Банковские услуги и инвестиции (Грузия - Тендер #59983521)

წყლისა და კანალიზაციის მოხმარებისათვის აბონენტებისაგან გადასახადების საკასო მიღება, დამუშავება და შემსყიდველისათვის ინფორმაციის მიწოდების მომსახურება

წყლისა და კანალიზაციის მოხმარებისათვის აბონენტებისაგან გადასახადების საკასო მიღების, დამუშავებისა და შემსყიდველისათვის ინფორმაციის მიწოდების მომსახურება მოიცავს:
ა) მიმწოდებელმა უნდა უზრუნველყოს აბონენტებისაგან გადასახადების მიღება და მიღებული გადასახადების ჩარიცხვა შემსყიდველის მიერ მითითებულ საბანკო ანგარიშზე.
ბ) გადასახადების მიღების შემდეგ, მიმწოდებელმა უნდა უზრუნველყოს აბონენტებისათვის მის მიერ გადახდილი თანხის დამადასტურებელი დოკუმენტის გადაცემა.
გ) გადასახდების მიღების განხორციელების მიზნით მიმწოდებელი, ტექნოლოგიური არხების მეშვეობით, შემსყიდველის საბილინგო სისტემიდან (შემსყიდველის მონაცემთა ცენტრალური ბაზა, სადაც ცალ-ცალკე მოცემულია ყველა აბონენტის ანგარიში, სადაც თითოეული აბონენტისათვის გაწეული მომსახურეობისა და გადახდილი გადასახადების მიხედვით აღირიცხება აბონენტის დავალიანებისა და ავანსის საბოლოო ნაშთი, და რომელზედაც მიმწოდებელს, ტექნიკური საშუალებების გამოყენებით, გააჩნია შემსყიდველის მიერ დაშვებული წვდომის ელექტრონული საშუალება ხელშეკრულებით განსაზღვრულ ფარგლებში) მიიღებს ინფორმაციას აბონენტთა მიმდინარე დავალიანების შესახებ.
დ) მიმწოდებელი ვალდებულია დააფიქსიროს აბონენტთა მიერ განხორციელებული გადასახდების შესახებ ინფორმაცია შემსყიდველის საბილინგო სისტემაში რეალური დროის რეჟიმში გადახდის დღესვე. შემსყიდველი უზრუნველყოფს მიმწოდებლის წვდომადობას, შემსყიდველის საბილინგო სისტემაში 24 საათის განმავლობაში; წვდომადობის დარღვევის შემთხვევაში, აღმოჩენისთანავე შეატყობინებს მიმწოდებელს და მიიღებს ყველა ზომას წვდომადობის აღსადგენად გონივრულ ვადაში.
ე) მიმწოდებელმა უნდა უზრუნველყოს გადახდების ჩარიცხვა შემსყიდველის ანგარიშზე:
- არაუგვიანეს ხუთი საბანკო დღისა, მაგრამ თვის ბოლო რიცხვში იმავე სამუშაო დღეს.
- თუ გადახდა განხორციელდა პლასტიკური ბარათის საშუალებით, ბანკი ვალდებულია განახორციელოს ჩარიცხვა არაუგვიანეს ოთხი საბანკო დღისა.

მიმწოდებელმა მომსახურების გაწევა უნდა განახორციელოს ხელშეკრულების გაფორმებიდან 2025 წლის 31 დეკემბრის ჩათვლით პერიოდის განმავლობაში.

მომსახურების შესრულების ადგილი – მიმწოდებლის გადასახადების საკასო მიმღები პუნქტები (სერვის ცენტრი) ქალაქ ბათუმის ტერიტორიაზე, სხვადასხვა ადგილას.

პრეტენდენტს სავალდებულოა გააჩნდეს არანაკლებ 50 (ორმოცდაათი) აბონენტებისაგან გადასახადების საკასო მიმღები პუნქტი (სერვის ცენტრი) ქალაქ ბათუმის ტერიტორიაზე, სხვადასხვა ადგილას. პრეტენდენტმა უნდა წარმოადგინოს ინფორმაცია აბონენტებისაგან გადასახადების საკასო მიმღები პუნქტების ქსელის შესახებ (კონკრეტული მისამართების მითითებით). აღნიშნული ინფორმაცია პრეტენდენტმა უნდა ატვირთოს ელექტრონულ სისტემაში.

4.1.1.1 იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი.
4.1.1.2 ფასწარმოქმნის ადეკვატურობა, შესაძლებელია დასაბუთდეს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამის სფეროში უფლებამოსილების/აკრედიტაციის დამადასტურებელი დოკუმენტი. დოკუმენტში გარკვევით უნდა იკითხებოდეს თუ რომელ სფეროშია აკრედიტირებული დასკვნის გამცემი პირი) ან/და სხვა იმ პირის მიერ, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ შესაბამის სფეროში სერტიფიცირებული შემფასებელი. სხვა პირის მიერ გაცემული საექსპერტო ან/და საშემფასებლო დასკვნა განხორციელებული უნდა იყოს და შეფასების ანგარიშზე/დასკვნაზე ხელი მოწერილი უნდა ჰქონდეს აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს; პრეტენდენტის მიერ შეფასების ანგარიშთან/დასკვნასთან ერთად წარმოდგენილ უნდა იქნას აკრედიტებული შემფასებელთა სერტიფიკაციის ორგანოს მიერ შემფასებელზე გაცემული სერტიფიკატის ასლი (სერთიფიკატის გამცემი შემფასებელთა სერტიფიკაციის ორგანო აუცილებლად უნდა იყოს აკრედიტებული სსიპ ,,აკრედიტაციის ერთიანი ეროვნული ორგანო-აკრედიტაციის ცენტრი’’-ს მიერ). აღნიშნული დოკუმენტების წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით უნდა დასტურდებოდეს სატენდერო პირობებით განსაზღვრული ვალდებულების შესრულების შესაძლებლობა პრეტენდენტის მიერ დაფიქსირებული სატენდერო წინადადების ფასით.
4.1.1.4 ფასწარმოქმნის ადეკვატურობის დაუსაბუთებლობა მითითებულ ვადაში ან ფასწარმოქმნის ადეკვატურობის დამადასტურებელი დოკუმენტების შეუსაბამობა სატენდერო პირობებთან ან/და სატენდერო წინადადებასთან, გამოიწვევს პრეტენდენტის დისკვალიფიკაციას, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის 1-ლი პუნქტის ,,დ’’ ქვეპუნქტის საფუძველზე.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში.
7.2.2. თუ ხელშეკრულებით განსაზღვრული მომსახურების მოცულობების ღირებულებამ არ შეადგინა აღნიშნული ხელშეკრულებით გათვალისწინებული თანხა, ასეთ შემთხვევაში შემსყიდველი გადაუხდის მიმწოდებელს ფაქტიურად შესრულებული მომსახურების მოცულობების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს შეუსრულებელი მომსახურების მოცულობების ანაზღაურებაზე.

ანგარიშსწორება განხორციელდება ეტაპობრივად მიმწოდებლის მიერ მომსახურების გაწევისთანავე

თამარ თურმანიძე, 555988668, tamar.turmanidze1995@gmail.com 577 511 033