Прочие услуги (Грузия - Тендер #59983509)

რეცხვისა და დაუთოების მომსახურება.

გასარეცხი სანივთე ქონების საერთო რაოდენობა - 20 000 კგ.

1. გარეცხილ თეთრეულს და სანივთე ქონებას არ უნდა აღენიშნებოდეს ლაქები და უნდა იყოს დაუთოებული;
2. რეცხვის დროს არ უნდა იყოს დაზიანებული ქსოვილი;
3. მომსახურების ღირებულებაში გათვალისწინებული უნდა იყოს მიმწოდებლის მიერ გაწეული ყველა ხარჯი, მათ შორის თეთრეულის და სანივთე ქონების ტრანსპორტირების ხარჯი, ასევე კანონმდებლობით დადგენილი ყველა გადასახადი;
4. მიმწოდებელმა უნდა უზრუნველყოს გასარეცხი თეთრეულისა და სანივთე ქონების წაღება სამხედრო ნაწილებიდან და გარეცხილი თეთრეულისა და სანივთე ქონების უკან მიტანა 3-5 დღის განმავლობაში;
5. გასარეცხი თეთრეულის ჩამონათვალი: ზეწარი, ბალიშის პირი, პირსახოცი, საცვალი (ფერადი), ბამბის ტრუსი.
გასარეცხი სანივთე ქონების ჩამონათვალი: საჭიროების შემთხვევაში პლედი (ადიელა), კომუფლირებული მაისური, ქურთუკი, ფორმა კომუფლირებული ქუდით, თბილი ჯემპრი, საძილე ტომარა, და სპორტული ტანსაცმელი.
6. თეთრეული და სანივთე ქონება შემსყიდველს უნდა მიეწოდოს ხარისხიანად გარეცხილი და დაუთოებული, რომელიც შემოწმდება პასუხისმგებელი პირის მიერ;
7. სანივთე ქონება უნდა იყოს მაღალი ხარისხის სარეცხი საშუალებით გარეცხილი;
8. ჰიგიენური ბარიერი უნდა იქნას დაცული.

ა) 2025 წლის 01 თებერვლიდან ეტაპობრივად მოთხოვნის შესაბამისად 2025 წლის 31 დეკემბრის ჩათვლით;

ბ) შემსყიდველის მხრიდან ანაზღაურება განხორციელდება მიმწოდებლის მიერ ფაქტიურად გაწეული მომსახურების შესაბამისად.

ა)აღმოსავლეთ საქართველოში შედის შემდეგი ტერიტორიული ერთეულები: თბილისის, გარდაბნის, მარნეულის, ბოლნისის, დედოფლისწყაროს, თელავის, საგარეჯოს, გურჯაანის, გორის, ახალციხის, ახალქალაქისა და ხაშურის მუნიციპალიტეტები.

ბ)დასავლეთ საქართველოში შედის შემდეგი ტერიტორიული ერთეულები: ბათუმის, ფოთის, ქუთაისის, ხელვაჩაურის, ზუგდიდის, ხონის, სენაკის, ქობულეთის, ზესტაფონის, საჩხერის, ბაღდათისა და წყალტუბოს მუნიციპალიტეტები.

გ)შემსყიდველის მიერ მოთხოვნის წარუდგენლობის შემთხვევაში შესყიდვის ობიექტის მიწოდებისა და ანგარიშსწორების ვალდებულება არ წარმოიშობა.

პრეტენდენტს, 2022 წლიდან ტენდერის გამოცხადების თარიღამდე (კონკრეტულ წელს მნიშვნელობა არ ენიჭება) უნდა გააჩნდეს ანალოგიური მომსახურების გაწევის გამოცდილება, შესყიდვის სავარაუდო ღირებულების არანაკლებ 100 %-ის ოდენობით (დღგ-ს გათვალისწინებით).

აღნიშნულის დასადასტურებლად ტენდერში მონაწილე პრეტენდენტებმა სახელმწიფო შესყიდვების ერთიან ელექტრონულ სისტემაში უნდა ატვირთონ გამოცდილების დამადასტურებელი დოკუმენტების დედნები/ასლები (შემსყიდველი ორგანიზაციის დასახელების, მიწოდების ვადების და ღირებულების მითითებით მომსახურების გაწევის მიღება-ჩაბარების აქტ(ებ)ი და მიღება-ჩაბარებასთან ერთად საქონლის მიწოდებასთან დაკავშირებული სასაქონლო ზედნადებები ან/და საგადახდო ანგარიშფაქტურები).

იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული SPA/CMR/NAT ნომერი და ხელშეკრულებას უნდა ჰქონდეს მინიჭებული სტატუსი „შესრულებული ხელშეკრულება“ ან/და სისტემაში ატვირთული უნდა იყოს მომსახურების გაწევასთან დაკავშირებული მიღება-ჩაბარების აქტები, იმ შემთხვევაში თუ ხელშეკრულებას ექნება მინიჭებული სტატუსი „მიმდინარე ხელშეკრულება“.

ა) სატენდერო წინადადებაში საერთო და ერთეულის ფასი გამოსახული უნდა იყოს ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯის და გადასახადის გათვალისწინებით, დამატებული ღირებულების გადასახადის (დღგ-ს) ჩათვლით.

შესყიდვის ობიექტის თავისებურებიდან გამომდინარე, საქართველოს ბაზარზე ოპერირებულ კომპანიებს შორის ურთიერთ კონკურენციიდან გამომდინარე, შესაბამის ბაზარზე არსებულ კომპანიებს შეუძლიათ შემსყიდველს საბაზრო ღრებულებაზე ნაკლებ ფასად შესთავაზონ სატენდერო დოკუმენტაციით განსაზღვრული შესყიდვის ობიექტი. კონკურენციის გაზრდისა და ხელსაყრელი ფასის მიღების მიზნით, სახელმწიფო შესყიდვების სააგენტოს თავჯდომარის 2017 წლის 14 ივნისის N12 ბრძანების მე-18 მუხლის საფუძველზე, ფასწარმოქმნის ადეკვატურობის დამადასტურებელი დოკუმენტი წინამდებარე ტენდერში არ მოითხოვება.

ანგარიშსწორება განხორციელდება მიღება-ჩაბარების აქტის გაფორმების შემდეგ.

ანაზღაურება მოხდება ფაქტიურად გაწეული მომსახურების შესაბამისად, მიმწოდებელს არა აქვს უფლება მოითხოვოს შემსყიდველისგან მომსახურების სრული მოცულობით ანაზღაურება.

მომსახურების გაწევის მიღება-ჩაბარების აქტის ხელმოწერიდან 15 (თხუთმეტი) სამუშაო დღის ვადაში.

ქეთევან ზანგურაშვილი, 599131916, kezangurashvili@mod.gov.ge

ა) სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
ბ) დოკუმენტების წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით (ნოტარიულად დამოწმებული) შესრულებული თარგმანები ქართულ ენაზე;
გ) ყველგან თუკი სადმე მითითებულია სასაქონლო ნიშანი, მოდელი ან მწარმოებელი იგულისხმება ,,მსგავსი“ ან ,,ექვივალენტური“;
დ) ხელშეკრულების გაფორმებისას ერთეულის ღირებულება დამრგვალდება მეასედებამდე ნაკლებობისკენ.