსებულ დაწესებულებებში.

ინფორმაცია პრეტენდენტის სპეციალისტების გამოცდილების შესახებ:
ა) პრეტენდენტს უნდა ჰყავდეს მინიმუმ 3 (სამი) სპეციალისტი, რომელთაც უნდა ჰქონდეთ ტენდერით გათვალისწინებულ სფეროებში მუშაობის არანაკლებ ორწლიანი გამოცდილება.
ბ) ინფორმაცია წარმოდგენილ უნდა იქნეს დანართი №2-ის შესაბამისად;
გ) პრეტენდენტმა უნდა წარმოადგინოს სპეციალისტთა გამოცდილების დამადასტურებელი დოკუმენტაცია (CV, ასევე ან ხელშეკრულება, ან ცნობა ან სხვა დამადასტურებელი დოკუმენტი) შრომითი ხელშეკრულების ასლთან ერთად, რომელთა მოქმედების ვადა 1 თვით უნდა აღემატებოდეს წინამდებარე ტენდერით გასაწევი მომსახურების დასრულების ვადას.

პრეტენდენტს უნდა გააჩნდეს სსიპ „აკრედიტაციის ერთიანი ეროვნული ორგანო-აკრედიტაციის ცენტრის“ მიერ გაცემული აკრედიტაციის დამადასტურებელი დოკუმენტაცია იმ სფეროების ჩამონათვალით, რაზედაც უფლებამოსილია აწარმოოს კვლევები და რომლითაც დადასტურდება, რომ პრეტენდენტს შეუძლია მოცემულ ტენდერში განსაზღვრული მაჩვენებლების გამოკვლევა.

თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე, ერთეულის ფასები წარმოდგება მრავალნიშნა ათწილადის სახით, გამარჯვებული პრეტენდენტი ვალდებულია შეამციროს ერთეულის ფასი და დაამრგვალოს მეასედებამდე. შესაბამისად, შეამციროს საერთო ფასიც.

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმებისა და დღგ-ს ანგარიშ-ფაქტურის წარმოდგენის შემდეგ

10 (ათი) სამუშაო დღის განმავლობაში

იამზე ზოსიძე, 577242707, izosidze5@gmail.com (0422) 27 26 18 (შესყიდვების პროცედურებთან დაკავშირებით)
ტექნიკურ საკითხებთან დაკავშირებით - მარინე რუხაძე, ტელ: 577 30 26 59

პრეტენდენტმა უნდა უზრუნველყოს:
ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, შემდეგი თანმიმდევრობით:
-ტექნიკური პირობები;
-ფასების ცხრილი;
-ინფორმაცია პრეტენდენტის სპეციალისტთა გამოცდილების შესახებ;
-სატენდერო დოკუმენტაციის 2.7.1. პუნქტით გათვალისწინებული მოთხოვნები;
ბ) ყველა დოკუმენტი (გარდა excel ფორმატის ფაილისა) ხელმოწერილი (კვალიფიციური ელექტრონული ხელმოწერით ან/და კვალიფიციური ელექტრონული შტამპით) უნდა იყოს უფლებამოსილი პირის მიერ. დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე.